Vol.1;.No.2 June,2003
Zaangsi Seino Picnic .
15 May 2003, Bogyoke Park
Zaangsi Seino te ii vaihawmna taw Sizaang Picnic sia 15 May 2003 ni in Yangon, Bogyoke Park ah ni khat bup sung kinei thei a, mihing 150 vaal kihel thei hi. Hi bangin Sizang khangnote Picnic kuan sia ngual nopna thathong bek tu hi ngawlin khat le khat kiheakna khangin, kimainap seseam in mai lamsang ah kipawlin nasep khop thei natu te deina ahi hi.
Picnic ci sia ngualnopna vawt tu a thupi bel hi a, ahizong thuson hun zongh a om ngawlin puicing zo ngawl ahikom Zaangsi Seino a tam zaw ii deina le lungkimna taw thuson tu in Dr. Mang Cin Pau kisam hi. A nasep min le za le tu laitak a panmun te hangin a kisam hi ngawl a, tu hun khangnote ii dik sak bel khat a hina taw a kisam suak hi.
Picnic sungah la sakna, thusonna, an neak khopna, ngualnopna, ngeina lap lap khopna te a kinei ban ah, Sizang tangval te ngaknu hong pai teng sung pan a pha bel Mr.Sizang le Miss Sizang tealna zongh kinei a, tangval sung pan Mr. Sizang sia Tg. Thawng Khan Dong (Dr.Thang Za Lian ii tapa) le ngaknu sung pan Miss Sizang sia Miss Oai Lun Cing (Tg.Mang Lun Pau ii naunu) in nga hi. Amate sia 2003 kum atu in Zaangsi Seino ii pha a sak bel Sizang tangval le Sizang ngaknu te ahi hi.
Picnic kuan thei natu in mawtaw hong vaihawm sak U Lian Cin Mang, Sound system te hong kawm U Mang Pau te innkuan, meiset hong kawm Tg. Thang Cin Tual, video hong zaih Tg. Lian Khan Thawng, kisapna tataum ah hong panpui YSBC pawlpi le nu le pa te, vaihawmna ah a diang tuam a ngim tuam te le hong pai hong uap nu le pa, khangno misim tungah Zaangsi Seino in son zawk ngawl, tee zawk ngawlin lungdamna kinei hi.
Zaangsi Seino Ngualnop Ngamkuanna ah
Dr. Mang Cin Pau ii thusonna
Tuni Sizang Khangnote atu in, ni manpha mama khat hi ci in ka ngaisun a, hi hun manpha sungah thuson hun nong piak uh manin, Zaangsi Seino vaihawmte theampo tungah ka lungdam15 May 2003, Bogyoke Park
Zaangsi Seino te ii vaihawmna taw Sizaang Picnic sia 15 May 2003 ni in Yangon, Bogyoke Park ah ni khat bup sung kinei thei a, mihing 150 vaal kihel thei hi. Hi bangin Sizang khangnote Picnic kuan sia ngual nopna thathong bek tu hi ngawlin khat le khat kiheakna khangin, kimainap seseam in mai lamsang ah kipawlin nasep khop thei natu te deina ahi hi.Picnic ci sia ngualnopna vawt tu a thupi bel hi a, ahizong thuson hun zongh a om ngawlin puicing zo ngawl ahikom Zaangsi Seino a tam zaw ii deina le lungkimna taw thuson tu in Dr. Mang Cin Pau kisam hi. A nasep min le za le tu laitak a panmun te hangin a kisam hi ngawl a, tu hun khangnote ii dik sak bel khat a hina taw a kisam suak hi.

