JULY2003

　　　　　　　　　　　　　　　　　　　　　　　　　　七月　JULY

已經係連續第二個月有返midi，曾幾何時我係講過話midi係會嘈到人，但係都認唔住加返落去... 因為有時d midi歌都幾好聽呀~ 更有人問點解唔日日都換唔同p既midi上去呢... 哈哈~ 唔換o既原因係因為我會好辛苦，而且我覺得日日有追o既讀者會錯過d歌．講到midi歌o既選擇，我一定唔會選用當期流行熱播的midi，雖然o個d歌都好好聽，但我覺得咁樣係唔太好．因為一來當期流行o既歌已經日播夜播，而再睇我o既日記時又再次聽到，咁樣只會加速令大家對o個首歌o既喜愛度，容易聽到反感．二來係我自己o既問題，我鍾意舊歌，呵~^^~

好喇，皴話又講完喇．聽o左咁耐，估唔估到今個月o既midi係邊首喇？係... 王傑o既<誰明浪子心>，其實我係上個月尾聽到佢o既呢首歌o既反唱版先決定用呢首midi．而重唱版係同趙學而合唱o架...


　　　　　　　　　　　　　　　　誰明浪子心(王傑、趙學而合唱)

                                   (男)可以笑的話  不會哭
                                    可找到知己  那會孤獨
                                      偏偏我永沒有遇上
                                問我一雙足印的風霜  怎可結束

                                   (女)可以愛的話  不退縮
                                    可相知的心  那怕追逐
                                      可惜每次遇上熱愛
                                沒法使我感覺我終於  遇上幸福

                                 (女)你說愛我等於要把我捕捉
                                    實在沒法擔起這一種愛
                                  (男)現在這夜我又再度飄泊
                                   (女)你的痴情  請勿繼續
                                 請你收起一切相信這晚是結局

                               (女)聽說太理想的戀愛  總不可接觸
                             (男)我卻那管千山走遍  亦要設法去捕捉
                               (女)聽說太理想的一切  都不可接觸
                             (男)我再置身寂寞路途  在那裡會有幸福

                                 (女)你說愛我等於要把我捕捉
                                    實在沒法擔起這一種愛
                                  (男)現在這夜我又再度飄泊
                                   (女)你的痴情  請勿繼續
                                 請你收起一切相信這晚是結局

                               (女)聽說太理想的戀愛  總不可接觸
                             (男)我卻那管千山走遍  亦要設法去捕捉
                               (女)聽說太理想的一切  都不可接觸
                             (男)我再置身寂寞路途  在那裡會有幸福

                               (女)聽說太理想的戀愛  總不可接觸
                             (男)我卻那管千山走遍  亦要設法去捕捉
                               (女)聽說太理想的一切  都不可接觸
                             (合)我再置身寂寞路途  在那裡會有幸福

七月卅一日　星期四　　　狗與狼

今日一早同康爺去o左Joint U Complex玩tennis．好靜，因為實在離地鐵站太遠喇；二來太熱喇，呢到所有場地都係露天，會玩得好辛苦．以上原因亦抑可能係選擇o係到興建聯校運動場o既因素，因為咁咪可以少d人去用，避免過份擠迫的情況出現．
準時去到sport complex，解決了錢銀上o既問題．之後就開始打波喇，點知發覺大家都可能因太耐冇玩呢個玩意而變得有d無聊．經常一球起，三球止咁... 拾波都重多過多波．幸好我都帶備足夠網球，先不致拾波情況加劇．後來，我地開始定目標，like要打到10球咁... 搞o左好耐，我地又因網球方向控制不當(勁打大斜線)，經常要走o黎走去，搞到有點兒像跑狗咁~.~ 不過都好，最後都出o左身汗，而且重開始可以搓o下波添~ 一於要keep住玩~~ 唔係康爺點會拾到波呢~~~=P
下午會合了友人便到沙田睇LEGO展．記得以前細細過，老媽每年都有帶我去新世界中心o既LEGO展．後來唔知係冇搞定係轉o左地方後就冇去... 事至今日，我都好想去睇睇呢個展覽，拎返本cataloge都好呀！點知今日去到係冇cataloge...>.< 不過都影o左唔少相，補返數喇~
<~~click o下個櫃入面d車仔喇~
今日主題係狗與狼，狗就講完喇(跑狗)．唔知大家對個狼字點諗呢... 無錯！係色狼．今日我都可算係色膽包天喇．竟然o係光天化日，眾目睽睽之下攬住我友人．(記住．唔係擁抱，因為唔係互相(擁)攬住對方，更加冇抱呢回事喇．)其實我只係以身體証明俾妳睇攬同搭膊頭係兩回事喇~at least搭膊頭係單手，攬係兩隻手o架~~失控~~
講起攬住人(應該係異性)，感覺真係好...好正！呢種感覺簡直係唔可以用文字o黎形容！可能係第一次o既關係，又可能係攬o既角度同姿勢o既問題．種種因素下，雖然只係短短o既一剎，但友人既無掙扎，又無大叫，感覺好好．接著的只是想著如果可以咁樣攬落去，我真係想一生一世都咁一直攬住，因為其他一切都已變得再唔重要．(包括所有物理需要~)

PS：我唔係色魔，更唔會不停咁非禮人．大家請方心同我出街... 哈~

七月卅日　星期三　　　搵易賺錢o既工...

