ANONYMOUS.001A

Ane anser to ane Inglis railar praysing his awin genalogy
Ye Inglische hursone suntyme wil avant
Your progeny frome Brutus to haif tane
And sumtyme frome ane angell or ane sanct
As Angelus and Anglus bayth war ane
Angellis in erth yit hard I few or nane
Except the feyndis with Lucifer that fell
Avant yow villane of that Lord allane
Tak thy progeny frome Pluto prence of Hell
Becauss ye vse in hoillis to hyd your sell
Anglus is cum frome Angulus in deid
Aboive all vderis Brutus bure the bell
Quha slew his fader howping to succeid
Than chuss yow ane of thais I rek not ader
Tak Beelzebub or Brutus to your fader.