AUGUST2003

　　　　　　　　　　　　　　　　　　　　　　　　　　八月　AUGUST

好，今次大家又估唔估到呢首係咩o野歌呢？今次應該冇咁易估到喇... 因為呢首歌都真係好舊，不過我都有~嘻嘻~ 其實呢首歌係o黎自西片(中為：緣份的天空台為：西雅圖的失眠人 )，套戲就好好睇喇，明珠台間唔中都有播o架！只可惜到而家我都重未搵到首英文版...=(


緣份的天空 (西雅圖的失眠人)
 
曲：趙容弼 | 詞：陳少琪 | 編：  
收音機這刻 陪伴我撲進夜裡 沿路細聽你
電話中心聲破碎 漫漫重述你 夜裡悼念誰人
長離別那天 你甘心再獨居 唏噓的這心
投入了這節目裡 如共你過去 是相識依戀愛侶
但願明白我 像你亦未能眠 感觸歲月空虛
長情孤單的你太多負累 人遺失心愛後無法入睡
在遠方於西雅圖天空 是你孤寂和心痛
如每滴淚 擦過夜空 在這方車廂裡微風中
是我失落嘗冰凍 是這悲哀聽眾內心
祈望偶遇海角中 承受你的淚和夢
街燈不覺中 沿著我剎那後退
紅著眼聽你在分析當天愛侶 但是無字句
令你活在從前 只得往事千堆
長情孤單的你太多負累
人遺失心愛後無法入睡

八月卅一日　星期日　　　

從朋友仔o既日記到睇到一遍好搞o野o既文章，一睇頭廿句對白(甚至可以更少)就絕對肯定個女對男係有意思喇~！第一時候令我想起某某人... 喂喂，可以用o下呢招喎... 不過吸引我都係個'抱'字...=P

另一遍借上借的文章，放o係到o個一刻係未完全睇晒，只不過係我睇到兩句說話令我諗到好多o野：「沒有備用男朋友？沒有可以半夜去看星星的男性知己？」第一，噚晚我就係正正做緊呢樣o野~ 時間、人物、地點幾近一樣~ 第二，一男一女真係無可能成為知己咩？細過我或者我都認同，不過而家o既我唔多認同喎... 行街食飯睇戲只係普通平常o野咋嘛~有問題咩？？(<~~係特登俾你地睇o架，阿牛 & Felix哥哥~~呵~)

今日一早就返中心準備，因為我今日要表演呀~！！~呵~ 由於我諗住今日本來可以卸膀唔洗講o野，點知繼鄧生因有樂器在手之後，佩佩又臨時出席唔到，於是就變成我獨攬大旗-- 支撐大局．就係因為咁，我又因冇時前準備而俾社工blame喇... =P 不過，經過臨時應變刪改o既我，最後都依然冇大錯誤發生，表演總算順利度過．再次証明我係適合呢個危機應變o既情況~^^

除o左表演之外，今日又玩o左兩個訓練神經反應o既遊戲，分別係：人肉UNO 及 BingBaWa．o係是敵亦友o既情況下，大家都玩得好興奮刺激兼緊張... 哈哈~

今日參加牛綜一歲生日都竟然有收獲喎，因為被我搵到我想影o既人，而且重鼓起勇氣去搵人影相添．起初班友人都以為我係對制服有癖好(制服誘惑？！~.~")先搵人影相，不過其實我係要搵，我覺得會影得靚o既人先影得~~ 而家最想就係可以搵到一兩個model，之後影返輯靚靚o既相咁就正喇，heheee~~~
PS: 不過講返今日呢件事喇，其實我都好叻o架喇，平時我係絕對唔敢上前叫人去影相喇．所以一直都錯過o左好多機會~.~ @ least 我(同BB女)錯過o左前日游水o既目標喇~~*.^

今日睇蘋果日報睇到有人o係169日遊歷了世界191個國家，好正好羨慕~~ 如果可以咁做，我願意犧牲一年時間同而家我o既九成現金存款去見識一o下呢... ^^
以下是此項健力士紀錄的一些數據資料：

關 於 環 球 之 旅 的 數 字 
歷 時 ： 169 天 
遊 歷 國 家 ： 191 個 
旅 程 覆 蓋 ： 241800 公 里 
光 顧 航 空 公 司 ： 104 間 
乘 坐 航 班 ： 242 班 
到 過 機 場 ： 191 個 
逗 留 空 中 ： 417 小 時 
候 機 候 車 ： 576 小 時 
住 宿 酒 店 ： 114 間 
跨 越 赤 道 ： 9 次

鳴謝資料來源：蘋果日報

夜晚再睇由無記播o既<孤男寡女>，睇見戲中有一幕Kinki(Sammi飾)o係前男友前搔首弄姿，有托腮、撥頭髮、整膀頭衫位(實際係...@_@)、掃(踢)腳、重有咬唇添...... 勁搞o野，佢所用o既招數全部都係好有殺傷力(對男人而言...=P)，呵呵~

改用yahoo o既MARCO相~

繼A1後，更想要o既DSLR就係 Minolta Zeus 同 Canon 300D，不過呢兩部都冇可能買到o架喇... 除非中o左六合彩喇！(唔計三、四、五、六及安慰獎喎~)
以下係市面DSLR o既比較： http://www.swissarmyfork.com/dslr_table_1.htm

八月卅日　星期六　　　

噚晚有友人相約外出睇漫畫，已經成大半年冇去呢種地方喇... 因為感覺上唔抵(實際上係冇錢~！)，而且上親去都要好趕咁狂睇漫畫，睇得頗為辛苦，真係唔想好地地將一種享受變成趕頭趕命咁~.~ 不過噚晚的而且確睇得頗悠閒，家因唔係我出錢... =P

睇完漫畫到o左友人的'新地方'傾偈．雖然已經唔係第一次上去，不過仍然感覺興奮，因為實在係太高o既關係喇~！唔係高過IFC2 o個隻高，而係我當時o係企係大廈天台o既(最高)位置，既可竊覽全個旺角差館o既景況，又可以欣賞晚空的星星，一樂也~！今晚即頭訓o係天台到，呢個訓法雖然有少少dirty，不過真係好正... 就算個頭點樣擰、向邊個角度望都可以望到個天，加上噚晚好好彩除o左見到火星外，重見到好多好多星星... 好多好多，加上天空上o既雲層漂移，咁就做成一閃一閃o既效果．加上一邊同友人傾偈，果真一樂~

總括而言，噚日雖然勁出街，不過我整日o既消費真係平都冇人信、估都估唔到... 消費係$0，而車費只是$6.8. 你話呀，咁平而又玩到一日o既節目o係邊到搵呢... ^.*

補完習約了小師妹食飯，初頭諗佢住東區先就到佢，點知最後竟然係去返旺角食飯...=P 不過點都好，就係因為今日o既食飯，又試到一間新餐廳．d食物都好平，而且質數都唔錯呢... =)

開心，今日有人主動要我批Macro相，雖則係我第一次咁樣影，但我已經好落力o架喇... 多謝阿魚o既欣賞~！已經upload o左d相上去喇，大家都可以從下面條link睇o下我d 相相，俾d意見我喇~^^~

MACRO相 <~~sOrRy 呀！原來係入唔到去o架，即係得一大張相睇到... 本來想即刻補救，用yahoo擺返d相落去，只可惜o岩o岩又yahoo server有問題... 時不與我~ 唯有下次再upload俾大家睇~.~

本來諗住聽日寫一遍暑假總結，概括一下今年暑假o既活動，不過諗起聽晚唔到我用電腦就唯有今日寫喇．但係由於近兩晚無乜點訓，加上噚晚起肚仔有d唔舒服，一切一切都令身體、精神、反應都好差... 即使心些裏已有初步構思，但都完全冇乜心機同唔知點去寫出o黎．咁o岩見友人又有同樣的煩惱... 真係唔知點講好呢... ~.~"

八月廿九日　星期五　　　

由於噚晚已經好夜先返屋企，最後重搞到凌晨五點先有得訓不過今日我一早就去o左游水~呵呵~ 雖則睇落好似o係到挑戰精神極限，不過唔知點解我同BB女都覺得次次游完水都勁精神~！爽呀~！話說今日游水o既時候，我見到一個女仔塊面係勁白裏透紅，點知睇清楚d原來係個女仔不停咁狂游，咁先搞到佢塊面沖血先有呢個'白裏透紅'o既效果喇... LOL~

