四月 April










四月卅日 星期三    

今日收到個url,鍾意籃球o既你一定唔可以錯過!!

近日家裡地板出現"染黑"情況... 點解無喇喇出現黑邊?其實係我屋企有漏水o既跡象... 我好開心,因為我知呢樣o野係上年暑假我返工學到o既知識之一... 但同一時間我亦好唔開心,因為我家竟然漏水,重要係到咁嚴重o既地步... T_T

開心... 今日去睇DSS 測驗的成績,雖然唔係全科最高分,但係同第一&第二高分o既人只係差2分及1分.果然無錯,我o個日對自己咁有信心係o岩o架^o^ 不過有好必有唔好,份PSA功課就唔好喇... 不過我都預o左呢份唔好o架喇,問題係我concentrate 的正正就係PSA~.~




四月廿九日 星期二    

開心~~今日去幫BB仔補習竟然有驚喜!我極有可能再幫多個小朋友補習~~~ 哈哈~~~ 計計o下,如果真係可以幫晒三個,咁呢個暑假只係補習都可能可以唔洗返工喎~hehee~~ 不過問題係"我真係要向柴灣發展?"...

今日去聯合睇到兩樣新o野.一係Virtual Cop3,二係麻雀格鬥.繼TC3之後,而家又有VC3,唔知今年係咪興槍(射擊)game呢?? 諗諗o下我又諗起十月就會出高達Z,希望到時唔洗要買咭先玩得喇~

近日都沒甚時間聽歌,最新聽到的只是容祖兒的"習慣失戀".呢首當然好聽喇... 不過我今日想講o既係另一首歌.佢o既歌一向都有保證~~ 而且今次呢隻歌d詞都唔錯~~~=)

廉價情歌 蘇永康 

禮物要甚麼  只會給你寫情歌
如若愛慕要用華麗堆砌
如何及別人多  我沒有甚麼
不算高貴但不錯  如未夠像你想找的人
期望來日你會協助  如何待你好
都似未夠好  要是還未夠別苦惱
我是愛你的但願甜蜜到
沒有幾卡鑽石採採化石也很好
皮裘未買到  鼓脹亦算好
要外遊便散到離島  浪漫並無定價
心中有數  最好舞伴  誰也代替不到
最大的幸福  一向簡樸不煩複
名利會漸淡  但沉實的愛
明年還是濃郁  最壞的樂章
只要准我用心唱  還是有辦法高低溢揚
信戀愛大概也這樣  如何待你好
都似未夠好  要是還未夠別苦惱
我是愛你的但願甜蜜到
沒有幾卡鑽石採採化石也很好
皮裘未買到  鼓脹亦算好
要外遊便散到離島  浪漫並無定價
心中有數  我的價值  廉價但買不到
有些快樂  唯有伴我  先得到




四月廿八日 星期一    

凌晨收到一個之前已經睇過好多次o既moive,大家只要細心去睇就知o架喇!(絕對唔係喊o野... =P)

上面係一個搞o野網頁,而呢個就係一個深情網頁,一睇無防~

本應寫了一段日記,但因同時登入了另一個yahoo account而"混淆"了... 使一切的都變成昨晚的 >.<

晚上與家人吵架,當然這事是間接地因我而起... 但這次的吵架正正帶出了家裡多年來一直以來的"家庭問題".正當我想"一次過"解決此問題時(我認為這是最美好的做法!),卻因時間太晚的關係,只好放棄罷了... 但這只是逃避問題,問題總有一天會把今晚的情況繼續發生下去.更可怕(悲)的是,我發現家裡有人原來是有著病態行為(思想),同時也有著精神上及行為上的失控.假若我沒有修讀過今年的社會學理論,那我就不會知道那麼多了... 但憑著我的知識而肯定這悲哀的事實,霎那間又真的不想面對... 最大的問題是理論歸理論,並沒有太多可行的解決方法.我該怎樣辦好呢?

下午與友人作戰,在第四關的尾段正正被上圖般的動作毀滅了我的吉姆,結束了我與友人的作戰... 只好自我安慰為:實際上是我顧及友人的考試時間,才刻意自我犧牲好讓友人於考試不致遲到呢...=P




四月廿七日 星期日    

哈哈... 今日一朝早九時多起一直霸佔住部電腦,斷斷續續咁整o左成十幾個鍾,搞到個頭都有d痛 >.< 不過搞個setting咁耐,始終都係覺得唔好.不過冇法喇,時間緊迫,唯有接受d "次標準"喇... 講到底都係有d人喇,搵佢又扮晒忙,唔搵佢又打o黎喎!~.~

前日睇壹周刊,睇到一段前著名樂隊太極成員鄧建明的訪問.訪問中睇佢講太極同Beyond的不同時,講得十分之好!而寫呢遍o野o既人亦都好勁,勁鍾意以下的一句話:"風物長宜放眼量,所謂得失,端在你看重哪方面 -- 不能比人狂風暴烈,但可以比人平凡幸福." 有時做人偶然平凡o下都好呀,係咪?




