LLAN DE CUBEL ye un grupu asturianu de música folk, que trabaya sobro la tradición musical asturiana, dando-y un nueu soníu.

Pa ello recurre al material recoyíu nos archivos de los grupos asturianos d’investigación etnográfica, asina comu a un llabor complementariu de trabayu de campu por parte de miembros del propiu grupu, ensin escaecer los temes más populares conocíos por tola xente asturiano

La formación de los componentes de LLAN DE CUBEL básase en dos aspeutos fundamentales: per un llau, son músicos tradicionales, conoceores ya intérpretes habituales de los istrumentos más carauterísticos d’Asturies; per otru llau, el so interés por otres tradiciones de la Europa Atlántica ariquecieren los conocimientos musicales del grupu, n’especial nos aspeutos téunicos y armónicos.

El soníu de LLAN DE CUBEL ye acústicu. El pesu de la melodía y la percusión llevenlu los istrumentos asturianos (gaita, vigulín, xiblata travesera de maera, tambor y panderos), mentes que l’armonía proporcionenla la guitarra acústica y el bouzouki (qu’asinamesmo contribuin a la sólida basa rítmica, tan carauterística del grupu). Solo se recurre a istrumentos llétricos (pedalera de baxos y teclaos) comu sofitu en psaxes mui concretos de ciertos temes. Anque la llinia del grupu ye básicamente istrumental, nun dexa d’incluyir dalgunos temes canciaos.

El repertoriu de LLAN DE CUBEL provién, en gran midía, de la tradición asturiana de vigulín, xiblata, curdión y, sobro tou, de gaita: alboraes, marches y pasacais, bailles (comu saltones, muñeires, polques...), música relixosa (misa de gaita),etc. Otres fontes avezaes incluin dances y canción tradicional asturiana: tonada, vaqueiraes, villancicos, canciares (de la mariña, de trabayu, dechigre...). En cuantu a los temes canciaos, ainda incluyendo delles lletres tradicionales, LLAN DE CUBEL suel emplegar testos d’autor, pelo xeneral contemporanios, siempre musicaos con melodíes tradicionales asturianes.

Dende los sos anicios en 1984, LLAN DE CUBEL tien participao activamente nel procesu de revitalización de la cultura tradicional asturiana, contribuyendo temién a la divulgación de la mesma, sobro tou no qu’a música y llingua se refier. El so llabor comu grupu pioneru del folk asturianu ta reconocía na importante obre “Hestoria d’Asturies”, nel apartáu dedicáu a la hestoria de la música asturiana. Anguañu ye la formación más afitada dientru del movimientu folk autóctonu, dsiendo referencia importante pa les nueves xeneraciones..

FORMACIÓN

HESTORIA

Dempués de coincidir nun festival, deciden trabayar conxuntamente nel aniciu d’un grupu de folk asturianu, al que bauticen col nome d’un monte del conceyu de Cuideiru: LLAN DE CUBEL. Remembramos equí que, por entós, n’Asturies solo furrulaben dos grupos de folk afitaos (dambos esapaecíos hai años).

Tres un curtiu periodu de rodaxe, el grupu plantegase un trabayu más costante y profesional, animáu pola bona acoýia que tein la so presentación pública, n’avientu de 1984, nel II Certame d’Arpa Céltica d’Uviéu.

De la formación anicial del grupu queden anguañu Elíes García, Fonsu Mielgu y Marcos Llope, a los que se xunieren Flaviu Rodríguez, Xel Pereda y Simón Bradley nos años 1993, 1995 y 1996 respeutivamente. Tamién pasó pel grupu’l guitarrista J.M.Cano y collaboraren en direutu los gaiteros H.Urquhart y X.N.Expósito.

CURRÍCULUM

DISCOGRAFÍA

RECONOCIMIENTOS Y OTROS

La favoratible acoyía del primer discu foi superada pol sos segundu trabayu, NA LLENDE, editáu en 1990, pol que reciben el prestixosu premiu “Superventolín” al Meyor Grupu con Raigaños, concedíu pol periódicu La Nueva España y Radio Nacional de España por votaciónpopular. Nel añu 1992, el míticu grupu escoecés THE TANNAHILL WEAVERS fai una versión d’un de los temes de NA LLENDE nel so trabayu THE MERMAID’S SONG.

L’apaición del so tercer discu L’OTRU LLAU DE LA MAR , n’avientu de 1992, supón otru gran ésitu, algamando tres premios “Superventolín”: al Meyor Grupu con Raigaños, a la meyor produición y al meyor istrumentista. Con ello, LLAN DE CUBEL conviértese nel grupu asturianu con más premios “Superventolín”, perriba de formaciones de músiques consideraes davezu comu más comerciales (pop, rock, jazz, etc).

En 1993, LLAN DE CUBEL algama’l premiu al Meyor Grupu Folk del Añu, otorgáu por Radio Nacional de España en Murcia, por votación de los oyentes.