食飯o既時候竟然見到有Baliey's，心裏極興奮o既同時就同BB女講起飲此酒之道．但當大家都贊成用碎冰加Baliey's o既時候，BB女竟然係話佢係冇冰俾我... 無奈 ~.~

八月廿八日　星期四　　　禮拜三遊歷會終極之旅

今日係我地呢個'禮拜三遊歷會'o既暑假終極之旅，而今次o既目的地就係大嶼山．一行人到達東涌後，就順住東涌的週界行o左一個圈．本先諗住搭船入大澳o架，點知當我地去到碼頭o既時候，就咁o岩開o左最後一班船，下一班船足足要四個鍾頭後先開... 於是就決定改變路程，轉為搭巴士入去... ~.~

大澳o既吊橋

入到去就見到好靚o既橋喇~之後由於時間關係，大家只係去o左一個涼亭影相，之後落o左去貝殼灘到玩就走o左去食o野．講到食o野，就真係搞笑~！我地入大澳竟然係去食燒鴨米~ 真係應o左'佐治'o既一句："入大澳就鋸扒；去木場就食海鮮．"(<~~完全唔關事) 食飽飽之後就已經為趕搭船而排隊鬆人．而今次o既活動就係好快咁就結束喇... 雖然不致於不歡而散，但係我覺得今次活動好似若有所失咁... 可能係太少人o既問題喇，又可能係o係鳳凰徑到見唔到鳳凰o既出現喇... =P

大澳的鐵皮屋

解散後又走出旺角，不過又唔可以去買o野喎．(而夜晚又唔記得去~.~") 於是就同康爺&阿魚行o左一陣，之後就等埋納爺同阿茄就去食飯．試o左個新餐廳-- Little Fuison. 我覺得都ok o架~！只可惜冇得坐cushion同冇影到個餐廳deco...

未食飯前佑哥哥忽然走o左，令到我覺得大家將會都開始投身社會，之後就各有各忙．要配合大家出o黎食一餐飯真係未必一件易事．所以覺得更加要珍惜而家呢段日子喇... 唔係，遲d返晒工就可能因工作時間配合唔到而見面次數遞減，友誼就會慢慢轉淡o架喇... ~.~ 所以我就係鍾意keep住見我d朋友，keep住好朋友呀嘛~！(就係咁，所以成日被阿媽鬧我應酬多多... 洗錢越多)

夜晚去o左Felix哥哥個朋友間鋪，一路睇返今日o既成績一路研究攝影技術．發現識搵一個好o既角度去影人，同搵個唔好o既角度影人，出o黎個效果係可以差天共地喇！一路傾(搭訕)一路學o野，咁就學o左唔少角度o既技巧喇．

整相搞到成凌晨兩點，老細竟然話去飲茶，就係咁我就第一次去o左飲夜茶喇... 講時講，除o左旺角太子外，原來連油麻地凌晨都係冇o野食咁滯喇．

飲完茶之後就去o左Felix屋企練影marco喇... 好好玩，差d真係玩到唔記得返屋企．(不過最後都係超夜先返到屋企~.~)

迷你街道
電燈泡烏絲

八月廿七日　星期三　　　

一早帶o左婆婆去宣誓，發現原來有好多人去宣誓喇... 不過大多數都唔係香港人喇．諗諗o下點解會有呢個宣誓服務呢？而呢個宣誓服務有幾大公信力呢？？會唔會有好多人都係講大話呢？？？無從得知~亦無從解決心中疑惑~.~

還返張証俾阿魚o既時候竟然落雨，於是就託佢拎把蔗俾我喇．點知之後一直都冇落雨，直到夜晚一滴都冇落，搞到我拎o左人地把蔗都唔知幾時先可以還．橫掂出旺角，於是走去買件睇好o左o既小禮物喇，點知兩點去到--未開．走去CyberCity 'hea' o左成個幾鍾，等到腳仔都軟埋又勁眼訓喎，再走上去都未見開門．真係有d'等到死'o既感覺~ 唯有決定放棄，第日先再去過~

見康爺又買砌圖玩，心裏覺得可以做自己鍾意做o既o野真係好... 可能係我追求o既嗜好太多喇，又或者我所追求o既嗜好太昂貴喇．不過我而家最大o既敵人係錢，而同一時間最需要o既都係錢！希望快d儲返所需o既錢，做返一個冇束縛o既人~^^~

隔o左兩日先有時間正正式式咁打返d日記，當然都係要遲o左成兩日先可以睇返所有朋友o既日記喇．睇見朋友仔o既日記，發現我前兩日話朋友仔唔公開日記o既原因係因為自己原來係我自己誤解．(太高估自己喇！你估自己有咁大影響存咩... 哼~=P) 重要麻煩到人地去解釋添... sorry~ 其實我想知原因都只係想滿足自己o既'八卦慾'喇~ 我覺得用(網上)日記o黎溝通，以維持感情(友誼)係一個好新穎得意o既方法．含蓄得o黎又唔洗日日打電話問人做過d乜咁煩，不過又可以keep住知道友人o既一齊喜怒哀樂．所以我一直都鼓勵我身邊d友人出日記喇... 只要係出自真心同真o既就得喇~只係到而家真係真真正正咁用日記o黎'溝通'o既只有寥寥數人~.~

如果"錢唔係問題"o既話，暫時最想換o既DC唔計10D之外，就係呢部！^^

八月廿六日　星期二　　　聚會之日

是日早上是自我讀上CityU後的第一個非返學o既聚會．首個GS聚會，雖然出席人物都唔算多，但係總算叫做搵個班同學仔出o黎見一見、玩一玩...=) 嘩嘩... 真係唔講唔知，原來去尖咀唱lunch K係實有位o架，又唔洗好似旺角到咁同人爭餐死，既舒服又可以長得耐，足足唱成四個鍾呀~！

下午同大BB補習，今次竟然有d出乎意料．話說唱K途中大BB打電話俾我，問我係咪要做功課... 當我聽到呢句我都呆o左一陣，我叫佢做o左咁多次，佢係第一次肯做我俾佢o既額外功課，而且重要係做晒．真係有d驚~ 今次去補習o既主要任務係--砌模型．因為大BB要交一份功課，而佢就揀o左創意模型，咁上星期已經幫佢砌o左個，點知我一走就俾細BB一腳KO佢，踢散o左... 所以我今次用o既材料係--發泡膠．要利用兩個發泡膠飯盒去整一樣o野，於是我就諗不如加埋d牙籤等小道具，o黎一個'廢物利用'喇... 所以就出o左下面呢隻船仔．

廢物利用的船仔╮(╯_╰)╭

補完習又趕返去九龍區，之後就同另一班人聚會，呢班就係一年先得一次o既St.Joe聚會．一班人正當唔知食乜好o既時候，行o下行o下就去o左食泰國菜，咁就滿足o左我想食泰國菜o既諗法~開心~~ 食完o野一大班男仔就走o左去尖咀玩，由於成班人都沉醉於槍game，於是我就同大佬去o左'紅孩兒'玩，雖然最後都爆到機... 但係都錄得一勝(一勝係用兩部細機挑贏人地大機喇，呵~)一和及一負o既紀錄~.~ 玩到收鋪之後我地又走去天星碼頭到吹水影相，發現原來夜晚都有好多人留o係海傍到呢...=)

今晚的特別發現...^^ 黑暗中的指引

當晚的活動照~：

有生以來第一次覺得太多朋友係一件唔太好o既事！以前一直深信在家靠家人，在外靠朋友呢個說話而堅持識多d朋友，不過對於而家要'節衣縮食'o既我就出現問題喇．日日都要出街，出親都要用錢... 咁又邊到有咁多錢俾我洗呢？(心想，好彩我約唔到我想約o既人，唔係我一定老早就破產喇~.~)

八月廿五日　星期一　　　錯在我麼？

噚日再次問朋友仔有關日記o既問題，先知道原來o係過o左2/3個月後終於都出返喇．凌晨睇回朋友仔久久未露面o既日記，發現遲遲到月尾唔出o既原因係因為我(希望我冇誤解)-- 因為我被人討厭見到．而朋友仔基於厚度o既關係又冇正面講出原因喎... 不過咁先反而令我更加想知道我因乜原因而惹人討厭~！(唔知我重有冇機會知道惹人討厭o既原因呢？)

