PIANCIILNA 8
Pianciilna 7 Pianciilna 9 Innpii
Tuipi
Liim A bona
1. Pathian
in Noah le ama taw teambaw sungah a om nganhingte theampo
mangil ngawl hi. Ama in vuiva sak a, taciang tuipi kiamsuk tu
kipan hi.
2. Leinuai
pan hong phul tuite le ngua hong zukna van kongpite kikhak siat hi. Ngua zu
nawn ngawl a,
3. ni 150 sung tuipi dadam in kiamsuk hi.
4. A
tha sali na, ni sawm le ni sali ni in, teambaw sia
Ararat mual tungah tawlnga hi.
5. Tuite
kiam susuk a, a tha sawm na, ni khat ni in mualdawnte kilangh
hi.
6. Ni
sawmli zawkciang Noah in khelki hong a,
7. va-ak
khat tha hi. Va-ak hong heak kik ngawl a, ahizong leitung ah tui a
8. Tasia
ciang tui kang siat zo ziam ci sia a heak natu in, Noah in vakhu khat tha a,
9. ahizong tui kang siat ngawllai ahikom vakhu in a tawlngak
natu mun mu ngawl hi. Teambaw ah vakhu hong cia kik a,
Noah in manin sungtan pui hi.
10. Ama
in a dang ni sali a ngak zawkciang tua vakhu tha kik
hi.
11. A
nitak ciangin ama kungah olive sawlhing khat a muk ah pu
in tua vakhu hong heak kik hi. Taciang tui kiamsuk zo a hina thu
Noah in he hi.
12. Taciang
ni sali a ngak zawkciang khatvei ma tua vakhu tha kik
a; vakhu hong heak kik nawn ngawl hi.
13. Noah
kum 601 a phak zawk, a tha khatna, ni khat ni in tui
kang siat hi. Noah in teambaw sitna hongin khua en a, leikote
mu hi.
14. A
tha niina, ni kul le ni sali ni ciang leitung ko
thiang hi.
15. Pathian
in Noah tungah,
16. Na zi, na tapate le a zite taw teambaw sung
pan pusuak vun.
17. Ta nei in leitung theampo ah a kizel natu in,
vacim theampo le nganhing theampo nangma pusua pui in ci
hi.
18. Tua
ahiciang Noah sia teambaw sung pan a zi a tapate le a zite taw pusuak uh hi.
19. Nganhing
theampo le vacim theampo a nam a nam zui in a hon a hon in teambaw sung pan
pusuak uh hi.
Noah
in Biakpiakna Vawt
20. Noah
in biaktau khat TOPA atu vawt a; biakna taw kisai a thiangtho nganhing le
vacimte sung pan nam sim pan khat tek la in, biaktau tungah a thiangtho pumbup
meihal biakpiakna in pia hi.
21. TOPA
in biakpiakna ngim namtui a zaak ciang lungdamin a thin sungah, Mihing ngamtatna hangin leitung ka haamsiat ngei
nawn batu hi: a no lai pan a khua ngaisutna a sia a hina thu
ka he hi. Tu a ka hi bangin nuntakna nei theampo ka mon
ngei nawn batu hi.
22. Leitung a om laiteng
lopoai hun le anlaak hun om tu hi. A tawntung in a vot le a sa, khuakhal le
phalbi, sun le zan om tu hi ci hi.
Pianciilna 7 Pianciilna 9 Innpii
_______________________________________________________________
Siyin Bible, TEV,