四月廿六日 星期六    

今日可謂補習之日,由朝早十點開始就展開我o既補習行動,一直補到夜晚八點幾.原來一日補習補咁耐係好精神轟炸喇,尤其係第一個BB仔令我太激氣喇...~.~

夜晚同屋企人去o左北角食飯,途中見到好多可以影相o既地方,例如:添馬艦,北角碼頭 + 附近的停車場... 不過可惜我冇帶杷機,有得睇,冇得影.最慘係臨走前我重見到隻好得意o既貓貓,完全唔驚人,而且重擺出d好得意o既動作,不過只可收入眼廉的人只有我,不能影低同大家分享...>.<




四月廿五日 星期五    

凌晨o係到學flash,為了老媽又為o左自己... 自學加睇o左d書,終於都可以整到d image郁喇... ^o^ ~開心~ 而家終算係一個好開始,我地交功課先學識晒flash!!~

繼昨晚的努力後,今日直接到Felix哥哥取經... 搞o左成個下午,終於叫做整到個首頁喇.見到原來director + photoshop + flah可以整到好多o野like 廣告真係令我十分興奮!! 真係希望可以即刻學晒佢,不過而家首要當然係放o係考試到喇~~ 考完試再算~~~




四月廿四日 星期四    

想死... 想走出街玩,不過冇做到;想講好多o野,不過因一時的興趣消失了而沒有講;有很多的東西想記錄下來,但最後因記憶上的問題而沒有記錄... 呢d就係因為我前幾日冇上網的後遺症.寫時呢刻其實最想係食返碗牛腩麵,講起食牛腩麵就諗起以前同Eric哥哥經常到"三丰"食麵,而家真係好懷念呢!

收到一個url,原來係舊同學搜索器,有興趣可去看看~

大家知唔知右邊相中人係邊個呢?係,無錯... 係明星!不過係邊個呢?從佢手上的CD就會有搵到答案o架喇~~ (俾多個tips: 佢o岩o岩出o左佢個人第三張唱片咋~) 下午約了到銅鑼灣,行經時代廣場昤竟然見到有人拎住支"長炮"相機影相,睇真d原來係影人,於是乎我就去偷影o左一張. 點知呢個時候有人走o黎叫我走去同呢位女歌手傾偈,我當然唔制喇(因為我當時趕緊時間o架,遲到呀嘛~) 之後同友人o係唔同層數都見到佢地昒緊相.(重發現了原來時代九樓"合家歡"冇o左喇) 原來佢係記者o黎o架,我諗都係整緊一個專輯掛,我諗輯相遲幾日就會o係方向日報應該有得睇o架喇... anyway, 而家俾大家先睹為快先~

今日補習發現o左原來同dBB仔玩得幾埋都好,佢地始終最需要o既係媽媽!話說細BB訓醒見唔到佢媽咪,即刻喊到收唔到口... 就算我同佢大佬不停咁勸佢都唔得,最後唯有迫於無奈地走落去搵返人地BB仔最需要o既媽咪...=)

近日為了幫補習的學生print功課,發覺原來小學生d膳食都好正,而且重每日有三款供選擇呢!

嘩嘩... 睇友人的網頁,做了一個心理測驗.但從未見過有咁長的分析(好驚),好下:

個性
你有很好的平衡感,偏重邏輯式的思考方式。在想要某東西之前,都會冷靜的判斷自己的經濟能力。你不會勉強的貸一筆鉅款去買房子。你是一個在心智上完全臻於成熟的人。每天精神奕奕、充滿自信,同時又很受到朋 友們的信賴。但是相對地,你對日常生活乃至人生的態度稍嫌嚴肅了一點。或許是因為 你給別人的印象就是如此,而你也刻意地去表現出這一面。不過,如果你能更加任性點 ,偶而輕鬆一下,不要固執地想要一直去扮演完人的角色。說不定反而能提高你的聲望也說不定。 你是那種吵架吵完就忘的類型。無論吵得再凶,對方說得多難聽 ,睡了一覺之後,你都好像沒發生過一樣地能和對方繼續相處。這樣的態度,反倒是讓對方自己覺得慚愧,而能順利地言歸於好。在你的觀念裡,認為錢是要用來花的,而不是用來存的,所以,只要是你想要的東西,就不會計較金錢而非買不可。你賺多少錢就會花多少,不會把錢留下來,又加上你的審美觀很豐富,所以買的東西價位都相當高。你的個性稍微有點愛好虛榮,所以要特別注意,同時要改掉浪費的壞習慣。表面上看起來,你好像是一個很好說話的人,其實最最固執的人,就是你了,一旦發起牛脾氣來,任誰也拗不過你,因為在你的內心是封閉和害羞,冷漠就是你用來掩飾害怕和人群接觸的自然反應!你喜歡正大光明與人迎面鬥上,因為你認為自己好像是舞臺上的主角,一定要有出色的表現。所以一開始可能只是一個小爭端,但你會戲劇性誇大其嚴重性,將現場緊繃的張力延伸至最大,你不過是想爭取群眾的注意罷了。只要給你面子,讓你得到一些掌聲,事情就可以馬上落幕。 你是心地非常善良的人,但與人相處時為了不想暴露自己的缺點而設了一道防線,所以有時會被人誤會為不容易親近之人,雖然朋友不多,但能擁有深厚友誼。再者有優秀的數字能力,能在理工上一展長才。你的個性保守,相當重視道德.因此這種類型的人很重視自己的想法,不勉強自己與他人交往,有頑固的一面.你能擁有一份可以發揮自己專長的工作,逐步完成自己的夢想。思考問題條理分明,對他而言,周圍的人覺得很怪異的事情,他也能理出頭緒,並找出解決辦法,注意不要太固執己見。