細過o既我會盡量做到人人都鍾意自己，盡量去討好人．不過當我知道根本冇可能做到人人鍾意自己o既同時，我亦開始漸漸做返自己，盡量o係人前唔再'粉飾'自己．無可厚非，咁樣做我知道一定會得失人... 不過冇辦法．呢個就係我，若然有咩o野得罪，只好o係到道歉，講返句："~梳你~！"~~ 曾經何時，我曾經諗過萬一自己向人問一個問題所在，而問題的答案正正就是"因我而起"．當時的場面會係點呢？會係尷尬？死寂？？定係... 充滿火藥味呢？誰知昨日的我已在不知不覺間領略過喇... 這樣不知是好是壞~.~

上星期先話今個星期會減少出街的次數，以適應下星期再次返學的模式．誰知噚晚又有友人約我打波，加上為一週年活動練習、GS首次聚會、同小丘餞行、終極遊歷活動等行程... (我唔係想話我識得人多，多街去！因為我而家都想少d街去，慳多d錢... 作他日應急之用...) 屈指一算，原來已經又要出三日街喇，再加上平時逢星期四晚都會有飯聚，咁樣實在唔係辦法．敝！最麻煩係連我補習o既時間都唔小心約埋人．睇o黎今個星期我又唔可以守到我o既諾言喇~！錯在我麼？？ ~.~

唔熟我o既會覺得我成熟，熟我o既反而會覺得我唔成熟~ 呢個係我自己覺得o既~！

夜晚練習後應約到花虛打波，唔知係咪我d生活真係癲倒得咁犀利呢？我竟然係要等到夜晚熄晒燈先開始打波...~.~ 不過真係講都冇人信喇，雖然夜晚打波係冇燈，只得兩、三支街燈o既微弱燈光先可以睇得到，但係我反而射波射得好順手，估唔到幾近摸黑o既情況下打波，我又可以玩得咁得心應手．不過始終都係有d怪，夜晚打波先射得入... 錯在我嗎？^^

八月廿四日　星期日　　　

噚晚有一個好癲o既念頭，就係今日去海灘玩... 重漏夜搵人去添(完全唔記得o左今日會掛三號風球~！)．今日一早都見到冇落雨... 點知下午就不停咁落o下停o下．不過下午睇新聞o既時候又見到海灘d浪好正，好多人都有去玩~~真係羨慕佢地喇~~

下午終於可以剷機，升級用XP喇．一搞又o左成三個鍾，好彩有Felix哥哥幫我手咋，唔係都唔知要搞到幾多年先得... 而家大家都有自己o既私人空間．真係要多謝Felix哥哥抽空幫我呢個大忙呢~！

晚上睇到一個有關野生動物的記錄片，途中講及劍齒虎保護地盤而被兩隻外來入侵劍齒虎圍毆．霎是間令我想起日前有友人來了場真人格鬥，其中一位友人被'迅殺'後，剩下另一友人要獨力面對一對二的劣勢，幸好都能撐得住... 不過始終都有掛彩，唉，慘！~>.<~

八月廿三日　星期六　　　

今日又去o左打網球，不過今次總覺得打得冇上次咁好... 可能係心理作用喇，又可能係我冇用自己塊拍的關係~.~ 最後跟o左隔離打波o既人d姿勢，先可以同康爺佢打o下d長波... 不過兩個人打網球真係好辛苦，以後咪搞~！

下午與友人們相約旺角，好耐都冇試過咁多人聚埋一齊喇！(而家只欠Eric哥哥就齊人喇~)一行人雖然各有各玩，但同在一間機鋪中，大家有講有笑... 感覺就好似以前細過咁，過住d無憂無慮o既日子咁~^^~ 集齊人就出發做-- 去振興香港．嘩嘩，暑假果然係一個振興經濟的好檔期．聽職員哥哥講今日連最後一部Canon-10D(五位數字只賣到一個機身)都已經賣埋，所以話暑假檔期唔好係假o架！大家睇旺角所有電器鋪都塞滿人就知咩o野事喇... =) 講返買o野先，兩位友人，分別買新DC及換新DC．兩部都甚俱特色．見佢地個個都買相機，搞到自己都心郁郁想換DC... 不過我都係講o下就算喇，因為一來已經玩過Felix哥哥 o既 10D，已經愛上o左佢(不過又冇可能有錢買到喎~)，二來就係我已經採取金融緊縮政策，非必要時我都唔會再亂洗錢喇，所以算喇~.~

下午返到屋企就進入半冬眠狀態喇．一訓就訓到夜晚成十點，就連本來約定一齊去試影新機都放棄唔去．睡夢醒來後睇到無記播緊港姐，發覺一個趨勢，就係近年港姐冠軍都會係多料o架，即係拎晒所有乜乜完美體態獎，國際親善小姐呢d獎咁... 唉~無聊~@_@"

八月廿二日　星期五　　　

敝喇，呢期患有呢個'早起症'，今日又係七點幾就起o左身...~.~ 見個天氣培告話今日會打雷落雨就再訓喇，點知我一點起身見到太陽喇~！早知就一早去游水喇！講返早起症對我有乜影響先．由於早起的關係，我o既精神力就只可捱到晚上八、九點到... 而我通常就要九點幾就去小睡一會(約一小時)，不過呢個小睡就影響大喇！因為訓醒o既我就異常精神，咁就要我玩到成凌晨三、四點先可以消耗我d精神．其實咁樣係唔好o架．就好似叉電咁，明明要叉三、四個鍾o既電，而你只叉當半個鍾就用喇．雖然電池顯示都係滿滿的，但大家都知道實際上咁樣會加速損耗電池的... 慘~

睇newsgroup搵到的 game~，雖然係法國製造，不過好易明喇... <十八以下o既人唔好去玩喇~>

來自世界各地的叫春<~十八以下o既人唔好去睇喇~>

夜晚又再次去返工，見識一下影証件相o既工作．我今次o既工作係收銀，(話我數口好喎~呵~)收收o下感覺好似係麥記d專業收銀員咁，會好自動(自然)咁講埋"多謝晒~！"呢句話．整體o黎講又叫做學多o左樣o野喇... =)

收工友人請我去宵夜，而宵夜竟然係打邊爐，好勁呀~！從未食過咁豐富o既宵夜....^o^ 一路食一路傾，雖然講o既大多數係攝影之路云云．但總算有傾有講... =) 所以我要收返之前我o既說話，友人已經變了，sorry！只要唔講到某一兩個話題，一般吹吹水、談天說地是絕對可以的！講到攝影，友人的技術已經到達一個強勁的地步了，今日看過他幫友人拍攝的沙龍，都唔錯呢~！搞到我都想搵我d朋友去影返輯添... 有興趣o既朋友搵我聯絡喇，呵呵~ 而應承做我模特兒o既人就有定心理準備去影相喇... =P

今日真係好無聊，已經係第三樣o野係from newsgroup到扮過o黎：<結婚前之考驗>

準備同同居一年的女友結婚了，毫無疑問，我很Happy。現在唯一困撓我的係，我未來的姨仔，一個20歲的靚女。
她喜歡穿緊身的低胸T_Shirt以及迷你短裙。她經常在我的跟前有意無意的彎下腰，更摞命的係在第d男人面前她從不這麼做。如果講她冇誘惑到我，向董建華保證，係我在講大話。
直到果日，我未來的姨仔Call我，叫我去看看請柬。當我到時，家只有她一個人，迎接我的係她無盡幽怨的眼神：我愛的人結婚了，新娘唔係我，我現在唯一想做係你結婚之前，把我獻給你。她在房門對我講：我等你，如果你決定了，就入來搵我。當她走進房間的一霎那，和她睡衣一起滑落灑向我的係她眼中的期待。
我呆立了一分鐘，然後做了我當時唯一能做的事：立刻拉開大門，走向我的汽車。門外，我看見我的未來太太淚流滿面，給了我一個深深的kiss：我測試你已經pass了，我們可以結婚。。。

點喇，大家睇完有乜感覺喇？雖然呢個橋段好似o係電影睇過... 不過我依然覺得好感動~！

八月廿一日　星期四　　　

今日補習臨完之前就開始落雨，之後重越落越大，搞到我都唔知點好... 諗住將要變成落湯雞o既我，搭lift見到有個菲庸拎o左好幾把蔗，於是又大著膽子問人借蔗... 又得喎~唔知點解我真係對借蔗有d運仔，記得昔日返工經常遇到落雨o既場面，而我每次都因為借到蔗o既關係，所以好少滴濕個身，從而令所有同事都驚訝~~ 不過今日雖然有蔗，不過始終難逃濕身，最煩係連對鞋都衰埋，已經有入水跡象．想當年莫說話入水，就算對鞋o係全濕o既情況下，只要十零分鍾就可以變返乾喇，而家... 唉，'你'係時候退休喇~.~

