| INHOOLD Tourääch ätter: seelt.htm |
|
||||
| INHOOLD |
Dät
Program N Program uum sun Steede tou moakjen hääbe doo maaste fon uus al. Bie Windows 98 sit nämmelk as Äkstroa dät Program FrontPage Express. Wan dät nit ap dien Büroblääd stoant, soo koast duu dät säike mäd Verkenner. In C:\Program Files\FrontPage Express\BIN sit Fpxpress.exe. Sliepe dät mäd dän Muus ätter dät Büroblääd, dan koast duu deerfon immer startje. (FrontPage Express is uk fräi tou kriegen bie Microsoft). In FrontPage Express koast duu fluks type: "Dit wäd mien Websteede!" Bewoarje dät dan Als Datei unner dän Noome index.htm. Ferjeet nit wier duu dät deelsätst. Nuu kumt dät 'apleeden' un dät häd mie
fuul Moite kostet, dän mäd dän Inetwiz in
Windows kuud iek niks ounfange un uk nit mäd n uur
Program.
|
||||
| INHOOLD |
Apmoakenge FrontPage kostet niks un fielicht deeruum is goarneen goude Anleedenge deerbie. Glukkelk rakt dät ferscheedene Websteeden wier me Hälpe fiende kon, as:
Hier foulgje wäkke Punkte: |
||||
| INHOOLD |
Hyperlinks Moakje nuu n Siede Musik.htm un type deer dän Text "Tetteretet!" ap. Gunge nuu wier in FrontPage Express ätter Index.htm un moake unner "Dit wäd mien Websteede!" ne näie Riege. Wääle in Menü Einfügen dän Apdraach Hyperlink. Type in Hyperlink machen unner World Wide Web bie URL dän Text Musik.htm un klik OK. Nuu stoant ap Index.htm die Text Musik.htm in blau. Leede nuu bee Sieden ap un wääle in Internet Explorer dien www-Adresse. Klik nuu ap Erneuern un Musik.htm kumt deer uk ap. Klik deerap un dan kumt: "Tetteretet!". Ap disse Wiese koast duu ap aal muugelke Sieden waiwiese, uk fon ap doo fon uur Ljuude. Wan duu dän bestimde Siede in (juu eerste eepende Version fon) Internet Explorer apruupen hääbe, dan stoant hie automatisk al bie URL. Bie loange Texte is dät uk muugelk uum buppe ap n Siede Inhoold mäd Hyperlinks tou moakjen, doo ap doo ferscheedene Twiskenstukke waiwiese, juust as ap disse Siede juu gräine Boolke links. Type t.B. ap juu Siede Musik.htm aan Schirm ätter unner dän Kop Klassisk un selektierje (wääle) dän. Klik nuu ap Blattanzeiger in Menü Bearbeiten un klik ap OK; unner "Klassisk" kumt nuu ne punktierde Lienje. Gunge nuu ätter buppen in juu Siede un wääle in Menü Einfügen wier dän Apdraach Hyperlink. Klik in Hyperlink machen bie Seiten öffnen ap Musik un deer in Blattanzeiger ap Klassisk un klik OK. Nuu kumt ap juu Siede die Text Musik. Deer klik ap un juu Bielde springt ätter dän Text "Klassisk". Annerje dän Text Musik tou Klassisk. Soo kon aan ätter älke Paat fon n Siede tourääch springe. Dät aal kon me noch moal bekiekje in HTML in Menü Bild. |
||||
| INHOOLD |
HTML-Kode Klik ap HTML.. in Menü Bild. Dan sjuchst duu dän HTML-Kode fon juu Siede juu duu juust moaked hääst. Deer stoant al fuul Bekoandes oane, man uk noch fuul Kode. Fröier moaste me dät aal sälwen soo ountype, man nuu sät FrontPage Express dät foar uus deerbie. Daach is dät wäil moal mäkkelk uum wät tou annerjen in dän HTML-Kode. Soo stoant buppe-an title. Wan duu deer bie dät Bewoarjen fon Juu Siede niks foar uutfäld hääst, dan nimt dät Program automatisk doo eerste Woude fon dän Text fon dän Schirm af uurs n eer bruukten Tittel. In n Ounfang kummert me sik deer nit uum, man dät is daach dän Text die bie dän Ämpfanger unner ap dän Explorer-Boolke kumt. Un noch fuul läpper: bie Ounmäldenge bie ne Säikmaschine kumt hie tjuk buppe juu Fermäldenge tou stounden! Deer is dät fluch dät me in HTML zeigen und bearbeiten eenfach annerje kon tou n fluggen un pakjenden Tittel. Klik dan ap OK un kloor is dät! Dit wieren mien Unnerfiendengen in
groawe Strieke. Wäl mäd fuul Ärfoarenge kon dät
sicher beeter, man die sjucht doo stuure Seeken fon dän
Ounfanger nit moor. Insteede foar .htm kon me uk
.html type, man iek meene dät dät in FrontPage
Express soo eenfacher gungt.
|
ientaid is uum juu Iendeelenge tou bekiekjen. Klik wier
uut uum dät Resultoat tou bekiekjen.