愛情
你的感情表現常常是勇敢、開明、自由的,因為你非常的坦然,因此從來不喜歡猜忌或懷疑別人對你的態度和心意。你對人有很好的包容力,如果遇到實在不喜歡的人,採取態度是迴避,不會直接衝突。暗戀是你最拿手的戀愛方式!永遠只在遠遠的地方看著心儀的人,幻想著有一天他會主動來約你.愛他就要勇敢說出來!加油唷。先天上你就是一個會掌控戀情的人,不管是怎樣的戀情,一但讓你遇上了,你都能順利地照著自己的意思運作;而且你非常地瞭解異性的心理,知道什麼時候該撒嬌、什麼時候該使性子,這也正是你的魅力所在,所以對方很快地就會被你吸引。只站在遠處觀看,是不會為自己帶來任何機會的。但是,也許有第三者會被你那謹慎的態度所吸引,這時,即使那個人長得不帥,仍然會使你被他的真誠所感動。你對老實、溫柔、不善言詞的異性感興趣。對方是個性開朗,對工作熱心,即使作別人不願作的事也不覺苦惱。你對於戀情抱著浪漫、綺麗的夢想,對於喜歡的對象,你是不是在單戀人家呢?對你而言,得到他的愛情,就算沒有了全世界,你也會覺得沒什麼了!你會使用柔性策略來誘引愛人入甕,因為你知道太過強硬只會造成對方的反彈,就像是無法吹掉旅人外套的西風一樣,你寧願散發溫暖的光芒,讓愛人衷心願意留在你身旁。不過,你也是非常講理的人,只要是必要的活動,你不會限制對方去參加,而且願意成為支持者,真是個明事理又貼心的理想情人啊!你會因愛人的言行舉止,而產生許多迷惑,你不能肯定他是否真心愛你,也不知道愛情會延續多久,所以你時常為了這個問題而煩惱不安,其實你不必這麼懷疑對方,應該以信心和誠意來對待他,才能共創永恆的愛情。基本上你算是很專情的,只是你好像不太願意去承認這些事,只把這種愛慕放在心裡,面對性時,你只是像個孩子一樣,雖然笨拙,但也純真得可愛!你給異性的感覺是個喜歡交朋友的人,所以跟你較相近的對象也應該是個悠然自得、懂得享受愛情的人。你們兩人很可能成為令人近羨的鴛鴦夫妻。在交往的時候你會有結婚的念頭,尤其是選婆婆的意味更濃。因此,以結婚為前提之下,會努力地去尋覓另一半。你的醋勁不算太大,但是偶爾會疾火中燒,不過不是很強烈,不過忍耐太久 就會有爆發的可能。

事業
看來這裡面最聰明的就是你了,你是一個有城府的人,做什麼事,都會經過詳細的計算和籌畫,可是最不按牌理出牌的人也是你,可能在笑臉的背後,隱藏著什麼重大的陰謀噢!可是你把全部的聰明全放在人際的周旋,相對的,卻對業務上的助力短缺,小心聰明反被聰明誤!你可說是頭號野心份子,對事業雄心勃勃,表面上看來是個好相處的人可是從進一公司那天起,無不處心積慮想要向上爬,力求個人表現,努力做功夫,爭取權力高層的注意。

人際關係
你天生是個愛靚和趕時髦的人,而且還像星一樣,可以收發很多訊息,知道很多事情,就算遠至南北半球,都能收到最新最重要情報。你 深信人靠衣裝的道理,對一切可凸顯品味的東西如時裝、家居布置和藝術品都有不錯的觸覺。但花心是你的缺點,無論對人對物都會很快生厭,不斷尋找新鮮刺 激,感情亦如是。你善守中庸之道,希望和朋友的交往是有節有度,不會太過親膩,也不會太疏遠。因為你是很實際在考量和朋友之間的分際,一般而言,朋友是很有用處的,俗語說出外靠朋友嘛,可是你又覺得有時聽多了負面的例子,也有可能被朋友陷害利用,還是要謹慎小心,別被人家當成無辜的肥羊痛宰。你在交朋友是一個大好人,但是與朋友在一起的時候會有一面倒的趨勢,小心不要讓別人覺得你在搞小團體。