搵易賺錢o既工係唔易搵o架！今日一早就去o左南區(呢兩個月已經係第n次入去喇~)o既香港醫學專科學院．基於未到正式工作前的一刻我仍然唔知道今日所負責的工作，見到醫學專科學院，真係有d唔知點咁... 不過入到去見到演講廳，感覺就好似返學o既lecture theatre咁親切，哈哈~ 輕鬆返晒~ 到開始準備set up，我先知原來我今日係負責拍o野喇．起初我以為我只係負責搬運的工作... ^.*
今日好勁呀！除o左學識o左點樣用DV拍o野外，重玩埋點樣拍o野，拎個靚靚角度．尤其係答問環節上，我要用部機不停對住d詢問者及解答者呢類zoom in zoom out，感覺就好似無記拍o野咁o既feel，呵呵~~其實我好耐之前已經好想咁玩o架喇... 只不過係我一直都冇機會用呢d 貴格用品... 今日可以一試，真係好正，好開心~ 除此之外，我重學識o左有關車o既o野... =)

中午各嘉賓去用膳o既時候，我就被委派返去油麻地，接載另一友人返回黃竹坑．唸個來回路程都好趕o架，因為我只係得短短o既40分鍾．而呢短短一個鍾麵唔夠o既時間就飛o左二百蚊的士喇... 只可惜我o既如意算盤打唔響，晒料~.~
下午到了拍攝尾聲時，由於正午趕唔切享用午膳，(只是草草吃了一塒魚柳+白肉雞的主菜便算...)好鬼肚餓．就o係呢個時候，友人拎o左一碟小吃返o黎．二話不說o既我當然以最快o既速度即刻衝出去，拎返碟食~ 佢地有菜絲春捲、煙肉腸仔、碎蛋沙津配法式麵包同埋我最鍾意食o既燒賣，而且呢到d燒賣重好好咋呢！今日真係要多謝Felix哥哥喇，帶我摮又學又食，重有錢賺喎~~^o^
隨住座談會閉幕，來賓慢慢咁走晒... 我同友人就開始征服晒所有小吃，食到飽飽先走．直至今晚都唔肚餓，只係去o左Haagen-Dazs食雪糕．不過都好，食飽飽慳o左筆錢可以歎Haagen-Dazs，8 balls都只係賣$68咋！(PS: single for $28, triple balls for $52) 重可以一次過試晒咁多種味，一個字--正！
夜晚跟Felix哥哥還返o架車俾郭auntie．估唔到好耐冇見o既auntie竟然重認得我，更勁係佢重記得我屋企o既婆婆，大家互相問候一番先離開．突然間感覺到禮貌o既美~

好o野！我而家又多一份part-time喇，做呢個拍seminar o既助手．有o野學有o野玩，最重要係可以同班朋友一齊返工，而且薪金重好可觀呢~！Heheeee~~~ 玩o下手唔洗補習都得呢~

七月廿九日　星期二　　　1+1=?

由於聽日我要返工，所以決定今日為最後交功課的日子．一早返到學校DCO Lab.，發覺康康已經寫o左一大埋文章．相反地，雖則我噚晚都有寫定d o野，不過相比之下都係好似好少咁．最後一路玩一路打返d功課，終於都o係一時許搞掂．但係由於成個OA d printers都offline，print唔到o野，搞到又要走落去CSC print．重要等到成三點先食飯呢~.~ (已經話過我中文唔好o架喇，又唔同我整理o下喎，只o係到不停咁笑，哼！)
辛苦完一輪當然去輕鬆o下喇，行經旺角Bossini，發現原來Bossini入面有幾件衫係同Tommy Hilfiger d衫好似o架，基本上直頭可以用一樣o黎形容．之後行去凱聲玩高達，今次竟然過到第十二關，滿以為終於可以打破宿命爆機之際，突然又o係最後一關到死，以前重未試過o架嘛！唔通我真係同爆機絕緣... T_T
夜晚上網才發現我還未準備義工旅行的事宜，於是便立即去打字．點知今晚又有好多朋友msg 我，令我不暇分身，加上阿媽又有說話同我講，真係有點應接不暇呢！不過正如我對友人說，起初我是十分忙碌的，但漸漸我便喜歡這種忙碌感．因為這才証明到我的存在~~哈哈~~

