ENE MAITEARI (N. de Felipe) Hiri, neure maitea, dedikatzen dinat negar hau. Gaizki erabili duten herriaren negarran dun, hizkuntza zauritu ta etxe apurtu baten negarra. Haz gaitezen maitasunean, bai biok, baina zauriak osatuaz geure herriari, esperantza gabe dagon geure herriari. Jo ta ke dabiltzanen zauriak, ezer egin gabe dabiltzanen zauriak. Zauriak sendatzen bet, bai beti, elkarri, bizia emanez hil arte geure herriari. Maita nazan maitasun handiz eta gorriz, jo ta ke gorrituta, zauriz, odolez, maitasunez, bizitzaz gorrituta. KULEBRIN KULEBRON (Asier Gozategi) Zorioneko etxe honetan Bada hamaika istori ama ohean etzan zenean aita gainera erori ondorenak zer ekarri zuen ez esan gero inori aita gainean mugikor eta marik ez zan ageri. Aitonak lanik ematen duen edo ez, amari galde utzi ezkero amona ere salduko luke debalde alde batetik erdi itsua despistatua bestalde pixa egiten iaioa degu taparikan altxa gabe. Gure etxean ezin bestean telebistak jo du kiebra aitona degu kulebroi eta amona berriz kulebra. NAHI ZUIA JIN (Herrikoia) Nahi zuia jin, brun eta xarmanta, nahi zuia jin, oihan aldera. Udaberriak zuhaitzak oro lorea ortzadar margoz apaindu derauzkigu. Goazin, maite, goazin, gerezi hartera zerua lurrean ikustera. HAURRAK IKAS ZAZUE Haurrak ikas zazue, Eskuaraz mintzatzen, ongi pilotan eta, oneski dantzatzen. (bis) Aide ttun ttiki ttun aide ttun aide... Gure kantu zaharrak, kontserba ditzagun, ez da sortu nehun, (bis) Aide ttun ttiki ttun aide ttun aide. KATUAREN TESTAMENTUE (Oskorri) Hil da, hil da gure katue Ein dau, ein dau testamentue Hil da, hil da gure katue Ein dau, ein dau testamentue: Amumantzako, amumantzako hankak eta burue Aititenzako, aititentzako albarkak eitteko narrue Mantxolintzako, Mantxolintzako tripa barrue horixe dala, horixe dala katuen testamentue. EUSKALDUNBERRIAREN MAZURKA Xalbardin/Herrikoia Gure euskara mendi itsasotik hirira ekarri bertso bi herorri euskaldun berri horri Gure euskaran zuri beltz ari naiz juan da etorri nor nori biba hi euskaldun berri hori Gure euskarak normaltasuna "vasco" erdaldunari hel hadi euskadi euskaldun berriari Gure euskaraz eskola karrika etxe ta lantegi esker bi gaur hiri euskaldun berriari Hastapenetik martxa eman hire bizi osoari zenari danari euskaraz mintza hadi Hastapenetik lehen hitza tono egokian jarri gaiari kontari hi ta biok kantari Astapenetik neurri zehatz eta doinu aukerari rimari has hadi hi ta ni bertsolari Hastapenetik hordagoka zaharren enbidoari puntu bi altxa hi euskararen gudari . IDAHOKO BERRIAK (B. Martinez & S. Gandarias) We are plenty in here Euskaditik einak And we want to advertise Pasten dien egiak Trai larai Pasten dien egiak Today-ko neskatilak Jazten dira pretty Powder ipini eta Enseguida all ready Trai la rai Enseguida all ready Sidewayen pasten den People guztiari Begia ginatu eta Come on right in honey Trai la rai Come on right in honey Sartu barrura eta Ensegida all ready Lenik erraten dabe Gimme first my money Trai la rai Gimme first my money How much money zuk niri Kobratu horregaz? Beside the war