| 私日記~~ |
| 2月9日 今日唔知做乜，見得閒，竟然去 update 我呢個咁耐都冇 update 到既網頁． 一整整左我６個幾７個鐘，仲比阿媽話.....不過我係抵死既，到左而家成３點都仲未沖涼............. 唔....我諗我而家要去喇..........呀.........多ｄ唻丫大家~~ |
| 2月10日 琴晚攪野，又攪到成５點鐘先訓...真係估唔到係hall係咁，返到屋企都係咁． 今日訓訓訓，點知訓到４點先醒，破哂我咁多年以來既記錄，幾強呀下話！跟住就係洗樓梯.... 我那親愛的靚女媽媽留返成幢樓既樓梯比我洗， 大大話話都成５層架........真係洗到我....幾咁開心呀．好累呀而家！ 阿瑪話可能會去行花市喎，唔知幾時呢 ?? |
| 2月13日 嘩，恭喜發財，利是逗來！今日係大年初二呀，各位有冇發過新年財呢? 呢兩日我好累呀，日日都要去拜年，又要咁早起身....個樣真係超唔掂． 鬼叫我係鄉下妹咩，咁多年要拜，係咁架喇....不過咁都逗到唔少利是既，哈哈！ 今日係咁多先，第日再唻過！ 祝大家心想事成，恭喜恭喜！ |
| 2月15日 呀，今日又係無無聊聊咁過左一日.... 即係呢，其實我都覺得自己係幾浪費時間架，唔........不過又好似冇乜野做咁.... 琴晚又打機到到唔知幾點，玩返好耐都冇玩過既天之痕，終於都爆左機．係呀，係而家先爆機呀.... 唔好笑我！ 更加無既係....我竟然玩返 The Sims...... 你話死唔死！ 靚女媽子話阿姨媽听日會唻拜年喎......哦，是但啦！ |
| 2月17日 琴日ｄ姨媽表姐唻左我屋企拜年喎，咁阿靚女媽子就緊係整好野食架啦！真係，我個靚女媽子整野食真係 有一手，食到佢地丫........ 之後大家各有各玩，我就同姨媽玩下麻雀仔咁啦．我嬴呀，不過佢地淨係打籌碼．都唔好玩既! 打左八圈，差唔多兩點打完，跟住我online啦，見到我老公，佢用英文問我有冇睇紅白喎，我初頭真係唔知 佢講乜，一來我根本就唔知做紅白，二來人地無啦啦同你講 "have you watch red and white?" 咁你會唔會知佢講乜丫 ? 跟住我老豆開電視，我先知道原來做緊．我唔係年年睇開，所以冇乜留意， 但今年唔同呀，今年有 gackt 呀 ! 咁點可以唔睇o者你話喇！個陣都成２點幾，老公話１２點幾開 始做，所以 gackt 好可能已經出左場......點得咁架！ 冇錯，佢既 video/mtv 我係睇唔少，但我冇係電視上見過佢呀，我又次次都唔記得 睇 johnny's hour 喎........我知佢係中場出架．(我上年年尾知道個出場次序) 之後睇左一陣，見到濱崎步喎，有ｄ心急...... 跟住........跟住........gackt 出場呀! 開心到我丫..........佢唱 another world，勁彈結他，仲有 masa 同 you 等人......睇到我high哂，又唱又叫，我老豆仲以為我痴左線，哈哈......咁人地開心丫嘛...... 幾正呀佢........真係要大叫 "我愛 gackt ! " |
