|
LOS AGUARONES son un grupu acústicu de Xixón. Ta formáu por miembros de Llan de Cubel y Felpeyu, ta empobináu a les jam sessions. |
ALBERTO FERNÁNDEZ VARILLAS, otru gaiteru que ganó'l MacAllan. Tien asoleyáu un discu, "Día de fiesta n'Asturies", que sirvió d'amuesa de les posibilidaes de la gaita cromático que construyera so padre, Alberto Fernández. |
ASTURIANA MINING COMPANY son los heriedes del míticu XAREU FOLK. El talentu d'esi asturianu de Pittsburgh, Michael Lee Wolf, vuelve tar nos escenarios, acompangáu por músicos comu Alberto Varillas (ganador del MacAllan). Esti grupu apaez nel discu "Naciones Celtes 2" asoleyáu por Fonomusic en 1998. Presentaron el so debut discográficu, "Patrimoniu", el 28 de xunu nel Teatru Xovellanos de Xixón. |
BALANDRAN, grupu asitiáu n'Avilés. Combina la tradición col usu de les nuees teunoloxíes. Tienen asoleyaos dos trabayos, "Balandrán" y "El Viaxe", nesti cunten cola collaboración de Jose Tejedor (ganador del MacAllan, 3 vegaes!!). Ye un grupu mui venceyáu a les nuees tendencies, lo que yos val pa ser el diañu pa munchos críticos qu'entá creen na pureza de soníos y races. |
LA BANDINA LES 47 ye otru proyeutu de Santi Caleya. Recuperen la sonoridá de les vieyes bandines tradicionales. |
BON CUBERU, nueu grupín ñacíu en Castrillón en 1998. Faen un folk acústicu pero perorixinal. |
BRENGA ASTUR los asturianos de la diéspora. Grupu asitiáu en Madrid, amiesten instrumentos tradicionales con otros lléutricos, asemeyándose la so música al soníu de les ceili bands irlandeses.Dende fai bien poco toca con ellos el gaiteru Jorge Areces (ganador del MacAllan). Tienen un discu nel mercáu,"Raigaños Celtes", espublizáu pol sellu avilesín L'Aguañaz. Pa depués del branu sacarán el so segundo trabayu, "Canciones del Gochu Xabaz", cola compañía Fonofolk Alvarez Miranda 3,3ºb Villaviciosa (Asturies) Almirante Francisco Moreno 5,6ºD, 28040 Madrid TLFNU: 98 589 0110/91 450 85 35 
|
BRITONIA grupu de Entrambasauguas, formáu por xente de Euskadi, Galicia y Asturies, qu´amesten la música de los trés países. Cunten con un discu nel mercáu, asoleyáu nel 99. |
CANDANIN... |
CELTRES, más xente moxo d'Avilés y que-y da pola música folk. Tercetu acústicu (gaita, guitarra y percusión) que tien tocáu nel Festival Intercélticu d'Avilés y nel de Saint Malo(Breizh). |
LA CIGUA grupu avilesín, el so cabezaleru nun ye otru que l'hestóricu César "Maniegu". El so estilu ta dientru del folk-rock, onde'l protagonismu llévenlu les lletres, orixinales o tradicionales. Asoleyaron el so primer CD con L'Aguañaz, discu que se noma "Mil años va que nací".
TLFNU: 670 50 41 64 / 985 54 48 13 |
CUERRIA son siete collacios del conceyu de Piloña qu'enxértense dientru'l folk acústicu, usen preferentemente la gaita, la flauta de travesu , percusiones , vigulin, curdión, baxu acústicu, pianu, guitarra acústica, mandolina y voces.