Picnic sungah la sakna, thusonna, an neak khopna, ngualnopna, ngeina lap lap khopna te a kinei ban ah, Sizang tangval te ngaknu hong pai teng sung pan a pha bel Mr.Sizang le Miss Sizang tealna zongh kinei a, tangval sung pan Mr. Sizang sia Tg. Thawng Khan Dong (Dr.Thang Za Lian ii tapa) le ngaknu sung pan Miss Sizang sia Miss Oai Lun Cing (Tg.Mang Lun Pau ii naunu) in nga hi. Amate sia 2003 kum atu in Zaangsi Seino ii pha a sak bel Sizang tangval le Sizang ngaknu te ahi hi.
Picnic kuan thei natu in mawtaw hong vaihawm sak U Lian Cin Mang, Sound system te hong kawm U Mang Pau te innkuan, meiset hong kawm Tg. Thang Cin Tual, video hong zaih Tg. Lian Khan Thawng, kisapna tataum ah hong panpui YSBC pawlpi le nu le pa te, vaihawmna ah a diang tuam a ngim tuam te le hong pai hong uap nu le pa, khangno misim tungah Zaangsi Seino in son zawk ngawl, tee zawk ngawlin lungdamna kinei hi.na kong son masa nuam hi.

Zaangsi Seino Kipawlna a pian theina sia, ngual sungah kihel a, ngual ii kipawlna le a khantona ih muna tungtawn in hong piang hi, ci in ka ngaisun hi. 1965 kumin, Sizang Khangno Ngualnop Ngamkuanna (Picnic), Ngatan Lui ah kivawt masa phit a, tua zawkciang Mawngkham, Suangbum ah kum 3 kipee in kivawt ngei hi. Tua lai zongin, a lampui zawhiat te sia, mundang ah sangkaa te veu ma hi a, minam taw kisai in, a muna, a telna, a kikheal te (paradigm shift) tungtawnin, a sep uh ahi hi.

Ei Sizang minamte sia, mi tawm ih hi tazong, tunung sia hun sungah min le zaa le, tavuan lian nei kitam mama hi. Ahizong, tu ciang, eima le eima kiam tuan ngawl a kisa ih om tazong, ngual ih bat laakna sia, mun tatuam ah kimu thei hi. Tuni hong pai teng Tapidaw veu ma tam zaw ih hi ciang, Tapidaw upna khat hong son tong. Lai Thiangtho sungah Pathian in kei hong umte, khang li dongin thupha ka pia tu hi, ci hi. 104 kumin Tapidaw kisuak a, tasia pan khang li sia khang khat ciang average a kum 40 in kituat ahi ciang, kum 40 vei 4 = 160 hi a, 1904+160=2064 hi a, kum 2064 kum ciang khang li na bo tu hi. Luamte luite a kanh ciang, thakhat in kang paih ngawl a, dadam in a kiamsusuk bangin, khang li cinh maa zongh in dadam in kikiam thei tu hi. Tuni hong kihel teng sia, thu tel sa, thu phawk sa vive ih hi tazong, ih Sizang ii maisang atu in a nuai a thute ngaisut tuak hi ci in kong pualaak nuam hi.

1 Chi in tui sangin saa zaw hi (Blood in thicker than water) a ci bangma, Sizang chimal sia, ih pumpi sung pan bo vazeang ngawl tu a, chimal kibang teng ma zongh ki it zawhiat am kipawl thei zawhiat hi. Leitung minam lian Negro, Mongols, Armenoids, Nordios, Aryans, Semetics ci bangin a om bangma, tuate pan hong meang kik a no zongh om hi. Leitung ah chisan tungtawn in minam nei tek uh hi. Hi thu kuama in nial thei ngawl hi.

2 Tu hun ciang mihing theampo in, lai kisim thei zo a, ih Sizang minam thute laibu, laisal tam mama sungah ki at zo ahikom, nidang hun lai a, lai nei ngawl minam pawlkhat te ii a bo bang vazeang in, kibo thong thei ngawl tu hi.

3 Ih vasuk ih vato na papo ah ka mangthaap nuam le kei thu, ka bo nuam le kei thu, ka sua nop po suak tong ci in ih om tu hang, ih kitholpui ih kiheak pui susun te sia, nam nei tek veu ma hi thong ahikom, thu thupi khat, tua ahibale buaina lian khat hong om cianga, ih kitholpui te in, amate minam tek ma hong tuu a, ei sia kivaal thei hi. Hong kipuavawk thei lai hi.