taxes Bakarrik two dollars Trai la rai Bakarrik two dollars Two dollars-gaitikan Skirts-ak altzatu All right erran eta Chewing gomie maskatu Trai la rai Chewing gomie maskatu Two dollars joaten dira kaltza barrenera Oh! Sweety etorri berriz Zure mamma ikustera Trai la rai Zure mamma ikustera Joan Marvins-en kafeterata Gimmie piece of apple pie Orain hauxe fan eta We will be feeling fine Trai la rai We will be feeling fine I had bederatzi betso In this paper jarriak Idahoko estaduko Euskaldun berriak Trai la rai Euskaldun berriak. KALERA, KALERA Altza begiak zapaldu orok, diarra lagunari, berriro izango gaituk kide indar emanaz iraultzari. Kalera, kalera, borrokalari, kalera. Hire indarraren beharra diagu gure indarrarekin batera. Zai dago ama, zai aita, zai andre ta lagunak. Hator, hator Euskadira; hator, hator etxera. Ezin gure oihuak isildu ezin gaituzte zapaldu, lagunak non diren badakigu, oihuka herria daukagu. Bultza ta bultza euskal langile, euskal populu sufritua, burni kateak erre labetan, danba-danba lurrera kartzelak. Luza eskuak indarrik baduk, jaikitzeko garaia da; herri guztia zuen zai dago denok eskuz esku helduta.

OIHANEKO ZUHAIÑETAN Oihaneko zuhainetan eder zuhainik gorena Europako populietan famaturik uskalduna Hura da zaharrena kantabriaren semia Lorius bere lurretan beti libre egon dena. Leheneko uskaluneri fama zaio baratu Fidel zela herriari eta legetan argitu Hura izan da gerlari, usu odolak ixuri Fidelitatian etxeki eta legia hareki Harix piala bildurik uskal herri orotarik Bakotxak bere botza emanik eta legia zen egin Orai ezta legerik ez eta ere juntarik Fidelitatia galdurik eta legia saldurik. BAI EUSKARARI (T. Monzon) Uso zuria, uso gorria dantzan nabil suaren gain. Uso gorria, uso zuria Herriak Euskarari Bai. Neure kabia daukat garretan, neure umeak neure zain, nago odoletan, garretan, txinparta gainetan neure umeak neure zain. Uso zuria aurkitu dute, hotzaz dardaraz erdi hila. Uso gorria garretan dago Euskal Herriaren bila. Uso zuria lehengoa duzu, uso gorria geroa Euskal Herritik uso bakar bat eguzki aldera doa. Uso zuria, uso gorria... ...neure umeak neure zain. San Juan loreak usaina dute eta Herriek arima, Euskal Herria euskara barik irin gabeko ogia. Euskal Herria euskara gabe hegal gabeko usoa, uso gaztea aidatu hadi, eta eguzkiraino hoa. Uso zuria, uso gorria... ...neure umeak neure zain. ETA BAI, ETA BAI, NIK EUSKARARI BAI TA BAI. ETA BAI, ETA BAI, GUK EUSKARARI BAI TA BAI. AGURRAREN LEZIOA (R. Ordorika) Jonek taxi bat hartu du Geltokiaren bidean Ikasi nahiean dabil Agurraren lezioa Agurraren lezioa Bere alde batek baietz dio Ezetza berriz besteak Ez da aise konprenitzen Agurraren lezioa Urrezko hitz eder hoiek Zu eta ni, betiko, hoiek denak Ez ditu orain aurkitzen Agurraren lezioan Agurraren lezioan Agurraren lezio hori ikasteko Ahazten jakin behar Lezio hori ez dago ikasterik (Hala esaten dizuet nik) Nork du ahazten ikasiko? Nork du ahazten ikasiko? Bagoi gehiegizko trena Gauean barrena Ahazteko esango nioke Ez pentsatzeko iraganaz Ez dela xamur ulertzen