七月廿八日　星期一　　　

<~~指o下佢喇~
今日一早去補習，但係我今日好似唔多夠訓咁，差d重起唔到身遲到呢...~.~ 去到補習大BB竟然話要食煙？！心諗你又點可能有煙食呢... 最後見到原來係o黎自日本大版o既戒煙砂糖果子~
下午去完深水步買o野又有友人打o黎託我返返鴨寮街買o野，真係預唔o岩時候喇，早多少少我就唔洗行多一轉...~.~
嘩嘩... 原來飲酒真係好危險呀！唔係，我唔應該咁講(因為我自己都間中飲返杯o架嘛，呵呵...=P)，應該話跟唔熟o既人飲酒係好危險喇．當然，種種巧合下會出現被搏懵情況... >.< 不過最搞o野係見到人語無倫次同行路唔正o個個樣，哈哈~~~ 唔知我以前有冇咁樣醉過呢？XDXD

新寫的文章~~：為吹而吹之朋友遍

遊歷相薄內含禮拜三遊歷會相薄~~July2003

七月廿七日　星期日　　　以波會友

難得大伙兒今日都唔洗返工，於是就約埋打籃球．今次約多o左兩個人去打，加上一開始又叫多兩三個唔識o既人一齊玩，搞到今次竟要分成四隊打... 好開心~ 唯一可惜就係中途有友人忽然大叫後離去．今日打波都無乜喘氣或要休息，感覺上d體能好似好o左．唔通係我呢排成日游水所以d氣都好o左？(定係我今日打波走少o左呢...XDXD)
打完波自然少不免一齊去食飯，同樣地去飲茶，今次同埋鬼鬼地o既Ian一齊去，有d搞o野，不過都好得意~大家一路食一邊睇利物浦對港聯，此段時間可說是十分悠閒~ 為了等到指定時間飲茶，眾人又到'棺材鋪'休息休息~~ 今日o既作戰又差最後一關就爆機喇，原因又係我多手害死partner，噚晚又係咁... 唔通我真係唔可以再打爆呢隻game？！T_T
科技帶來進步，亦帶來恐怖．話說下午睇新聞報導時見國內現有一種叫複製sim card的軟件出售．但sim card入面的程式密碼可說是公司的機密．倘若現今的智能身分證被這軟件複製使用，咁好多無辜o既人亦可能隨時成為替死鬼．唉~
夜晚睇報紙見到藍灣半島有示範單位睇，不過入面d景完全唔係我前排睇到o既景... 再睇真d，原來係深圳福田中心區o既藍灣半島．唔怪之得咁會唔同喇...=)

七月廿六日　星期六　　　

今日好叻，游o左成13個堂，未記錯o既話我都未試過游來回咁多次... 唔知幾時先可以游到20堂呢...=P 游完就返我個'行宮'用電腦，點知打打o下日記竟然出現亂碼情況，搞到我冇得繼續打...=( 好叻仔呀，而家我對我o既'行宮'入面所有o野都十分了解，就連好多開關掣我都知點用同埋o係邊喇... 呵呵~

有人話興奮高興係會失控，原來係真o架喎~ 今日見到BB女失聲尖叫，重開心過中頭獎咁... 原來佢係收到KHU 通知，有conditional offer喇，不過個condition對佢o黎講根本就好易，咁咪差唔多係unconditional offer喇．就連interview都唔洗添喇... 真係勁~！勁唔係指佢入到港大喎，係指經我教導M&S o既係會好勁，呵呵~XDXD (欠我一餐飯呀~ or 俾o左個"只值$10 o既westwwod"我都得~~=P) 見到佢咁開心真係戥佢高興，唔知我幾時又可以o黎一次"失聲尖叫"呢？
PS：高興唔係全指入大學，而係另有原因喇... =P

下午陪友人去搵影相鋪影相，點知而家d相鋪係用數碼相機影多... 感覺上好無癮，可能係個攝影師用個部機都唔係d勁o野(Canon 10D或 NikonD-100又唔同咁講~=P)．之後就用電腦print相整出o黎．見此心諗我自己整都得喇，重可以用埋photoshop作修改，唯一我整唔到就係底片~.~

已經係一個禮拜內第二次行IKEA，不過今次唔係為吸收設計意念而入去，而係因為行到好熱好tired，只為搵一個有冷氣而有得坐o既地方而入去...=P 入到裡面，見到各式各樣的床與梳化，當然少不了"試坐一會"喇~~ 而途中有人打o黎，友人就講o左一句好得意o既說話："我而家o係宜家呀．" 行o左成個鍾梳化同床祳區後，其餘的區域只草草行了便算~~ 因為我都要走去開會~~

噚晚同今日都有同人提及本人o既感情問題．我記得我同友人們講過而家o既我對女朋友呢個字眼都重係好陌生．只不過係間中都係有一絲衝動想有，或者可能係見到身邊朋友都有拍拖，所以就有d "寂寞孤獨"o既感覺．但同樣地，問及友人方面，友人的答案亦與我差不多，原因亦是聽得身邊太多o既失敗例子或麻煩事喇... 其實有班朋友已經好夠喇~我真係唔想為o左有女朋友而特登搵女朋友喇~！

七月廿五日　星期五　　　

一早補完習就走去銅鑼灣，不過今次係約o左老媽去食飯．ok喇，自從上年我返工o個兩個月我都未試過同媽咪食飯．今次一齊食好正．最重要係好平，估唔到CBD(商業中心區)食o野都平過荔枝角~.~
下午到西九龍中心拎返把蔗，點知被我發現一樣好得意o既o野，就係我見到七色jelly．雖然好似好普通，而且極有可能周街都係，但係我問過原來要整呢個七色jelly都係好似rainbow整法一樣，都係要一層一層整o架... 除此之外，我亦發現KOF2003提早推出！假o架！其實只係有隻好似KOF2001 o既game叫做"?虎藏龍"．基本上佢只係香港programmer改o左KOF2001 遊戲入面o既顏色同背景而已．不過都吸引到有人玩...