4 Kipawl khop diimdiamna sia, maisang khanto natu in thupi hi. America te sia, maisang kum 200 dong atu, bangma lau om ngawl ahitazong, khua sau a ngaisutna taw, ahi thei belin kipawl a, a vaihawm thei natu hanciam kenkon hi, kici hi. Ih nungsang thute ih ngaisut ciang, kipawlna a om khol ngawl hu in, ngam ukna taw kisai ahizong, biakna taw kisai ahizong ih kitapna tam mama om zo hi. Kipawlna nei nginge tu le, thinsung ngaisutna te a phabel a sua thei natu in, ih kikup tawntung tu sia thupi hi.

5 Kipawlna tungtawn in nasepna in muibun zaw hi. Pilna sinna, sum zonna, ngamdang paina ci bang a tatuam thute atu in, khat le khat kihuu tu ih kihanciam sangin, kipawlna tungtawnin, kivawt pui leang muibun thei zaw hi. Kipawlna zongh, minam kibang ngawl mihing 1000 ih kipawlna sangin, minam kibang 1000 kipawlna sia khangto pal zaw a, muibun zaw hi ci hi. (Focus, by John D.Robb). Eima sung ih khangto phot bale zong, leitung vai, biakna vai sungah minam dangte kihuu zo ngawl tu hi.

6 Kipawlna le kimumu na tungtawn in, khat le khat ki itna kingaina khang sak hi. Ih kimumu pui ngawl ih lawm khat sia, ih thin sung taw ki it ahihang, ki khe la ngawl hi. Taciang, mihing khat le khat sia kilem ngawlna, ki dik sak ngawlna a nei zong, kinai tawntung ii, kimu tawntung po le a ki diksak ngawlna te, thai kikik hi. Kimu ki bua het thong le a khan tawntung kihuatsa tu hi.

Tuni in, kuama a kidoi om ngawlin, eima mealheak teng bek, eima bee teng bek, ci a phulum vokpui bangin omkhawm valum, kizui valum ci om ngawlin, hi diimdiam a ih kithol sia et hoi mama ka sa hi.