四月廿三日 星期三    

Yeah!又完了一科,今日最後測驗都算唔錯,只可惜有一題我唔肯定,其他大部份我都幾有信心~~~呵呵~又真係被我講中"30中29題"~^^~

成三日無掂過部電腦,實在係非常非常之掛住點機喇!不過無法喇,為o左上邊o個科,一定要努力o架.然而無上網三日,果然收到一大埋ICQ msg, url等等... 其中一個較為特別o既係一個朋友,佢寄俾我o既唔係url, 又係自己o既日記,好耐冇見佢寫日記喇~可能呢排肺炎影響下得閒得滯喇...=( ~都好,妳寫日記咁我又可以知道妳d近況...=)

今日下午縱然無帶USB返學校,不過最後都成功地參加o左一個攝影比賽.獎就唔會有太大機會拎o架喇,因為我見到對手d相大勁喇...>.< 不過最正係可以拎返張相相返屋企,作個留念都好!所謂志在參與呀嘛~

夜晚與友人作戰,可能係太耐冇玩,感覺上今次比以往的好... 至少得識得用隻吉姆飛上飛落,再唔係直上直落的"迅死".而且我保持住不死的過關,只可惜為了將傷亡減至最低,命中率亦相對下跌.與友人分散後,心思思再走了去作戰.今次自己一個人用大機--紅勇士,第一次感受到佢o既速度感,好快,真係好快... 我重試過獲得呢個評級呢!不過可惜兩次都係死於第五關之下... T_T

夜晚覺得自己有d狂,竟然對唔應該o既人講o左d唔應該講o既o野... 你估自己係神咩!你重未夠資格去救人!(∮此救人並不代表趙大爺講的"救人理論")你以前得只不過係一時撞彩咋!!




四月廿二日 星期二    

今日係我一個朋友交功課的日子,但在危急關頭之際竟然重有問題未解決.求助於我亦幫不了甚麼(都係高人喇,講dd都唔得!),幸好我都能夠及時搵到第二個朋友幫手助我一臂之力,真係要多謝大象喇!就此謝過~~

下午同成班同學仔食飯,食完飯吹吹水.今次講到同長輩食飯的情況,真係唔講唔知,原來係有好多大忌o架!當然,犯上大忌就等於"後會無期"喇,或至少"後會"機會大減... 所以,大家以後要多d注意自己o既食相喇~^o^~




四月廿一日 星期一    

經濟長期下滑,加上近日的沙士(SARS),相信都有唔少民怨o架喇,難怪這類發洩網頁又再掘起...




四月廿日 星期日    

今日終於完成了一份功課,又少了一個憂慮,呢兩日可以更加專心咁溫星期三的測驗~~

今日起身發覺兩條手臂都係紅紅地,好似d蜜汁叉燒咁~呵呵~ 不過昨天忙裡偷閑咁去o左去離島行行,其實真係唔錯喇... 雖然行山中段又倦又熱,不過勝在同一班好朋友去,有傾有講又可以去影相,實在可以緩和一下考試前o既緊張氣氛! 如果第日可以kepp住兩,三個月去一次咁就真係好喇~~ 當然,最好有埋Eric仔你喇!PY都係喎~~^^

下午收到個復活節url,應o下節就睇o下喇~~~=P

想起昨日去南丫島途中,友人突然拎出一本小學作業批改.此舉令我暗裡驚嘆,驚是難得假日竟然還帶作業出來一齊"旅行";嘆就當然係人地咁勤力,反之我只是一心只顧玩樂!講返作業先,雖然本作業就係小五,對我d clinets就冇乜用o架喇,不過問題係當我睇到作業入面d問題時,我發現原來小學作業d問題好多都有漏洞喇... (查實各位有冇考究過這類作業答案的準確性呢?) 例如石油可從那裡找到?倘若是閣下會將這石油放在那裡... 是沙漠?森林...抑或兩者皆是? 假若以一個大學生來答這本作業,我相信一定可以有很多"驚人發現"呢~~

估唔到非典型肺炎而停課下,竟然可以增加我呢個補習先生o既工作量... 不過唔去唔知,原來網上已有好多好多專給小學生練習的特制網頁,而且更以不同程度,不同語文作出深淺... 最重要係我去到其中一個網頁,佢入面遍文章竟能做到每個宇都連結到字典逐一解釋(令我佩服到五體投地!~.~).作為特發事件而製造出來的教育網頁已算不錯了!當然,大家都可能即刻諗到一個問題,就係假若無電腦的同學又點呢?答案好簡單,咪唯有叫我呢d有電腦o既人幫手o羅... T_T (我個墨盒無喇~)

