PIANCIILNA 7
Pianciilna 6 Pianciilna 8 Innpii
Tuipi
Liim
1. TOPA
in Noah tungah, “Na innkuan bupin teambaw
sungah tum vun; leitung ah a maanin a ngamta nangma bekma kong
mu hi.
2. Biakna taw kisai a thiangtho nganhingte kop
sali tek paipui in a, ahizong a thiangtho ngawl nganhingte ahile kop khat tek
paipui in.
3. Vacimte zongh nam khat ciang kop sali tek
paipui in. Leitung ah vacim le nganhingte a cii a bo
ngawl natu in hibang vawt in.
4. Tuzo ni sali zawkciang, ni sawmli sung sun
le zan ngua kong zu sak tu a, ka vawtsa nuntakna nei theampo ka mon siat tu hi” ci hi.
5. Noah
in TOPA thupiak bangin vawt siat hi.
6. Leitung
ah tuipi a liim lai in Noah kum zaluk pha hi.
7. Tuipi
liimna pan a suakta tu in Noah le a zi, a tapate le a zite teambaw sungah tum
uh hi. (Mt 24:38-39; Lk 17:27)
8. Nganhingte
le vacimte a namkim in kopkhat tek, biakna taw kisai a thiangtho ahizong a
thiangtho ngawl ahizong,
9. Pathian
thupiak bangin Noah taw teambaw sungah tumkhawm uh hi.
10. Ni
sali zawkciang tuipi liim hi.
11. Noah
kum zaluk a phak zawk, a tha nii na ni sawm le ni sali
ni in, leinuai a om tuite puaktham in mun theampo pan tui phul a, van kongkha
theampo kihongin, (2Pe 3:6)
12. sun sawmli le zan sawmli tawntung leitung ah ngua zu hi.
13. Tua
ni in Noah le a zi, a tapate thum Shem, Ham, Japheth
le a zite teng taw teambaw sungah tum uh hi.
14. Ama
taw in nganhing nam theampo, innsate le ngamsate, a lian le a no, le vacim nam
theampo tum uh hi.
15. Pathian
thupiak bangin nganhing nam theampo sung pan a nu khat le a pa khatveu Noah taw
teambaw sungah tum uh hi.
16. Noah
a tum zawkciang TOPA in kongkha khak hi.
17. Tuipi
liim ni sawmli a ngei ciang teambaw a lap thei natu in
tui thuk va-ial hi.
18. Tui
thuk va-ial a, tui tungah teambaw laam hi.
19. Tui
thuk mama a, mualsangbelte zong khum hi.
20. Mualsangbel
dawn ii tungah pi 25 a phak dong tui khang hi.
21. Leitung
ah a om a nungta vacim theampo, nganhing theampo le
mihing theampo thi siat hi.
22. Leitung
ah om husang theampo thi hi.
23. TOPA
in leitung ah a nungta mihing, nganhing le vacimte theampo mong sak siat hi.
Noah le ama taw teambaw sungah a om teng bek suakta
hi.
24. Ni
za le ni sawmnga sung tuipi kiamsuk tu kipan ngawl hi.
Pianciilna 6 Pianciilna 8 Innpii
________________________________________________________________
Siyin Bible, TEV,