Mai sangah,
Zaangsi Seino te ih ngam atu in Pathian in hong zangh suak tahen.
Zaangsi Seino te ih omna po ah ki khangto tahen.
Zaangsi Seino te sungah Kilemna le Ki pawlkhopna om tawntung tahen a, Minam dangte a huu zo tu in piang tahen.
Dear Editor, Seino Thelna
Tu lai leh khang kik Zaangsi Seinote atu in, ngaisutna tawm ka pia nuam lei a, Zaangsi Seino sungah nong sua sak natu in kong thum nuam hi. A khang masa Zaangsi Seino te ih a citakna ngual a batna sa te ih et ciangin, ih pu ih pa ii hau masak hang le hi bo; ih omna ih lei tangh a phat hu hang le hi bo; pilna zon' maksak tu ih heak thei man am ngual a na ban suak hi.Ih pu ih pa ahi, ih Sizang sungah hausa upa te in, Japan ngal ngat pipi sung ma ah a tu le a tate pilna a ngaisutna in Manglai sinna sang na phuan a, a khak sang ciangin Thuklai State High School dong suak to hi.
Mangkang te hong uk pan kipan, Kawlngam suatakna ih nga zawk- Masalah hun dong- Zaangsi Seino sung panin, ngam lampui a dawl a dawlin kisuak susuk hi. Hi sia thu in Sizangmi a hina hang hi ngawlin lai a heak tek man bek hi a, Thuklai Sangpi panin a khangte veu ahi hi.
Tu zongin, ih khanto na sa lampi ma zui lai in a saangna ah kaa to tu hi ka sa hi. Kei ngaisut bang ci leang:-
Tu hun seseam ciangin, ih sum thalaw na mun sia Kawlngam sung bek suak thei nawn ngawlin Mang-kaang ngam, mivom ngam veu ah ih pai kul zo hi. Ei Kawllai le Kawl kam tawh in khuala ki theng thei nawn ngawl hi. Manglai le Mangkam heak tu hun hong theng zaw hi. Ei tan 10 on' ei graduate te ngamdang te in hong saang nawn ngawl hi.
Tua ahi man ih khang kik Seino te atu in Manglai sang khat ih nei ngawl suak thei nawn ngawl hi. Tua sang ah subjects theampo Manglai in sin tu a, Kawllai Kawlkam heak natu in, tan sim laisimbu pha khat veu zangh tu hi. Tan 5 panin tan 10 dong hilh tu a, tan 10 a theng te GCE (London Matric) phi sak tu hi. GCE ong te simleitung ah a ki recognised hi a, nasep zonna ol paih hi. A saangzaw zongh ah a kaa to lai tu te atu zong, koima po ah tan 10 ong in kisaang hi.
Tua sang ih koi natu mun sia, tu laitak anneak tuidawn haksa ahiman, a ol zaw hiat na mun ahi Kawlpi ngam teng- Tahan, Leipui, Thing Unau teng mun khat hi tu hi. Khuala pan a kaa sangpatangte atu in a belh tu mealheak a om thei belh na mun hi tu hi. Kum khat kum 2 sungah boarding kipia zo ngawl lai tu ahi bangma, sang-patangte sia day-scholars in a kaa phot kul tu hi. Sang sya seam tu sia, Mangkam Manglai a he sangsya bek kila tu hi. Tan 7 a theng sa khat sia Mangkam Manglai a zangh thei a suak tu in kihilh tu hi. Tuition fees sia sangpatang kim piak zawk tu in vaihawm tu hi.
Sanginn building a kivawt zawk mateng ngual mailim khawng sap in khua sungah kikhen tu hi, Sang building nei zawk natu in donation khon tu a mihing 500 dong kaa thei natu in niim phot tu hi.
Tuahi ciang, Zaangsi seino seihaam, ih ngaisutna tek kum leang, ka uuk manin Zaangsi Seino sungah ka ngaisutna kong suak sak hi. No zong bangbang na ngaisun uh ziam, hi sungma ah hong kikop pui tavun, ci-in kong thum hi.
Ngam le mi a it
U Son Za Hau
Zaangsi Seino te in Stipend piak sawm
Zaangsi Seino min taw in Sizang minam sung pan tan 9, tan 10 a sin, laipil in nuntakna a haksa zaw hiat sangpatang te Stipend piak tu kisawm hi. Fund sia mundang khat pan a lom in a kinga ci bang hi ngawl a, Seino te in ih mipui sung pan laipil in a haksa te atu ngaisutna taw eima pocket money sung pan piak zawk za tek kikum in huuna piak tu a kingaisun ahi hi.
Stipend a seau nuam te le a thu a cingin a he nuamte in a nuai a address om bangin lai hong thak tavun a, a seau natu FORM hong vaitha tavun.
