去 過 「迷 幻 沙 灘」 之 後，我 認 為 唔 多 唔 少 都 對 刺 激 阿 欣 o既 記 憶 起 o左 一 定 o既 幫 助，就 好 似 佢 o係 公 廁 門 口 猛 [諳] 住 個 肚 係 咁 喊，同 埋 我 [孑貝] 起 佢 果 陣，佢 對 手 箍 都 我 實 一 實 o黎 睇，都 應 該 係 佢 已 經 諗 番 起，佢 扮 大 肚 呃 我 同 驚 我 唔 要 佢 而 所 發 出 o既 舉 動 o黎 o既 ...... 儘 管 呢 o的 都 係 個 個 女 仔 每 個 月 都 會 有 o既 經 痛 同 由 於 佢 個 身 好 重 怕 跌 落 地 所 產 生 o既 自 然 反 應 ...... 或 者 ...... 我 實 在 係 太 想 佢 會 可 以 好 得 番 啦 ！ ......
最 衰 o既 係 天 公 唔 造 美，本 來 仲 想 帶 阿 欣 去 多 o的 其 它 唔 同 o既 地 方 繼 續 勾 番 起 佢 o既 回 憶，但 係 打 後 o既 時 間 都 落 住 橫 風 橫 雨，所 以 我 o地 都 只 可 以 留 番 o係 酒 店 度，而 本 來 已 經 對 我 有 番 少 少 反 應 o既 阿 欣， o係 一 覺 睏 醒 之 後 ...... 又 再 度 變 番 木 無 表 情 ...... 又 成 晚 自 言 自 語 咁 自 己 o係 度 諗 o野， 我 同 阿 君 都 冇 哂 佢 乎 ！ ......
話 咁 快，幾 日 o既 旅 行 終 於 o黎 到 最 後 一 日，可 能 係 酒 店 o既 床 實 在 係 太 過 舒 服 好 睏，果 朝 我 o地 三 個 都 睏 到 好 晏 先 至 起 身 ...... 一 時 先 醒 起 我 o地 要 趕 中 午 o既 噴 射 船 返 香 港，咪 即 刻 「哩 哩 o拿 o拿」 刷 牙 洗 面，執 行 李 同 換 衫 ...... 趕 落 去 食 埋 個 免 費 自 助 早 餐，再 去 大 堂 度 check-out 囉 ！ ...... 俾 錢 果 陣 時 先 發 現，原 來 自 己 大 頭 蝦，連 放 o左 o係 床 頭 櫃 頂 o既 銀 包 同 證 件 都 唔 記 得 o左 拎 喎 ！ ...... 仲 要 好 面 慒 咁 叫 o的 職 員 上 房 開 番 度 門，俾 我 入 去 欏 番，我 尷 尷 尬 尬 咁 一 欏 番 就 即 刻 閃 ...... 趕 住 搭 酒 店 專 車 去 番 碼 頭， 離 開 澳 門 ......
幾 日 o黎 都 發 生 o左 唔 少 件 令 我 難 堪 同 尷 尬 o既 事，本 來 以 為 可 以 就 此 告 一 段 落，真 係 點 都 估 唔 到，就 係 要 臨 離 開 澳 門 o既 最 後 一 刻，個 天 都 唔 肯 放 過 我 ...... 仲 要 玩 多 我 一 次 ...... 不 過 呢 一 次 就 真 係 玩 得 極 具 意 義 同 價 值 ...... 因 為 可 以 證 明 o左 我 認 為 阿 欣 己 經 好 番 ...... 並 唔 係 一 廂 情 願 o既 ......
[ 澳 港 碼 頭，旅 客 離 境 禁 區 大 堂 ]
[~~ 呢 個 係 澳 門 治 安 廳 o既 呼 籲 ...... 由 於 目 前 離 境 大 堂 人 多 擠 迫 ...... 請 小 心 看 管 閣 下 之 財 物，及 照 顧 隨 行 小 童 ...... 多 謝 合 作 ...... ~~]
我：（ 接 受 呼 籲，拖 到 阿 欣 實 一 實 ）
...... 差 唔 多 輪 到 我 o地 o架 啦 ！ 阿 君 ！ ......
君：哦 ！ ...... （ o係 個 袋 度 欏 o左 自 己 張 同 埋 阿 欣 果 張 身 份 證 出 o黎 ）
...... 家 姐，楂 住 佢 啦 ！ ...... 要 楂 實 o的 呀，千 祈 唔 好 整 唔 見 呀 ！ ......
欣：哦 ！ ...... （ 真 係 好 乖 好 聽 話 咁 用 兩 隻 手 去 楂 實 張 證
...... 搞 到 我 都 唔 知 點 去 拖 住 佢 好 ）
我：阿 君 呀 ！ ...... 不 如 妳 幫 我 拎 埋 呢 o的 手 信 佢 啦 好 唔 好 呀 ？
（ 反 正 都 係 買 俾 妳 阿 媽 食 o架 啦 ！ ）
君：好 哇 ！ ......
