Afayaivos n'Asturies
Asturies ye un pequeñu país européu asitiáu nel noroeste de la
península ibérica, una nación que demientres 3 sieglos
(del VIII al X) esistió comu estáu estremáu, y que de magar
entós vien defendiendo'l so drechu a seguir esistiendo comu Pueblu
y a ver reconocía la so soberanía y el drechu al autodetermín.
Los enfrentamientos colos intentos integracionistes del Estáu
español son continos a lo llargo la nuesa hestoria protagonizando,
nesti sieglu XX, dos declaraciones d'independencia: n'ochobre del 34
y n'agostu del 37, dambes xabazmente aplastaes pol exércitu español.
Anguañu Asturies afáyase xebrada en tres comunidaes autónomas: el
Principado de Asturies, Castiella-Lleón y Cantabria, atopándose'l
90% del so territorio nel "Principado", onde se cunta con un
gobiernu autonómico ensin más valir qu'una curtia descentralización
alministrativa que refuga la posibilidá d'un mínimu de soberanía.
Ye esti gobiernu autonómico y otres istituciones del Estáu español
les que pretenden vender una imaxe paradisíaco del nuesu país, una
imaxe idílica que nun respuende a la rialidá na que vivimos los
asturianos y asturianas y que tapez custiones importantes pa nós
porque:
Asturies ye un paradisu natural, pero la contaminación, les
esplotaciones a cielu abiertu y la masificación turística faen
que bona parte del nuesu territorio tea fechu una llaceria.
Asturies ye un país con una bayura cultural descomanada, pero la
nuesa cultura sigue tando marxinada y la llingua asturiana non
solo nun ye oficial, sinon que'l so usu ye castigáu Ilegalmente.
El Pueblu asturiano ye un puebiu pacíficu, pero los mozos asturianos
siguen diendo a prisión por ñegase a servir al exércitu español.
Asturies ye un país ricu en recursos materiales y humanos, pero la
xestión del Estáu español ta esfarrapando tol nuesu texíu económicu,
empobinándomos al paru y la emigración.
Pero sobrotou, Asturies ye un país vivu, con un Pueblu que trabaya y
llucha pa siguir esistiendo, pa defender la so identidá y el so
futuru.
Tais n'Asturies. Afayaivos.