Zaangsi Seino
37 / 41, 6A, 50th Street, Botataung
Myanmar, Yangon, Tel. 202581
Zi Zonna
U.P.Ngin Za Thang
Pasal peuma sia zi ih nei nak kul ahi bangma in bangbang in zi zong tu a, Topa Pathian deina taw a kisii in zon thei tu sia thungetna taw nasia takin ki aap kul hi. Tua hi a, a masa phitbel in Nu le Pa dei sakna nga phot tu hi. Tua zawkciang Lai Thiangtho taw kisii ziam kisii ngawl ziam ci sia a nuai a Lai Thiangtho teng pha tak sim tu hi.
Pianciil 24; 27:46; 28:1; Thiampi 17:6; Ngamsung vakna 25:6-8; Ezra 9:12; 10:2; 1Kumpi 11:2; Nehemiah 10:30; Pusuana 34:16; Thuhil kikna 7:3.
Thang Boai taw Holimna
18 May 2003 nipi ni YSBC pan ka cia ciang Thelna Asst. Editor Dopui taw ton khawm sia 50th St. ah Lt.Col. Khai Mun Mang ii tupa ahi Thang Boai Mung (s/o Pa Cin Ko Kam) taw kisi a, niangtui sai ah tum in a nuai a bangin holimna le thu kidokna ka nei uh hi.
Seino - Thang Boai la series khat vawt ci a, zaza ve ung na man nai zo le?
T.Boai - Music teng man zo, a la hile khum saan lai
Seino - Studio koi sung zangh ni?
T.Boai - Mentelzone. Band zongh amate ma hi paih.
Seino - Mentelzone ah Thian Khai om ve, na kihe uh le?
T.Boai - A masa ki he ngawl ve ung. Ka min a zaak ciang pha tak kidongh sia, Sizang mi tetek ci hong
               heak ciang dei sak peuma ve.
Seino - Tua le na min bangba pia tu ni?
T.Boai - Thang Boai, Kawllai a xefrfbGdKif;
Seino - La at kua teng na zangh le?
T.Boai - auatwD ? &Drkd ? i,fql;opf ? jrifhrkd&fatmif ? tmckdif ci te pawl zangh khi.
Seino - Na late copy ziam maw? ....... ahi bale
T.Boai - Tu tung sia copy veu hi phot vak.
Seino - Mai sang copy veu ma sak tu sawm ni ziam maw...?
T.Boai - Ngaisut bang ahile ukd,fykdifoHpOfzongh sak zawk tu hanciam vak ing.
Seino - Na sponsor sia akua zia? Ko ka he ngei tu uh?
T.Boai - U Mg Mg Kyi, Wai Waii sponsor sia pa ve.
Seino - Na Pu taw sia koisung pan kimu thei nu?
T.Boai - Wadan lam, "May Eleven" a Karaoke sakna pan.
Seino - Na kimu po ma ciang, la na khum nuam, ci zia?
T.Boai - Ka address le phone nambat la te, ni thum zawkciang paupui kik sia, inn a haw ciang, la na khum nuam ziam? ci son pui.
Seino - Na kipat uh ngei zo zia?
T.Boai - April tha, Tuibuak Poai maa hiat ve.
Seino - Hi bang hong huu sia bangba na ngaisun le?
T.Boai - Ka la sak nop kum 3 bang hi zo a, tu ciang Pathian ii a lamdang mama hong vaihawm puina khat ci in ngaisun ing.                          Zongh ka lungdam.
Seino - Series min bang ci sawm ni?
T.Boai - Kihe thei ba lai, khum kakawm ngaisut lai tu hi vak.
Seino - Bang hun ciang sua sak zawk na sawm u?
T.Boai - Tu kum 2003 bo maa, Phalbi sung khawng.
Seino - Hi bang kimu thei lungdam e! Na la a sua ciang a ngai tu na kinging tu khu ze.
----------------------------------------------------------------------------------------------------------------------------------------------------
A kilaw ol a lauhuai natna (SARS)
2003 February zawkciang, Asia pan ngam a khom khat, America, Canada, Europe ngam te a kihel ngam 27 sungah hong piang natna nam khat sia SARS a kici Severe Acute Respiratory Syndrome natna ahi hi. Tua natna sia kilaw tu a ol mama tuap natna nam khat hi. Natna kilaw tu ol mama ahikom hi natna a nei te taw ni khat sung bang om khawm tha leang kilaw paih ci hi. Natna nei teni tawmvei zawkciang thi paih hi. Hi natna a piang sak lungno sia Novel Corona Virus ci in he ahihang hi natna dal zawk natu le dam sak thei natu zatui om ngawl lai hi.