七月廿四日　星期四　　　

今日終於都到o左呢個summer course o既最後一堂喇，捨唔捨得就唔知，不過就好緊張，因為又要去測驗呀嘛！雖然噚晚o既我已經好認真咁搵廣告(努力會唔會o黎得有d遲呢...=P)，但係正如康康話過，"無feel"就係無feel！即使我今日點樣盡量低調，唔一早出街唔去玩；食完午飯就死返去CityU 到等適應學校o既地理環境... 但我都係完全進入唔到考試o既狀態．
到正式上堂，聽返阿sir講課，講講o下講到最後一章：Fashion & Beauty. 唔知點解就係呢一個半鍾o既課堂竟能帶起我o既情緒，進入考試狀態~ 可能係我所搵o既考試材料(廣告)當中有d正正就係同阿sir講o既o野一樣，大家都係有著同一個睇法 & 諗法，所以開心得o黎就開始有feel喇... 於是乎考試就有好靈感，o係一個錐頭o既考試入面不停咁寫寫寫...呵~呵...=)
夜晚又順理成章地同一眾友人去食飯，但係唔知會唔會隨著課堂完結後就唔再有此定期活動呢？有感他日聚會再次變得不穩定而擔心~ 今晚叮過自助餐後覺得一次過食一大埋o野係對身體唔好o架... 而家o既我寧願少食多餐呢~.~ 不過分開多次食又會相對地貴好多呢...
食飯途中出現o左一樣好邪惡o既o野．話說有友人趁侍應姐姐不為意時用DC影相，不過佢係用有閃光燈喇... 搞到個侍應呆o左一陣，之後就有呢個'咬唇'o既出現．就係呢個實況o既描述，我竟然被一眾友人話我講'哎唇'係變態，係你地想入非非咋嘛~.~

PS：我係唔會迫人影相o架... 我只會o係人地自願下我先影o架~~ 即係某某人應承做我模特兒我先影o架...呵呵~XDXD

七月廿三日　星期三　　　逆天而行...

唉... 原來逆天而行始終都係唔得o架！上星期三我見到左治o係淺水灣游得咁爽，話想今日去沙灘游水，於是我就積極準備兼搵人．點知前日收到朋友通知，一個整親對腳，一個就皮膚敏感，而另一個就隻手有問題... (好驚~)
回想返，其實呢個可能已經係上天俾我o既提示，叫我唔好搞呢次活動．但係我當然冇留意到，繼續搵人搞落去... 點知，唔聽'勸告'o既我今日咪得到報應o羅~ 縱使今日我一早已經到柴灣，由十點睇住個天睇到十二點都係藍天白雲(雖然叫做補習，但我我每一刻都係望住個天，留意住天色係咪依然藍天白雲~！)，但最後都係搞唔成！因為各人都擔心颱風襲港，掛更高的風球等問題... 無奈地我已把活動取消，改做其他活動，由室外轉至室內活動．但因各組員都有唔同建議，最後決定參觀銅鑼灣的設計鋪頭後我便選擇較近o既巴士，(因為當時我已經成四個鍾無食o野兼無食過早餐，勁餓~！) 點知搭車中途又接獲通知活動又取消，加上電話又(就o黎)無電同又冇錢... 於是把心一橫放棄今日所有活動，一句"唔搞喇！"了結將今日大伙兒活動劃下句號．
接近到達銅鑼灣站的我，心諗現在是否銅鑼灣落車已經沒有關係了．看看時間，老媽應該已經吃了午飯，而且又唔想阻住佢，所以也不找她了... (雖則搵媽媽一定有飯食，而且重係免費添！) 最後就跟著巴士路線，一直搭到總站的灣仔碼頭．
唔知呢d係咪叫否極泰來呢？黑到某一個程度就會反彈o架喇...(苦笑~) 因為灣仔正是BB女所到之處，於是趁電話重有電急急腳搵佢陪食．點知去到鷹君中心已經掛三號風球喇... 心諗取消石澳之旅的決定都係正確喇．經過一番車輪遊電話說戰後，我同BB女決定搭船返尖咀，再到左敦食"好好味o既蛋蛋"．
打風搭船就係咁o既樣~~~>
原來打風搭車另有一番風味呢！搖擺o既船身及清爽o既涼風，加上間中打上船o既小水點，把今早o既計劃失敗徹徹底底咁忘記．
由天星碼頭行到左敦，幸好途中都無落雨，唔係段路一定好難行...=) 終於最後到o左三點幾，我先可以正正式式咁享用我今日o既第一餐．不過都好，終於可以品嚐我鍾意食o既o野，捱耐d都抵~~ 充飢後就決定做返d'運動'喇．由於離開餐廳時已開始落雨，於是就胡亂入o左間機鋪，點知又被我地撞中BB女話要玩o既舊版高達．玩o左兩鋪，第二鋪竟然可以玩到第十關，破晒紀錄~~~開心~~~
夜晚為聽日o既測驗而準備時，發覺有好多廣告都好正... 諗諗o下又諗起平面設計o個d o野... cut o左好幾張廣告以便聽日用，其中好鍾意呢個廣告o既'說話'...=)