（ 伸 隻 手 出 o黎 接 住 我 手 上 o既 兩 袋 手 信 ）
我：咁 唔 該 妳 o勒 ！ ...... 咦 ?! ...... 點 解 會 多 o左 對 手 捉 住 個 袋 o既 ？ ......
欣：（ 雙 手 捉 住 袋 手 信 唔 肯 放 ）
......我 要 食 杏 仁 餅 ！......我 要 食 杏 仁 餅 啊 ！......
君：家 姐 呀 ！ 唔 好 咁 曳 啦 ！ ...... 呢 度 係 唔 可 以 食 o野
住 o架 ！ 乖 啦 ！ ...... （ 阿 欣 一 見 度 袋 o野 就 即 刻 成
個 人 發 哂 狂 咁，連 阿 君 都 控 制 唔 住 佢 o既 情 緒 ......
一 日 都 係 我 衰 啦，我 驚 佢 o地 今 朝 匆 忙 得 滯，早
餐 食 得 唔 夠 飽，咪 開 o左 包 炭 燒 杏 仁 餅 o黎 食 囉 ，
點 知 阿 欣 咁 鬼 鍾 意 食，一 食 就 收 唔 到 口，仲 越 食
越 多 添 ）
我：欣 欣 唔 好 咁 曳 啦 ！ ...... 咁 煩 o架 ！ ...... 都 係 我 自 己 拎 番 好 啦 ！ ......
於 是 我 o地 三 個 人 六 隻 手 ...... 就 o係 禁 區 櫃 檯 前 面 將 呢 兩 袋 手 信 爭 o黎 爭 去，後 來 阿 欣 駛 出 一 招 蠻 力，終 於 都 成 功 咁 將 其 中 一 個 膠 袋 搶 到 手 ...... 只 可 惜，個 袋 入 面 o既 所 有 手 信 就 全 部 都 跌 哂 出 o黎，而 拆 開 過 o黎 食 果 盒 仲 散 到 一 地 都 係 添 ！ ...... 我 同 阿 君 就 即 刻 執 番 起 o的 o野，但 係 o係 呢 一 個 時 候，阿 欣 佢 又 突 然 間 [足否] o左 o係 度，仲 伸 手 執 起 地 上 面 o既 o野，唔 通 佢 想 ......
我： 欣 欣 呀 ！ 唔 好 執 果 o的 o黎 食 啦 ！ ...... 果 幾 舊 好 污 糟 o架 ！ ......
欣：（ 執 起 o左 o的 o野 ）
啞 啞 !! ...... （ 慢 慢 咁 企 番 起 身 ） ...... 呢 個 ......
呢 個 係 ...... 係 邊 個 o黎 o架 ？ ......
（ 原 來 係 執 番 起 自 己 張 身 份 證，呆 o左 咁 望 住 證 上 面 佢 自 己 張 相 ）
君：呢 個 咪 係 妳 自 己 十 八 歲 個 樣 o黎 個 囉 ...... 張 證 我
o地 一 齊 去 欏 o既 ...... 妳 果 陣 時 仲 成 日 同 我 呦 話 妳
張 相 影 得 靚 過 我 果 張 添 o既 呢......妳 記 唔 記 得 呀？
家 姐 ！ ......
欣：十 八 歲 ...... 我 好 靚 ？ ......
[ 五 年 前，佢 o地 兩 姊 妹 o既 屋 企，梳 化 上 面 ...... 回 到 未 嫁 時 ]
欣 / 君： 我 靚 o的 !! ...... 我 靚 o的 !! ...... 我 靚 o的 呀 !!
君：（ 費 事 同 佢 爭 ）
...... 係 啦 係 啦 ！ ...... 係 妳 靚 哂 啦 ！ ...... 所 以 妳 咪 快 過 我 嫁 得 出 囉 ！ ......
欣：哼 ！ 駛 乜 講 ...... 連 阿 媽 都 係 咁 講 呀 ！ ......
君：家 姐 呀，妳 真 係 諗 住 要 嫁 俾 佢 呀 ？ ...... 妳 咁 樣 呃 佢
...... 好 似 唔 係 幾 好 咁 喎 ！ ......
欣：哼 ！ 妳 估 我 又 好 想 o架 咩 ？ 妳 估 我 日 日 咁 樣 扮 做
一 個 大 肚 婆 又 好 舒 服 呀 ？ ......，阿 媽 又 成 日 催
我 o地 要 快 o的 搵 個 人 嫁 o左 佢 咯 ...... 宜 家 咁 難 得
先 至 搵 到 個 稍 為 叫 做 似 樣 o的 o既 「老 襯」，梗 係 要
o左 佢 先 啦 ！ ......
