其 實 我 o地 呢 次 o既 三 人 行 ， 好 不 幸 地 遇 上 o左 惡 劣 o既 天 氣，o係 澳 門
o既 果 幾 日 ， 大 部 份 時 間 都 落 住 傾 盤 大 雨 ...... 所 以 真 正 可 以 出 外 逛 逛 o既 機 會 唔 係 太 多 ， 之 不 過 ...... 機 會 o既 o野 唔 需 要 多 o既 ， 一 次 就 夠 ...... 最 重 要 o既 果 一 件 事 最 終 都 總 算 有 做 到 ...... 至 於 成 效 方 面 就 ...... 另 外 ， 我 仲 揀
o左 兩 件 同 阿 欣 阿 君 有 關 o既 趣 事 同 大 家 分 享 一 下 ...... 以 下 係 第 一 件 ......
我：３１８......３１９......３２０！...... 唉！ 好 啦！ ...... 我 o地 終 於 都 搵 到 間 房 啦！
...... 好 辛 苦 呀！ ......
（ 由 於 係 暑 假 旺 季 ， 所 以 只 可 以 book 到 一 間 有 兩 張 床 o既 細 房 ）
君：哼！......你 已 經 要 我 拎 哂 o的 行 李 個 囉 喎 ...... 仲 o係 度 呻 辛 苦 添 ！ ......
我：......嗚 嗚 ...... 最 弊 我 要 [子貝] 住 最 大 果 件 「行 李」呢！......嗚 嗚 嗚！......
欣：「割......割......」( 好 明 顯 係 「詐 帝」 扯 鼻 鼾 o既 聲 音 囉 )
阿 欣 可 能 係 太 過 「舟」「車」 勞 頓（「舟」= 一 小 時 o既 噴 射 船 程，「車」= 大 半 個 鐘 o既 酒 店 專 車 車 程 ） 搞 到 佢 [支力] 得 滯 ， 仲 死 都 唔 肯 自 己 行 落 車 ...... o係 冇 其 他 辦 法 ， 我 只 好 o係 眾 目 睽 睽 之 下 ，[子貝] 住 阿 欣 入 去 酒 店 度 check-in ， 仲 慘 過 亞 運 會 o的 人 玩 挺 舉 呀！ 我 嬲 得 滯 咪 一 o野 撻 o左 佢 落 床 ...... 唉 ！ 激 死 我 ...... 點 知 道 佢 仲 話 ......
欣：啊 ...... 好 舒 服 呀 ！ ......（ 之 後 就 真 係 慢 慢 咁 睏 著 o左 啦 ）
君：（ 放 低 o左 手 上 面 o既 行 李 o係 地 上 面 ）
...... 唔！......好 [支力] 呀！ ......
雙 手 緩 緩 向 上 伸 直 ， 應 該 係 要 伸 一 個 好 大 o既 懶 腰 ...... 望 落 少 少 ......
佢 瞌 埋 o左 隻 眼 ， 個 口 又 掰 到 好 大，似 乎 想 要 打 一 個 好 深 o既 喊 露 咁 .......
有 o的 肉 酸 ...... 不 過 就 盡 顯 佢 不 拘 少 節 ， 單 純 可 愛 o既 本 色 ......
再 望 落 o的 ...... 哈 哈 哈 ！
...... 可 能 係 佢 個 懶 腰 實 在 係 打 得 太 大 ， 窄 身 Ｔ 恤 突 然 彈 起 ......
o係 呢 一 個 時 候 ， 一 條 小 纖 腰 就 表 露 無 遺 ...... 而 且 仲 隱 約 可 以 見 到 底 褲 仔 o既 邊 邊 添 呀 ^^！ 佢 優 美 o既 身 段 襯 托 住 日 落 西 山 o既 夕 陽 光 線 ...... 沿 著 視 覺 神 經 直 插 我 o既 大 腦 ...... 深 深 咁 刻 劃 o係 我 o既 腦 海 當 中 .....
我：嘩！......（睇 到 我 呆 哂 呀 ！...... 只 可 惜 夕 陽 無 限 好 ...... ）
君：o野 ！ 好 衰 o架 你 ！ ...... 有 乜 o野 好 望 呀 ？ ......
