Chel di ricognossi mani legāl al dirit dal citadin di podź pandisi par furlan e di jessi capīt li che al trate cul Comun, al č sigūr un at civīl e uman di chei di dovź e ancje di rispiet di une tradizion che e je propit tal sanc de identitāt di Udin: compliments, alore, a chei che a an batūt par rivā un tant, tal “Palaē”, e une condane par chei invecit – di no crodi! – che a an cirūt sōl di blocā lant cussģ cuintri des “libertāts” civichis. Si capģs che il dirit di pandisi par furlan co si trate cul Comun, par cumņ, a ogni mūt lu dopraran voli e crōs juste chei che, intun mūt o in chel altri, lu an fat fin cumņ cence nancje savź o pe lōr impinion culturāl e/o politiche. Ve che lā a ricognossi, duncje, un dirit dal gjenar, perņ, nol vūl dī migo lā a tirā sł il furlan che al vegni plui doprāt de int che e je sul puest, se e jere chź la smire dai nestris sorestants! Par podź fā in maniere che al vegni plui doprāt, di fat, si ą di convinci, i vūl pandi lis resons di une sielte di lenghe che in ogni cās e ą di jessi cordade tal sisteme lą che e ą di lā a intivāsi. Si capģs che chźs resons a an di vźlis prime claris propit chei che si messedin par slargjā chel fevelā: a an di vź mani, di podź stā sł, di podź sei acetadis, daūr i vūl un program, une idee che e vedi un mani sociāl e culturāl. Il discors al č chel ca. E isal un program, une idee, un spieli avonde resonāt di podźlu ancje acetā, intal cjāf di chei che a son che messedin tal “Palaē” juste a pro dal furlan? Une domande di chźs penzis! Il Circul Universitari Furlan “Academie dal Friūl” al intint – e nol vāl migo dome par Udin – che chel di rionzi lis lenghis locāls nol vedi di jessi un program par so cont, ma al vedi di jentrā intun program par rionzi des comunitāts locāls – dutis “viertis” come int ma “sieradis” come culture - che a puedin garantīur une idee di partignince e une difese solidāl a ducj chei – che nol conte di dulą che a vegnin – che a intindin di jessi dentri, ma leāi. E al č sigūr plui facil che la int si meti sł a fevelā lengaēs locāi par difindisi jź e no par par lōr. Di fat, fevelā “locāl” “al fās comunitāt”. E la comunitāt e je util par difindisi: che, cuant che si č tacāts, bessōi no si fās nuie. E a sei comunitāt i vūl vź spirt di fradaie. Ve, duncje, ca un program; ve, duncje, ca une idee; ve culģ, inalore, un spieli di “utilitāt sociāl” lą che a puedin jentrā – e si spere – iniziativis par tirā sł il furlan e ducj i lengaēs, in fināl, che “a fasin locāl” ca di nō e ator par dut il mont. Di chźs robutis ca a varessin di tratā intes fiestis furlanistis, invecit di lā a pandi nome che lis notiziis sul incredit de lenghe te societāt furlane, che no si sa se i fasin propit un biel réclame!

VICTOR TOSORAT dean dal C.U.F. “Academie dal Friūl”