PIANCIILNA
9
Pianciilna 8 Pianciilna 10 Innpii
Pathian ii
Noah taw Thuciamna
1. Pathian
in Noah le a tapate thupha pia in, “Pung vun a tam mama pha in leitung dim vun.
(Pian 1:28)
2. Ngamsa theampo vacim theampo le ngasa
theampo in hong kiita tu hi. Tuate theampo nangma khut nuai
ah kikoi hi.
3. Tu a kipan hite na
ne thei tu uh a, antee hing zong na ne thei tu uh hi. Note an
tu in tuate theampo kong pia siat hi.
4. Ahizong chi a omlai satak na
ne batu uh hi, banghangziam cile nuntakna sia chi sungah om ahiciang neak tu
kong kham hi. (Thiam 7:26-27;
5. Khat papo in mihing a that
le ama daan kipia tu hi. Mihing a thi sak nganhing sia
kithatlum tu hi.
6. Pathian in ama taw kibangin mihing vawt
ahikom mihing khat a that papo sia ama mipui pa in
thatlum tu hi. (Pu
7. Leitung theampo ah na suan le na paalte a
kizel thei natu in, ta tam mama nei tu nu hi” ci
hi. (Pian 1:28)
8. Pathian
in Noah le a tapate tungah,
9. “Tu in noma tung le
na suan na paalte tung ahizong,
10. note taw teambaw sung pan a pusuakkhawm
nuntakna a nei, vacim theampo le nganhing theampote taw thuciamna kong vawt hi.
11. Note tungah ka thuciamna kammalte sia: nuntakna
nei a min piang peuma tuipi liimna taw ka mon nawn
batu a, tuipi liimin leitung ka lal sak kik nawn batu hi, ci in kong kamciam
hi.
12. Nang le nuntakna nei a minpiangte tungah a
tawntung a kip tu ka thuciamna lim tu in
13. meei sungah ka sangun ka koi tu hi. Tua in
leitung taw ka thuciamna lim hi tu hi.
14. Van ah meei a kaai ciang le sangun hong
kilangh ciang,
15. tuipi liimna in nuntakna nei peuma mon nawn ngawl
tu hi ci in, note le nganhing theampo tungah kong kamciamna ka phawk tu hi.
16. Meei sungah sangun a kilangh ciang ka en tu
a, taciang keima le leitung ah nuntakna nei a minpiangte kilaklaw ah tawntung thuciamna
sia ka phawk tu hi.
17. Tua sangun in nuntakna nei a minpiangte
tungah kamciam ka piakna lim ahi hi” ci hi.
Noah
le A Tapate
18. Teambaw
sung pan a pusuak Noah tapate sia Shem, Ham le Japheth ahi hi. (Ham sia
19. Hi
Noah ii tapa thumte sia leitung mihing theampo ii pute ahi uh hi.
20. Noah
sia lothopa khat hi a, sapit ciing masabelpa ahi hi.
21. Ama
in zu ne in kham a, a puante suutin a puanbuk sungah a pumnguakin lum hi.
22.
23. Taciang Shem le Japheth in puantual khat la in
amate ii liangko nungsangah baang uh hi, a nung lelam in puanbuk sungah tum uh a,
a pa sia puantual taw siin uh hi.
A pa uh a pumnguak a om a mu ngawl natu in amate in maingat
ngawl uh hi.
24. Noah
a zu kham theau a, ama tungah a tapa nozaw ii a vawtna teng a heak ciang
25. Noah
in, “
26. Shem ii Pathian TOPA kipok tahen!
27. Pathian in Japheth pung sak tahen! A suan a
paalte le Shem ii suante teangkhawm tahen!
28. Tuipi
liim zawkciang Noah kum 350 nungta a,
29. kum 950 a phak ciang thi hi.
Pianciilna 8 Pianciilna 10 Innpii
________________________________________________________________
Siyin Bible, TEV,