McDO DEFÒRA! GARDAREM LO RÒCAFÒRT
Lo CRÒC exigís la liberacion de José Bové e sosten la
Confederacion Païsana dins son combat per una agricultura
de qualitat.
Sèm intrats dins una guèrra dels simbòls:
- Lo Ròcafòrt representa de produches occitans fabricats
dins lo respècte dels òmes, de sa cultura e de la natura.
- McDonald's representa las multinacionalas de
l'agroalimentari que fan passar la rendabilitat abans la
qualitat (OGM, farinas animalas) e abans la dignitat umana
(esplechada de las ressorsas del Terç Mond, condicions de
trabalh arcaïcas en cò de McDonald's).
Mentre que los trustes americans pretendon far la lei sul
planeta, l'Estat francés e sos politicians son incapables
d'aparar los interèsses del País d'Òc dins la guèrra
economica transatlantica. Dins aquelas condicions, a
l'exemple de José Bové, nos defendrem nosautres.