由 於 "ICU" ( 深 切 治 療 部 英 文 簡 稱 ) 的 探 病 時 間 同 普 通 病
房 的 唔 同 ， 為 免 搔 擾 到 病 人 和 影 響 醫 護 人 員 隨 時 進 行
急 救 ， 每 次 進 入 病 房 o既 人 數 同 時 間 都 有 所 限 制 ( 即 係
唔 可 以 比 你一 大 棚 人 入 去 任 坐 ， 搣 晒 橙 ， 插 晒 花 ， 傾
晒 偈 果 隻 ！ ) 不 過 o的 姑 娘 同 我 講 通 常 入 得 o黎 "ICU" 都
預 o左 唔 探 得 幾 耐 ， 少 少 時 間 咪 夠 o羅 ， 長 痛 不 如 短 痛
呀 嘛 …… 唔 係 o下 化， 咁 講 o野 都 得 ？ 今 時 今 日 咁 o架 服
務 態 度 點 得 o家 ？！……
每 次 只 限 兩 人 ， 我 同 阿 君 入 去 ， 企 o左 o係 佢 床 邊 ， 佢
就 好 似 睏 著 o左 咁 ， 可 能 係 阿 君 o係 度 ， 我 一 直 都 冇 出
聲 ， 直 到 佢 見 到 我 開 始 唔 耐 煩 ， 佢 先 肯 出 番 去， 咁 又
係 o架 ， 一 日 先 准 探 得 果 幾 粒 鐘 真 係 會 好 擔 心 隨 時 ……
就 係 咁 先 …… ( o彩！) 佢 有 幾 辛 苦 我 點 會 唔 知 ， 記 得 個
零 月 前， 我 又 好 似 佢 宜 家 咁 倒 臥 病 床 ， 雖 然 我 冇 佢 咁
嚴 重 ， 但 係 又 打 針 又 吊 鹽 水 我 都 試 過， 記 得 上 次 佢 郁
到 我 個 吊 鹽 水 針 口 搞 醒 o左 我 ， 仲 好 感 動 咁 圓 滿 收 場，
所 以 咪 試 o下 o羅 ， 點 知 真 係 得 喎 ！ 整 醒 o左 佢 喎 ( 如 果
你 o地 不 幸 又 有 親 人 係 咁 都 可 以 試 試 ) 但 係 今 次 佢 比 我
o既 反 應 就…………
( 前 略 )
欣 ： …………
我 ： 阿 欣，妳 點 呀？ …… 阿 欣！( 我 即 刻 去 搵 醫 生，阿 君
見 到 又 入 埋 o黎 )
君 ： ( 佢 喊 住 咁 匆 入 o黎 ) 家 姐 點 呀！……嗚嗚！…… 唔 好
呀！ 唔 好 呀！
欣 ： …… Jerry …… Jerry …… ( 當 時 其 實 唔 係 好 肯 定 係 咪 Jerry，不 過
知 道 應 該 係 個 英 文 名， 咦！ 唔 係 嗌 我 喎 ， 我 個 英 文名 係 …
( 好 老 土，都 係 唔 講)， 跟 住 望 o下 個 醫 生 個 名 牌 ， 又 唔 似 喎 )
我 ： ( 問 阿 君 ) 係 咪 佢 o的 舊 朋 友 ， 舊 同 學 呀 ？
君 ： ( 擰 擰 頭 咁 ， 不 過 個 樣 有 o的 怪 … ) 嗚 嗚 ！ …… 唔 知 呢 ……
醫生： 你 o地 出 番 去 先 …… ( 阿 君 死 到 唔 肯 行 ， 我 唯 有 拉 佢 出 去 ，
其 實 我 都 想 留 低 ， 但 係 都 怕 自 己 接 受 唔 到 … )
欣 ： ( 好 清 楚 又 大 聲 ) …… 道 明 寺 …… 唔 好 呀 ！ 道 明 寺………
我 ： ( 道 明 寺 ？ ！ 好 似 o係 邊 度 聽 過 咁 …… 我 同 阿 君 果 陣 出 到 走
廊 等 ， 我 問 佢 知 唔 知 阿 欣 講 咩 ？ )
君 ： 流 星 花 園 o羅 …… 暴 龍 呀 ！
我 ： 哦！？…… ( 我 終 於 記 得 o係 公 司 o的 女 同 事 都 講 過 o …… 唉！……)
君 ： 知 咪 好 o羅 ！
欣 ： 道 明 寺 …… ( o的 聲 慢 慢 越 o黎 越 細 ， 我 同 阿 君 都 好 緊 張 )
( 下 略 )
過 o左 一 陣 ， 醫 生 出 o黎 同 我 o地 講 ， 話 阿 欣 應 該 算 叫 做
已 經 醒 番 ， 不 過 佢 仲 好 虛 弱 ， 要 o係 "ICU" 觀 察 o下 ……
之 後 ， 阿 君 就 出 o左 去 大 堂 打 電 話 話 俾 佢 阿 媽 知， 而 我
就 再 入 o左 去 睇 佢， 佢 又 好 似 睏 著 o左 咁， 見 到 佢 咁 ，再
加 上 頭 先 咁 o既 情 境……越 探 越 心 痛！…… 仲 有 少 少 嬲 添，
不 過 佢 終 於 都 醒 番 ， 暫 時 也 可 以 笑 得 落 ！
離 開 o左 醫 院 ， 我 仲 請 阿 君 去 o左 老 麥 食 o野 添 ， 當 係 報
答 番 佢 果 日 幫 我 等 人 送 電 視 機 o黎 (雖 然 係 孖 生 的，但 係
阿 君 比 佢 家 姐 冇 咁 厭 占， 如 果 換 轉 o左 係 阿 欣 佢 一 定 唔
會 去 老 麥 食 ！) 嗨 ！ 見 到 佢 一 手 掙 住 個 包 ， 一 手 又 掙 住
杯 汔 水…又 幾 得 意 喎 (難 怪 o架， 讀 完 書 後 都 佢 未 出 過 o黎
做 o野 ， 所 以 仍 然 一 臉 稚 氣 ) … o而 o依 ！ 望 落 去 又 幾 cute
幾 似 阿 Sa 喎 ！… 咁 又 有 o的 似 阿 Gill … 唔 係 唔 係！ 同 阿 欣
成 日 餅 印 咁 先 o岩 …… 呀！ 救 命 呀 ！千 祈 唔 好 咁 諗 呀！…
究 竟 我 宜 家 最 掛 住 係 邊 個 呢 ？ 阿 欣 ？ 阿 Gill ？ 阿 Sa ？ 定
係 ……？？？？？？
最 後 仲 送 番 阿 君 番 屋 企 ， 嗨 ！ 就 好 似 我 以 前 送 阿 欣 番
屋 企 一 模 一 樣 ， 仲 有 埋 同 一 種 Feel 添 呀 ， 個 心 跳 得 好
犀 厲 ， 又 標 晒 汗 咁 …… ， 佢 見 我 咁 就 問 我 洗 唔 洗 上 去
坐 下 ， 我 竟 然 不 由 自 主 地 講 o左 句 …………
我 ： 俾 妳 阿 媽 見 到 唔 係 咁 好 o既 ！……
o下 ！ …… 咁 都 得 ？ ！
( 25-3-2002，星期一 )