已整理南丫島一遊的相片,高效率呢,係咪?~^^~




四月十九日 星期六    南丫島觀光

今日趁非典型肺炎橫掃香港,決定與友人到南丫島走走.誰知今早到達港澳線碼頭時看到一幕"走難"的場面,人數之多為之恐怖... 到達南丫島後,我們由榕樹灣出發,令我不禁想起往年做義工與小學生一起到南丫島的日子~ 上次遊此地時因沒有數碼相機,只有草草影了幾張相便走... 今次沒有"任務"在身,加上同班好朋友一齊去玩,玩得更加輕鬆之餘重可以慢慢影相~!行到倦,影到悶我地重去o左食海鮮,幸好都唔係想像中咁多人,而且洗費亦算合理. 小結:總之今晚的洗費與昨晚一樣.但相比之下,今日一遊絕對比昨晚的消費來得便宜! <~相片將稍後登場~>

發現了一個好得意o既o野,原來女仔係好鍾意用"咁我走喇!"口吻o黎要脅佢地個男朋友唔好做o個樣o野/去某個地方~ 




四月十八日 星期五    難得聚首2

話說今日下午陪朋友仔去見工... 但係途中睇到佢見工o既地址都寫得好模糊,我就覺得有d古怪.點知最後真係有問題!!原來呢份工係網吧... 大家唔好咁幼稚,唔係普通網吧,而係大家心目中諗緊o個d... 驚驚~~ 眼見朋友仔入o左去而又遲遲唔出o黎,心中感覺就好似我推o左佢去死咁... 幸好最後都冇事出返o黎~~我先鬆o左口氣咋!

下午去幫人補習時經過一個公園仔,竟然見到兩隻貓貓!佢地係超可愛o架,連我一向唔留意小動物都望o左一陣呢!大家可想而知... 可惜,可惜我為了聽日去南丫島影多d相,今日冇帶相機出街... 就咁,我就錯過o左呢個機會...>.< (有d人又唔買部細d o既dc俾我,等我可以帶出街即刻影呀嘛... wanna kill you2~~=P)

夜晚同朋友仔慶祝生日,難得地又與大佬, 大亨, 偉哥等人"聚首一房".期間見到鄧生被人"批掙",再之後又再見到佢同F1 大戰... 搞到d生日蛋糕周圍都係,最慘當然係F1 成頭都係忌廉~.~ 唉,個個都唔撩,竟然撩個癲o架,慘~~XDXD




四月十七日 星期四    難得聚首

今日收到個url,係與不同星座的人拍拖的痛哭指數.我覺得呢句"高的矮的胖的醜的都有值得好好研究之處"好o岩我呢個水瓶座的人... 呵呵~

收到一個智力遊戲.不過我覺得都唔係咁難,重話Bill Gates只得3分... 最重要都係睇自己有冇小心閱讀喇...=)

今日終於搞掂presentation 同 report呢兩大功課喇!開心~~ 不過接著又要寫另一個report...>.< 不過有理無理話之你,呢兩日點都要休息返o下先~~ 下午便與一班朋友仔難得聚首飲茶,好像前排的日子一樣.唯獨今次去了"稻香",感覺上好似高貴o左d,之但係又幾平喎~~就算大家湊數請多一個納爺,我地都係分多少少咋~~~=P

晚間觀看電視節目<永不言休>,今輯第一節的主角是我以前的一位老師 -- 王曦(加明叔叔).想不到這位音樂老師竟教了長達五十三年之多!想不到他原來亦教過這麼多學校,而更加想不到的是時至今日的他仍然從事音樂教師一職.不過,回想起來,可惜我受他教導的三年多期間都只能在音樂節中替學校摘亞,沒有一嘗冠軍之味~.~

最後都係忍唔住要講o下之後兩日的活動,聽晚就去同朋友仔做生日,到時又真係會見到d好耐都冇見過o既朋友喇!而大後日就更激,去南丫島玩 & 食海鮮... 希望當日好天氣喇,唔係就真係慘喇,冇得俾我止o下影相癮...XDXD 超期待o黎緊兩日o既日子,話晒都係考試前最後一次出街喇.




四月十六日 星期三    

唔知大家有冇睇過骨牌呢?呢個骨牌設計都好正同好夠長呢...=P

夜晚睇電視發覺呢排無線播緊肥皂劇中途就會o係左下角打出:"XXX劇場-- '劇名'" 呢個做法無疑係可以令到觀眾留意到廣告,不過同一時間就阻住晒套劇.搞到好似國內d電視台o既賣廣告咁...~.~

下午"訓醒"同一眾朋友仔食飯,能夠同大家一邊食一邊傾偈,最重要係個個都有講有笑,真係不亦樂乎呢!最搞笑係講開"估人人"時Loufy 爆o左句"勁似二奶命!",真係一語中的,一箭中矢... =P 如果將來都可以keep住一班人一齊食飯, 傾偈 & 玩咁就好喇~~^^




