Equi te presentamos el nueu y esperáu trabayu de dixebra titulau "Dieron en Duru". Esti cuartu discu grabose nos primeros díis del mes de mayu nos estudios ODDS de Xixón y masterizose n'Azkarate (Euskal Herria) nos Estudios Katarain.

Dixebra ñacio fai diez años n'Aviles y dende aquella sigue calteniendo la mesma propuesta: iguar un rock bramente asturianu con tres premises básiques comu son l'emplegu esclusivu de la llingua asturiana pa espresase, l'enxertamientu ente la so instrumentación de la gaita y la conformación d'una música contundente y de múltiples influencies con testos basaos na realidá del País

E n tou esti tiempu y al traviés de los sos discos vamos viendo les estramaes fontes musicales de les que beben; nel so estilu particular entemecen con naturalidá ritmos rap, punk, ska, folk, reggae, harcore, salsa o funky.

Con esta nueva entrega discografica dixebra afítase tovía más na so propuesta, anque tamién se nota una evolución hacia un soníu más ellaboráu y con testos más trabayaos si cabe, que nos falen d'Asturies y la so situacíon políticu-social-llaboral (la oficialidá, el trabayu na mina... son temes nes sos lletres), peru tamién la rebeldía, el razismu, l'amor o la folixa tan presentes. Testos de creación propia o d'escritores asturianos comu Xandru Fernandez, Pepin Quevedo (autor n'asturianu del sieglu pasáu), Boni Perez o'l cantautor Toli Morilla; hai inclusu una lletra basada nun poema de Grabiel Celaya

Musicalmente ufierten un soniu compautu y mesmamente más duru de lo que nos teníen avezáu, en "Dieron en Duru" podemos alcontrar sones de calter reggae (Maizón), rap (Grieska, Xente, Esto ye Asturies), folk (Nesti mundu traidor), funky (Xorra...). Nesta ocasión la reproducción corrió a cargu del músicu vascu Kike Arkarazo (ex guitarrista de Negu Gorriak y güei miembru de Nación Reixa). Prestixiosu productor que trabayó con xente como Siniestro total, Os diplomáticos, Guerrilla Urbana, Banda Bassoti (Italia). Jesus Cifuentes, Hechos Contra el Decoro, etc. Con él dixebra alcontró'l soníu qu'andaben buscandu: durus potente, pero cola suficienti versatilidá comu pa poder enxertar una gaita, un cordión o una seción de vientu

Ccon esti nueu discu dixebra siguen cellebrando los sos diez años d'esistencia. Enantes vinieren el llibur "Llingua y Rock" con un apendiz especial dedicau a ellos, el discu "L'asturianu Muevese" onde venti bandes del tol Estáu cancien na nuesa llingua, y siguirá esta cellebración nel mes d'agostu con la so participación como reprsentante asturianu nel afamau Festival Intercelticu de Lorient (Bretaña).

Dixebra convirtioronse por drechu propiu nún de los grupos más representativos y importantes del rock asturianu, el so compromisu con esta tierra sigue vivu y la so trayectoria ta ehí p'afitalo, y ye que con ellos.......

DIERON EN DURU

dixebra,
87 / 97

Aptáu. 342

33400 Aviles - Asturies -