下午跟婆婆返屋企時見到原來石硤尾都有地方值得我影低做留念喇... 不竟呢個地方係我住了十年的地方喔!我o既目標係一個細山頂喇,若無記錯就係當年謝霆鋒拍古惑仔之少年激鬥篇o既地方... 若然真係可以行上去影o下相就真係唔錯喇!^^
下午同康爺& Ellen去了PolyU 拎form,忽然間與起就o係李嘉誠樓面前影相... 真係正如康爺話齋:"搞到好似個photographer咁~~XDXD" 之後去了左敦打機,我與康爺合作o既高達終於過o左第一關喇!(康爺果然勁呀~)不過都只係去到第三關就"作戰失敗"... 之後就去"澳洲牛奶公司"品嚐 & 回味返好味o既茶餐... 但係中途又發生一段"把杯子的茶倒掉"的小插曲,搞到"受害人"不快~
行返旺角後,原來我同康爺比約定的時間還早了兩個多小時.我地行了成個旺角一次以消磨時間,但都重有好多時間... 最諷刺係最後等了咁長時間原來最後係行返去尖咀食飯... 實在太搞o野喇~~行到尖咀重入o左去九龍公園個兒童遊樂場"踩場"影相~~ 不過總而言之,今日(次)o既莊記聚會都算好成功(相比起以前的!),不過奠中不足的係老邪同Ada及其他人未能抽空出席,不過在少有少玩o既情況下,都有另一番特別o既"風味".
星期一晚同康爺去了個星座talk,認識o左好多星星... 亦解釋了點解我前排可以用肉眼見到咁多星星o既原因... 因為獵戶座(我用肉眼所看到的星座)是冬季中最亮最光的!
今日陪母親大人行Jusco,行行o下行o左去賣酒的column,睇睇o下又好想飲酒... 雖然今次Eric哥哥返o黎o既日子我地都冇乜飲過...(共兩次,一次Eric生日,一次係Vincci生日) 不過兩次我都有飲我鍾意o既sex in the beach,睇 + 諗之餘,再加上我又搵到呢杯o野o既整法...我忽然間想買晒d"材料",等第日我一得閒就整杯俾自己飲,呵呵~~~ (<~~剎那間變得視酒如命)
昨晚去了久違了o既<泰隆菜館>食o野.如果冇記錯,對上一次食係已經有成五年喇... 我還記得九七年前(經濟較好時),我地一個月起碼去一次泰隆,重要等成個鍾先有位喎... 不過而家呢個時勢一定有位喇,而且d食物都平o左好多... 經過今晚一食,我諗我會多d去返九龍城食飯,因為那�媢磞b太多好o野食喇!只可惜同我一齊"搵開o野食"o既Eric哥哥已經飛返澳洲lu...
補返昨晚d精彩o野先,昨晚我留o係業仔屋企... 無聊時有B嗲 & 業仔分別表演魔術俾我地睇... 好抵死,雖然好容易就拆穿佢地,不過我又從佢地身上學o左幾招,有機會一定要show o下d 學習成果先!
下午去o左業仔屋企,雖然已有成兩年未去過呢個地方,但慶幸我重識得路~~ 唔知點解,業仔佢地好鍾意林一峰,然而我又唔知佢係邊個... 不過聽o左佢地首"The best is yet to come"又覺得唔錯喎...=) 唉,好慢呀... 我係話我個腦.夜晚同業仔佢地成班玩UNO,我係慘敗o既一個...唔通係已經係廿歲,所以唔夠d"小朋友"鬥? 講多樣,今晚試o左業仔炆o既糖醋雞翼,又唔錯喎!見到佢識得整o野食,唔通去過外國o既人會醒d?(唔得,我又要學o下整o野食先~~)
真係唔明,一係就冇人搵... 一有人搵就幾班人一齊搵我,就o係夜晚一個短短o既搭車出尖咀途中,已經有兩班人搵我聽晚出街食飯喇.其實兩班都好想去,無奈時間撞到正... 我只好以先到先得的方式去決定... 各位大佬,請原諒小弟呀~~~