四月十五日 星期二    

有見近日常有朋友仔投訴話睇唔到我呢個月o既網頁,久經試驗下俾我發現原來用Window XP的朋友真係會出現"網頁最少化"這問題,因此就趁而家講叔一d少貼士俾大家:倘若再遇到"網頁最少化"的問題時,請在下面顯示toolbar的位置"right click",之後再按"restore"(還原)即可... 大家若再遇到這煩惱時,可以試試以上方法~

今日竟然俾我搵搵o下資料時搵到呢個手塚治虫世界,大家入去睇o下認得佢幾多套大作...=P

嘩... 好慘呀!整上面呢個"滑鼠滾動轉換圖片"足足搞o左我成個幾鍾,搞到我要到凌晨四點先訓得~~不過都好,又學識一樣新o野~~~

下午與友人食飯,友人竟因"不吃植物"及"碗麵已被植物氣味所感染"為由,將一碗剛捧回來的麵棄之不要,走去另購第二款食物.幸好他將食物放棄前將食物(牛丸)轉移到我o個邊,總算唔係完全浪費o左碗麵.當然,最大得益人係我喇,因為臨時加料搞到我今個午餐十分豐富...hohoo~~~=P

夜晚同朋友食飯,去了好耐都未食過而又好想去食o既Dan Ryan食飯.唔知今日係咪特別肚餓呢,竟然可以食埋appetizer的朱古力小蛋糕都成個食埋...=P 不過可惜,個Lasagna 已經俾唔到我以前o個種超好味的感覺... 所以今次可能係我最後一次去呢間餐廳喇~.~




四月十四日 星期一    

今日真係有d洩氣,為了今日的presentation, 我地成個tutorial d人都努力不懈,盡力而為咁做... 點知今日未上堂前竟然有人話唔洗present. 聽到o個刻真係如墮冰窖,冇晒心情,不過後來臨放學前阿sir又無喇喇話唔present就會被扣分,真吹脤!

今日收到幾個url,如下:




四月十三日 星期日    

今日陪媽子行吉之島,發覺原來都已經有好多人行返商場... 最得意係睇見d小朋友爭遊戲機打同買高達模型時的苦苦哀求的表情,令我回憶起兒時的我~~

久未行商場,見到樂富商場已經換上復活節的裝飾,十分得意.唯恨我沒有帶備數碼相機,冇得影留d相~.~




四月十二日 星期六    此"炎"綿綿無絕期?!

昨晚睇電視講香港現時因非典型肺炎而住深切治療部的人數約120人,而香港所有公共醫院深切治療部的病床只有約293張.以14%(即120÷1059)來計算,若今個月月尾真係如梁智鴻醫生所預測,香港受非典型肺炎所感染的人數達1800-3000人,需進入深切治療部的病人則有253-- 423人.到時所有深切治療部的病床將會滿額,而且深切治療部亦將會崩潰... 真不敢想像到時點算~.~

同一時間聽新聞,報導提及非典型肺炎(SARS)對香港所帶來的經濟影響很大,酒店業得返一成入住率,來港人數料將減半等,估計香港將損失16.4億... 面對住內憂(非典型肺炎對香港的影響)外患(美伊開戰拖慢全球經濟復蘇),香港真係陷入好嚴峻的情況.若越遲控制呢個SARS,香港睇怕都好快被拖垮喇... 唉~ 希望快d研究到對付SARS的方法喇~

昨晚難得有朋友約我去南丫島玩,既可以遠o黎市區,又可以順便影o下相,幾好呀~只可惜我剛剛今日行程已安排好.其實最重要係呢排非典型肺炎肆虐,我又點可以去到咁遠呢... 唉呀,又係非典型肺炎,好煩呀!

話說今日返CityU開會,休息我上sina玩o個時竟然有16歲o既女仔"hi"我,無聊o既我同邪邪咪同呢個"陌生人"傾一陣偈... 傾傾o下諗返起而家中四,五又真係幾似以前o既我地呢... 唔通十幾歲o既人就係咁?~.~

傍晚因講述今日的"BB撞頭事件"而與老父爭辯了一會.再一次証明了我差勁的表達能力令普普通通的講述一件事件,反而變了我設計害人的壞事...~.~




四月十一日 星期五    

一個人除了精神及心臟等這些影響身體狀況外,從身體表面見到而最重要的部份可算是對眼喇,正所謂"靈魂之窗"呀嘛!試諗o下,我地除o左訓教之外,絕大部份其他活動無論讀書或睇電視都好需要用對眼.所以,對眼一日睇十幾個鍾都咪話唔辛苦... 眼睛疲勞就係咁o黎o架.不過縱使而家有"眼睛疲勞"呢個問題,我都要繼續用對眼.因為下星期就係清算所有功課的日子了... 辛苦辛苦~~