加入石澳之行及陶吉吉Live之相片
(PS:pbase又出招，睇怕呢次將會係我最後一次upload相上去o架喇... 激鬼氣，以後一於唔再用去~！)

晚上與一眾友人食飯，唔知係咪太耐冇食自助餐o既關係，一食食得太多，重搞到我食到想嘔呢，之後就勁唔舒服...>.< 可惡~！後尾發覺原來主因唔係食滯，而係食完就坐o係到，搞到消化唔好喇... 所以先唔舒服．回家途中的十零分鍾行程已經令我好返好多喇~ 所以我食完飯一向都鍾意不停咁行(當然唔係跑或跳)，咁會令消化系統都運作得好dd~~~

八月廿日　星期三　　　timing錯誤

今日可算是timing錯誤的日子．(其實呢兩日都係~！)一早約了友人八時許會合，誰知另有友人亦相約同行，搞到最後要到八點九先到目的地... 幸好仍然是最早的一批到達~.~

因為今日要做義工幫手賣旗的關係，於是我地一行人就到紅磡街頭賣旗．有感紅磡人流不多，於是便越行越遠，散到黃埔花園近船船附近，點知昔日人流甚多的地方，今卻連途人亦極少．這又可能係timing錯誤，因唔係星期六的原因~.~

第一次幫手賣旗，感覺不錯．曾記得中學時代的我是甚為抗拒賣旗的義工活動．因為我知道賣旗一定會受(遇)到好多不友善的目光，有感會弄至神憎鬼厭．今日活動時的確如我所料，但人大了，懂得看輕了別人的反應，所以只做返自己份內事就得~

下午睇了大逃殺2，雖則叫續集．但故事中的'遊戲玩法'與上一集並不一樣．只是故事上有連接罷了... 戲中雖然以成年人與未成年人之間的衝擊為主題是有點誇張，但戲中所帶出的戰爭及不平等問題亦是確確實實在現今世界裏出現．是改不了也滅不了的，真令人煩惱~！
順帶一提，戲的最後一幕取景於沙漠地帶．兩位男主角(七原秋也 & 青井拓馬)都穿上少數民族(或印巴)的服飾，好正好好睇... 令我即時諗起如果我都可以o係o個個地方，著住d咁o既衫影張相就好喇~！當然，如果好似佢地咁，身邊有埋個女伴(七原係同典子；拓馬就唔記得配邊個喇~)就very good喇~

下午返屋企途中諗起前排睇過的一種涼快甜品--酒伴果肉．於是就思考所需用的材料，計計o下原來都好似好簡單咁... 於是返到熙企就即刻動手製造．終於都開o左我同Eric哥哥當年一齊買落o既VODKA喇~ 誰不知我竟然落錯份量，成個盤仔都只係用酒浸住，完全唔記得落糖水，其實係屋企冇糖水我先費事整o黎落．就係咁，今次o既酒伴果肉係完全失敗o既... 酒味極"掯"，不過都達至果肉吸收酒的效果~

夜晚食飯本來已約好友人，後因泊車問題而取消．於是我就急急腳搵另一個友人吃飯，誰知友人卻突然打回來叫我出去食飯．大佬呀，我想o個時'你 & 妳'唔得，當我放下心頭大石搵到人陪我食飯o既時候，你地又話我唔同你地食飯... 咁我點好呢？之後又有友人搵我食飯，當然我又要再推多一次喇... 唉~ 係我錯o羅~.~ 唔係，又係timing o既錯~！(<~~賴得就賴~XDXD) 真係估唔到除o左愛情先有錯timing之外，原來約朋友出街(尤其係食飯)都有錯timing o架！(算罷喇，好快又會出o黎再食o架喇~)

今日同阿楷哥哥合作打到第十三版喇，不過又被我開口中真係死o係呢版... 激死~>.<~"

夜晚去了友人的'新地方'傾偈，感覺好正，開心！因為又多一個地方被我影相喇... 呵呵~~吹吹o下水因有雨點o既關係就造就o左我參觀友人的屋企．Ok喎... 又係叫做有自己間房喇~ 教友人申請電郵及發電郵，話咁快就教曉...^.* 第日唔洗荒失去聯絡喇~~如果妳重準確記得電郵名同密碼的話...=P

八月十九日　星期二　　　

今日因時間配合問題而錯過餐lunch，之前重搞到我推o左阿媽添... 咁又冇o左餐free-lunch喇~.~ 返到屋企食呢個叮叮粥，唔錯~ 講真，大熱天時我一向都唔鍾意食粥，記得我曾向友人們講過我食粥的兩大條件：1) 冬天或寒冷的天氣下才食 2) 生病了才迫於無奈地吃清淡的食物，不過睇o黎今日又破例喇~

噚晚興起去o左友人的一個新聞群留言，話好掛住昔日的酒版版聚．莫說話版聚，而家連酒版都冇埋... =( 不過呢排真係好有衝動去飲o野~！！雖然友人話以前班底o既人都已經走晒，但其實重新搵個班人唔得o架咩？我覺得最重要都只係要有一個識得調酒o既人就可以搞版聚o架喇... 可惜我既唔識，又搵唔到人~.~

今日睇o左個新聞群，入面有張相好可愛... =)
睇唔睇到面紅呢~.~

下午因為要等拎影印搞到要o係長沙灣呆等，於是就去o左搵納爺喇，吹o左一陣水~~順手又呃o左兩罐咖啡．唔知係咪好耐冇飲過，定係呢隻新o既奶滑口味好飲呢？又真係好好飲喇... 否則我唔會咁衰仔，飲完一罐重話要多一罐...=P (多謝納爺~)

唔知大家有冇睇過電視劇<戀愛自由式>呢？我就冇睇開喇，不過噚晚(或前晚)睇呢套o野o既時候，咁o岩被我睇到'游德'教一種叫'繞流泳法'，睇o個姿勢介紹就令我諗返起以前我學自由式o既時候都同樣有類似o既招式，不過真係要掌握得好好先可以用，(我記得當年我都係學到最後，阿sir先教我呢種游法) 否則就會搞到更加煩~ 真係估唔到以前o既游法，竟然係有個咁o既名．

八月十八日　星期一　　　十分健康　

由於呢幾日都玩到好夜，所以噚晚一口氣睇返幾日o既報紙，順便去睇一睇記者影o既陶吉吉同我影o既相差幾遠... 哈哈~~ 講真，我覺得差唔多，有一兩張我重覺得我影得好過去... hehee~ 不過人地只係影幾張，而我就影o左成百幾張，咁當然會有一兩張好過人地喇 ~.~
睇報紙時發現o左一樣好得意o既o野，上次朋友仔話第二晚嘉賓Tension其中一個好似洪天明，連聲音都好似... 原來佢真係同洪天明係有關係喇！因為佢都係洪金寶個仔，叫洪天祥~~

係咪都好高呢？^^

由於我同BB女都起唔到身o既關係，今日o既游水活動又延遲到下午．嘩... 原來下午游水係咁恐怖，好辛苦先游到一個直池．又成日要避人喎... 最搞o野係有一個女人不斷咁撞過o黎，都唔知搏乜~！不過總算'托賴'，今日都游到十一個堂，又head住BB女一個... 呵呵~笑~(被佢見到，下次一定會'狂帶我街'喇~=P)
PS：係喎，多謝妳個泳鏡喇... 雖然d色就姣o左d，不過好緊，今日一滴水都冇入到眼，THZ~！(敝，真係蠢，難得妳誠邀上妳屋企我都唔上，原來係有相睇喎... 唉，傻o左添~唯有下次上去睇~~~)

返過屋企食完飯又出o左去打羽毛球... 不過我地今次去錯o左地方~.~ 原來有兩個同名o既室內運動場喇．總結，今日一次過玩o左兩樣運動，好似好辛苦，但係其實我都唔係好tired... 唔知係咪呢期有運動，勁o左呢...=)

加入陶吉吉Soul Power Tour，雖然唔係大家睇慣o既pbase(<~~已經有成兩日upload唔到相上去>.<)，不過冇所謂喇，睇住先喇~

八月十七日　星期日　　　　

今日又同康爺去打乒乓波，(竟然被康爺話我著灰色衫廋...呵呵~)不過今次係加埋大佬同趙大爺~ 可惜今次只能夠偷運到常大爺，反而因計算錯誤而令大佬要俾錢買貴賓卷...~.~

