Favur il-Biedja f’Tal-Virtù
Is-Segretarja/u tal-Bord
L-Awtorità Maltija dwar il-Ħarsien ta’ l-Ambjent (MEPA)
St. Francis Ravelin
Il-Furjana.
L-1
ta’ Lulju, 2002
Sinjur/a,
Inizjamed
hija waħda mill-ħafna organizzazzjonijiet mhux governattivi
Maltin li qegħdin jopponu b’mod pubbliku l-iżvilupp
insostenibbli u irresponsabbli li qed jiġi propost minn AX Holdings
fir-raba’ li hemm fil-limiti ta’ Tal-Virtù fir-Rabat.
Kif
taf, din il-proposta tmur kontra l-Pjan ta’ Struttura u s-sens komun
f’pajjiż fejn ir-raba’ jiswa iżjed minn mitqlu deheb. Barra
minn hekk, il-proposta ta’ AX Holdings tikser ukoll il-ftehim bejn
l-Istat Malti u l-Vatikan dwar l-amministrazzjoni ta’ l-artijiet.
Fl-Istudju dwar l-Impatt Ambjentali tal-Korsa tal-Golf li xxandar dan l-aħħar l-isem ta’ Inizjamed u ta’ numru ta’ għaqdiet oħra tħalla barra minkejja li l-pożizzjoni tagħna għamilnieha pubblika żmien ilu. Inizjamed hija membru fil-Front Kontra l-Korsa tal-Golf f’Tal-Virtù.
Grazzi ta’ l-interess tiegħek u saħħiet
Adrian Grima
(Koordinatur)