今日可算是一個值得回味的日子,因為今日我同BB仔補習係最聽話的一次.點解,好簡單,因為我有把柄在手...heheee~~不過真係笑死我~~  話說今日補習時,BB仔竟然唔小心將教科書從廿多樓高空掉下.看到這幕的我起初係驚,然後係從心笑出o黎.心諗:今次你重唔"死"o係我手上... 哈哈~~ BB仔為o左叫我幫佢搵返本"失書",竟然主動做功課,而且重快到前所未有呢.今次跌書事件總算令到佢知道咩o野叫驚...XDXD

下午約了久違了的"大佬"食飯,可惜某某人又因"徵召問題"不能久留.最後唯有我同"大佬"一齊食... 不過都好,最後都搵到一間$2而且少人玩的高達DXDX~~




四月十日 星期四    

唉呀,好唔鍾意戴口罩呀!呢排次次出親街都一定要帶&戴住佢... 真係戴唔戴都死!(註:戴就焗死,唔戴就實死...>.<)

下午同同學仔行又一城,行到住好o的 g.o.d時我竟將山竹講成無花果... 真係瘀~~~~=P

收到一個關於一個測試你飲酒後小便準確度0既game,實際上咪又係幫J2O 賣廣告... ~.~

傍晚睇到婆婆傾電話有d"九唔搭八",原來佢一直都唔知來電者係邊個,最後好彩我都知道邊個兼且提返佢.發現o左原來婆婆都老得好快,而家連聽電話都唔知"嗡乜"... 真係怕佢俾人呃呢!~.~

傍晚睇新聞時,睇到非典型肺炎已經影響到德福花園... 真係被我講中d菌向南吹.(唔係馬後炮o架!) 希望住o係德福同要到德福返工o個d朋友仔小心d喇~~~~~




四月九日 星期三    

前兩日祥返部Hi-Fi就即刻幫人錄返隻MD,終算了o左一件心事~話闣都拖o左人地好耐... 點知諗住輪到我幫自己錄o既時候,部機又再次出現"食碟"現象.天呀,何必偏偏玩謝我喇!我拎妳去修理妳又冇事,我一帶妳返屋企就咁唔生性... >.<

講開又講,上一段用上<何必偏偏玩謝我>呢句其實係我別有用心o架... 因為我記起近日有套戲名就係呢句,而且又係我鍾意睇o既~~ 如果可以趁呢幾日假期o係屋企睇呢隻VCD,大定話幾好呢... <~~發夢中!

夜晚收到一個超好笑的url,唔知大家有冇玩過孖寶兄弟呢...=P




四月八日 星期二    

昨晚早訓,今日一早(難得)七點就起o左身.聽903節目中葛民輝呢個早晨節目"亂嗡廿三"真係搞笑... 節目中講到原來食牛扒可以抗炎o架,因為牛肉有好多種營養好似:維他命B6 & B12, 鎂, 鉀, 鏻... (若然無聽錯的話~)

夜晚睇<壹週刊>,睇到一個好"搞o野"o既說話--"太太美麗的地方叫美麗,不美麗的地方叫可愛,不美麗也不可愛的地方叩特質” 唔知各位女士從自己身上找到了多少處特質呢...=P

夜晚突然收到個tutor email,叫我地下星期一要準時交report,唔係就會無o左五分bonus... 搞到近日耽於安逸的我也緊張起來,認真的"整治"這份功課~!好,我要加油,賺取呢五分~~




四月七日 星期一    恭喜!黃秋生贏得第二十二屆金像獎最佳男配角

恭喜!

黃秋生贏得第二十二屆金像獎最佳男配角



今日收到一個好得意的url,都幾搞笑o架~

今日又同康爺去玩高達,終於又一次在有驚無險下爆機喇... 不過就搞到康爺心跳加速~~哈哈~~

又是心理測驗遊戲一個,大家且看看將來會怎麼樣呢~

分析結果
長大後的你是: 
聰明,理性又內斂的人 
 
代表人物: 
棋靈王的佐為 





四月六日 星期日    

今日睇newsgroup睇到一個給Minolta的喜訊,搞到我都有d心癮癮呢~~

夜晚睇香港金像獎頒獎典禮,睇到石堅致詞時的一句:"時代進步喇!",真係講到好欷歔.

今晚收到一個url,話一定有驚喜喎,不過要有d小聰明先可以明白咩o野叫做"驚喜"...=P




四月五日 星期六     沉睡十五小時

可能是近兩天都有早睡的習慣,令在下每每到人類最沒有防範的時間突然醒了起來,更甚的是醒後無法從新投入夢鄉... 可憐也!昨天的我如是,而且在九時朦朧中的我又再次被弄醒... 斷斷續續的睡眠簡直是一種虐待,每每到正式入睡時便被弄醒.於是,昨天我我趁著這幾天的"長假",把心一橫地沉睡下去... 再次起床時已是下午一時許,加上晚間的兩個小時,足足十五小時.這是我近年來少有的"小休"呢!"小休"後果然有前所未有的精神,活動至凌晨三時還炯炯有神,呵呵~~ 不過話說回來,睡得太久也有其壞處呢,就是腰酸背痛,而且還痛得要命呢~.~