四個人打雙打，發現o左我係打唔到雙打o架... 因為我太大份喇，再加上成日下意識地接波，搞到成日輸~>.<~ 不過如果打單對單的話，我就贏返喇，無論係用左手或右手打，哈哈~

今晚又可以試到阿媽親手煮o既菜，感覺好幸福~當然亦都好好味，所以我一向話識整o野食o既女仔係有優勢o架~ 今晚除o左豐富o既小菜之外，重食到外地o既出名食品-- 肉骨茶~！雖然冇馬來西亞咁地道同好味，不過都唔錯．最重要就係可以補償返冇得去星馬o既失望~飲o左今晚o既肉骨茶就當去o左旅行喇~~~~~~~~~~~~ @_@"

八月十六日　星期六　　　Soul Power Tour ~REPLAY~

噚日見友人單憑一句"o岩feel"就買o左個袋，真係有d羨慕同妒忌．我睇中o左個袋諗o左好多日都唔捨得去洗錢買，真係羨慕人地o既果斷喇~ 講返我睇中o既袋先．今日同阿牛去睇先知道已經賣斷晒喇... 都唔知開心定唔開心好，開心就係唔洗再諗，因為都冇得諗喇！唔開心就當然係冇得買喇(假設我係想買的話~)...~.~ 不過又証明我眼光好，睇中o既o野轉眼間就被人買晒~自我安慰中~

以大大後備o既姿態連續第二晚去睇陶吉吉Live，真係算相當支持喇，三晚之中睇兩晚！今次都係坐$400飛．雖然未至於噚日第三行咁前，但係換o下位，用唔同角度去欣賞一場高水平o既演唱會都唔係一件壞事呢！況且今次係坐噚晚上面o既握手位呢！^^

陶吉吉~自彈自唱~

總括而言，今晚氣氛好似好過噚晚，同見到兩個明星--Gigi同梅姐．不過睇第二次睇o既我睇到中段有d心不在焉咁．~.~ 而且兩場都冇唱到Katrina呢首歌，有d可惜~

近日所見的感情事：開心、浪漫、感動、興奮、煩惱、心酸、失望、吵架、冷戰、絕望、分手... 開心o既時刻可以快悅得無法形容；但同樣地，傷心o既時候亦都係慘得非筆墨可表達．與其要"賭大細"，倒不如暫時過住d自由自在o既生活咪重好~！

八月十五日　星期五　　　　Soul Power Tour

有人讚自己固然開心，不過得到自己欣賞o既人讚自己就更加開心~！而呢兩個情況正正分別發生於今日買衫同研究攝影角度的問題上~^o^~

今日又係去充當導遊一角，陪友人的朋友入貨．不過咁係因為呢個理由，今日終於被我入晒乜乜Dior、Louis Vitton、Anges' B呢d我從未見識過o既地方．不過有樣o野都好可悲，就係LV門口有個負責開門o既中國人，但係佢把聲已經練到好似d印巴藉人仕，好似外國人講中文咁... 點解搞成咁？？ ~.~

原來女仔行街買衫真係可以行好耐．今日諗住做導遊，順便可以睇o下d時裝．點知原來睇得太耐係會feel到辛苦喇... 心情係由剛開始o既興趣到後來o既唔耐煩... just like a reverse U-shaped curve ~.~ 不過講真，一開始見友人朋友不停咁試衫，真係好想拎部相機逐件衫影一張，要好似影時裝雜誌咁，呵呵~~ 只可惜最後我都冇咁做到... 而我諗我都冇機會再去影到呢d相o架喇...@_@"

由於友人要早走的關係，購物活動提早完結．行經up date mall發現下面food court已經封o左，遲d可能又會開一個全新food court喇，不過唔知到時d價錢同食物質數點呢... 希望係好喇~*.^

到重慶探過友人後便搭車上火車站等朋友，點知早得滯就搵d bench休息養o下神．(因為今日實在訓得太'足夠'，精神特別'好'~~)

朋友仔今次o既出場方面好得意，令我諗起以前我同d好朋友玩o既出場方式~呵呵~ 今次我地再唔係要行上樓梯入紅館，而係由地面通道入去，感覺真係似貴賓(咁查實張飛都係VIP seat~)，興奮死朋友仔，咁就展開o左今晚陶吉吉Live o既序幕．

陶吉吉唱慢歌陶吉吉@Soul Power Tour

查實未入場前一刻我忽然間有一個疑惑... 萬一今晚冇預期中咁好，咁我咪蝕好多錢，因為為o左今晚o既演唱會，我發覺已經進入赤字邊緣... (當然我重可以handle到~ 不過都唔想)不過睇完今晚個concert，真係要學阿牛話齋："$1000都值得去睇~！" 因為除o左坐超前o既第三行之餘，重可以見到張學友，雖則我把握唔到同佢影合照，但係都俾我影到佢... 嘻嘻~近過我睇佢Live o既時候影o既相好多... 呵呵~開心~

張學友@Soul Power Tour

PS:發現噚日帶漏o左個泳鏡返屋企，我諗應該係大家影大合照時掃o左個泳鏡落草叢，情況就好似鳳凰個相機袋咁... 不過我就唔記得去搵返~咁又一個泳鏡報消o左喇！話晒佢都跟o左我好多年喇，由我學游水到而家o架~！拜拜喇~~~~~~T_T

八月十四日　星期四　　　狂蜂浪蝶　

話說今日一早就要幫手去拜神，但係由於噚晚早訓得滯，由九點幾訓到成凌晨十二點就起o左身，跟住就直輾轉反側，徹夜難眠．>.< 諗住要搞好耐o既拜神，幸好最後都如期出發~

臨出門口o既時候，收到"柏芝"o既電話，話佢o個面落緊雨，係咪諗住cancel今日o既活動... 我當然唔想喇！所以我就以今日早上o既情況去安撫佢，希望得喇... 點知到o左大家兩點集合o既時間，見筲箕灣出面都重係落緊毛毛雨...T_T 心諗今次個活動又玩唔成喇．好彩各會員都o係半推半就o既情況下去買食物，一於殺入石澳去BBQ + 游水．入到石澳，天色同筲箕灣簡直差天共地！藍天、白雲、幼沙、波浪、燒烤爐、太陽傘... 完美o既夏天就係咁出現o既大家o既眼前~^o^~

"柏芝"用電光火石間就解決o左爐火o既問題，之後我就急住同佢一齊去游水喇．落海灘游水o既感覺真係好無敵！雖然d海水係咸d，但係我o係青衣o個場已經習慣晒喇...=P 同泳池相比，去海灘游水可以有隨水漂蕩o既感覺，呢個就係我想要o既舒服感覺，就好似同大海(天然)融合．~呵呵~

就o係我地游完水返上去休息o既時候，我就見到一幕好恐怖o既場面--唔知係咪我地d女仔好似蝴蝶咁靚呢，竟然引到好幾隻狂蜂... 而且數目重不斷增加呢．傻瓜，我唔係講人呀~！係真o個d蜜蜂喇...=P 真係惴o野種類o既蜜蜂都被佢地吸引晒過o黎呢~勁呀~

今日唔單止係遊歷學會o既活動日，而且我地重有各帶自己d朋友出去玩，今日帶o左個朋友好勁，一出現已經被人問及年齡(嚇死佢~XDXD)．接著都受到熱烈o既歡迎~~ 呵呵~再一次成功地匯合兩班人~！雖然唔知佢今日玩得開唔開心，(而且我重狂走o左去游水，留低佢一個人~.~)不過大家都有傾有講，我諗唔錯掛... 至少我知道佢受各男仕o既歡迎...=P (唔知佢睇o左又會唔會嚇死佢呢...呵呵~)

夜晚食完飯就去會合納爺，唔知點解阿魚打o個部足球機會無喇喇熄機再開機... 唔通近日個電腦病毒連街機都會傳染？！LOL~ 同納爺打高達o既時候再次俾人挑機，今次係打愛爾蘭魔蟹，o係單對單o既情況下我都可以守得住，重要係我殺死佢第一隻添o架... 呵呵~~~ 總算o係阿魚面前冇失威~=P

PS:是日活動照片將於日內發佈及出現於相薄內~

八月十三日　星期三　　　　

今日起身o既時候已經見到個頭扁返晒，冇晒噚晚o個種型o既感覺... 於是就決定梳返扁佢先喇，直至買o左WAX先算~

下午同友人去睇展覽，所謂展覽，其實又係得模型兩三個... 規模細得很~.~ 跟住就陪友人的朋友行街買衫．由銅鑼灣到尖沙咀，查實已經係重點咁去睇某幾間商鋪，但已經洗去身上所帶的錢... 終於見證到女仔買衫係多麼的瘋狂~~XDXD

