OTROS
	La zanfona ye un instrumentu tradicional asturianu que pasa per hores baxes. Hestóricamente venceyáu a los cantares de ciegu, anguañu, ye remanáu por dellos grupos de folk (perpoquitinos): Lliberdón, Candanín...
El rabel, o bandurria, güei tien un usu puramente arqueolóxicu. Namái Xuacu Amieva fae daqué por él. Curiosamente ye'l protagonista de la collaboración d'esi músicu nel discu de los Chieftains "Santiago".
	La gaita escocesa, como indica'l so nome nun ye instrumentu asturianu. Pero ye utilizáu nesti intre por un grupu del nuesu País: N'Arba. Amás, tamién foi remanáu por Beleño. Siempre en temes concretos y con envís perñidio.
L'arpa, otru instrumentu d'interés arqueolóxicu. Güei namái lo remana Lliberdón, que fexo un trabayu d'investigación enantia d'entamar a tocalu. Nos primeros años 80 utilizábenla Trasgu y Beleño.