Mera Dunya main aana Aazmaeesh hay meree
Mera Dunya say jana Imtihaan hoga mera
Ek apnay Wojooday khak-o-mattee kay sir per
Shehn-shahay Jahan ka mainay her hukm tala
Garchay Muslim hoon main to, Kafirana amal hain
Din to Masjid main guzra, shab ko may-khana hoga
Sir jhukaya kabhee jab, mainay paya Khuda ko
Bada kash main huaa jab, khud ko bay haal dekha
Larz utth-ta hoon main to, soochta hoon Najim jab
Maut aaee jo meree, mera kia haal hoga?
Gham labay baam saray shaam aa-ay ruk ja-ay
Meray dar tak tera payyaam aa-ay ruk ja-ay
Tairay goshay main bhee ek dil hay samajh sakta hoon
Tairay her dard ka ilhaam aa-ay ruk ja-ay
Hay mera aks teray shehr kay her rastay per
Tairay hissay ka jo ilzaam aa-ay ruk ja-ay
Loge poochhain jo kabhee mujh say wo be-dard hay kaun
Jab tera naam labay baam aa-ay ruk ja-ay
Kaun kehta hay jo hansoon to kasak dil main nahee
Ab Najim aa-ay saray aam aa-ay ruk ja-ay.