君：係 o者 ！ 不 過 ...... 妳 打 算 第 時 點 同 佢 解 釋 呀 ？
欣：咁 我 又 冇 諗 過 要 點 同 佢 解 釋 喎 ?! ...... 唉！妳 咪 睇
呢 條 友 仔 個 外 表 斯 斯 文 文 咁 呀 ......
其 實 佢 內 裡 呀 都 幾 鬼 咸 濕 下 o架 ！
...... 就 好 似 果 次 咁 啦...... 嘻 嘻！
......我 總 唔 信 佢 次 次 都 肯 食 「飛 機 餐」呀 ！
...... 我 睇 下 佢 可 以 忍 得 幾 耐 ！...... 到 時 結 o左 婚
之 後 我 搵 日 又 再 引 下 佢 ...... 佢 實 「咩」 啦 ！
......咁 我 咪 可 以 借 o的 意 咁 話 係 佢 自 己 「隊 林」o左
個 ＢＢ 囉！...... 之 後 我 仲 可 以 扮 哂 好 可 憐 咁......
咁 佢 以 後 一 定 仲 會 好 關 心 我 添 啦！o騎 o騎 o騎!!
君：咦 ！ ...... 家 姐 妳 好 衰 呀 ！ 心 腸 好 壞 呀 ！ ...... 睇
o黎 *奧 雲 仔（欺 騙 o左 阿 欣 初 戀 感 情 o既 舊 同 學）* 真
係 hurt 得 妳 好 犀 利 下 喎 ！ ......
欣：o拿 o拿 o拿 ！ ...... （ 突 然 好 認 真 咁 講 ） ...... 如 果
係 好 姊 妹 o既 就 以 後 都 唔 好 o係 我 面 前 再 提 起 呢 一
個 人 ...... 哼 ！ ...... 淨 係 識 得 話 我 ...... 咁 妳 又 點
呀？ 妳 有 冇 對 邊 個 男 仔 係 有 意 思 呀 ？ .
..... 有 冇 男 仔 對 妳 有 意 思 呀 ？ 有 咪 拍 下 拖 先 囉 ！ ......
君：...... 唉 ！ ...... （ 喃 喃 自 語 ） ...... 本 來 就 有 o既
...... 不 過 宜 家 都 俾 妳 搶 o左 啦！......（ 垂 頭 喪 氣 ）
欣：o下 ?! ...... 妳 頭 先 講 乜 o野 話 ?! 大 聲 o的!! ......
（ 君 ： 冇 o野 呀 ！ ） ...... 妳 唔 駛 旨 意 打 我 個 「老 襯」
主 意 呀 ！ ...... （ 君 ： 唔 係 呀 ！ ...... 邊 度 有 喎
...... 我 冇 呀 ！ ） ...... 如 果 俾 我 知 道 妳 有 o既 話 呢
...... 我 唔 會 放 過 妳 o既 ！ ......
[* 以 上 阿 欣 呆 想 之 對 話 純 粹 推 測 自 本 人 立 場 ，唯 其 內 容 所 提 及 過 之 *人 物 及 資 料*， 均 屬 事 實 *]
[ 現 在 ...... 禁 區 大 堂 ]
櫃檯職員：下 一 位 ！ ......
我 / 君：唉 ！ 成 地 都 係 花 生 糖 呀 ！ ...... 呢 o的 牛 肉 乾 仲
俾 家 姐 踩 過 添 ...... 幾 盒 杏 仁 餅 都 碎 哂 啦 ！
...... （ 仲 顧 住 執 番 地 上 面 o既 手 信 ）
櫃檯職員：下 一 位 !! ...... （ 好 大 聲 咁 嗌 ） ......下 一 位 小 姐 唔 該 !!! ......
欣：哦 ！ ...... （ 慢 慢 一 步 一 步 行 上 櫃 檯 前 ）
櫃檯職員：小 姐，唔 該 妳 交 出 妳 o既 身 份 證 呀 ！ ......
欣：啞 啞 !! ......
（ 死 都 楂 實 張 身 份 證 唔 肯 擺 低 ，呆 o左 咁 企 o左 o係 度 ）
我：...... 跌 o左 出 o黎 果 o的 就 唔 好 要 啦 ！ ......
君： 唔 得 唔 得 ！ ...... 執 番 佢 啦 ！ 唔 好 整 污 糟 人 o地
o的 地 方 呀 嘛 ！ ......（ 果 然 係 一 個 做 慣 義 工 o既
人 喎，不 過 橫 掂 都 係 送 俾 妳 阿 媽 就 無 所 謂 啦 ！）
...... 咦 ?! 家 姐 呢 ？ ...... 家 姐 去 o左 邊 度 呀 ？
我：哦 ！ 佢 自 己 行 o左 去 櫃 檯 果 度 喎 ！ ......