（ 即 刻 用 雙 手 拉 番 好 件 衫 o黎 遮 番 住 個 肚 ）
我：冇......（o雪！）......冇 呀！...... 咦 ！ 乜 妳 要 出 去 呀 ？
君：（o係 個 背 囊 度 拎 o左 個 相 機、 手 提 電 話 同 銀 包 出 o黎）
...... 係 呀 ！ ...... 都 未 o黎 過 澳 門 ...... 諗 住 出 去 行 下 咁 o者 嘛 ......
我：哦 ...... 咁 不 如 等 我 同 埋 妳 一 齊 出 去 啦 ！ ...... 會 安 全 o的 呀 嘛 ！
君：唔 駛 啦 ！ 唔 駛 啦 ！ ...... 我 o係 美 國 住 o個 陣 ， 都 係 一 個 人 咁 自 己 搭 車
、自 己 行 街 o架 啦！ ...... 仲 何 況 呢 度 o的 人 係 同 聲 同 氣 添 ......
我：不 如 妳 都 抖 下 先 ......
等 妳 家 姐 醒 o左 之 後 我 o地 先 一 齊 出 去 食 飯 啦 ！ ......
君：哼 ！ ...... 其 實 你 有 時 間 o既 話 ， 就 好 好 o地 陪 下 家 姐 仲 好 啦 ！
...... o拿 ！ 我 宜 家 出 去 行 一 陣 先 ...... 等 家 姐 醒 o左 你 再 打 電 話 俾 我 ，
先 一 齊 出 o黎 食 飯 啦 ！ ......（ 講 完 就 即 刻 出 o左 門 口 ）
我 知 道 阿 君 o既 目 的 係 製 造 機 會 ， 想 我 多 o的 陪 住 阿 欣 o者 ...... 不 過 ， 我 真 係 唔 行 開 都 唔 得 啦 ！ ...... 因 為 忽 然 間 人 有 三 急 ...... 咪 走o左 入 廁 所 度 解 決 先 囉 ！ ......
我 一 路 去 緊 廁 所 ， 仲 一 路 對 剛 才 難 忘 o既 景 象 念 念 不 忘 ......
正 當 我 諗 到 興 起 之 際 ...... 突 然 出 面 房 間 傳 o黎 一 o的 怪 聲
...... 出 去 一 睇 ， 原 來 係 阿 欣 佢 醒 o左 o者 ......
欣：唔 ！ ...... 張 床 真 係 好 舒 服 啊 ！ ......
我：嘩 ！ ......
真 係 俾 佢 嚇 o左 一 跳 呀 ！ ...... 一 個 披 頭 散 髮 o既 人 頭 慢 慢 咁 向 上 顎 起 ......
一 把 長 而 直 ， 亂 又 旱 o既 頭 髮 分 佈 o左 o係 個 頭 上 面， 前 額 就 留 o左 一 條
罅 隙 ...... 其 中 一 隻 眼 仲 發 住 青 光 咁 碌 大 o左 ， 從 條 罅 隙 度 睄 o左 過 o黎 ......
再 加 埋 出 面 落 霞 昏 暗 o既 環 境 ...... 令 我 不 其 然 就 諗 起 「午 夜 凶 鈴」 入 面
o既 女 主 角 「貞 子」 啦 ！ ......
俾 阿 欣 咁 樣 嚇 o左 一 嚇 之 後 ， 令 到 本 來 興 緻 勃 勃 o既 我 ， 頓 時 又 變 得 垂 哂 頭 、 喪 哂 氣 咁 ， 差 o的 連 晚 飯 都 冇 胃 口 食 添 呀 ！
...... 本 來 諗 住 可 怕 o既 事 情 會 就 此 告 一 段 落 ， 但 係 其 實 宜 家 先 至 係 噩 夢 o既 開 始 o者 ！ ...... 原 來 危 機 一 早 就 已 經 存 在 住 o係 呢 間 房 度 ...... 呢 兩 張 床 上 面 ！ ......
