Constitution and Bylaw of Siyin Youth Association
Hi kipawlna min sia Zaangsi Seino (Siyin Youth Association) hi tu hi.
II. Kipawlna
Hi kipawlna ii tepteena lim(logo) sia sialkiithei hi tu hi.
III. Phualpi (Vanue)
Kipawlna ii phualpi sia Yangon khuapi sung mun khat hi tu hi.
IV.Tupna le Sawmna te (Aims and Objectives)
(1)Sizaang khangno sung pilna lamsang kihu theina tu, thu ki zaak sak theina tu le kizopna nei thei natu
(To share Education resources and to exchange ideas and Information among Siyin youths)
(2) Sizaang khangno sungah lei tung nuntaak na le khanto na taw kisai a taangzai aa nasep khop thei natu
(To improve business relation among Siyin Youths)
(3) Sizaang ngeina le Zo ngeina, hawmthiam luheakna te abul dong kan tu aa kep cing tu a kilawm teng kep cing thei natu
(To preserve Siyin and Chin culture, traditions and social integrities)
(4) Sizang lai le Sizaang kam kepcing na tu le khanto sak thei natu
(To preserve and uplift the Siyin Literature and Dialect)
(5) Sizaang sung Zo sungah nopna le hena dana te ah ahi thei za kihu, kihel theina tu
(To participate in social welfare among the Siyins and the Chins.)
(6) Sizaang mi nam sung bek hi ngawlin Zomi nam sung, mi nam dang te sung zongah I sizaang min tawh ahi zong mi hing khat sim ahi zong ki zopna le ki hel nei thei na tu.
( To have good relations with the Chins and other societies and to participate in events conducted by the Chins and other societies)
v. Din mun (PRINCIPLES)
(1) Hi kipawlna sia naingnganzi taw a kisai ngawl kipawlna (Non political organization) hi tu hi.
(2) Hi kipawlna sia biakna taw a kisai ngawl (Non religious organization) hi tu hi. Biakna taw ki doidan na om ngawl tu hi.
(3)Tupna le sawmna te taw kizui i Sizangte khanto natu in naseam tu hi.
VI. Pawlmi (Membership)
(1) Pawlmi hi thei tu te
i. Sizang mi kum 15 a pha sa hi tu hi.
ii. A nu ahibale a pa khat sasang Sizang mi hi tu hi
iii. Sizaangmi ahi bua zong Sizaang ngam Sizaang khua khat papo ah apu apa hun pan teang aa Sizang ngeina tawh nungta aa Sizaang minam aki ngaisun Sizaang thin anei khat papo zong tum thei tu hi.
(2) Pawl Huam Mi (Associate Member)
Sizaangmi Pawl sungah tum na anei ngawl lai theampo pawl huam mi in ki ngai sun tu hi
(3) Pawl sung tum ciangin a nuai a bang teng pia in tum tu hi.
i. Pawl tumna lai
ii. Pawl tumna sum
iii. Kum sum
VII. Pawl phuzia ( Structure)
Pawl phuzia sia Office Bearer, Executive Committee, Association Council le Pawlmi buppi ci in om sak tu hi.
1. Office Bearer
Office Bearer (O.B.) sungah a nuai punmun teng om tu hi.
i. Advisors sungpan 5
ii. Chairman 1
iii. Vice-Chairmen 2
iv. Executive Secretary 1
v. Treasurer 1
2. Executive Committee
O.B teng le Unit Secretary teng kingawm sia Executive Committee hi tu a, a nuai a panmun teng hi tu hi.
i. Advisors sungpan 5
ii. Chairman 1
iii. Vice-Chairmen 2
iv. Executive Secretary 1
v. Treasurer 1
3. Association Council
E.C buppi le Unit member theampo kingawm sia Association Council hi tu hi.
4. Pawlmi buppi (Mass)
Kipawlna sung hong tum theampo sia Pawlmi buppi (Mass) kici tu hi.
VIII. Qualification of the Council MeMbers.
(1) Patrons
Kum (50) a pha sa Sizaang Pasal, Nupi theampo hi tu hi
(2) Advisors
i. Kum (35) a pha sa hi tu hi.
ii. Degree (Secular or Theological) khat papo a nga sa hi tu hi.
iii. Pawl atu ngaisutna pha a nei te, hongpia theite hi tu hi.
(3) Chairman
i. Ama kum kum (30) a pha sa hi tu hi.
ii. University/College pan Secular Degree a nga sa hi tu hi
iii. Pawl atu ngaisutna hoi a nei le a seam thei hi tu hi.