（ 即 刻 走 埋 去 陪 住 阿 欣 ）
櫃檯職員：小 姐，返 番 香 港 呀 ？ ......
欣：我 ...... 返 去 荃 灣 ...... 唔 係 唔 係 ...... 屯 門 ......
櫃檯職員：喂 ！ 小 姐，唔 好 玩 o野 喎 ！ ...... 再 係 咁 我 就
call o的 人 o黎 「的」 妳 入 房 度 傾 o架 啦 ！ ...... 咦
喂 喂 喂 ！ ...... 呢 位 先 生，未 輪 到 你 喎 ！
...... 唔 該 你 企 番 o係 條 黃 線 後 面 排 隊 啦 ！
我：阿 sir ...... 阿 sir，唔 該 ...... 唔 好 意 思 呀 ！ ......
呢 個 其 實 係 我 個 老 婆 o黎 o既 ...... 佢 囉，自 己 有 畏
高 症 又 要 硬 頸，死 都 話 要 上 去 你 o地 澳 門 宜 家 最
高 果 個 「觀 光 塔」 度 ...... 點 知 佢 o係 個 塔 頂 度 一 望
番 落 o黎 之 後 就 一 直 好 似 宜 家 咁 咯 ！ ......
sorry 呀 阿 sir ...... （ 唔 想 俾 人 知 道 阿 欣 有 思 覺 失
調，所 以 就 諗 o左 呢 個 大 話 出 o黎，但 係 要 呃 o既 始
終 都 係 一 個 公 職 人 員，所 以 好 驚 同 好 緊 張 ）
櫃檯職員：哦 ！ 原 來 係 咁 ...... 唉 ！ 好 o勒 好 o勒 ！ 咁 就 特
別 俾 你 陪 埋 佢 一 齊 過 關 o勒 ！ ...... 唔 該 兩 位
出 示 你 o地 o既 身 份 證 先 啦 ！ ......
我：咁 就 好 囉 ！ 唔 該 哂 阿 sir 先 ...... （ 想 係 個 旅 行 袋
度 欏 個 銀 包 出 o黎 ） ...... 咦 !! 我 個 銀 包 呢 ?? ......
咁 !! 我 張 身 ... 身 份 證 呢 ?? ...... （ 係 公 職 人 員 面
前 出 示 唔 度 證 件，比 起 講 大 話 仲 更 加 驚 同 緊 張 ）
[ 五 年 前，婚 姻 註 冊 署 大 堂 ...... 回 到 未 嫁 時 ]
~~（成個老襯，從此被困......）~~[ 婚 禮 進 行 曲 ]
欣：行 快 兩 步 啦 ！ 我 o地 遲 哂 大 到 o架 啦 ！ ......
（ 擁 有 一 顆 恨 嫁 的 心 o既 女 仔，拖 住 一 個 ...... ）
我：可 能 人 o地 都 唔 等 我 o地 o架 啦 ！ 不 如 下 次 先 再 o黎 過 啦！
（......拖 住 一 個 無 心 理 準 備 結 婚 o既 「老 襯」）
註冊署職員：歡 迎 兩 位 ...... 好 彩 你 o地 o岩 o岩 趕 得 切
...... 唔 該 兩 位 出 示 你 o地 o既 身 份 證 先 啦 ！
欣：好 哇 ！ o拿 ！ ......
註冊署職員：唔 該 妳，蔡 小 姐 ...... 咦 ！ 狄 先 生，咁 你 果 張 呢 ......
我：...... 銀 包 呢 ?? ...... 身 份 證 呢 ?? ...... （ 好 徬 徨 周 圍 咁 搵 ）
欣：乜 你 咁 鬼 論 盡 o架 ?! ......
我：我 醒 起 啦 ！ 可 能 頭 先 我 玩 做 掌 上 壓 果 陣 時，將 個
銀 包 交 o左 俾 班 兄 弟 呀 ......
欣：（ 好 嬲 ） 乜 話 ?! ...... 有 冇 搞 錯 呀 ?! ...... 係 邊 個
話 要 玩 掌 上 壓 o架 ？ （ 雙 眼 厲 住 阿 君 ）
君：做 乜 o野 事 喎 ?! 我 以 為 個 個 新 郎 要 接 新 娘 都 係 咁
咋 ！ ...... 唔 好 咁 嬲 啦 家 姐 ！
伴郎：唉 ！ 我 o岩 o岩 call 過 班 兄 弟 ...... 佢 o地 架 Van 仔 塞
緊 車 仲 未 到 喎 ！ ......