搵廣告途中突然諗起有三個廣告勁想要... 點知最後一個都搵唔到~.~ 講起廣告，NAMI-NAMI呢個廣告都算係無里頭喇！竟連店舖sales都問d顧客明唔明個廣告賣乜，而sales就話十個有九個都唔知呢...LOL~

測驗：你給人第一個印象如何？

七月廿二日　星期二　　　

早上唱K，再次表露出我o既弱點，呵呵~
下午返到屋企就訓，一訓又幾個鍾... 其實前排有一段時間我都係咁樣，諗起都有d驚！因為我一下午訓午睡，夜晚必定好夜先訓... 咁捱法身體真係有d傷(自己feel到~.~)，希望玩埋呢幾日就唔再捱夜，真真正正過返一個早睡早起的生活！(現今已過著早起的生活了~)
好，聽日個活動我負責．為o左好讓大家玩得開心，而我又不用揹獲，所以今日特登搵o左幾個朋友請教，所有o野都盡在計算在內了，就連大佬都請埋幫手喇，呵呵... 希望聽日大家可以玩得開開心心~ 尤其係第一次一齊玩o既人，唔係點唔知點算~

七月廿一日　星期一　　　

今日再次重新踏上補習之路，見到大BB依然我行我素，故態復萌... 感覺有點兒心淡，若然情況再沒改善，我真的寧靜放棄罷了．我真的受不了永沒進步的教學！
下午本來約定到旺角唱K，點知去到先知道一係lunck K唱，一係就冇晒位... 於是大伙兒就改到茶樓食下午茶．我果然冇揀錯，同呢班朋友去玩同上次我去飲茶o個班一樣玩得好開心，大家有講有笑，絕無冷場或者死寂場面，開心開心... 另一個原因就係可能有徒弟仔服侍我喇~~=P
飲完茶去o左睇室內設計，雖然係見多o左o野，至少搵到一張幾舒服o既安樂椅，但係給我的印象就是：所謂藝術設計，只不過是天下一大抄罷了！今趟不禁令我有點兒失望... 尤其一個連魚仔街都買到o既玻璃瓶，只是加了顏色藥水就賣到成$285，我敢肯定此貨品的成本價絕不高於一百元正．來回貴了近三倍，為的就是這所謂的"藝術感"？或是設計店這鋪頭的名呢... 不得而知~更不想知~
下午又同人講起對象o既問題，又係講返前排我o既最新考慮... 兩極化：極乖+清純型VS少歪+成熟型．不過諗返起以前，我係冇呢套諗法o架，細過o既我只有一個好簡單o既方法去介定(主要用於介定朋友身上)．下圖紅圈代表的，藍圈代表他人；而黃色地帶代表重疊地帶，重疊地帶越多，代表有著共同的興趣玩意以至性格思想行為理念等範疇，即代表越有成為好朋友的可能．而最後的那個全重疊就是知己的介定，一經介定為此友誼級數，我會認定佢就係我一生一世o既"老死"，會義無反顧的對佢~！基於當年我已搵到全重疊的友人，我就開始諗，如果被我搵到個全重疊o既女仔做我女朋友就好喇... 因為無論性格思考都係一樣的話，咁做乜o野玩乜o野都會易d~ 而最重要o既係唔會再出現乜乜"因誤會而結合，因了解而分手"呢句超行o既藉口o羅！

不過而家諗返都有d驚．因為近期識到兩個朋友，我覺一個係心理行為與我相近，另一個就係性格思考理念與我相近．有時見到佢地感覺就如照鏡一樣，睇住另一個"我"o既行為缺點(因為我清楚自己o既缺點~呵~)，令我感覺有d反感~>.<~ 而見到思考理念一樣的"我"反而有d興奮，因為我d咁正(癲 =P)o既諗法都有人同我一樣，就好似伯樂搵到俊馬一樣，大家都開心興奮！
講到底，而家o既我都仍然覺得全重疊係好o架！只不過唔好所有性格行為都係完全一樣，俾返少少分別好，咁大家先可以學o下點適應同遷就人，呢個世界先有o野玩... 就正如最後幅圖咁，大家睇真d就會發現唔係完全重疊o架喇~！
相關文章：