真係忙開有條癮... 原來就連我今晚o既節目都十分精彩!先有由尖咀到尖東影相... 影o左兩個鍾之後(<~~我忽然間覺得好似好pro.咁喇~~XDXD),就走佢同Vinnci慶祝生日.夜晚晚無o野做當然去飲o野喇... 今次係落o左好出名但我從未去過o既修士吧.原來呢到飲o野都ok平喎~~~~ 落到去,我當然照例飲返杯"Sex in the beach"先喇,之後再試"Tequila Pop". 原來Tequila Pop係好少Tequlia喇!同埋Tequila Pop係好難先Pop到喇...=P 講到呢到,我諗起今日我有多一個別名,叫"業餘/兼職酒鬼"... 酒鬼就唔洗解喇,即係酗酒的人;但係"兼職酒鬼"即係間唔中(即兼職)酗酒的人--- 即我喇~不過其實我都係飲o左好少咋嘛,加上又唔係成人做"兼職",一年先得幾次咋嘛...^o^
今日又upload 了一些相上相簿,而且更開多一個新分頁~大家快d去睇o下喇~~
夜晚收到一個電話,起初以為係來自澳洲的Dave, 點知原來係"細細Dav"的Henry打電話俾我,重一開口就話佢聽日就走... 突然奇來的消息令我有點驚訝,搞到我想同佢影返張相留念都唔得!不過點都戥佢開心喇,因為早d去到外國讀書可以快d畢業...(Felix哥哥已經係一個成功例子)
今日上Amercian Literature & Film 時睇一套戲名為
今日上China Business,由於大家都正在商討presentation及上堂次序... 在喧嘩的聲音中,在上提出了一個意見後,竟得到全世界o既贊同,真係好開心!e-commerce堂竟然要即席presentation. 起初我以為呢次係第一次presentation,只係"玩玩o下"就算.點知阿sir話要會計分,搞到我即刻做都做唔切... 最後更發現原來好多人都知道/識得用我d"所謂答案"o黎present喇!
夜晚在腦海中"重溫"緊張學友演唱會的同時,就諗起一隻歌... 於是就更新我o個<這刻心情>,主要原因係因為佢最後o個段d詞實在寫得太好喇!大家估o下我今次用o左邊一隻歌?? (唔洗估喇,click去睇o下咪即刻開估喇~~XDXD)
好慘呀... 今日睇返自己回覆過o既newsgroup message,竟然見到有其他一個reply係一個壞洧息,睇完之後真係搞到我即刻冇晒心機,大家以後都可能冇咁多相睇喇...T_T (go & check it out immediately if you're a member of "pbase"!)
凌晨睇返今日大掃除時收拾的兒時照片,看到細過o既我原來同而家都係冇乜分別... 大家唔好誤會,我只係講緊面部表情.反而有d人細過同而家有好大出入.隨即令我諗起一個問題:究竟"變"好定"唔變"的好呢?
夜晚,難得我想寄張(電子)生日卡俾個朋友,點知Hallmark竟然呢個時候話要upgrade維修... 無o野好講,有時d o野係整定o架喇!~(唯有去第二到send...=P)
攪掂,今日終於upload晒所有相上相簿... 主要上存的相有張學友音樂之旅 -- 香港壓軸及猜猜看,在那裡? 其他gallery亦有新的相片上存~~
夜晚同阿牛一齊出街,傾起大家o既會考分數時,就諗起大家o既"賭局".只可惜因莊家沒信心,搞到而家冇得玩... 唔知係咪我邪呢,次次出親街都令到阿牛同佢女朋友口角,最重要係"繼而動武"(對上一次見到你地都係"動武"收場),搞到我都好鬼死驚... 都唔知講d咩乜好... 唯有o係到同兩位講聲sorry喇~~
講開阿牛,同佢一齊真係多o野搞(玩)架... 話說今日見面除了討論"會考分數"外,我地重重提番月初的笑話,若當時人認為有需要講清楚可電郵至此:djfallenangel@hotmail.com...=)