Hi natna sia ei Kawlngam kiim ngam paamte pawl khat ah theng zo hi. Ei Kawlngam sungah zongh hong theng ngawl tu ci theina om ngawl a, kumpi te in zongh kidal kholna tatuamte vaihawm pui hi. Ngam sung hong tum thak peuma zongh natna nei, nei ngawl pha takin sitna vawt hi. Hi natna hangin ngam tatuam ah a tum a pusuak nuam khualhaw tu te zongh haksa tuam mama ci thu kiza hi.
Chin Christian Centenary
Khamtung Zo ngam pan Tapidaw sua Kum 100 cin poai sia Central Committee te ii khensatna ah 17-22 March 2004 hun sung vawt tu, 18-19 March 2004 hun sung sia ZBC Triennial Meeting hi in, 19 March nitak pan kipan 20-21 March 2003 hun sia Kum 100 cin poaipi hi tu ci in kiza hi.
Centenary Prayer Mountain
Khamtung Zomite ii Tapidaw sua Kum 100 cin Poai tepteena in Thungetna Mual (Prayer Mountain) Taingen khua hui Sialsitaak Mual ah vawt tu a, Kum 100 cin Poaipi pan zin cia kik ni 22 March 2004 ni in honna vawt tu in ngealna kinei hi. Kum 100 cin zawk Minam kim, Denomination kim ii thunget thei natu ahi hi.
A/E za taw nasep tum tu
Tg. Thawng Zo Khai (Dr.Kam Cin Dal ii tapa) Ministry of Electric Power, Myanma Electric Power Enterprise ah nasep tum natu, azgifBuD;oifwef; a kaa lai tak hi a, oifwef; a man ciang A / E za taw panmun la in seam paih tu hi.
Professor nga
Sm Sing Ko Neam (Mary Lun Pum) Taungyi University, History Department ah Professor nga a, Sizang mi sung pan Dr. Lt.Col.Suang Za Pau le Dr. Sv Kam Cin Dal te ii zom ah Professor hong nga kik ahikom kilungdam pui tek hi.
Kalay University
Khaikam khua Kalay Degree College sia tu in kumpi te in Kalay University suak sak zo hi.
Yangon Siyin Directory
"Yangon Siyin Directory 2003" kinga thei zo hi. Bu khat ciang Seino te huuna panpui na in Ks. 500/- taw lei tek tawng. Tua laibu no sungah Khamtung ngam le Kalay Tahan Sizangte ii telephone number te le ngam sung ngampua Sizangte ii Email Address te zongh kihel hi. Sizaangte le Sizangte taw a kizom Zomi, midang tatuam te atu in a kizangh mama tu laibu no khat ahi hi. Hi laibu a dei te in Zaangsi Seino lampui te le a tuan in a nuai a agent te tungah kinga thei hi ci thu kong taangko uh hi.
Yangon Siyin Directory
nga theina munte
1. Lia Vai Do Niang (YSBC)
2. Lia Neam Thian Huai (FGA, Ygn)
3. U Zam Pome Howe (Tedim)
4. U Lam Khan Mang (Hakha)
5. U K.T. Ngo Za Lian (Tahan, Kalay
Tu hun nai bel sung a piang
Khuangai Thu
1. Pa Vum Nang (s/o Pa Pau Do) 9.4.2003 ni Tahan ah leitung nusia.
2. Nu Zam Huai (d/o Pa Thang Za Cin) 10.4.2003 ni Tahan ah leitung nusia
3. Pa Ngul Nang (s/o Pa Thang Zam) 11.4.2003 ni Theizang ah leitung nusia.
4. Nu Hau Ko Vung, 22.4.2003 ni leitung nusia.
5. Tg. Zam Khan Thang 25.4.2003 ni Tahan ah leitung nusia.
6. Tg. Khup Ko Khai (s/o Dr. Vum Ko Hau) 26.4.2003 ni leitung nusia
7. Maj. Dr. Stephen Do Ko Thawng 29.4.2003 ni leitung nusia.
8. Nu Ciang Khai, 25.5.2003 ni Maishu ah leitung nusia.
9. Nu Niang Cing (d/o Vial Kham) 30.5.2003 ni leitung nusia.
10. Sm Nuam Thian Cing 1.6.2003 ni Liimkhai ah leitung nusia.
11. Pa Thuam Khai (Pumva) 2.6.2003 ni leitung nusia
12. Lia Dim Thian Cing (d/o Ciang Za Neam) 2.6.2003 ni leitung nusia
13. Pa Ngin Khan Lun (s/o Pa Vum Ko Lian) 16.6.2003 ni leitung nusia
14. Nu Ciang Cing (d/o Pa Tuang Za Thang) 19.6.2003 ni leitung nusia
15. Lt.Col. Son Za Thang (Rtd.) 25.6.2003 ni leitung nusia.
16. Nu Ciin Za Dim (Thuklai) 30.6.2003 ni Tahan ah leitung nusia.
-----------------------
Seino THELNA Editor
82 / 80 Top Floor (Right)
50th Street, Pazundaung
Yangon, Myanmar. Tel. 297012
_________________________
Communication Secretary
37 / 41, 6A, 50th Street, Botataung
Myanmar, Yangon, Tel. 202581
thawngno@cybertech.net.mm
1