見友人的朋友不停試衫，作為老人家o既我只好每到一間鋪頭就搵梳化坐~而友人的朋友就當然不停咁狩獵靚衫~ 間唔中先幫眼睇o下~ 不過見佢不停咁換衫，感覺就好似睇緊fashion show咁，呵呵~ 最正係見到佢著一件衫，件衫係可以襯以幾款唔同著法．而其中一款就係我一直推崇o既露肩look~~ 一講字講晒--掂~！[乜乜人又唔聽我講試著喎...=(]

八月十二日　星期二　　　　完結

完結．從收到下個semester o既時間表開始，我就心知不妙，因時間分配極差！今日一早補習已經同大BB講可能我下個月開始就補唔到佢... 細BB聽到就不停問我係咪唔再o黎，從佢個BB樣睇到唔捨得o既表情．我都唔想~心裏無奈~

完結．本來好地地的一個棋局，就o係我離開的一瞬間，竟然出現萬千變化，風起雲湧．本來重以為有挽回完局的機會，但迅即被友人幻滅．可能真係我太自私，但好地地的一個訓練人同人的心理搏鬥機會就此完結．我真不想~心裏無奈~

下午即興與友人出去，終於食返(我認為)全港第二好食o既豆腐花~！見到豆漿都係賣$4，加埋豆花都只係$10，又令我諗返起以前細過真係一次過食晒兩樣都只係$10~~咁多年都冇變．跟住再食埋碟釀魚肉就好喇~開心~

傍晚終於拎o左d concert飛，開心~終於肯定有得睇喇~十分期待~

原來好多人都唔知"CB"、"PE"、"YMT"、"SSPo"係點解... 其實分別係"銅鑼灣"、"太子"、"油麻地"同"深水(土步)"．呢d short form係警車都睇出o黎o架... 而我就係o係補習o既時候無意中學到o架~ 其實呢d short form唔錯呀，省時方便呀嘛~而且又易記呢~^^~

夜晚終於決定去飛髮，其實都掙扎o左一段時間呢... o下！飛髮都要掙扎？？其實係因為上次個髮型師話下次幫我諗個新髮型，而我一梳髮型開始就梳中間分界喇，梳o左中間分界咁耐，咁所以咪有d忐忑不安喇... 不過呢幾日頭髮實在太長，搞到好熱o既關係，所以就去剪髮喇~ 終於都要同中間分界講拜拜喇~ 而家剪o左個髮，感覺唔錯~~ 不過可能要日日用o野gel佢喇... 麻煩~以前唔洗理個頭o架嘛~.~

八月十一日　星期一　　　　

今日游完水先知道原來florie唔係屋企，搞到我心諗今日咪冇飯食o羅~ 點知，反而係咁先有機會試到BB女整o既燒賣，重有10大粒咁多添~~ 不過食完又好似幾飽喎... 唔通呢d係太空人o個d壓縮食飯？呵~好彩食完唔洗去醫院喇...=P

下午與各BOB朋友聯誼，睇o左一套戲<衰鬼下帝>．無乜感覺，因為呢套係我最近期睇o既戲，而且o個日重睇得好灰o下... ~.~ 所以今日再睇多一次都無乜感覺~

今日第二次食Taramisu，幾好味~(只食過兩次，查實我都唔知點為之好味~=P)不過我見友人成人搵我去試味，好開心~~~呵呵~~~ 而且知道有咖啡酒o係入面就更開心，食完重想即興搵返班frd夜晚去飲o野，可惜就唔到時間，唯有留返下一次先喇~！

聯誼尾聲時有人要求影貼紙相，不過我自己又唔鍾意呢d... 係，我係有影過卡，只不過以前多數都係同男仔影，而且最重要係以前我冇dc，而家有重要拎幾十蚊去影？感覺上有點不值，所以原諒我吧... 各位~！>.<

同康爺玩新路線，終於都被我有紅渣打過平時最難過o既尾二o個關，點知原來今次第十二又更加難打... 激死！不過都好，我而家已經可以去到第十二關先死，再唔係有d低能無謂o既死，唔洗再激死康爺佢地~^^~

夜晚與阿牛食飯，同一時間又有人又搵我喇... 哈哈~都唔知點解會咁~ 行街食飯輾轉又行返旺角，不過今次阿牛又帶到我去一個新地方，估唔到旺角都有地方我未去過... 哈哈~又見阿牛玩雙槍爆機喇，真係勁~ 之後行返過波鞋街睇鞋，被我見到對新Pump Fury，易襯同幾靚呀~(車... 其實o係我眼中，對對Pump Fury都靚o架喇~！) 再聽埋Felix哥哥有折扣，霎時有即買o既衝動... 不過如果真係買又會令到我嚴重overdraft... 猶豫-ing~

夜晚同朋友仔約定星期五晚o既活動安排，點知太趕o既關係，搞到我講o野同組織都協調唔到... 重要搞到好似口吃咁... 可惡>.<"

哈... 真係被妳呢個BB女講中，我今日真係要去許留山食o野，而且唔係去一次，係去兩次！

八月十日　星期日　　　　

今日本來book o左羽毛球場打波，點知去到先知道原來book in advance最多只可以keep3日．就係咁我地就冇得打羽毛球喇．不過橫掂都返到學校，冇理由唔搵o下d o野玩o下喇... 於是就照住'有乜玩乜'呢個心理去玩~ 整整o下最後揀o左乒乓波．原來乒乓波只係$3一個鍾咋，超抵玩呀~！(等日空堂之間就一於玩佢度日~XDXD)

自中六完唔見晒我d乒乓波拍後，真係好耐都未試過打乒乓波喇！今日同康康佢地打波感覺好好，至少我重覺得打乒乓波o既我先可以搵返少少自信~我重玩到可以用腳下接波呢~YEAH~ ~同George佢玩呢個用乒乓波拍打羽毛球好得意，不過我地又好享受呢種騎呢玩法~！雖然今日大家都叫做玩得幾開心，不過我覺得有d陌生(生疏)o既感覺，唔通火花真係只可以維持一段好短暫o既時間？！

打完波去o左麥記食o野，試o左最新o既菠蘿特飲，ok喇．可能我知道呢杯特飲o既製作方法而且我重肯定可以整設出o黎，所以唔太欣賞佢~ 相反，今日行經Godiva o既時候，見到有新出o既liqueur．其實一開始我係被chocolate mint liqueur所吸引，點知道當我好興趣走入去試飲o既時候竟然冇得飲呢隻...=( 不過我即刻試o左第二隻味--cranberry．呢兩隻新口味o係其他地方重未有售o架！講返杯o野，fruit juice味好重，而酒味好輕(得5%，同啤酒一樣~)感覺好清新，最o岩女仔飲喇~~ 只可惜貴o左d，賣到成$330/bottle(75cl = 750ml)，Baileys/Vodka/Tequila都只係賣$200內咋！如果有人買俾我飲就好喇~=P

今日收到一個好開心o既消息，阿牛打o黎話有陶吉吉Live第三行飛，超開心！！諗住即刻搵人睇喇... 點知大多數朋友唔係唔鍾意佢就話太貴．其實我知道陶吉吉係冇周杰倫咁受歡迎．但係如果單論聽演唱會而言，我對陶吉吉好有信心！因為佢o既歌路好闊，好有新鮮感，唱功勁就唔在講喇．而且我覺得佢同張學友一樣咁重要，非聽不可~！幸好幾經辛苦之下終於搵到朋友仔陪我去... 超開心~呵呵~

八月九日　星期六　　　　

今日諗住留o係屋企安安靜靜咁過，點知當我整理緊電腦資料同用緊Hi-Fi錄o野o既時候，部Hi-Fi又再一次食o左我隻碟，搞到我呢個一站式燒錄MD程序停頓喇~.~ 就係咁，本來好忙咁做緊o野o既我就忽然間變得冇o野做喇... 難得我想同得閒錄MD，但係最終都係錄唔到新歌．唉~ 註定我要聽返d舊歌o架喇~！