註冊署職員：哦 ！ 咁 真 係 唔 好 意 思 啦 ！ ...... 狄 先 生，蔡 小 姐 ......
你 o地 真 係 過 哂 時 o架 啦 ！ ......
欣：（ 嬲 到 眼 淚 水 都 標 咁 出 o黎 ）
...... 點 解 會 咁 o既 ？ ......只 係 仲 差 少 少 就 可
以...... 唔 制 呀 ！ 唔 制 呀 ！...... 嗚 嗚 嗚 ！ ......
我：（ 向 職 員 苦 苦 哀 求 ）
小 姐 呀 ！ 小 姐 呀 ！ ...... 唔 該 妳 通 容 下 再 等 多 一
陣 間 咁 多 啦 ！ ...... 其 實 我 個 未 婚 妻 佢 o係 有 「餡」
o架 啦 ...... 所 以 我 o地 真 係 等 唔 切 再 排 過 期 o架
啦 ......（ 阿 欣 聽 度 我 咁 講 仲 更 加 之 激 動 ）
註冊署職員：...... 但 係 狄 先 生 ...... 我 o地 真 係 夠 哂 鐘 唔
可 以 再 等 o架 啦 ！ ......
欣：（ 突 然 好 嬲 咁 企 o左 起 身 大 吵 大 鬧 ） ...... 激 死 人
啦 ！ ...... 嗚 嗚 嗚 ！ ...... 我 要 結 婚 呀 ！ 我 要 結 婚
呀 ！ ...... 唔 制 呀 ！ 嘩 哇 哇 哇 ！
我：...... 唔 好 咁 啦 卓 欣 ...... 會 動 親 胎 氣 o架 ...... 又
或 者 ...... 可 能 連 個 天 都 認 為 要 俾 o的 時 間 想 我 o地
再 諗 清 楚 o的 呢 ？ ......
欣：（ 好 嬲 咁 捉 住 我 套 禮 服 推 我 埋 牆 ...... 仲 好 大 力
咁 一 下 一 下 打 落 我 個 心 口 度 ） ...... 最 衰 都 o係 你
呀 ！ ...... 好 憎 你 呀 ！ 好 憎 你 呀 ！ ...... 嗚 嗚 嗚 ！
我：哎 呀 ！ ...... 嘩 ！ ...... 好 痛 呀 ！ ......
（ 個 心 口 好 似 有 o的 o野 頂 住 咁 好 痛 ）
...... 唔 好 再 打 我 個 心 口 啦 ！ ......
（ 捉 住 佢 打 緊 我 果 隻 手 ）
欣：（ 隻 手 o岩 o岩 好 按 o左 落 我 個 心 口 度 ）
...... 咦 ！ 係 乜 o野 o黎 o架 ？ ...... 硬 硬 o地 o既 ？
...... 你 袋 住 o的 乜 o野 o係 心 口 個 袋 度 呀 ？ ......
（ 好 快 咁 伸 o左 隻 手 入 o黎 摷 ）
我：...... 啊 ！ 係 我 個 銀 包 呀 ！ ...... 係 啦 ！ 我 記 番 起
啦 ！ ...... 頭 先 我 做 做 下 掌 上 壓 果 陣，班 兄 弟 就
突 然 一 窩 蜂 咁 衝 o左 入 去 妳 o地 屋 企 ...... 之 後 o係
一 場 混 亂 期 間，我 先 至 o係 門 口 地 下 度 執 番 自 己
個 錢 包 ...... 跟 住 又 俾 佢 o地 拉 o左 我 入 去 接 妳 出
o黎 ...... 我 一 時 心 急 就 咁 袋 埋 都 唔 知 添 ！ ......
（ 滔 滔 不 絕，盡 力 解 釋 ）
欣：好 o野 ！ 我 終 於 有 得 結 婚 啦 ！ ...... （ 都 唔 得 閒 聽
我 o既 解 釋，即 刻 就 拎 o左 我 張 身 份 證 去 做 登 記 ）
註冊署職員：恭 喜 哂 呀 兩 位 ！ ......
欣：...... 我 要 結 婚 啦 ！ ...... 我 要 結 婚 啦 ！ ......
註冊署職員：兩 位 唔 該 過 o黎 呢 邊 呀！......（好 斯 文 咁 講）
[ 現 在，禁 區 櫃 檯 前 ]
櫃檯職員：兩 位 唔 該 過 o黎 呢 邊 呀 ！ ......（好 惡 死 咁 講）
我：啞 啞 ！ ...... 你 想 帶 我 o地 去 邊 度 呀 ？ ......
櫃檯職員：（粗 聲 粗 氣 咁 講 ） ...... 因 為 你 o地 兩 個 都 出
示 唔 度 身 份 證 明 文 件 ...... 所 以 宜 家 就 要
「的」 你 o地 入 房 調 查 ......（仲 開 始 派 人 增 緩）
欣：（ 自 言 自 語 ） ...... 有 呀 ！ ...... 佢 有 o既 ！ ......