Agurraren lezioa Agurraren lezioa. ITXAROPENA (Su ta gar) Bakardadea sentitzeko beldurrak behartzen nau egun hontan barnekoa ateratzera. Nerekin zaude nahiz eta soilik bihotzean laister elkartuko gara izar alaiago batetan. Ez dut galduko Itxaropena nahiz 'ta zu ez egon zure zain naiz. Agertzen zinen bakoitzean ez nuela behar ezer zure izate hutsak betetzen zidan gorputza baina gure mundu hau nahiko gaizki eraikia izan denez azkenean paradisua infernu bilakatu zan. Ez dut galduko Itxaropean nahiz ta zu ez egon zure zain naiz. ABYA-YALA (J. Tapia) Txerokee eta Txeyene irrintzi eta aiene zapaldutako loreak berriro lurrean erne. Aimara eta Ketxua zabalduz doa kexua geroa zaila da baina iragana jakintsua. Maya eta Yanomami munduak dena du mami izakien bizinahia ama lurraren legami. Gogoa amets egin zen indioa izan nintzen. Haiekin ikasi nuen Amerika deskubritzen. Haiekin ikasi nuen Euskal Herrian bizitzen. PRIMA EIJERRA Prima eijerra, zütan fidatürik, anitx bagira, oro tronpatürik. Enia zirenez erradazü bai al-ez, bestela banua desertiala nigarrez hurtzera. Desertiala juan nahi bazira, arren zuaza, oi, bena berhala. Etzitiala jin harzara nigana, bestela gogua dolütüren zaizü, amoros gaxua. NAFARROA, ARRAGOA (Xabier Lete) Nafarroa, arragoa, argiaren pausaleku haizearen ibil-toki zabal, hesirik gabea. Nafarroa, arragoa, sua eta ura, kondaira urratu baten oihartzun oihukatua. Amets bat baino gehiago, ez oparotasun osoa: nahiaren eta ezinaren burrukatoki ekaitzez betea. Nafarroa, arragoa mahats eta gari maitasun eta gorroto gezur eta egia gurea. Nafarroa, arragoa lur beroen sabel emankorra eta goiko mendi hotzen mendetako loa. Nafarroa, zuhur eta eroa, lurrik maitatuena, hormarik gabe utzitako etxea: erreka gardenen negarrez ibai lodietara ixurtzen ari den odol bustikoarraren iturri bizia. Nafarroa, arragoa eta oinarri eta oinaze eta bidean zure bila ibiltzea ... Pinudiek usaintzen dituzten harri txigorrezko bidetan gora o, Nafarroa, Nafarroa betikoa. AMODIOZKO KANTA (Negu Gorriak) Maite zaitut, nere poltsarekin, autobusera abiatzen naizen bakoitzean Maite zaitut, bidai luze honetan, loak ezin hartuz Maite zaitut, nerea ez den herri batean, kafesnea hartzerakoan Maite zaitut, horma grisak ikusten eta zenbakia ematen didatenean Itzultzean, liburua hartu bezain laister, Loak hartzen nau zurekin egiteko amets Eta ametsetan, maite zaitut laztana, Xabierren olerki obsesibo bat bezala, Sarrik konatutako narrazio bat bezala, Atxagaren obabako ipuin bat bezala, Mikelen istoio odoltsu ba bezala, Maite zaitut, laztana. Maite zaitut, karneta erakusterakoan miatzen nauten bitartean. Maite zaitut, bi metro karratuetan eserita itxaroten dudanean Maite zaitut, agertu eta begieken dena adierazten didazunean Maite zaitu, zure eskua ikutu beharrean kristal lodia ferekatzen dudanean Maite ditut, bisitak irauten duen 55 minutuak Zerraila hotsak, beste hilabete ikusi gabe gogorazten didanean Beste kanta, ere idatz nezake, baina nahiago dut nekatua egotea Ta esaldia, nekatzen ez zaituena, beste hamaika aldiz errepitatuko nizun