Comunicat del CALF

Amics,

D'aquesta passa, assistissem a dos fenomèns politics importants.

- Lo primièr es la creissença de las revindicacions culturalas occitanas e, mai generalament, de totas las culturas minorizadas de França, que va dins lo sens de la dobertura al monde e de l'espandiment de la riquesa d'aquelas culturas.

- Lo segond es la creissença d'un partit odiós, nacionalista e centralista, lo Front Nacional, prest a tot per préner lo poder.

Dins la siá estrategia oportunista, lo Front Nacional ensaja de recuperar las reivindicacions minoritarias, coma foguèt lo cas dins l'afar del nom de Vitròla.
Cresem qu'es fòrça important de se saber desmarcar d'aquela demarcha de recuperacion, que coma la que se faguèt del temps de l'ocupacion nazia, menarà a res de positiu per la(s) nòstra(s) cultura(s). E es tant mai important que los jacobins mancaràn pas de far servir aquela recuperacion dins lor argumentari contra las nòstras reivindicacions.
Per mostrar a totes la nòstra oposicion a aquelis amalgams, avem format un collectiu batejat "Collectiu per l'Avenidor de las Lengas de França", que s'encarga d'organizar

  1. una campanha de ligams sul Malhum, del tipe Blue Ribbon per associar totis los sitis que son mantenguts per monde d'aquel vejaire.
  2. una campanha de letras a la premsa e als elegits per far conéisser la nòstra posicion e li far de publicitat.
Un siti web foguèt aprestat:

     http://perso.infonie.fr/giannieanna/calf/     (clicatz sul drapèl)
amb una declaracion qu'es lo nosèl de la campanha de ligams a la pagina :
     http://perso.infonie.fr/giannieanna/calf/protest.htm

E mai aquesta idea siá partida d'un grop d'occitan(ista)s, nos adreçam de segur a totas las minoritats de França, e avem ja començat de contactar de monde de las autras minoritats.

La situacion es pro urgenta - esperam de vos ausir lèu.

Venètz signar la declaracion a
     http://perso.infonie.fr/giannieanna/calf/protest.htm -- avem ja mai de 200 signataris!

C A L F