佢 袋 o左 o係 心 口 個 袋 度 之 嘛 ！ ......
我：（ 睇 下 自 己 心 口 個 袋 ）
...... 咦 ！ 真 係 喎 ！ ...... 銀 包 同 身 份 證 都 袋 o左
o係 度 喎 ！ ...... 梗 係 頭 先 o係 酒 店 大 堂 check-out 果
陣 時，臨 急 臨 忙 咁 袋 埋 o左 自 己 都 唔 知 啦 ！ ......
對 唔 住 呀 ！ ...... 阿 sir......
櫃檯職員：係 有 就 快 o的 欏 過 o黎 啦 ！ ...... 小 姐，咁 妳 果 張 又 點 呀 ？ ......
欣：（放 低 o左 張 身 份 證 o係 檯 面）...... 我 ...... 我 願 意！......
我：欣 欣 !! ...... 老 婆 仔 !! ......
[ 五 年 前，婚 姻 註 冊 署 宣 誓 禮 堂 ...... ]
宣誓官：狄 先 生，蔡 小 姐，o係 你 o地 兩 位 要 宣 讀 誓 詞 之
前，我 有 需 要 向 你 o地 兩 位 首 先 作 出 聲 明，雖
然 你 o地 兩 位 都 冇 任 何 o既 宗 教 信 仰 o 既 約 束 ，
不 過 o係 本 人 同 證 婚 人 o既 見 證 之 下，以 及 在 座
親 友 o既 面 前，兩 位 即 將 要 宣 誓 o既 婚 姻，仍 然
係 有 效 同 受 到 法 律 o 既 約 束 ...... 好 啦 ！ 如 果
對 以 上 冇 問 題 o既 話，咁 就 可 以 開 始 宣 讀 誓 詞
o架 啦 ！ ...... 狄 先 生 .....
我：（ 好 難 為 情，又 好 緊 張 ）
...... 我 ...... 我 ...... 我 請 在 坐 各 位 見 證，我 狄 「貞 松」......
（ 緊 張 到 連 讀 自 己 個 名 都 走 埋 音 ） ......
在座親友：（ 抱 腹 大 笑 ） ...... 嘩 哈 哈 哈 ！ ！ ！ ......
亦 係 證 婚 人 之 一 o既 準 岳 母 大 人 扮 o左 一 聲 痰 上 頸 之 後，場 面 又 回 復 一 片 番 嚴 肅 ......
我：（ 俾 證 婚 人 睥 住，繼 續 宣 讀 誓 詞 ） ...... 我，狄 正 龍，願 意 娶 妳 蔡
...... 蔡 卓 「妍」 ...... （ 又 再 一 次 走 音 添 ） ...... 欣，為 我 合 法 妻 子 ......
欣：好 o野 ！ ...... （ 從 來 未 見 過 佢 咁 開 心 ）
...... 我 請 在 座 各 位 見 證，我，蔡 卓 欣，願 意 嫁 你，狄 正 龍，
為 我 合 法 丈 夫 ...... （ 好 似 諗 急 口 令 咁 ） ...... 好 o野 ！ ......
（ 攬 住 我 時，大 叫 一 聲 ） ...... 老 公 仔 ~~~ !! （ 好 嗲 咁 講 ！ 嚇 鬼 死 我 ！ ）
宣誓官：（ 跟 住 係 雙 方 交 換 介 子 ）
......恭 喜 哂 呀 ！...... 狄 先 生，狄 太 太 ......
呢 個 時 候，禮 堂 唔 知 欏 景 定 贈 興，又 奏 起 「老 襯 結 婚 進 行 曲」 ...... 一 個 天 真 活 潑，嘻 哈 大 笑 咁 o既 新 娘 攬 住 一 個 戇 戇 居 居，強 顏 歡 笑 o既 新 郎 ...... 就 咁 第 一 次 o係 眾 親 友 面 前 展 開 一 場 「車 輪 戰」 ......
[ 現 在，噴 射 船 上 ]
君：其 實 阿 媽 都 唔 知 幾 時 先 至 肯 番 返 落 o黎，我 o地 都
唔 駛 買 咁 多 手 信 俾 佢 啦 ！ ......
我：唔 唔 ......（ 自 己 有 自 己 做 o野，冇 乜 點 睬 阿 君 ）
君：咦 ！ ...... 返 到 香 港 啦 ！ 你 睇 ！ ......（見 到 西 環）
我：哦 哦 ！ ......
阿 君，唔 好 咁 大 聲 啦 ！ 會 嘈 醒 家 姐 o架 ！ ......
