Par chest zōc busugnava jessi almancul in cuatri, fin a cinc sīs zuadōrs, ognidun cuntun baston; a coventava encja un capuē e un biel clap. A si faseva ta cort una busa par ogni zuadōr mancul un, in cercli ator dal clap. Un al tirava il capuē adalt, in mūt ch'al coląs sora il clap e a chest pont ducj ai ceriva di meti il so baston denti tar una busa; chel ch'al restava fōr al dava colps al capuē cerint di mandālu cuintra il clap, chei ātis ai ceriva di slontanā il capuē. Cuant che il capuē al bateva cuintra il clap, a si belava "trucul", e i zuadōrs a vevin da cambiā busa; a chest pont un al restava fōr di cualchi busa e al scugniva lui mandā il capuē viers il clap. Bisugnava jessi un grum sjvelts tal slontanā il capuē cenēa fāsji ocupā la busa. Dispčs a si cjapava o a si molava vuagnas tas cjavilas! Al č facil imagjinā la legra rumorositāt dal zōc (e l'indoman i segnos blu tas cjavilas). I mi impensi da l'ultima volta chi ai zuiāt dal "trucul", cuntuna compagnia di plui di vincj agns, as dōs dopo miezanot, denti dal gno paīs; il zōc al č finīt cuant che una femina a nu ą svuedāt jł il vās da not!

GJILDO SOLARI (tal lengaē di Pesariis)