Dempuèi lo 1èr d'abrial de 2002, lo proprietari de Geocities, Yahoo!, fa pagar los usancièrs que vòlon metre a jorn aisidament lors sites. Aquel siti serà pas jamai pus mes a jorn. Per un site a jorn, anatz a http://jf.blanc.free.fr/soho/ .

Check the site above for an updated version of this page: due to Yahoo! forcing users putting FREELY content to their site to PAY for FTP, I've been forced to stop spending time on this "FREE" service.

[Tèxtes]

[Avants]

INFORMATICA E LENGAS PETITAS

Ua lenga qu'ei un mercat

A la sortida de Windows 95 en versions nacionaus lo 4 de setémer, que i aurà version espanhòu, francesa, italiana... més tanben ua version basca e ua version catalana. En las autes versions, que serà possible d'aver las datas en aqueras lengas, com ac amuisha l'illustracion devath. Nada version occitana n'estot pas anonciada.

En 1991 Jesús Royo, un professor catalan, que publiquè un libe titolat Una llengua és un mercat. La tèsi de basa deu libe qu'ei que lo mercat ei lo lòc ont l'identitat se deleish, més tanben lo lòc ont van lo mond qui an hrèita de causas e qui'n tòrnan cambiats... En informatica, com en autes maines, l'occitan qu'ei absent. Qu'existéishen solide usancèrs, que de mei en mei de parla-occitan an, coma tots, un micro com atruna au tribalh. Més suus ecrans, pas arren. Tà cambiar que caleré tanben ua demanda hòrta. Ne sufeish pas de hicar ua "paja Web" sus Internet dab títou en provençau e contengut en francés. L'iniciativa "Informatica en occitan", lançada per Joan-Francés Blanc, qu'a la tòca de har puishèu suus mercants tà que donin versions occitanas deus logiciaus o, au mensh, atrunas tà hà's l'arrevirada. Informatica en occitan - J.-F. Blanc, 29, rue Kilford, 92400 Courbevoie o blancjf@ibm.net.

Informatica e arreviradas

Au començar de l'informatica n'i avèva pas problèmas d'arrevirada. Tot qu'èra en anglés, e los caractèrs accentuats n'existèvan pas. Dab lo passatge de 7 a 8 bits (256 caractèrs),

que vengot possible d'aver caractèrs accentuats. Més cada constructor qu'avèva un còdi diferent, e ne cambiava pas arren tà las lengas mei exoticas : los milèrs de caractèrs deu chinés o deu japonés ne dintràvan pas... Que calot inventar ua dusau classificacion, en 16 bits (65536 possibilitats). Aquera possibilitat qu'estot estenuda a la totalitat de las lengas en lo còdi Unicode. Aqueth apareish en Windows 95 e ei tanben present en MacOS. Mes après los caractèrs que cau pensar au temps d'arrevirada. Que còsta car e que cau temps. L'arrevirada ne's pòt har que se i a ua demanda, un mercat. Qu'ei atau qu'am versions catalanas de sistèmas (coma amuishat suu Macintosh).

[Avants]