凌晨睇o左無記的一套電影,名為<夜叉>.開頭睇o左少少已經覺得呢套戲好似西片
探過小學及留影後,我便受到業仔的"徵召"回太子,這亦都是我充實的一天的序幕開始.首先,我地去o左太子城玩桌球.雖然只係玩o左一個鍾,但已經琉o左一局有多(上年要成個半鍾才完成一個) 不過今次我輸俾業仔喇...>.< 離開太子便步行至奧海城,去到一期玩高達時,我同業仔竟然又係第一版便"作戰失敗",証明了我們是不可以一起"作戰"的~~ 會合埋B嗲&華哥後,我地就去返奧海城2期玩保齡球,超抵玩$22一局(有成10球+)... 比起當年我同PY, Eric & Felix哥哥玩成千蚊簡直係天淵之別呢!對於第二次打保齡球的的來說,贏了一次已經是萬幸呢... 不過只此一次,第二局我已經從榜首跌到落榜末.玩完重有免費穿梭巴士接送呢(雖則車子遲了近30分鍾才出現)...=P
夜晚趕返出尖沙咀睇演唱會,呢個係我一直好期待o既演唱會-- 張學友音樂之旅演唱會(之香港壓軸) 全場o既氣氛好好,加上學友o既無敵唱功,雖無嘉賓到場,但絕對唔係一個損失.(因為無嘉賓咪可以有更多o既時間聽到學友o既聲音~~~) 不過唯一遺憾就係我坐o既中價飛原來已經係山頂位喇!所以我睇完呢場演唱會同自己講,以後一係唔睇,一睇一定要睇最前(即最貴)o個d... 咁先可以俾我睇(影)得清楚o架嘛...=P *今日所有行程的相片將於兩日後上存到我的相簿中*
下午去買腳架,行行o下街講返前幾日d"恐怖問題"俾康爺&納爺聽,點知換o黎只有一句:"阿松(蟲)",激氣!>.<
夜晚行返旺角再同埋賓哥仔,祐爺 & 佳哥哥去<元禾>食自助餐,食食o下等大家都食到七七八八時,我地又玩返前排去<元禾>玩過o既"恐怖遊戲".就是以"剪刀, 可頭 & 布塊"這遊戲來決定誰來吃掉餘下的食物.起初受到幸運女神眷顧的我還贏得十分漂亮,經常以一贏五的全勝姿態唔洗食o野... 但後來到了猜拉麵呢個重要時刻,除了我地"幸運"o既納爺要連食兩大碗之外,其他人都要食一碗,食到我真係有點想嘔o既感覺!不過我地最後都把所有食物食晒,冇浪費食物o架!今天晚上的"精彩遊戲"之獎品
今日放學陪邪邪去o左深水"土步"買叉電,不過原來d叉電好似有d假咁... 睇睇都唔知聽日應唔應該買腳架,順便一次過買埋d叉電好呢...>.<
話說昨晚被朋友仔拉o左我出街,咁o岩我又想睇o下d斜揹袋,於是就由女人街行起,再到旺角中心行o左一轉... 旺角中心入面有幾間鋪頭d衫o既又真係襯得幾好喎!只可惜其實間間鋪頭所擺放出o黎做display o既衫都係襯得差唔多,簡直係"互抄"一樣.行到成十一點幾,由於我今日要返早學,咪同我個朋友仔講話"要返屋企喇"....點知竟換來一句"今次我咪放得你早喇!",忽然間我覺得自己好似小學生被罰留堂咁,哈哈...>.<
廢話一則之<我飲sex in the beach>:
話說昨日我間接搞到我補習學生喊,今日諗住買返包糖俾佢...點知一見到佢已經笑笑口,冇晒事.不過今日我都有同佢一齊玩電子琴(補返數呀嘛!),無意間我重可以令從未學過鋼琴o既我完整地彈到兩首簡單o既歌仔,係一個音都冇錯o個隻~我諗我就算玩返我學過o既小提琴都未必得呢.呢個絕對係我o既個人紀錄!!最正係我又即場教曉我個學生彈一, 兩句,睇o黎我都有天份教鋼琴喎...哈哈~講笑~
今日為了補習,最後我真係計算錯誤,搞到semester B一開學就遲到...>.< 最慘就係由於我遲到o既關係,咁就搞到我組唔到成一group(因為有幾個人冇到!)... 慘喇,都唔知我今學期o既partner會係咩o野人呢?