N’avientu de 1994, coincidiendo col décimu aniversariu del grupu, la Sociedá Xeneral d’Autores d’España concede al grupu el “Discu d’Oru Honoríficu” pola so contribuición a la música asturiana demientres los diez años anteriores, reconocencia ésta a la que s’amesta l’ Asociación d’Escritores Asturianos.

En xunu de 1995 sal a la lluz IV, que fasta agora ye consideráu’l so meyor trabayu, tantu pola calidá comu pola maurez d’estilu. Esi branu, demientres la xira de presentación del discu, LLAN DE CUBEL ye calificáu pola organización del 40º Festival de la Zampogna en Scapoli, Italia, comu’l meyor grupu folk de la escena europea.

N’ochobre de 1996 IV figura na llista de los 10 meyores discos folk del añu nel conocíu programa de Lee Blackstone en Radio WMUA, Amherst, Massachusetts.

Tres la bona acoyía de LLAN DE CUBEL y el so discu IV na Gran Bretaña, el sellu escocés, IONA RECORDS lleva a cau la edición a nivel mundial de IV pal añu 1997.

Anguañu, varios de los sos trabayos figuren ente los discos más vendíos de música folk n’Asturies.

CRÍTIQUES

“Una nuea demostración de talentu d’ esi esquisitu grupu asturianu que ye Llan de Cubel, una de les meyores bandes de folk del panorama español. La so música, rebosante de suxerencies y fascinaciones, algama una maurez a preba modes. Música d’Asturies pal mundiu, empapao de llirismu y complicidá”.
Tino Pertierra (La Nueva España)

“Atractivo postal sonoru (…) un contido interior, que vén sendo na sua práctica totalidade unha exibición de dignidade astur”. Xoán M. Estevez (A Nosa Terra)

“Músicos que desparraman profesionalidad y entrega allí por donde pasan, interpretando lo que como un don les es propio: lo asturiano…Toda una gozosa lección musical”. Aurelio Argel (La Voz de Asturias)

“Es el grupo del futuro (…) su música no tardará en pasar a formar parte importante del catálogo folk europeo.” Javier Blanco (La Nueva España)

“Llan de Cubel enseña los fecundos materiales sonoros del acero musical asturiano, o sea la cultura popular de los celtas australes, que cuando sale de ellos se ve tradicional y moderna, porque los contenidos son genuinos de la tierra, y la instrumentación contemporánea (…) Un alivio para el espectador cansado de tanto artista sin definición y de un escaparate que confunde lo lúbrico con lo mestizo y la desnaturalización con la modernidad”.
Xabier Rekalde (Diario El Mundo)

ACTUACIONES

ACTUACIONES

• XVII, XVIII, XX y XXIV Festivales Intercélticos de Lorient, Bretaña (Francia), 1987, 1988, 1990, 1994
• Fêtes de la Mer, Saint Nazaire, Bretaña (Francia), agostu de 1988
• III Festival Intercéltico de Oporto (Portugal), abril de 1992
• Grabación pa la NHK xaponesa incluyía nun programa sobro Asturies producíu por esta canal de televisión
• EXPO ’92, Sevilla, xunetu, agostu y setiembre de 1992
• Gira Italia 1993: Trento, Romano d’Ezzelino, Padova, Cassale Monferrato (Folkermesse), Verzelli, Savona (Musica nei Castelli di Liguria), xunetu de 1993
• Gira Escocia 1994: Fort William (Ceolmhor Lochabair Celtic Music Festival), Glasgow (Mayfest), Aberdeen, Thurso, Dingwall, Ullapool, Edimburgo (Escocia), mayu de 1994
• Actuaciones en direutu y programes especiales para la BBC Radio Scotland,Glasgow (Escocia), mayu de 1994, xineru de 1995, xineru de 1996
• Festival Inernational de Romans, Valence (Francia), xunetu de 1994
• 19èmes Rencontres Internationales de Saint Chartier (Francia), xunetu de 1994
• Festival Intercéltico de Gwengamp, Bretaña (Francia), agostu de 1994
• Celebración del Día de Asturias en Basilea (Suiza), setiembre de 1994
• Celtic Connections ’95 y Celtic Connections ’96, Glasgow (Escocia), xineri de 1995 y xineru de 1996
• Festival Folk Garrevaques, Toulouse (Francia), xunetu de 1995
• 40º Mercato e Festival de la Zampogna, Scapoli (Italia), agostu de 1995
• Grabación d’un programa en direutu pa la BBC Radio 2, Glasgow (Escocia), xineru de 1996
• Haapavesi Folk 96, Haapavesi (Finlandia), xunu de 1996
• Gira Italia 1996: Mondoví, Albenga, Turín, Vigonza, Fagagna, Venecia, Monterosso, Imperia, Montalbana (Suiza italiana), Sinio, Montegrotto Terme, xunetu de 1996
• Festival Internacional Ramo Grande, Cidade Praia da Vitoria, Terceira (Islles Azores), payares de 1996.

INFORMACIÓN Y CONTRATACIÓN