Naz fai tres años y yá tienen grabada una maqueta. En xineru'l 1997 queden segundos nel concursu nacional de folk "Sur Jerez". Nel prósimu mes de payares espublizarán el so primer CD con Fonoastur. |
DUBRAM, grupu acústicu de la zona d'Uviéu, yá tienen un par de años d'esperiencia y yera bono qu'entamaren a pescudar en grabar. |
ESTOLAXE son un grupu formáu por xente de Mieres y Uviéu. Entamaron a tocar nel añu 1997 y yá tienen una maqueta nel mercáu "La Fonte de Fascura". Faen folk acústicu y tienen participao nel concursu folk "Sur Jerez", dellos de los sos componentes tocaron en CUERRIA. Tan incluíos nel nueu recopilatoriu de L'Aguañaz "Los nuevos soníos d'un vieyu país". |
FELPEYU, ún de los más afamaos grupos d'Asturies. Una de les referencies estrella del catálogu de FonoAstur. Son de Xixón y tienen dos discos espublizaos,"Felpeyu" y "Tierra". Felpeyu ñació comu un grupu asturgallegu, nél tocaben los dos hermanos Castro que yeren la parte gallega, anguañu lu formen namái astures. Faen xires per Europa cuasi tolos años. e-mail: felpeyu@nodo50.ix.apc.org TLFNU: 98 517 02 22  |
FLAVIO BENITO, gaiteru ex-Cubel, agora entama la so carrera en solitariu. Apaez nel "Naciones Celtes 2". Yá ta preparando'l so primer trabayu en solitariu, qu'asoleyará Fonofolk, nel que cuntara cola produción de Fernando Largo. |
FOLKGANDO, exemplu paradigmáticu del camín que ta tomando'l nueu folk asturián, mezclienda de música tradicional con otros estilos comu'l blues o'l swing. Ye un grupu asitiáu en Morea y ta acabante asoleyar un discu compartíu con N'Arba, nel sellu L'Aguañaz. |
GANDUL, nueu proyeutu de Pedro Bastarrica. Ta averáu a los soníos lleutrónicos y cunta cola collaboración del gaiteru Guti de Cuideiru. |
LOS GATOS DEL FORNU. Son de Uviéu, entamaron comu bandina tradicional nel 97, anguañu yá comu grupu folk tan metíos nuna pila proyeutos. Faen folk acústicu y merez la pena oyílos. |
LA GUETA LA RUNA, nueu grupu de Xixón qu'aparez na escena folki d'Asturies. Tan acabantes de participar nun concursu entamáu pol chigre Tom Corless's de la so ciudá. |
HEVIA, el macrogaiteru. Esti maliayés de pro, ta acabante de meter la música folk astur nel sieglu XXI, col asoleyamientu del so discu "Tierra de Nadie", onde presenta la revolucionaria gaita lleutrónica multitímbrica. Esi trabayu, que fexo cola multinacional EMI, yá vendió más de 600000!! copies y va llanzáse en 45 países a lo llargu d'esti branu. Dende equí damos-y la norabona.  |
JORGE MÉNDEZ, un compositor y músicu que sal de les llendes convencionales. Caderalgu de muérganu, tien asoleyaos tres trabayos (con tres discográfiques distintes), dos d'esos discos tan peraveraos al folk y a la música tradicional: "Suite mitolóxica asturiana" y "Los cuentos del alicorniu". |
LLAN DE CUBEL, si fixiéramos una comparanza ente'l folk célticu asturianu y el pop-rock universal, Llan de Cubel seríen The Beatles(ensin Yoko Ono).Esti ye'l grupu de los grupos, la referencia indiscutible. Tienen espublizaos 4 discos ("Deva", "Na Llende", "L'Otru Llau de la Mar" y "IV"), amás apaecen notros trabayos coleutivos comu "Arpa Céltica", "Naciones Celtas" y "Lorient 25 Ans". Faen un folk acústicu qu'ellos denomen progresivu. Son perafamaos n'Escocia onde tamién s'espublizen los sos discos en Iona Records. Como curiosidá dicir que, el branu de 1998, foron númberu 1 delles selmanes con "Rigu Esva" na prestixosa emisora Sound & Spirit(USA). Tienen participao en delles ocasiones nel Interceltiegu de Lorient y tamién nel festival de Glasgow Celtic Connections. Yá tan preparando'l so quintu álbum, que s'asoleyará'l prósimu mes de payares, titúlase "El tiempu meyor", mes nel que va celebrase'l 15º aniversariu del grupu. Felicidades asgaya!!!  |