(4) Vice - Chairmen
i. Ama kum kum (25) a pha sa hi tu hi.
ii. Thu le la ah a muan huai hi tu hi.
(5) Executive Secretary
i. Ama kum kum (21) a pha sa hi tu hi.
ii. Kumpi sang pan tan (10) ong sa hi tu hi.
iii. Pawl atu na a seam thei mi hi tu hi.
(6) Treasurer
i. Ama kum kum (25) a pha sa hi tu hi.
ii. University/College pan degree nga sa hi tu hi.
iii. Pawl atu na seam thei hi tu hi.
iv. Sazian paidan a he mi khat hi tu hi.
(7) Unit Secretary
i. Ama kum kum (18) a pha sa hi tu hi.
ii. Ama thiamna taw kizui in a seam thei te hi tu hi.
(1) Advisors
Pawl ii thubullet le thumeilet om bangin lam hong lak tu a, nung sang thu le mai sang thu taw kizui in bangbangh ngamta tu ci in ngaisutna hong pia tu hi.
(2) Chairman
i. Pawl ii lampui pi in hong ding tu hi.
ii. Meeting thu kikupna papo ah lampui tu hi
iii. Kipawlna taw kisai heak pui in, a kul bangbangh vaan tu hi.
iv. Om ngawlna khat a nei le Vice-Chairman te tungah a nasep aap tu hi.
(3) Vice-Chairmen
i. Pawl sung mihing a khanto natu in hong kaizawn tu hi.
ii. Chairman ii aapna a nei ciang le a kisap hun ciangin Chairman seam tu hi.
(4) Executive Secretary
i. Pawl ii nasep na theampo Sizang lai taw ciamtee tu hi.
ii. Meeting nei tu ciang Chairman oai na taw meeting sam tu hi.
iii. Meeting thu khensatna theampo ciamtee a, a seam tu te tungah lai taw za sak tu hi.
iv. Om thei ngawlna a nei ciang le a kitaangsap hun ciang Unit Secretary khat papo tungah a nasep teng aap tu hi.
(5) Treasurer
i. Pawl ii sum nei te keam tu hi.
ii. Bank ah sum koi ciang ama min mun khat ah kihel tu hi.
iii. Meeting pan khensatna a om sa sum zak tu te thuk thei tu in vaihawm tu hi.
iv. Accountant taw seam khawm pai tu hi.
(6) Unit Secretaries
(a) Finance Secretary
i. Sizang mite khanto natu, a kisamh sum le paai zonna ah lampui in seam tu hi.
ii. Sum ngana le sum zakna sazian theampo ciamtee in annual meeting ah hong pualaak tu hi.
iii. Finance Secretary tu sia Executive Secretary in seam tu a, Commitee sungah Chairman, Treasurer, Advisor te
sung pan khat le a kilawm dang khat koi tu hi.
(b) Communication Secretary
i. Thu kizaksakna News letters atu thukan lampui hi tu hi.
ii. Ngam sung ngam pua Sizang mite tungah thuzak sakna nei in a kisamh bangin za sak kik tu hi.
(c) Literature Secretary
i. E.C khensatna taw kisai in Sizang lai khanto natu lampui in seam tu hi
ii. Sizang lai taw laibu tatuam vawt ciang lampui in seam tu hi.
(d) Education Secretary
i. Sizang khangno sung pilna lamsang ah hun taw kizui in tel sak na nei in lampui tu hi.
(e) Business Secretary
i. Sizang mite sungah Business taw kisai kalsuan natu le leitung khanto zia taw kizui in bangbangh ngamta tu ci in
lampui tu hi.
(f) Health Secretary
i. Sizang mite sungah ciidamna taw kisai lampui tu hi.
(g) Women Secretary
i. Sizang numei sung pilna khantona, ciidam na, silh le ten, an huan dan, khut thiamna tatuam te ah khanto natu
lampui tu hi.
(h) Culture Secretary
i. Sizang ngeina taw kisai lap, la, puansilh nikten, ngeina pha te kepcing tu le a hoi zaw in belap to thei natu in lampui
in seam tu hi.
(i) Social Secretary
i. Sizang sung nopna le daa na mun te ahizong u le nau mealheak nasep tuak thute ah ahizong heak sakna ah ahi
thei za in lampui tu hi.
(j) Arts & Music Secretary
i. Sizang mite sungah la sak, tum thei tatuam(Music), limsuai, cartoon le exhibation sangah khanto natu lampui in
seam tu hi.