~朋友~

友誼長久？！　　
其實上面o個幾幅圖我諗o左好耐o架喇．不過基於以前我o既技術問題，係唔識整呢幾張咁簡單o既圖，所以一直只有同身體o既朋友講呢個"圈圈重疊"的朋友介定．雖然而家呢幾張圖重未係完美版，不過今晚整o左好開心，感覺就似了o左一個心願咁~！~開心~ 遲d再寫返一遍o野先~
夜晚見有友人的url名為：超恐怖！防禦不能的灌籃　諗住會係有關d籃球片段才看看，誰知這廣告是賣女性健康雜誌的...LOL~

我近排入o左個會，就係以下呢個喇... 免年費,免入會費活動一羅羅~而且個個會員都好friendly "星期三遊歷會"未入會先興奮 "星期三遊歷會"給你一個愉快的暑假~~~~ 加入"星期三遊歷會"將會是你的明智選擇多謝聯絡人o既廣告設計~^o^~

七月廿日　星期日　　　悠閒之日

本於今日約定家人來個行山日，誰知給天氣搗亂了... 於是立即改變行程，改去飲茶去．已好久沒與家人一起到茶樓了！但到達後卻見人流甚多，人來人往．可能不是我與友人們飲茶的下午茶時段罷了~ 所以點心的價錢也貴得有點嚇人~
飲茶後便與趙大爺及康爺會合，輾轉徘徊聯合及凱聲這兩個'戰場'，到了母親大人徵召回家用晚膳時，楷哥哥及納爺等人亦相繼出現，更帶出一句驚心的話--"今晚往那兒吃飯？" 原來今天出來是吃飯的！但為什麼我沒人通知我呢？
中途回家用膳，見今晚的主菜竟然是雞．不是白切雞，而是鹽焗雞，重有肯得基的脆雞．不用吃飯的晚上感覺有點似郊外野餐，只不過環境是有著冷氣的~

晚上再會合友人們，玩耍途中發生一段小插曲．見友人女友走後折返，大家都知勢式不對，但估唔到咁僵o既局面下，原來只為o左小小的一個簡單問題~ 唉，有時睇到呢d真係唔知點好~ 兩邊都好似o岩咁，幫邊一邊都唔得...

七月十九日　星期六　　　

今日又係一早游水，不過今日入錢後竟然入唔到？！原來星期六係要俾多一蚊，搞到我要問看更正...~.~ 星期六游水有乜好？冇！完全無... 只係人多o左，o個池迫o左，成日撞到人！
游完水食飯，今日我終於都見到最後o既"隱藏人物"喇...=P 竟然比想像中還要後生，好有幹勁~ 好o野！又有新o野玩~~ 今次玩o既係Casio- E'xilim o既E-3. 只可惜呢部機係冇optical zoom，得ditigal zoom... 不過都幾user-friendly喇~
今日又就下星期三石澳之旅商討，基於有團友忌水，有的唔想被孤離，又有的唔想連續多日出街... 所以搞到問題多多．可能今次我有帶朋友o既緣故，搞到今次活動好似好混亂咁... 但係我覺得真係冇問題喇，因為一來大家見面一齊玩，o岩玩咪以後一齊玩喇，唔o岩咪最後一次o羅... so easy~ 不過算喇，有時我諗o野真係太一廂情願喇...
夜晚約見一個好耐冇見o既朋友，估唔到今次見面大家都發覺對方變了... 佢就話我變黑o左(正常喇，日日游水呀~！)；而我就話佢變得細心了... 因為以前一向都唔會就"風向問題"而特別遷就我，反而今晚就有兩番遷就~~ 互訴近況，得知友人近期發生一些不如意的事，除了感情事外，還有兄弟姊妹的問題... 講起兄弟姊妹，我自己都係無能為力的一群... ~.~ 但見到BB女又可以同佢細路和睦相處，姊弟情深又真係唔明，點解人地做到而我又做唔到呢！我真係好想知點解呀...

七月十八日　星期五　　　最後機會

短短三日時間，共約o左三次... 最後我宦把握到最後機會，都終於見到面喇！阿Dave竟然同埋細細Dave(<~~好鍾意呢個名~！)一齊出o黎．雖然佢地兩個趕住買o野，而最後只係好趕咁去o左許留山食o野~ 但係能夠見到面已經好夠喇~因為已經成大半年冇見過佢地喇... 所以我都好掛住Eric同PY佢地~~^o^~~
沙灘沙灘... 我一定要去沙灘游水！好，就一於下星期三去石澳喇~~！到時一定好好享受o下隨住海水漂浮o既感覺... 呵呵~~~
今日已經係連續第二日上堂喇，重記得噚日lecturer戥英國音樂未能登陸香而可惜．其實呢個遺憾美都唔錯呀！因為一來只有少數獨特風格o既歌出現，咁先顯出佢o既稀有性同獨特之處，而搵到o既人先至有成功感；相反諗返，若然有太多呢d風格獨特o既歌，甚至濫製另類風格o既歌，咁就不但不能突顯呢類歌o既獨特之處，而且更會將呢d另類歌變成一般o既普通歌罷了...
今日友人女友問了我一個成日聽到o既問題--"點喇，妳有冇女友呀？"呢個問題一向都只有從男仔口中先聽到，真估唔到今日又會有例外...~.~ 呆o左一陣，我就諗到一個好正o既答案，就係答："見過妳之後，我都再搵唔到個更好喇... 唉~" 我覺得咁講總好過成日都只係答一句"冇呀！"o黎得好呀~~ 係咪？(雖然咁講係明食人豆腐~~~XDXD)
今日上堂終於睇到第一本"小流氓(王小虎)"喇~ 今晚講o左香港漫畫, 電視劇, 同小說o既發展同香港文化的關係，阿sir提起o既o野都令大家回憶返以前細過睇過聽過o既o野，好懷念呀！