敝喇,今日補習竟然搞喊個學生添...=P 事緣係我今日臨補習完之前承諾過同學生玩電子琴,點知最後因某事而冇玩到.竟係咁,學生仔就喊喇... 唉,唯有下次同佢玩返夠本喇~
今日下午同康爺納爺去黃金買game pad.原來game pad只係$30-$50就有一個喇,比起我想像中還要平呢!搞到我都心郁郁想買返個玩添...^^ 不過我知道如果買o左就更加唔可以專心溫書o架喇...(立時想起前幾天派GPA的慘敗...T_T) 再加上我今日只帶o左小袋仔出街,費事要用手拎,所以決定唔買.之後去o左鴨察街睇腳架,第一間睇到一個同Eric哥哥一模一樣o既腳架只賣$90,差d就想即刻買o左佢.不過老闆娘一話以$75賣俾我就即刻唔要.好彩我唔要咋,原來對面有兩間鋪賣同一樣個腳架只係要$68咋!Heheee,呢個偵唔錯,我諗我過兩日就買返個先~~
今日已經係連續第二日同老牛食飯喇,不過今日o既餐晚飯我係有份"參與"喇...=) 同阿牛出街真係唔錯,除o左可以跟去試o下不同地方o既美食外(頭先去o左長沙灣o既"南香茶餐廳"食,佢地d碟頭飯好正喇!),又可以開開心心咁吹o下水,講講o下又有好多o野聽,例如'一支竹,"知足常樂"'... 不過今日最正o既唔係呢個"知足常樂",而係聽到阿牛o既一番說話!話說我十日前,即一月一日向所有ICQ朋友仔send了句"Happy New Year!",向大家祝賀新o既一年咁簡單.真係估唔到咁樣一句multiple message,竟就會話我向人示愛喎... 哈哈~~ 聽到呢到我差d噴飯...sorry, 係薯條!(coz'我今晚係食薯菜!) 如果真係一句祝賀就係示愛,我諗我單係一月一日已經向二百幾個日"示了愛"呢!(阿牛重誇,佢話一年起碼有成千人同佢"示愛")一笑.
今日叫做正式用返電腦,去newsgroup睇相竟然俾我見到"女神"(<~~康爺&納爺講o架).所以我又upload 晒d相上去本相薄,想知邊位係俾叫做女神,就要快d入去睇o下喇...^^
雖則冇即時寫上前兩天的日記,但我已upload了近兩天所影的相...=) coz'前兩日同Eric哥哥走o左去TST "狂浪影"...呵呵~~
一早同業仔去o左觀塘食早餐,我地重見到兩年前翠屏某茶餐廳工作o既人.不過大家都已經大過好多,老晒lu... 食完早餐,諗住去打波喇,點知基爺重未落o黎,最後搞到成十一點先出現.由於今次人數實在太鼎盛,所以只玩o左一陣就走o左去食飯... 食飯o既地方就係NewWay喇!好耐都未唱K喇,開心~~~ 不過見到B嗲o個首<十分十二吋>真係好勁... B嗲果然好夠氣喇...=)
夜晚出返旺角拎書,見到Eric哥哥同Jacky + Wengi一齊o係意粉屋食飯,真係好想坐埋一齊食.只可惜我屋企有飯食,不過話時話,搵日去spaghetti house食都唔錯呢~~~雖則而家食千層麵可以去Dan Ryan食喇,不過頭先睇到炸洋蔥圈真係好想一口食落肚...=P (Eric哥哥,下次再去意粉屋記住叫埋我呀~)
夜晚又同康康切磋武藝(KOF2k2),雖然康爺已經用了3個random,不過我仍然以少許之微而敗陣... 不過我feel到自己有進步.最重要係我發現如何轉做玩SF系列,我相信我會贏... 因為我已經掌握到康爺o既心理戰術喇,只不過係我重未完全掌握出招技巧罷了.
講開又講,柴灣d風景都有值得影相o既地方喎... 好,聽日一於帶埋digi. cam.去.一於寓補習於娛樂(影相)~~~
開心~~~夜晚收到電話,阿爸d朋友急需補習老師... 就係咁,我跟住呢個星期就滿佈行程,日日"開工".如果呢次補得好,第日就又多一條收入幫補家計喇,哈哈~
哈哈... 夜晚又再聽到一個極可愛o既"愛情悲劇",(截止今日為止,正所謂今日唔知聽日事呀嘛!)不過今次呢個subject(<~~學o左前排談判專家o既口頭禪)係我所聽過前所未有o既咁難!
食完晚飯出街會合Eric哥哥,竟然又見到陳仔&Keith,但一見面就換來一句:'你而家好"佬"喎~~'哈哈,同我前排話自己做'Ron da "佬"' 一樣,都係有個"佬"字.