今天下午冒著被非典型肺炎傳染的危機,搭了十七個站前往友人家��"打牌".實在太好玩喇!今次打得好快又好叻... 足足玩o左四圈,而且重有得贏呢,(總算贏返程車錢)呵呵~~^.^ 講返先,第一次"參觀"友人家�堙A雖然不是十分的大,但他有自己的房間,感覺就是麻雀雖少,但五臟俱全,而且還有"塔塔米"的床呢... 不過最重要係有一間自己獨立的房間,這是我一直夢寐以求的事情呢!可以擺放任何東西,完全隨著自己心意去裝飾房間,實在太正喇~~

晚上被友人放了飛機,臨最後關頭竟說不能出來... 幸好我都算人緣好,轉頭就搵到另外一位朋友陪我.除了食飯外,重去了一間新的甜品店食o野,d刨冰又真係唔錯喎~~^o^

凌晨收到友人一個url,標題係:一男一女打友誼波,正呀.....

想知道就進去看看,hehee~ 除了這個外,還收到一個:超級機械人大戰@的Flash連結,真係製作精美,如果我可以用Flash整到咁出神入化就好喇~~




四月四日 星期五    兒童節快樂 

話咁快又到兒童節喇... 不過今年d細路可能會好開心,因為無喇喇又有假放,計計o下因非典型肺炎而放呢個假重長過聖誕假呢!不過細路仔又可能好唔開心,可能基於安全理由而要日日都要留o係屋企... (我都覺得好悶呢!>.<)

請問有冇人有"你把我灌醉"呢首歌喇?

同埋請問係邊個唱架?

hippolean@sinaman.com

THZ~THZ~




四月三日 星期四    

今日又要去柴灣補習,而且今次還要照顧兩個BB仔.想起一次要看管兩個小霸王真的是不可能的,但意外地被我利用小孩子"什麼也愛鬥一餐"的心態,最終都能將損害降至最低... 無驚無險又過一堂~

照顧兩個BB仔時,正當我教導大BB如何計算份數的擴分時,細BB竟然搶答... 還給他答中呢!試問一個幼稚園中班的小孩竟能答中6x7= 42這等乘數,真神奇!後來追問大BB及反覆論証後,只是剛巧給這幼稚園中班的小孩說中罷了~~ 但這已令大BB羞愧不已.

由於非典型肺炎影響停課,所以我組便決定今日來一個"網上討論",研究一下復學後的presentation. 已有多年沒用上ICQ chat 呢個功能,今日一用還算記得怎樣運作.不過用ICQ chat討論功課倒是第一次,而且打字也比平日的多,加上遲遲還未吃午飯,討論完結後有點倦... 可惜的是,我還要拿我心愛的Hi-Fi去再次修理.慘!

今日正式將"人生日記"改為"人生記趣".當然,這裡依然是每日更新的!只不過本人覺得這裡主要都是記錄我的閒情軼事,所以決心把這裡的名字改一改~




四月二日 星期三  破戒~

嘩嘩... 講講o下近排非典型肺炎影響的地方,最嚴重當然係淘人花園E座,需要隔離及搬遷.不過諗諗o下,原來我半年前曾遊說過人購買淘人花園呢!幸好她最後也沒有入市淘大.如果有的話,我想她一定正在咒罵我呢...=P (呵呵~)

唉,為了防範非典型肺炎,已有好幾日沒有打機了... 但是,今日破戒了,而破戒的代價就是換來兩場敗仗.再不是百戰百勝了~~ d 人太衰喇,追住我呢個新仔打>.<

傍晚,與兩友人玩過高達後,再玩另一經典遊戲--- 街霸12人版.真係估唔到平時冇多人玩o既遊戲,今日就變成Felix 同 老牛激鬥o既戰場~~




四月一日 星期二    哥哥"香消玉殞"

今個月個網頁係咪有d o野呢??hehee~~ 今次我係用了兩種新"技術"喇~大家剛到這頁時已看到了其一喇,但若閣下係有整網頁的,可能也會發現了第二種技術(呵呵~)不過不知第二種新"科技"也沒所謂的~~~^^ 總之要多謝Diana 教我,及自己再發掘了新科技~~~thz~!
凌晨在新聞群看到一些好"得意"的說話,如下:

女人想要的,與所需的不同...

想要-任何時間對她說真話 需要-說甜言蜜語(指有部份謊言)
這麼說女孩子便是自相矛盾的人,一笑~

是日補習後回家途中與多人相遇.先有舊同事(竟然從老遠的東區走到旺角來),再有"老"朋友... 與"老"朋友相遇的同時又接到電話"徵召"我出去~ 可惜,我最後都沒有答應.選擇留在家中... 且看我有多久忍耐性,我看我很快便會走到街上,與朋友玩樂一番!=P

今日收到友人的一個url,是一架可以睇到你真面目0既相機,太神奇喇!











         <---back 我的資料  簽個大名啦 !