七月十七日　星期四　　　

今日一早又去游水，不過勁唔自然，成日覺得有d怪味跟住我... 原來係BB女支Fancl防曬喇... 今次我用錯方法(well, 應該話用得過量)，所以搞到隻手有d好噁心o既味，最慘係個鼻成日都重聞到... >.< 呢次又証o左我對化妝品護膚品o既認知係好差~~~
今日機緣之下玩返以前一隻game--Super Mario World.估唔到我到o左而家，相差成五年冇玩都重記得點去到'祕密星星關'~~ 不過而家玩返覺得好辛苦又煩喎，都唔知點解以前o既我可以咁俾心機去發掘所有隱藏關呢！
夜晚上Pop Culture時聽lecturer講o左好多有關香港流行歌o既發展... 只可惜我今日太'精神'，前半部講有闔歷史就訓o左，幸好後半部音樂欣賞訓醒，重聽o左好多首好聽o既歌~ 例如壹號皇庭主題曲原版同盧巧音初出道第二首主打<自戀影院>同鄭秀文出道之作<娃娃看天下>等！真係要多謝阿sir喇o下，咁樣聽一聽又提返起我要搵Candy呢首歌，咁又少o左個遺憾喇~~
夜晚為o左等齊人，最終又搞到成十一點先搵飯食... 咁夜都唔知去邊到食好，大家就唯有揀o左間最近o既食店就入o左去．不過間鋪實在有'太多價錢合理'o既食物選擇，最後六個人都叫同一款晚餐，真係搞笑．o個到唯一o既好就係d waitress好，叫佢笑就真係笑，要扁嘴又有扁嘴喎... 呵~呵~^o^~

七月十六日　星期三　　　赤柱之旅~reload

一睇今日個點題就知我今日又係去赤柱喇．係，今次已經係第三次... 但感覺當然唔一樣喇~ 因為第一次係同嗲d媽咪去，加上又係第一次去，所以感覺似探路多過觀光；第二次有了第一次的經驗，加上我一心只係想入去"hi-tea"，所以只搵BB女入去係o岩o既~而今次就係同我剛識o既朋友所組成o既'禮拜三遊歷會'各隊員一齊去，當然都去埋同一d地方，但係成班去又有成班去o既好玩！尤其係中午過到淺水灣o既時候，見到左治忽然間豁出去就衝o左落去o既即興感... 真係既羨慕又妒忌~~(羨慕係羨慕佢可以出海游水，而妒忌就係妒忌佢o個份即興心態重勁過我~XDXD) 今日真係玩得好開心~~^^
雖然我就冇落去游水，但係我就有浸o下腳踢o下水咁喇... 沿住沙灘行，一路有一浪浪o既海水湧過o黎又真係好正o架！於是乎我就唔理某某人不遜水性，死嚷著話下星期一定要去海灘落水... =P 不過我敢肯定，一定正過泳池游喇... 就算去曬o下太陽，玩o下沙灘波都好呀，係咪~~？？
嘩嘩嘩... Fancl果然係貴o野！佢d防曬霜真係好勁，薄薄地搽小小已經超防曬，不枉我死都要問BB女借o黎用~
去淺水灣發現一樣驚人o既事--我竟然見返以前我返工o既senior！原來佢前排先被掉配到o黎呢到，而我咁o岩又o黎到呢到喎... 真係橋~
由於我地玩到幾夜，加上冇食過o野(只係狂食雪條)．夜晚同'禮拜三遊歷會'各人一齊去打邊爐，順便商討o下o黎緊o既活動... 點知最後兩個活動都ban o左，剛成立o既'禮拜三遊歷會'就要暫停一個星期，因為大伙兒都要為應該C++而努力~哈哈，大家要加油呀！~

