(G.)J. Greshoff: `Oni demandis sin kion Elsschot povus skribi post
Insidekapti, se li restus en la sama atmosfero. Kaj jen, post dek jaroj
li aperigis, plej neatendite, Fromagxo-n, novan romanon el la
komercistaro. En tiu nun precipe evidentigxas la valoro de Elsschot kiel homo
kaj romanverkisto: li restis sama al si mem, lojala al la legxoj de sia naturo,
kaj tamen kreis libron, kiu estas tute alia ol Insidekapti kaj preskaux
cxiurilate pli bona. Artisto kiel li ne ripetas sin, cxar li, kun sia abomeno de
cxiu profesia verkado, nur devigate de neevitebla interna neceseco povas decidi
eldiri. Fromagxo denove estas la simpla rakonto pri afero kiu farigxas
tragedio, sed kiu cxifoje okazas en tute alia nivelo. La okazajxoj farigxis multe
pli intimaj kaj pro tio la tendeco estas pli gxenerale homa. Ankaux la rakonto
mem estas pli konciza ol Insidekapti kaj pro tio pli rapide kaj pli
profunde enpenetras la internajn tavolojn de nia animo.'