今日下午返o左CityU 拎o野,可惜未嘗所願... 冇~ 之後去o左又一城o既Timberland,被sales + 康康力說下(尤指後者!),我終於轉買o左令一對新鞋,作為新一年o既禮物...=P
下午未去TST之前,同康康去o左旺角買叉電... 胡�堶J撞的去o左"電器大廈",本來諗住逐間逐間睇,點知個康康睇完一間就話唔睇喇... 你睇,我地睇一間已經可以講平成$50,如果睇晒咁多間,應該可能再搵到d正,再平d...~.~ (不過一次過講平成$50,我都有d驚~)
下午整理緊自己昨晚所影o既相... 都搞到好一段時間. 不過講真,昨晚我竟然可以用晒128MB ram SD卡,我自己都有點驚訝!(因為我一直諗住係冇可能o架!) 有張重係彩虹呢~~~~^^
係喎... 新o既一年,新o既月份,又係時候換過一首新midi作background music喇!大家估唔估到今次係邊首歌喇? 冇錯!就係蘇永康o既<不想獨自快樂>.新o既一年,唔想再係一個人孤伶伶咁過我的o既(大學)生活.我要識多d朋友仔,搞多d活動一齊玩~~~ 過更多開心快樂o既日子!
一月廿日 星期一
夜晚開ICQ時收到一個名為點心占卜的占卜,可以睇內在& 外在性格o架!好玩~~
一月十九日 星期日
今日係我家的大掃除的日子,搞到一整日... 終於都把大部份的東西都給收拾整理好.只可惜開首我不小心打碎了一枝光管,即刻被人話:食o野唔人o野,做o野打爛o野!~.~ 講時講,今日整理hi-fi上面的CD時,發現我原來都借o左好多朋友o既CD,有大亨的羅記精選;又有阿牛的英文碟;亦有Eric的陳曉東CD... 當然也有Felix哥哥的CDs.多年來借o左一大埋碟又未還,真係要多謝各位的"仁慈".(不過若大家要拎返自己CD的話,亦可話我知~~^^)
一月十八日 星期六
今日去補習,補完竟有三文魚食... 但不知是否在星期四晚<元禾>的陰影下,我只食下兩,三塊就不想吃...
一月十七日 星期五
今日可算是一個充實的日子!話說本人一起床便趕去BU入錢及交form,之後就步2到我的小學影相.這是我一直期待的!只可惜當我到達的時候,很多東西已面目全非了...連小時候教我的老師們也不見了...~.~
一月十六日 星期四
今日為了交form,搞到我要去BU拎form.點知去到拎完form先睇到原來報o左網上申請係唔可以再用書面申請喇... 而家搞到我兩頭唔到岸.諗住搵o下讀BU o既朋友仔幫o下手,點知原來佢地有d係放緊semester break喇...T_T 最後唯有硬著頭皮衝入BU o既電腦室搵人借密碼上網,點知又被我成功搵到位好人喎...=) 不過由於我重未完成網上申請的資料,最終仍然過唔到數.始終聽日都要再去多一次BU!
一月十五日 星期三
今日著o左件紫色毛衣返學,我見到我忽然間吸引到好多"注視"喇.其實我覺得件紫色毛衣好姣咁...=P 唔知有見到我o既朋友仔又覺得點呢??
一月十四日 星期二
今日連續上o左三個鍾堂,雖然同晒d朋友仔一齊坐,不過唔知點解覺好上堂好悶,冇乜心機上... 死喇,唔通我重未培養返d上堂情緒??