加入@漫畫節2003之相片

八月八日　星期五　　　　

今日一早又去游水，基於上次拉傷左臂，所以今日都冇諗過咩o野目標，只係諗住草草游四個堂就算．點知今日一游就游o左成十四個堂，又打破o左自己o既紀錄lu... =) ~開心~ 入到更衣室o既時候先發覺原來帶漏o左條毛巾，沖完涼唯有等個身乾乾地先著衫，等o左一陣都重感覺到有d"立立地"咁~.~ 點知人算不如天算．今日唯一一次雷暴警告就係o係我一踏出游泳就發出喇，我就因此而變成落湯雞喇... \(╯--╰)/ >HELP<

幾經辛苦先行返上行宮到(不過都係已經濕晒，唯一慶幸就係無整濕部dc，Thanks GOD!)，點知一上到去就已經無晒雨，重有返藍天白雲呢！可惡~！發覺o左一樣o野，原來大部份o既人都係對人地o既ICQ list有興趣o架，就係咁我就同友人交換玩(其實只係代答)ICQ... 上次我玩佢o既list，今次佢玩返我o個個，重促成o左與一個同學仔短聚呢~^^~

下午去o左漫畫展，由於Felix哥哥早到o既關係，佢一個人已經殺埋上電腦EXPO到，而當我去到佢已經睇完喇．搞到我帶d卡片都冇用到...>.< 今年漫畫展好似好悶咁，冇特別o野睇，最搞o野係劃o左一部份地方作地攤檔場，感覺好似一年比一年遜色！(唔怪之得連東立d咁大o既檔都係用返上年一模一樣o既設計佈局喇．)幸好有扮o野(cosplay)大賽先拉回唔少人數咋．

作品@難得塗鴉坐者死！

去完會展即刻趕返去荔枝角，因為要探一個有份將我由細照顧到大o既人．佢老人家竟然o係睡夢中整斷o左隻腳，幸好上天眷顧，做手術後終於駁回．都係o個句，由於以前我細細個... 而家大大個去睇呢位親人，佢係唔會認得我．所以每次我見到佢同要玩'我是誰'遊戲．對我個身份解釋一番先喚醒佢一些記憶，不過始終都係好零碎同模糊．

八月七日　星期四　　　　

今日試過咩o野叫做"一人分飾多角"，有d難度，感覺到個腦o係短時間內不停咁轉，轉得好快．好享受呢種感覺~！感覺就如下棋一樣，只不過我係今局o既唯一下棋者，棋子任我擺放，結局亦因我而改變... 呵呵~好奸呀我~

一早補完習o既時候，咁o岩細BB又醒埋兼走o左出o黎．於是就同佢玩o左一陣，點知佢竟然叫我陪(教)佢做功課．我聽完真係有d呆，心諗如果大BB好似佢咁'生性'就好喇！不過教細BB寫字真係好得意^.*

下午走o左去同納爺&佑哥哥一齊飲下午茶，估唔到荔枝角d茶樓真係咁貴... ~.~ 飲完就跟佢地上公司睇，順便拎返支o野飲先~原來新飲品鉗桔檸檬都唔錯喇，等我下次去試埋罐奶油咖啡先~呵呵~~！

拎過飲品後就到附近作戰一番．難得同納爺一同打電腦，點知遇上挑機... 就係咁我地又錄得6勝2敗的戰果．其中有一次我重好勁咁殺入敵方，以一部細機(吉姆)做o左人地半o架大機(高達)．配合埋納爺o既迅殺，好快就KO o左人地~~hehee~~勁呀！

陪納爺入去荃灣整機o既時候行經愉景新城，發現有一個view好靚，對住大涌道一條直路，遠處重有一橦幾特別o既大廈，只可惜我今日冇帶相機出去... 冇得影~>.<~

出返o黎會合埋各人後，大家就去唱K喇．果然係放暑假，o黎唱K o既人多到迫爆場咁滯．不過仍然被我地搵到位入去... 呵呵~今次難得大家再聚埋一齊唱K，大家一邊唱一邊出去拎o野食．Buffet就係有呢個好處(壞處)，大家都變得死唔輸蝕咁... 乜都要掙同拎返o黎，(我地最後係拎o左廿碟o野，搞到一間大房o既table都擺唔晒我地d食物...=P)但係食唔食就冇人知．

唱K途中，另一友人又call我出去，因為有錢收o既關係當然就走出去喇... =P 閒談中得悉友人已定下目標北上創業．雖然聽落只係一個初步構思，但係定下目標同這樣的安排卻令我覺得十分有打算，我覺得總好過什麼都未諗過，只懷著見一步行一步的心態度日．而且見到佢而家o既生活，有感呢d先係健康而開心o既新生活．~~戥佢開心~~^o^

八月六日　星期三　　　　食完又食

今日同BB女游水o既話題都係圍繞住一個人... ~好搞笑~ 不過倒過來看，其實自卑心作祟真係會帶o黎好大影響喇，無論係人格或行為上．而呢d因自卑心反射出o黎o既行為好鬼惹人注目．講講o下就令我諗起小朋友特登搗亂博大人注意一樣... 不過若然一個大人都(成日)咁做，只會給予人一種唔成熟o既感覺~.~

游完水感覺好fresh好健康！因為實在太耐冇去游過水喇... 成個多星期呢！不過好可惜今次游水竟然拉傷o左左邊臂，好痛...>.<

剛剛o係行宮食完飯飯，轉個頭又去陪飲-- 飲茶~本來都好o架，不過實在係食得太飽喇，有d辛苦feel~折墮~ 飲茶途中同一位爺爺傾談，其實我都算講得唔太好o架喇... 不過友人又話我好勁，搵到話題~ 不過好享受與唔同人溝通傾談~~(我唔鍾意o既人除外~)
PS：唔知友人聽日會唔會食兩餐breakfast定係兩餐tea or 宵夜呢...=P

原來不經不覺，話咁快我又洗o左成五百大元喇！我唔係話呢幾日買o左d咩o野，只不過係一年前報過名考個一個地產牌，雖然我都有賺過錢... 但係真真正正用呢個牌賺錢就未試過喇．因為我一直都未有申請過個牌... 而呢個換牌期限就o係四日前過o左~~我都唔記得o左添~.~ 唉，冇機會做BB女o既生意喇~！>.<

八月五日　星期二　　　　

下午同阿魚出街，之後再會合另一友人，一齊去飲o野傾偈．其實今次係另一次成功聚合兩班(個)人玩埋一齊．~~開心~~ 我地重已經約定下次去邊到吃喝玩樂添...^^

傍晚與友人行街睇到'3T'其中一個"極速"，佢依然係擰轉面唔想見到我咁~.~ 不過估唔到佢都著背心出街．BB女即刻覺得自己廋晒喇... 哈~=P

夜晚臨散前我終於見到咩o野見"小矮人與大人國"喇... 忽然間令我諗起今日新聞姚明同d訪問記者o既高度差距...LOL~

加入BOB camp--勇闖升空計劃之相片

八月四日　星期一　　　　續：義工camping之我的野蠻女...

凌晨影完相無o野做，我地班哥哥姐姐就聚埋開始傾偈．其實都好難得咁大班人聚埋o係兩張床上面，一齊吹吹水，傾傾偈．我自己真係估唔到... 起初重諗住會各有各玩添！

就係咁傾傾o下就天光喇．捱o左成晚通頂o既我，食完早餐見冇o野做就負責守門口(返房訓)喇．到一點幾離開o既時候又遇上交通意外而塞車，順理成章地又o係呢段時間休息o下喇... 點知，有個小朋友竟然叫我走過去做人肉枕頭喎．我當然唔肯喇，不過最後佢走過o黎我隔離，而我亦難逃做枕頭o既命運... 最驚係當小朋友熟睡o既時候，另一個小朋友見到又以妒忌o既口音話要得到同樣o既'待遇'．心諗好彩我唔係坐三座位咋！唔係我咪好型~.~ [大家唔好睇右手邊相張好似好舒服呀，其實我係被呢班有組織及暴力o既小朋友虐待o架... just kidding~~=P]

夜晚終於食o左Godiva o既朱古力，好好味~貴o既果然唔同d~~ =)

友人搵到o既中藥西譯配方：
好底線~~LOL~!