君： 唔 ！ 你 成 程 船 都 冇 同 過 我 講 過 o野 呀 ！ ...... 家 姐
又 睏 o左 覺 喎 ！ ...... 好 悶 呀 ！ ......
我：（ 見 就 o黎 落 船，熄 o左 手 上 o既 電 子 手 帳 ） ......
唉 ！ 頭 先 真 嚇 死 我 啦 ！ ......
君：哼 ！ 乜 我 真 係 嗌 得 好 大 聲 咩 ？ ......
我：我 係 指 o係 禁 區 過 關 果 陣 時 呀 ！
君：係 啦 ！ 好 彩 o的 職 員 冇 真 係 「的」 你 o地 入 去 房 度 咋
我：唉 ！ 我 都 唔 係 咁 o既 意 思 ！ ......
君：...... 你 唔 開 心 呀 ？ ......
我：咁 又 唔 係 o既 ！ ...... 乜 妳 冇 發 覺 妳 家 姐 頭 先 好 似
開 始 諗 得 番 以 前 o既 o野 啦 咩 ?! ......
君：係 咩 ?! ...... 不 過 如 果 家 姐 真 係 可 以 好 番 o既 話 ，
第 一 個 最 開 心 o既 都 好 應 該 係 你 先 至 o岩 o架 ?!
我：係 就 係 ...... 咁 梗 係 啦 ！ ...... 不 過 如 果 阿 欣 佢 真
係 回 復 番 好 似 以 前 咁 ...... 我 又 唔 可 以 再 咁 明 目
張 膽 去 睇 Twins o既 電 視 節 目，更 加 唔 可 以 再 開 住
個 Hi-Fi 一 路 聽 住 Twins o既 歌 一 路 玩 電 腦 上 網 o架 啦！ ......
君：唉 ！ ...... 我 真 係 冇 你 修 啦 ！ ......
我：...... 仲 有 呀 ......
君：...... 仲 有 咩 呀 ?! ......
我：...... 我 以 後 就 唔 可 以 再 咁 關 心 妳 o既 啦 ！ ......
君：哦 ！ ...... 咁 又 係 ...... （ 當 堂 面 都 紅 哂 ） ......
o係 啦 ！ 唔 好 再 諗 埋 o的 唔 開 心 o既 o野 啦 ！ ...... 今
日 係 你 生 日 呀 嘛 ！ ......
我：咁 又 點 呀 ！ ...... 雖 然 係 渡 過 o左 一 個 好 溫 馨 o既 結
婚 紀 念 日 ...... 但 係 你 家 姐 一 日 未 完 全 好 番，一
直 期 待 住 o既 禮 物 都 唔 會 收 到 啦 ！ ...... （ 自 相 矛
盾，心 情 欠 佳 ...... 始 終 都 仲 未 可 以 o係 Twins 同 阿 欣
之 間 取 得 一 個 平 衡 ...... 宜 家 仲 要 殺 多 一 個 阿 君 出 o黎 添 ！ ...... ）
君：哦 ！ ...... （ o係 個 行 李 度 欏 o左 樣 o野 出 o黎 ） ......
係 送 俾 你 o架 ！ ...... 生 日 快 樂 ！ ......
我：o下 ！ ...... 好 耐 都 冇 人 送 過 生 日 禮 物 俾 我 o架 啦
...... （ 好 心 急 咁 拆 開 佢 ） ...... 嘩 ！（o車！） ......
好 靚 呀 ！ ...... （ 一 本 入 o左 大 約 十 零 廿 張 相 片
o既 相 簿，全 部 都 係 影 o左 o的 澳 門 巴 士 相，其 實
o的 相 影 得 就 真 係 唔 係 好 靚 ...... 不 過 為 o左 唔 想 打
激 佢 o既 一 番 好 意，唯 有 [諳] 住 個 心 口 話 靚 啦 ）
...... 真 係 好 靚 呀 ！ ......
君：真 係 o既 ?! 好 o野！...... 果 日 我 一 落 船 就 開 始 影 o架 啦
...... 我 又 唔 知 送 o的 乜 o野 俾 你 好 喎 ...... 知 道 你
都 鍾 意 巴 士 ...... 總 好 過 迫 人 去 影 「川 士」 o既 ！
...... 不 過 我 都 影 得 好 辛 苦 o架 ！ ...... 見 你 宜 家 唔
開 心 咪 欏 出 o黎 [乙水] 下 你 囉，本 來 諗 住 今 晚 先 送
俾 你 o架 ！ ......
我：君 君 ！ ...... 真 係 好 多 謝 妳 呀 ！ ......
君：唔 駛 咁 客 氣 啦 ！ ...... 嘻 嘻 ！ ...... （ 面 都 紅 哂 ）
我：我 其 實 除 o左 要 多 謝 妳 呢 份 禮 物 之 外 ......