o個 晚 ， 我 o地 三 個 人 就 o係 [乙水] 仔 一 間 好 著 名 o既 葡 國 餐 廳 食 晚 飯 ...... 之 後 就 一 齊 坐 的 士 返 番 酒 店 ...... 都 唔 知 係 我 頭 先 食 o個 o的 o野 唔 乾 淨 丫 ？ ...... 定 係 我 臨 出 門 口 之 前 去 廁 所 去 得 唔 乾 淨 ...... 一 入 到 房 就 即 刻 又 要 去 一 去 廁 所 o勒 ......（ 唔........ 舒 服 哂 ！ ）...... 當 我 一 出 番 o黎 ，就 見 到 佢 o地 兩 姊 妹 分 別 咁 一 人 坐 o左 o係 一 張 床 上 面 ...... 當 然 ， 阿 欣 總 算 都 係 我 o既 老 婆 ...... 好 自 然 我 就 「捐」 o左 上 去 阿 欣 o個 邊 張 床 度 啦 ！...... 阿 君 就 自 己 一 個 人 呆 呆 咁 坐 o左 係 床 上 面 ， 佢 由 落 船 到 宜 家 都 未 休 息 過 ， 照 計 應 該 好 [支力] 好 眼 睏 先 o岩 o架 ...... 點 解 佢 仲 係 囉 囉 攣 咁 唔 肯 睏 o既 呢？ ...... 唔 通 佢 ......
我：阿 君 ...... 做 乜 仲 唔 睏 呀 ？ ...... 唔 係 咁 大 個 女 都 仲 怕 生 保 床 下 話 ？ ......
君：唔 ...... 唔 係 呀 ！ 邊 ...... 邊 個 話 我 怕 生 保 床 o架 ？ .........
（ 分 明 o係 度 死 撐 ...... 哈 ！ 近 排 我 都 好 少 咁 玩 佢 啦 ， 見 佢 個 樣 咁 得 意
， 我 又 忍 唔 住 再 玩 多 佢 一 次 ...... ）
我：唔 驚 就 好 啦 ！ ...... 好 啦 ...... 咁 就 要 熄 燈 睏 覺 囉 ...... 阿~ 君~ 早~ 抖~ 啦~！
（ 扮 鬼 o既 聲 ）
君：哼 ！ ...... 早 抖 啦 ！ ......
（ 好 大 聲 咁 講 ， 之 後 仲 好 迅 速 咁 將 張 被 一 [襟] 就 [襟] 過 頭 ， 縮 埋 o係
個 被 竇 入 面 ）
燈 光 慢 慢 熄 滅 ...... 我 o地 亦 隨 即 進 入 夢 鄉 ......
[半 夜]
[ 嗚~~~~ 嗚~~~~ 嗚~~~~ ]
（ 一 o的 淒 厲 o既 「嗚 嗚」 聲 不 停 咁 由 阿 君 o個 邊 張 床 傳 o黎 ）
我：（雖 然 係 驚 驚 地 ， 都 忍 唔 住 走 過 去 睇 下） ...... 阿 君 ......
君：嗚 嗚 嗚 ~~~~~~（突 然 「吉」 o左 起 身）
我：嘩 ！ ...... 貞 子 呀 ！ ~~~（真 係 嚇 到 我 成 個 彈 起）
君：嗚 嗚 嗚 ...... 你 好 衰 o架 ！ ...... 頭 先 明 知 我 驚 都 仲 嚇 我 ......
（ 又 好 似 好 可 憐 咁 ）
我：（坐 o左 係 佢 張 床 度 ， 仲 未 驚 完） ...... 一 人 一 次 咪 當 無 數 囉 ！ ......
我 以 為 妳 話 o係 美 國 ， o係 人 o地 屋 企 度 住 ， 學 識 o左 自 己 過 獨 立
生 活 o架 添 ...... 點 知 妳 都 仲 係 咁 依 賴 ......
君：唉 ！ ...... 日 光 日 白 自 己 搭 車 去 街 都 仲 可 以 o既 ......
我 o個 陣 時 夜 晚 睏 覺 都 係 o係 家 家 間 房 度 陪 住 佢 睏 一 張 床 ......
不 過 ， 自 從 家 家 佢 ...... 之 後 我 就 好 怕 再 自 己 一 個 人 睏 生 保 床 ......
其 實 呢 個 亦 都 係 我 要 返 番 o黎 o既 原 因 ......
（o下 ！ ...... 乜 原 來 唔 係 完 全 為 o左 我 o架 ...... 嗚 嗚 ！）
我：哦 ！ 乜 原 來 家 家 佢 真 係 ......
