Si viôt a colp che l'universitât di Costance e je un grum diferente di che nestre. Che e je tipo campus fûr de vile ad ôr dal lât cul sô non, che se al è biel, di visuâl al è un spetacul. Al è un implant moderni, fat dal 1966 tal mieç di une campagne, che al è puest di slargjasi.

Dentri ti an une mense grandone cul cafè, une librarie, un ufici pai viaçs, un des puestis, une bancje come ancje une biblioteche juste di chês ben indevant cui servizis par computer.

Ai students dal forest po ancje ur an dât juste il puest di podê lâ a leisi su ducj i gjornâi e lis rivistis di Todesc e forestis che a son là. Po, pai colegaments cu la citât a son doi autobus che propit si ju cjape apene fûr de puarte de l'universitât, un ogni cuart d'ore e cun lôr si rive fin tal centri. Un esempli di seguilu pardabon.

Patrizio Spezia.