PIANCIILNA 4
Pianciilna 3 Pianciilna 5 Innpii
Cain
le Abel
1. Taciang
Adam in a zi ompui a, a zi naupaai hi. A zi in tapa khat nei a
”TOPA huna taw tapa khat ka nei
hi” ci hi. Tua ahikom ama in a min Cain phuak hi.
2. Tua
zawkciang tapa khat nei kik a, Abel ahi hi. Abel in tuucingpa
khat hi a, ahizong Cain sia lothopa khat ahi hi.
3. Tawmvei
zawkciang Cain in a lo sung pan a piang ante taw TOPA
tungah biakpiakna nei hi.
4. Taciang
Abel in a tuute sung pan taciil khat ngo in a sa lim
bel taw biakpiakna nei hi. Abel biakpiakna hangin Topa lungdam a, (Heb 11:4)
5. ahizong Cain biakpiakna nial hi. Cain
thinuk mama a, a maisan hi.
6. Taciang TOPA in Cain tungah, “Banghang thinuk ni ziam? Banghang na mai san sak ni ziam?
7. A pha vawt hi lete, na maitai tu a, ahizong a
sia na vawt hu in, maw
phelna nganno in na innkha kungah bok nginge hi. Ama in nang hong
8. Taciang
Cain in a suapuipa Abel tungah “Lozau
sungah vak tawng” ci hi. Amate lozau sung a
thet ciang Cain in a suapuipa thatlum hi. (Mt
9. TOPA
in Cain tungah, “Na suapuipa Abel
koisungah om ziam?” ci in dongh hi. Cain in, “He ngawl khi hi. Ka suapuipa a cingpa hi na
khi ziam?” ci
in zo hi.
10. Taciang
TOPA in, “Banghangin hi bang a cizathuai
na seam thong ni ziam? Phu la nuam a, a au aw bangin
na suapuipa chisan in leitangh tung pan hong biakpui hi.
(Heb 12:24)
11. Nang sia haamsiat thuakpa na
hi a, leitangh tho thei nawn ngawl tu ni hi. Na thalup lai in na naupa chisan dong tu in a kam a kaasa bang keakin tua
leitangh in na naupa chisan duupkang zo hi.
12. Lotho lete zong leitangh pan bangma piang
ngawl tu a, inn le lo nei ngawlin leitung ah na vakthap tu hi”
ci
hi.
13. Taciang Cain in TOPA tungah, “Hi daanpiakna sia kei thuak tu in haksa lei
hi.
14. Na omna panin a khuala mama na ah nong notkeak hi.
15. Ahizong TOPA in, “Hi ngawl hi. Khat po in nang hong that le a za sali in phu kila
tu hi” ci in zo hi. Ama kisik pui po in a
thalup ngawl natu in, Cain tungah TOPA in tepteena khat koi hi.
16. Taciang
TOPA omna panin Cain pai in,
Cain
ii Suan le Paalte
17. Cain
in a zi taw tapa khat nei a, a min Enoch phuak hi. Taciang
Cain in khuapi khat saat a, a min tu in a tapa min tapin Enoch phuak hi.
18. Enoch
in tapa khat nei a, a min Irad ci hi, Irad sia Mehujael ii pa hi a, Mehujael in
tapa Methushael nei a, ama sia Lamech ii pa ahi hi.
19. Lamech
in zi nii nei a, Adah le Zillah ahi hi.
20. Adah
in Jabal nei a, ama sia puanbuk sungah a teang ngankhoaite ii pianna pupi ahi
hi.
21. A
suapuipa sia Jubal hi a, ama sia tengtong le taamngai a kipan tumthei theampote
ii pianna pupi ahi hi.
22. Zillah
in Tubal Cain nei a, ama in thik le taungo panin nazak tatuamte vawt hi. Tubal Cain ii suapuinu sia Naamah ahi hi.
23. Lamech
in a zite tungah, “Adah le Zillah awng,
hong ngai tavun; Khangno khat ka thatlum hi, banghangziam cile ama in kei hong
vua hi.
24. Cain kithalup manin a za sali in kithuh kik
ahi le, \q1 kei hong thatlum a om le a za sawm sali le sali in kithuh kik tu hi” ci hi.
Seth
le Enosh
25. Adam
in a zi taw tapa dang khat nei hi. A zi in, “Cain ii a thalup Abel taang tu in, Pathian in tapa khat hong pia hi” ci hi. Tua
ahikom a min Seth phuak hi.
26. Seth
in Enosh kici tapa khat nei hi. Tua hun a kipan in mihingte
in TOPA min thiangtho loin biakpiakna kipan hi.
Pianciilna 3 Pianciilna 5 Innpii
________________________________________________________________
Siyin Bible, TEV,