GAITA
Ye, ensín discusión, la reina de los instrumentos asturianos. El so usu ta documentáu dende, polo menos, la Edá Media, asina alcontrámosla por primer vez nun capitel de la maliayesa ilesia de Sta. María de La Oliva (s. XII). Güei calculase qu'hai unos 3000 gaiteros n'Asturies, cuandu nos años 70 malapenes había una ventena, eso fala bien ñidio de la revolución musical que tamos viviendo nel nuesu País y de la que naide nun falo entá. La gaita ta perviva y preba d'esto ye l'apaición d'instrumentos más perfechos, como la gaita cromático d'Alberto Fernández o la Midi d'Hevia. Tolos grupos asturianos de folk usen gaita.