八月三日　星期日　　　　義工camping

今日終於到o左camping o既日子喇！點知搭地鐵去到集合地點我先知道我係帶漏o左好多o野... 首先有漏o左件衫o係屋企(重等我呢幾日特登唔著等今日帶去o架嘛~>.<~)；之後又帶漏shampoo喎；加上經過地鐵又唔記得換地鐵飛，咁又少o左一程免費喇~~ 幸好，試多幾個frd始終都係好o架．住o係附近o既康康就可以即刻幫我調動物資，令我萬無一失．就此又再一次謝過康大爺喇~！

由於時間o既問題，搞到我負責o既第一個活動要稍作更改，以配合整日流程．幸好表演總算不過不失，令到整日活動打響頭炮~~ 今日負責呢個活動令我真真正正學識o左乜o野係臨時'執生'，而且我都覺得ok喇... 當然，我唔係話o黎料就o黎料o個d，我係慢熱型o黎o架~~~XDXD

由於第一個活動係我做主持，所以我就唔可以走返去我個組到幫手喇...(避嫌呀嘛~)咁就錯過o左影組相o既機會喇~.~ 到第二個遊戲我先去返我o個組到幫手．不過遊戲係玩估o野喇，心諗我又冇理由講晒d答案俾班組員聽喇，咁會令到佢地好冇癮，而且又犯規喇．不過最後都係幫o左佢地手... 唔係講答案，而係鬥快舉手．盡算為佢地做返d o野喇~(PS:點解遊戲過後我同康哥都冇叫佢地影返張組相呢...？)

六點半食飯時候，發覺除了一早訂定位之外，其實係無o野食o架喇．因為餐廳職員話已經收o左爐(？！)搞到我地有兩位朋友因為要準備下一個活動而要捱杯麵，慘！講返晚餐先，一般o黎講我都唔會點食o架喇．但係今晚係一個例外，因為一來可能係無食過lunch就捱到夜晚喇，第二係因為見到d細路掂都唔掂條魚(偏食)，見到咁晒咪唯有食喇... 於是乎我地班大哥哥就不停咁轉table搵o野食... =P ~~好飽~~

飯後第一個game可說是最吸引人玩o既game喇，就連我地大哥哥姐姐都想玩~！兩個鍾頭o既時間見佢地不停咁走o黎走去，就連幫手1o既哥哥姐姐都好唔得閒呢．有個哥哥重搞到失聲添... 好彩我叻識得揀個頹角做~~

唔知係咪上一個遊戲我休息得太多呢．搞到我玩今日最後一個遊戲時，竟然要多流所有人一倍有多o既汗水．話說因唔小心o既關係，我組拎錯o左另一個團體o既遊戲提示(大家都係玩野外定向)，而我縱然好叻咁估到晒人地團o既所有提示，重差d搞到要從營地o既最東方走到最西方兩次呢！>.<

凌晨開完檢討會後，趁自由活動的時份我同康爺及阿John一齊走o左出去影相睇星．火星依然一眼就睇到．行完又行... 我地行經飯堂對出的地方，又行返釣蝦場睇星．唔知點解，我係唔識用望遠鏡睇星o羅，睇o黎睇去d景象都係一開二，好煩~ 自己用肉眼睇重好過...=) 其實只要搵張長椅，平訓o係到望上天空，好快就會見到d星星慢慢出o黎o架喇~~

嘩嘩... 好驚呀！影相期間見到有一點光從石梯下層慢慢升上o黎，起初以為係我地d電筒照到咁遠．不過後來越o黎越近o既時候就覺得有d唔對路喇... 越諗越估唔到係咩o野原因導致發光，恐怖加上恐懼下就諗到已經踏入農曆七月喇，亦即係盂蘭節(俗稱鬼節)．最後o個點光已經上到石梯頂，近距離之下終於見到佢o既真面目喇--原來佢就係一隻螢火蟲！第一次見螢火蟲好得意，佢真係好似睇電視動畫o個d發光o架！可惜只係見到一大隻咁多...^^"
元朗夜景
↑<~~右手邊呢橦就係YOHO喇！未一齊去睇show flat o既人暫時睇住呢張相止癮先喇~~>↑

PS: 唔可以好似上年咁樣帶你地出去睇日出．不過我唔係唔想o架，只係擔心你地安全先唔去得喇... SORRY！應承o左又冇帶小朋友出去睇日出添．

八月二日　星期六　　　　

噚日於灣仔空閒時入o左間書店睇書，發覺以前有好多首歌名如近期Yumiko的<舞　舞　舞>以至舊時伍佰的<挪威的森林>、梁漢文的<國境之南>及<太陽之西>等都係出自一個著名寫作家的書名．佢就係村上春樹

下午返o左中心為聽日camping做最後準備．今日見到班細路係女仔多過男仔，再一次証明到一有好多個女仔就等於好嘈呢個事實，簡直係嘈到拆天~！不過真係好開心，又見到一大班細路玩得好開心，而且我地聽日又可以去camp．到時我又可以去影日出喇~~ 呵呵~~

活動完畢後同康爺玩高達，今次終於都爆機喇，呵呵~開心~ 隔離重要係一打一，打得如火如荼，真係驚有人走o黎挑機呢~ 呢期feel到越打越成熟，可能係同其他人玩得多，冇康爺佢地護蔭庇護我之下，練到我勁o左~

夜晚有友人問我認唔認同以下的一番說話：
『當時間過去，我們忘記了我們曾經義無反顧地愛過一個人，忘記了他的溫柔，忘記了他為我做的一切。我對他再沒有感覺，我不再愛他了。為甚麼會這樣？原來我們的愛情敗給了歲月。首先是愛情使你忘記時間，然後是時間使你忘記愛情。』
嗯... 我自己就唔太贊成呢番話喇．我覺得呢d係睇o下自己對(愛)一個人用情有幾深喇... 當然，時間越耐，妳就越會知得多對方d衰o野．慢慢咁忘記晒佢以前o既溫柔，而呢d缺點有時重會蓋過所有優點呢... 但係大家唔好忘記，o係追求o既階段大家都只會show晒自己o既優點俾對方睇，但不會把缺點暴露的．不過當大家愛一個人就會愛埋佢o既缺點o架喇，遊戲o既rules一向都係咁玩~.~ 所以我覺得今晚所睇o既Sex and the city入面有一句好o岩．"愛情的可愛處就是把每一天都當成戀愛的開始"　如果一段感情可以做到咁樣，就一定可以last for好耐好耐... =)

多謝楷哥哥send俾我的泊車game．我第一次玩就過晒三關~~yeah~~ 只可惜只係得三關咁少~.~

另一個有好多flash的地方

八月一日　星期五　　　　　

今日同大BB補習，用o左足足兩個鍾先做o左小小o既練習，真激氣！激氣唔係指佢慢，而係佢連五揀一o既填充都可以逄揀必錯，重要係揀五次錯四次... 大家知唔知僅次於全中o既機會率就係全錯喇... 而大BB今日就做到喇，佩服佩服，無奈無奈~.~

臨走前細BB走出o黎，從冷氣房帶住一身清涼o既佢跑上o黎攬住我，感覺好爽~(爽係因為佢身上o既冷氣~~=P)抱住佢睇o左一陣電視，感覺就好似抱住個仔咁，好得意~而且佢又可愛喎~~^^

今日補完習又同老媽子食飯，本來想去飲茶o架，不過因為約o左下一埸o既關係最後都係取消o左．(同埋留返下一次先帶埋"E君"一齊去喇~我記得應誠過佢喇~不過到時記得幫我搶點心喎...=P)

及後會合BB女搭小輪返尖咀，諗住去2%睇我想要o既o野，點知原來o個間係b+ab，BB女搞o左一陣都排唔到隊之下唯有去食好好咋o既蛋蛋．今次d蛋蛋又被BB女污辱o左喇~~ 今次除o左食到蛋蛋外，重有呢個大杯裝o既飲品，以後都要搵埋妳食蛋蛋~~呵呵~~食完o野又係例牌地去玩高達，今次又係第二鋪先去到第九關．証明o左我地係以實力去到o架，唔係僥倖~太勁喇~ [更正：上次都只係去到第九關就死o左~]

唔知係咪男仔o既問題呢？今日睇返dc.newsgroupo既時候，見到一個同我一個月前o既post，都係問人教路搵F-200 o既中文說明書．不過今次問o既係女仔，就有CD-rom教晒點去點搵... 而我上次就冇，最後都係要我自己經過艱辛o既尋訪先搵到~.~"

今日睇返前日拎o左Felix哥哥部Canon 10D影相．嘩... 估唔到真係好正，好sharp好靚！下面d相就係o個日o係o架郁緊o既車入面，隔住塊玻璃窗影o架．(PS: d 相係經過我resixe過，所以quality可能又差o左一級~)
超清超靚~ 勁wide蔡少芬@Moiselle~ ↑~click o黎睇清楚o個條係乜o野~↑

新加入o既相：LEGO展

　　　　　　　　　<---back　我的資料　　簽個大名啦 !