| 2月19日 岩先醒返起，我下個星期一要 interview 喎，有都一早買哂，係爭一個手袋．其實新年前係西田睇岩左一個，但我個陣又心大心細，最後都係冇買． 過左幾日諗住買返佢啦，丫，點知又賣哂喎．見今日 dayoff ，咁就叫 Wendy 同我去又一城睇下． 我地睇睇左好耐都睇唔中，走走下就去左 agnes'b..... 喂，我睇岩左呀，係一個全真皮既手袋，$1980．老實講，agnes'b唻講，$1980一個真皮手袋就真係唔貴， 不過我而家條卡數呢........哈哈 咁就買個平ｄ架啦，$1080，都ｏｋ啦，下話！ 好野，有袋用喇！ |
| 2月21日 而家係早上３點４５分，我訓唔著......... 唔知係咪慣左夜訓，我訓唻訓去都訓唔著....... 死啦，听日仲要返８：３０架...... 我２點幾上床訓，碌唻碌去，點都係訓唔到，又怕听朝起唔到身，又怕唔夠精神...... 星期四係我一星期之中最早有堂同埋最多堂既一日，而家同我玩埋ｄ咁既野...... 你話死唔死丫........ 我真係覺得好痛苦呀.....................邊個可以救到我呀？ 我好想同周公子見面呀.................嗚......嗚........... 而家係中午12:00，上緊 dreamwaver 堂........ 結果我係成晚都冇訓過，係通左頂架........死未！ |
| 2月24日 e~~~乜原來我成３日都冇 update 過架喇！唉，懶真係懶，冇計． 話說我听日下晝要 interview 官校喎，即係政府工呢，但我到而家呢一刻為止都未曾睇過任何一篇 有關教育既野，吹漲啦！ 而家都成點幾鐘喇〔係25號架喇而家〕 得返個十幾個鐘....... 哈哈，不過我都真係未驚過~~~~ 即係，我呢ｄ咁既人才，使乜驚呀，大把工等住請我去做啦！ 好，听日加油！ |
| 2月25日 我都話我係人才架啦！係考官想迫我埋牆喎，冇咁易呀！ Ti ti 話係出面聽到我大笑喎，仲係笑得好勁個隻........係咪真架？我自己都唔記得喇~~~~ 我今日真係好夠運！ |
| 2月26日 唔知係咪琴晚早訓〔３點〕，今朝１０點就醒左訓唔返，真係撞鬼．打電話比媽子，佢叫我返屋企飲茶喎 咁我就返左屋企咯.........食埋dinner先返唻~~~到左而家． 網頁新 update 成功！ |
| 4月10日 嘩，乜原來我咁多日都冇上唻update過架喇！一日都係衰懶......冇計． 呢排發生過好多野呀，不過大部份都係開心既．嘿嘿...... 實習前乜都冇攪過，日日係hall都係咁上網........死人gop囉，你地好多都貢獻哂ｄ時間比佢啦下話． 兒童節個日，我地十幾個風之王國既大臣同子民有網聚，一齊出左唻玩呀．雖然我地有大有細，但估到 大家都可以一齊玩得咁開心呢，真係好好玩呀，嘿嘿 一早話左國王係粉人架啦，真係粉到佢丫??正一死賤精，嘿嘿！ 個日有好多人呀，有魔法騎士團團長天使．仔仔，有千晴妺妺，我國女忍者human，將軍闇之天地， 參謀水鏡，史官阿修多，資源部部長流川，外交官幻之戰士，粉紅妹妹既老公艾克，國王克洛洛，， 當然唔少得我呢個王妹兼國策部既魔法使mana啦！ 個日一齊食buffet，之後落左吧飲酒傾計，大家都真係玩得好開心呀！係真架，哈哈！ 今日gop玩update呀，個個都冇得玩....唯有返大陸玩啦，不過大陸個好悶架 = =" 人地條龍仔本來今日升得做攻龍架啦嘛，而家又要等听日了..... 不過我隻克里歐風之雪，阿雪雪呢，佢升左做魔法加強喇，但係要繼續訓練佢得呢...... 唔知gp弟或者流川兄得唔得閑同佢練呢？呵呵~~~ 係呀，我買左石呀，要練寵既話，搵我啦！ 今日係咁多，得閑繼續打． |