(k) Games and Sport Secretary
i. Sizang mi sung lol kidemna tatuam te khanto thei natu in lampui in seam tu hi.
(1) O.B Meeting
EC meeting atu agenda ngeal khol nop ciang ahizong thupha maw a om ciang ahizong a kul bangin sam thei tu hi.
(2) E.C Meeting
i. Tha thum ciang khat vei, kum khat sung li vei om sak hamtang tu hi.
ii. A pha maw a om ciang Emergency meeting sam thei tu hi.
(3) Association Council Meeting
i. Kum khat sung a tawm bel khat vei sam tu hi.
ii. A kul bangin Emergency Meeting sam thei tu hi.
(4) Mass Meeting
i. Panmun len kiteal hun kum nii ciang khat vei nei tu hi.
ii. A kitung zo le kum sim zong vawt thei tu hi.
(5) Annual Meeting
i. Association Council taw ahizong Mass taw ahizong Annual Meeting vawt thei tu hi.
ii. Pan munlen kiteal hun Annual Meeting ciang pawlmi buppi kihel tu hi.
Meeting khat papo ah meeting kaa thei tu mihing a lang sangin a tam zaw a om le meeting vawt thei tu hi. Thu khensatna theampo ah a tamzaw lungkimna (Parliamentary Procedure) zangh tu hi.
(1) Normination le a nasep
i. Kiteal tu hun tha khat a kisap hun ciangin mihing (5) a kihel Norminaton Commitee khat E.C in form-up tu hi.
ii. Hi Normination Commitee in hong pai tu hun term khat sung panmunlen tu teng hong tavaw sak tu hi.
(2) Election (Kitealna )
i. Kitealna ah Normination Commitee in hong lampui tu a, ama te in panmunlen tu a tavaw sa teng mipi mai ah hong
pualaak tu hi.
ii. Mipi in panmunlen tavaw sa te khat papo a laih nuam le amate dei sia son tu a, nomination committee ii tavaw sa
sia taw vote khai in kidem sak tu a, a zo sia kip sak tu hi.
iii. Panmunlen tealna sia Kumcin Mass meeting ah vawt tu a, kikip sak tu hi.
iv. Unit Secretary taw naseam khawm tu Unit member tu te Unit Secretary in ama dei teng Mass Meeting ah pualaak
tu a, tua sungah kip sakna nei tu hi.
(3) Term
i. Term khat ciang kum 2 hi tu hi.
ii. Panmunlen khat in panmun khat ah term nii a kizom in seam thei tu hi.
(1) Sum Ngana
A nuai a thulu tatuam taw a kinga sum te pawlsum hi tu hi.
i. Pawl tumna sum
ii. Kum sum
iii. Pawl min taw thukim in a kizong sum
iv. Mihing khat papo in ahizong, kipawlna khat papo in ahizong hong piak sum
v. Pawl ii nei vanh khat papo zuakna pan a kinga sum
vi. Bank meet
(2) Sum kepna
i. Treasurer khut sungah zak tawm tu in a kikoi ngawl buang a dang pawl sum theampo Bank ah koi tu hi.
ii. Bank ah sum koi ciang Treasurer, Chairman le Advisor sung pan khat a kingawm mihing thum ii min taw join in koi
tu hi.
iii. Sum koina Bank laibu sia Secretary in keam tu hi.
(3) Sum Zakna
i. Sum zakna theampo E.C. thukimna taw in kizangh tu hi.
ii. Zaktawm tu sum E.C ii a ciangtan sak za Treasurer in keam thei tu hi.
iii. Sum tum le sum zak na theampo Finnance Secretary in ciamtee tu hi.
(4) Audit
i. Annual Meeting vawt mahiat le kul sak hun ciangin Sazian sit thei tu in certificate nei te in sazian sit sak tu hi.
i. Pawlsum taw a kilei vanh tatuam le mihing khat papo ahibale kipawlna khat papo ii hong piak vanhte
ii. Pawl ii neisa theampo sazian taw Executive Secretary in keam tu hi.
Hi thubullet le thumeilet te pua kik nopna, belap nopna a om le E.C. te tungah za sak tu a E.C. ii lungkim zawkciang A.C. ah son tu a, A.C. Meeting pan 2/3 lungkimna taw pua kik thei bek tu hi. Hi bangin sepna khat papo sia Mass Meeting in lungkimna a nei ciang a kip hi pheang tu hi.