傻 女 ...... 睏 啦 ！ 唔 好 再 亂 諗 咁 多 o野 啦 ！...... 聽 日 如 果 天 氣 好 番 o的 ......
仲 有 好 多 地 方 要 去 o架 ！ ...... （ 講 完 之 後 我 就 企 番 起 身 ）
君：（ 突 然 好 激 動 咁 捉 住 我 隻 手 ）
...... 唔 好 走 呀 ！ 唔 好 走 呀 ！ ...... 你 ...... 你 可 唔 可 以 陪 住 我 睏 呀 ？
得 唔 得 呀 ？ ......
我：．．．．．．
見 到 佢 咁 可 憐 ， 當 時 我 真 係 好 想 即 刻 一 睏 就 睏 落 去 佢 隔 離 度 ...... 話 哂 機 會 o既 o野 唔 係 成 日 會 有 ...... 不 過 ， 就 o係 睏 低 之 前 o既 一 剎 那 ...... 我 望 見 隔 離 床 睏 都 成 隻 死 豬 咁 o既 阿 欣 ...... 我 又 忽 然 間 泛 起 o左 一 份 罪 咎 感 ......
因 為 我 宜 家 要 o係 我 老 婆 o既 面 前 ， 兜 口 兜 面 咁 ， 同 第 二 個 女 人 睏 埋 一 齊 ...... 更 何 況 ...... 呢 個 仲 要 係 佢 個 妹 o黎 添 ！ ......
呢 個 時 候 ...... 阿 君 又 轉 一 轉 身 ， 震 o左 一 震 張 床 ， 我 就 失 去 重 心 ...... 一 跌 就 擲 o左 落 去 阿 君 o既 身 上 面 o個 度 ...... 我 極 力 咁 郁 想 扒 番 起 身 ...... 但 係 張 床 實 在 係 太 「林」 ...... （ 唔 怪 得 阿 欣 話 張 床 好 舒 服 啦 ） ...... 阿 君 就 面 都 紅 哂 ， 好 尷 尬 咁 擰 埋 塊 面 粒 聲 都 唔 敢 出 ...... o係 呢 一 個 時 候 ， 我 o既 興 緻 又 再 次 勃 勃 起 上 o黎 ...... 我 知 道 如 果 再 唔 起 番 身 o既 話 ...... 我 都 會 控 制 唔 度 自 己 ...... 因 為 自 從 阿 欣 出 院 之 後 患 上 o左 思 覺 失 調 ...... 呢 幾 個 月 我 都 冇 「咩」 過 ......
唔 得 啦！ 唔 得 啦！ ......「噢！~~~呀！~~~噫！ ~~~哦！~~~呵！」（出 力 o既 聲 音）
最 後 ， 我 出 盡 九 牛 二 虎 之 力 ...... 終 於 都 跳 番 落 地 ， 仲 即 刻 將 o係 隔 離 床 熟 睡 緊 o既 阿 欣 抱 起 ， 放 低 佢 睏 o左 o係 阿 君 o既 側 邊 度 ...... 我 都 唔 敢 再 望 下 阿 君 跟 住 有 o的 乜 o野 反 應 啦 ！ ...... 淨 係 好 尷 尬 咁 向 住 空 氣 好 大 聲 咁 講 o左 一 句 ......
我：......對 唔 住 呀！......（之 後 就 自 己 睏 哂 一 張 床......）
原 來 要 自 己 一 個 人 睏 落 一 張 生 保 o既 床 度 ， 真 係 會 好 驚 o架 ！ ...... 尤 其 是 係 對 於 o岩 o岩 做 過 虧 心 事 o既 我 o黎 講 ...... 就 更 加 恐 佈 ...... 好 彩 有 佢 o地 兩 姊 妹 o既 「鼻 鼾 二 重 唱」 ...... 我 先 至 冇 咁 驚 o者 ！ ...... 阿 君 有 佢 家 姐 陪 住 o黎 睏 o係 隔 離 ， 真 係 好 快 就 睏 著 o左 ...... 希 望 佢 睏 醒 o左 一 覺 之 後 ...... 就 將 頭 先 大 家 尷 尬 o既 事 都 忘 記 o左 佢 ...... 唔 好 又 再 一 次 有 誤 會 就 好 啦 ！
