Vacīl al č un piēul paīs di pōc mancul di cuatricent e cincuante abitants, dulą che prime de seconde vuere mondiāl si viveve di agriculture familiār e di emigrazion. La lenghe usade e je simpri stade il furlan e cuant che l'agriculture e ą vūt un svilup un pōc plui interessant, dovūt soredut ai sparagns dai emigrants, sparagns che a vegnivin cuasi simpri inviestīts in tiere, si č scomenēāt a viodi cualchi famee di fūr che si implantave in paīs par cjapā in consegne, cuasi simpri a mezadrie, i terens che ormai a jerin doventāts masse gravōs da mantignī dai contadins che di fat a jerin la famee dal emigrant. La plui grande part di chescj imigrants a vegnivin des zonis plui puaris des provinciis vicinis e planc planc a an cjapāt in gjestion, simpri cul contrat di mezadrie, cuasi dut il teren coltivabil. Cheste no je storie gnove, ma il fat interessant al č che man man che si svilupave l'agriculture si svilupave ancje un pōc l'economie locāl, ma soredut che i gnūfs vignūts si son integrāts inte comunitāt locāl in mūt tālmentri complet che dopo pōc timp, al di fūr dai vielis, par resons che si podin facilmentri capī, ducj a fevelavin il furlan. A esistin ancjemņ, al dģ di vuź, fameis che a fevelin furlan normālmentri e a fevelin il lōr dialet dome cui (pōcs) vielis restāts. Si cjatave sģ cualchidun che al partignive aes fameis de piēule borghesie che al fevelave il venit (chel inventāt in Friūl), ma a jerin pōcs e no vevin altri che contats ocasionāi cu la popolazion che e jere, pe plui grande part, contadine. L'integrazion dai imigrāts e je stade favuride ancje dal fat che la popolazion locāl e je simpri stade un pōc ruspie di carater ma buine di cūr e ju ą acetāts vulintīr, tant che di solit dopo pōc timp a fasevin part de comunitāt, intun mūt cussģ stret, che par un forest il paīs nol presentave, framieē de popolazion, diferencis di origjin. Dut chest par dimostrā che la lenghe e jere vive e buine di imponisi e che e costituive ancje il stret leam de comunitāt. Dopo la vuere dut al č cambiāt. Cui contats plui frecuents cun int foreste, la television, il teremot e, secont me, ancje a cause di un piēul (?) complčs di inferioritāt, che in Friūl nol č mai mancjāt, al č sucedūt che i gjenitōrs a an scomenēat a fevelā par talian cui fīs e, al dģ di vuź, no si cjate cuasi nissun fantat che al feveli par furlan; magari lu capissin perņ fra di lōr a fevelin par talian e se par cās a vegnin interpelāts in furlan a rispuindin simpri par talian. La int plui in etāt e continue a fevelā furlan ma se par cās si cjate di front un che nol č cognossūt e tache subit a fevelā par talian. Analizā cheste situazion nol sarą tant facil, e o soi sigūr che cualchidun lu ą za fat, ma se o volin che la nestre lenghe no finissi cun nō, alc bisugne fā, sedi azion di propagande sedi intervents di altre nature ma o crōt che l'azion plui impuartante e sedi chź di tornā a creā un rispiet par lis tradizions, la supierbie di jessi furlans e di vź une lenghe nestre e tentā di distruzi il serpint dal complčs di inferioritāt che si trasmet di gjenerazion in gjenerazion come une malatie. Cualchidun, ancje int istruide, al dīs che scomenēant di piēui a fevelā par talian, si lu impare plui facilmentri e plui coretamentri ma jo o crōt che e sedi nome une scuse o pigrizie, se no je ignorance. Tantis robis a son cambiadis tal piēul mont contadin (e no) e no dut al č miōr di prime. La colpe naturālmentri no si po dāle al fat che no si fevele plui furlan. Ma intant la famee e je cuasi disgregade, i cjamps no an plui cisis, i roiuēs che une volte a corevin ca e lą pe campagne, e che di fantats a jerin un dai nestris divertiments, a son stats cuvierts, sedi par fā stradis, sedi par vuadagnā teren pes coltivazions. Lis cisilis, simpri plui raris par cause dal tuessin che si cjate dut intor tai cjamps, no segnalin plui la primevere... Che e sedi dome nostalgjie?....

ARMANDO MIORINI