欣：......哦！......（ 醒 下 睏 下 咁 ...... 大 約 有 50% 睏 醒 ）
我：...... 我 都 要 好 多 謝 妳 呢 幾 日 o黎 一 直 跟 住 我 o地 照
顧 住 欣 欣 o既 種 種 大 小 問 題 ...... 其 實 我 同 欣 欣 o係
埋 一 齊，要 妳 日 夜 咁 陪 埋 o係 度 ...... 我 真 係 好 過 意 唔 去 呀 ！ ......
（ 突 然 間 感 觸 起 上 o黎，仲 一 發 不 可 收 拾 添 ）
欣：噢 喑 ！ （ 打 喊 露 o既 聲 ） ...... 係 邊 個 嗌 我 呀 ?!
...... （ 應 該 有 70 至 80% 睏 醒 ...... ）
君：Shuuuuuuuuuuu...........
我：（ 然 而 我 越 說 越 激 動 ） ...... 如 果 呢 幾 日 冇 o左 妳
o係 度 ...... 我 o地 兩 公 婆 都 唔 知 會 點 啦 ！ ...... 嗚
嗚 嗚 ！ ...... （ 真 係 講 到 睏 濕 濕 ...... 因 為 怕 醜 同
尷 尬，只 有 垂 低 頭 繼 續 講 ...... ）
君：Shuuuu..... 唔 好 咁 樣 啦 ！ ......
欣：唔......唔......唔......（ 扭 計 o既 聲 ）
我：...... 嗚 嗚 嗚 ！ ...... 如 果 可 以 o既 話 ...... 我 ......
我 真 係 好 想 ...... 妳 先 至 係 我 個 老 婆 呀 ！ ......
（ 孤 注 一 擲，鼓 出 o左 最 大 勇 氣 講 出 心 底 話 ...... 諗 住 講 o左 至 算 ）
欣：（ 好 大 聲 咁 嗌 ） 唔 ...... 唔 制 呀 ！ ...... 嗚 嗚 嗚 ！
...... （100% ...... 醒 哂 ）
我：欣 欣 ...... 妳 ...... 妳 醒 o左 啦 ?! ......
（ 唔 通 佢 聽 度 我 頭 先 o既 心 底 話 所 以 咁 激 動 ?!，死 咯 呢 次 ！）
欣：...... 我 要 食 杏 仁 餅 呀 ！ ......
君：Shuuuuuuuuu...... 家 姐 呀 ！ 唔 好 咁 樣 啦 ！ ......家 姐 聽 話 啦 ！ 唔 好 咁 曳 啦 ！
......（ 好 似 「阿 媽」 教 女 咁，反 而 我 呢 個 做 「老 豆」 o既 成 日 淨 係 識 得
袖 手 旁 觀 ）
...... 乖 ！ 唔 好 喊 ！ ...... 返 屋 企 先 一 路 飲 果 汁，一 路 食 杏 仁 餅 啦 ！
好 唔 好 ？
欣：好 哇 !! ......
阿 君 可 能 係 做 慣 義 工，[乙水] 細 路 的 確 係 有 番 一 手 ...... 幾 日 o既 澳 門 之 旅
就 o係 咁 結 束 o左，得 到 o既 除 o左 係 可 以 同 阿 欣 一 齊 再 一 次 渡 過 最
「尷 尬」 o既 一 刻 之 外，阿 君 知 道 我 o既 生 日，幾 年 o黎 終 於 有 人 實 實 在 在 咁 收 到 禮 物 ...... 仲 要 係 由 我 疼 愛 o既 人 交 託 o係 我 o既 手 中 ...... 不 過 遺 憾 o既 係，阿 欣 一 覺 醒 o黎，又 將 頭 先 所 記 得 o既 o野 都 全 部 忘 記 得 一 乾 二 淨，始 終 都 冇 辦 法 證 實 到 佢 究 竟 係 唔 係 已 經 好 番 ...... 另 外 原 來 我 頭 先 只 不 過 係 o係 度 自 言 自 語 ...... 阿 君 一 直 都 只 係 想 控 制 住 佢 家 姐 唔 好 喊 ...... 跟 本 都 冇 在 意 過 我 所 講 o既 心 事 ......
君：喂 ！ 頭 先 o係 船 上 面 ...... 你 好 似 臨 尾 仲 有 句 o野 o係 同 我 講 個 喎 ......
我 聽 得 唔 係 好 清 楚 喎 ......
（ 懶 嗲 咁 講 ！ ）
我：...... 咁 又 點 呀 ?! ......
君：...... 講 多 一 次 囉 ！ ......
我：...... 我 ...... 我 唔 記 得 o左 咯 !! ......
（ 大 家 心 照 啦 ！ 下 話 ！ ） ...... 嘻 嘻 ！