LLANGRES, cuartetu acústicu de Llangréu, fixieron la so presentación el pasáu mes d'abril. Nesti grupo alcontramos al veteranu Xuan Prado (Beleño) tocando al lláu del so fíu. |
LLIBERDON, otru de los veteranos. Tres discos al llombu y paez que foi ayeri! Un grupu mui volcáu na investigación etnográfico y musicolóxico, lo que fai d'ellos más un grupu de música tradicional que de folk, magar que, tamién dedíquense a la reellaboración. Tienen participao en Lorient. |
LLUME DE LLAR nueu grupu que ñaz en Xixón. Manolo Durán y dellos músicos de Skitarna son los protagonistes d'esti nueu proyeutu. |
MERLIN, grupu au s'amesten miembros de LLiberdón y del desapaecíu Trasgu. Ñaz nos caberos 70, influyenciáu por bandes comu Gwendal o Allan Stivell y el so folk-rock. Apaecen en "Naciones Celtas 2" interpretando "La Danza L'Osu". |
N'ARBA, otru representante del nueu folk asturián. Ye un grupu asitiáu n'Avilés y el so nome quier dicir nel cantu, nel borde n'asturianu occidental. Amesten instrumentos acústicos y lléutricos,nun direutu perpotente au l'humor de Xose Ambás relluma con lluz propia. Comu curiosidá dicir que usen gaita escocesa en dellos temes. 
|
NENYURI, son de Cangas del Narcea más un guitarrista bretón, pero viven en Madrí. Nesti añu nagüen por sacar una maqueta, van basase na música del occidente ástur y de Breizh. Anden a la gueta de rabelista... |
SKANDA, grupu de Mieres del Camín. Faen folk-rock y tienen un discu asoleyáu en L'Aguañaz. Composiciones propies con igües perorixinales. Bon direutu. |
SKITARNA grupu acústicu que aparez nel recopilatoriu "Los Nuevos Sones d'Un Vieyu País" asoleyáu hai poco por L'Aguañaz. Foron, tamién, selecionaos pa participar nel nuevu volume de Naciones Celtes de la compañía Fonofolk. |
EL TAMBOR DE L'ABADÍA, grupu de percusionistes, sí llees bien percusionistes. Tienen un discu, asoleyáu por FonoAstur, nel que collabora el gaiteru bretón Patrick Molard. |
TEJEDOR FOLK, los tres hermanos Tejedor. Javi y Jose ganaron el MacAllan, en delles ocasiones!. Nel mes d'abril grabaron el so primer trabayu, que se noma "Texedores de Suaños" con Phil Cunnigham como productor ya con collaboradores como Duncan Chisholm, James MacKintosh o Mike MacGoldrick, amás, tamién tan dellos collacios asturianos (Igor Medio, Nuberu...). Presentaron el discu nes fogueres de Xixón y Trasona. Son el nueu gran apueste del Folk Astur. |
LA TRUBEQUE, son d'Avilés. Faen folk astur-bretón. |
TRUÉBANO ye un grupu de Xixón que ta acabante ñacer, lleven 6 meses tocando. Nun quieren copiar a naide y puxen por alcontrar el so propiu soníu, pero almiren fonderamente a LLan de Cubel (y quién non?). Comu curiosidá dicir que toquen dos instrumentos non mui frecuentes :rabel y zanfona. Tan a la gueta d'un gaiteru... |
XÉLIBA, más xente d'Avilés (llueu falen del Xixón Sound). Folk acústicu con ún de los meyores direutos d'Asturies. Cuasi tolos temes son tradicionales, tienen un discu espublizáu en FonoAstur. |
XUACU AMIEVA, ún de los culpables del resurdimientu de la gaita asturiana. Ganador del MacAllan, direutor de bandes de gaites, mayestru de gaiteros... y entá nun tien dengún monumentu!. Tien asoleyaos tres discos en solitariu y dellos con bandes de gaites. Esti mes de xunetu espublizó'l so nueu discu "Tiempu de Mitos" cola compañía madrilana Resistencia, nesti trabayu toles composiciones son d'elli y tien un soníu más atlánticu que nos anteriores. |
LOS ZIKITRINOS |