話說昨晚我去飲sex in the beach... 就係今次,俾我發現點先可以品嚐到最好味o既sex in the beach.其實如味除o左係酒保o既功勞之外,原來重有另一個因素喇.就係等d冰融到一大半先飲,咁就可以令杯shooter淡得o黎又好到味... 超正~~~ (補返昨晚的一件事,昨晚一開始就激嬲o左一個"好大o既小妹妹".自從我講o左一句說話之後,就一直俾佢話"的憎死你呀!" 我只係講o左一句:"妳好似我地中三教Bible o個個Ms Ivy Leung"咋嘛...=P
同場加影o既重有Wengi不停叫我唔乜,唔好麥... 我根本就冇做過~.~)
一月十三日 星期一 ~~Eric,生日快樂呀!~~
今日係我個"老死"Eric哥哥o既生日,今年o既生日都算幾特別喇,coz'我係同Eric哥哥d朋友一齊過,而且重係去酒吧,又有人肯讓出VIP房俾我地玩喎... 真係羨慕你喇Eric~~
當晚的相:
一月十二日 星期日
正... 一早就收到一個睇你點死o既網頁,大家快d去睇睇,睇o下第日大家係點死...=P
一月十一日 星期六
我本相薄終於突破三百張相喇...呵呵~ 而呢張相就係好有寄念價值o既相,係我同歌手葉佩文o既合照喇~~hehee~~
一月十日 星期五
夜晚阿牛打o黎搵我,竟然話佢同Caleb一齊... 聽到真係嚇了一跳,原來Caleb已經返o左香港,不過Caleb都唔係變o左好多.大家有傾有講有笑去o左"鐵板超"食飯,之後就去o左旺角幫佢d朋友"買手信"...=P
一月九日 星期四
好慘呀...好慘呀!我部電腦已經壞o左成三日喇,搞到我想睇清楚d我GPA都唔得,可惡!幸好有Eric & Tommy 兩位勁人幫手搶救下,在下今日先可以得機用咋!就此謝過兩位好人呀~~~^^ (基於上述問題,前兩天的日記將會在本週內補上) o係呢次壞機事件中,跟我"朝夕相對"o左成年半o既1st MainBoard底板已告"陣亡"喇,真係估唔到佢係咁唔好彩(係我唔好彩先o岩)... 唉~
一月八日 星期三 沒有電腦的日子
沒有電腦的日子,原來真係一點都不易過喇... 雖然我係可以返CityU 或去網吧上網,不過由於今日要"全日補習"o既關係,根本冇時間去上網...算吧~
一月七日 星期二
今日終於可以睇GPA喇,等o左成個豕個幾禮拜,等到心都驚晒... 唉,又係拎埋晒d"尷尬分數",都唔知點算好喇... 就係呢個時候,點知我部電腦就無喇喇冇晒畫面喇,起初以為係個monitor條接駁線鬆o左,原來係我部電腦壞o左喇!真係禍不單行喇...T_T
一月六日 星期一
好耐都無寫過o野喇,新o既一年,就趁住今日無無聊聊咁就寫o左多一編<距離>.無o野做咪去睇o下o羅~~
一月五日 星期日
今日下午就去o左一個好遠o既地方--柴灣.點解去咁遠?因為係臨危授命.我要幫一個小三o既朋友仔補習.嘩,原來幫小學仔補習係好辛苦o架... 可能係仔仔o既關係,特別活躍,跳上跳落;加上細路仔高八度o既聲音,有點兒吵耳... 不過今日o既進度麻麻,可能係我要求高喇~~ 不過俗語都有話:萬事起頭難呀嘛!
一月四日 星期六
今日"忽然間"跟就同Eric, 毛毛& Wengi去o左搭覽車上山頂,已經有成n咁多年冇去過呢個地方喇... 猶記得對上一次上去凌宵閣重係興建中呢!去到紅綿道覽車站前,由於覽車始終係一個好高昂o既交通,猶豫o左一會我地成班人決定買套票,(來回覽車 + Believe it or not 入場卷 + 臘像館 + 動感影院)上到去真係另一番境象... 搞到我地四人都好似"港爛"咁...XDXD 不過都好,睇o下d新o野,順便可以影o下相.今日又影o左成88張相喇...=)
一月三日 星期五
夜晚去o左開會... 之後就去o左食飯,竟然就係去食"沙嗲王".我前排有贈卷成日話去就冇人同我去食,反而我昨日丟掉了已過期o既贈卷就有有食!可惡!不過今晚去食"沙嗲王"都有一個好處,就係被我影到一個好似我朋友o既人...=P
一月二日 星期四
今日總共經過3次旺角,實際就來回去o左兩次旺角... 開始對呢個地方有d厭...>.< 下午得知有個朋友仔去交學費竟然用EPS過唔到數,搞到差d要被迫退學... 後來我地又去o左TST搵salon,咁又搞o左好一陣子... 行o下搵o下原來d時間咁易過,咁就到七點幾... 同Eric去o左玩拳機,今次竟然玩到194.45kg!好驚人o既拳力呀~~ 亦都証明o左我地短期內可以提升我地o既"戰鬥力".
一月一日 星期三 新年快樂!
新o既一年,今日就冇乜o野特別事發生... 只係靜靜咁o係屋企渡過... 唯一特別就係晚餐唔係食飯,而係食西餐.阿媽話西方o新年要食返d西式o野慶祝喎...XDXD
<---back 我的資料 簽個大名啦 !