七月十五日　星期二　　　屯門之旅

諗起前幾日得到BB女o既幫助，我終於搵返PolyU o既密碼，o係到要多謝佢喇．最多幫妳守住個祕密喇~~~ 諗起多謝，一定唔少得另一個人，我上星期幾個msg加一個電話就幫我整o左隻碟，但最後又唔話唔洗... 聽落去好似玩人咁，但其實隻碟唔係我用，而我亦只係幫人問，所以先搞成咁．點都好，好多謝妳o既幫手，重寄埋俾我... THZ~Ta~Ta~ 有機會我一定會報答以上兩位~^o*~
今日一早同納爺食飯兼配眼鏡，未食之前玩高達又遇上挑機，戰敗幾鋪後納爺自己單挑反而輕取對方... 對唔住呀，我做o左你o既負累~>.<~ 配眼鏡時幫納爺揀o左副藍色鏡片o既眼鏡，希望o岩佢喇~~

<~~CLICK o下隻蒼蠅喇~！
下午同阿牛入o左屯門黃金海岸睇樓兼影相，點知去到第一個單位時竟然係賣o左... 行o左成大段路，竟然摸門釘，不禁有d灰... 而且我地今日o既睇樓計劃又因此而多了足足兩個鍾空閒時間，本來有人話係收留我地o架，點知最後都冇得去佢屋企抖o下，咁又令我錯失一個成1600呎o既海景單位喇... T_T 最後唯有去黃金海岸shopping mall影相．幸好第二個盤有得睇，唔係今日真係蝕車錢兼白行喇！(PS：搭巴士入去屯門時，阿牛話俾我知會經過前幾日巴士跌落斜坡意外o既時候真係有d驚~)

夜晚為o左等齊人，我地於是又去影相，不過今次係o係沙灘到，又真係唔錯喎，見到沙灘有好多班人o係到玩o個d膠波好開心(唔知聽日有冇得咁玩呢^^)... 只可惜我係影唔到Felix哥哥講o既magic hour，有d灰~ 等齊人於是去市中心食飯，聽了介紹去o個間台灣o野又幾好味喎~！最開心就莫過於我可去參觀佢柏景灣o既單位~~ 第日去開澳海城可能有地方俾我抖抖呢...=P
回程搭車時見到個超圓而超大o既月亮，大到自己都有d唔信，好似有成個月餅咁大... 不過我坐緊巴士，影極都影唔到... 唔係再加上青馬大橋o既夜景就剎食喇~~
今晚返屋企竟然有奇遇．話說夜晚返到屋企樓o下街口，始終都係忍唔住要影o下個月亮．點知o係我影到第二張o既時候，竟然有人o係我身邊到話："哦... 你死喇，o係到偷影！" 於是我就即係回頭一望，點知係一個陌路女子，我諗都係o岩o岩砍完酒o既人喇，所以就冇理佢．不過佢見我繼續影就話："你重影人地喎，我叫人拉你o架！" 終於我都俾佢煩到忍無可忍，講返句："係呀，我係偷影緊月亮呀，妳睇到我影d咩嗎？" 個女仔睇完我個芒呆o左幾秒，於是就回應："係喎，真係月亮喎．我叫嫦娥拉你先．" 之後就走o左... 咁o既搭訕都係第一次見，呵呵~~~
食午飯時不停咁收到電話，一聽到我話下午走入屯門黃金海岸睇樓就話我痴線．不過事實上睇樓都唔錯呀... 就以今日為例，真係"獲益良多"呢！好彩有Felix哥哥咋，唔係佢o既人和加上天時同地利，今日絕對影唔到o個輯'靚相'呢... XDXD

七月十四日　星期一　　　

嘩嘩，噚晚為o左補返前兩日o既日記，最後都搞到成三點幾先訓... 但係今日又一早幫阿媽入錢兼去o左游水．而家o既我勁精神o羅~！原來經過一早起身o個剎那o既掙扎就好掂o架喇~~ 今日發現原來青威泳池係有海洋公園o個d slide喇... 好開心~~ 不過由於只見到細路仔玩，所以最後都冇去玩到... 不過應該好好玩~~~
今日又食好好味o既米線，不過俾大家睇o下我第二個家喇~~呵呵~~
下午同康爺出街，竟然連續俾人挑機... 我只係想安安靜靜咁打電腦咋嘛~點知又出現時間上o既錯誤．可惡~ (我地本來係話出去TST開會o架~)
夜晚聽到大BB電話，話佢成績優'異'，要加緊補習喇... 睇o黎我個暑假就完喇~又要重新投入補習生涯...~.~

本港旅遊相薄誕生~

七月十三日　星期日　　　當F-100 遇上 F-200

今日join埋康爺,鳳凰同哥利亞o既杏花藍灣半日行．未集合前陪鳳凰買上o左去'阿二'到買SD ram，上到去真係有d後悔．後悔唔係個價o既問題，(雖然都平o左成十蚊)而係態度問題，人地呢d先係叫做生意o既態度喇！買完去o左影印街搵說明書，但係竟然係冇... 被呃了~.~ 之後見到麥花臣有o野睇又趁機走入去睇睇而搞到遲到．但係最後去到杏花村o既時候發現康爺原來係同我地o係埋同一車卡到．兩對朋友係埋同一個車廂入面，勁似睇戲入面o既橋段，真係講都冇人信！
<~~ 搵唔搵到隻蝴蝶喇？搵到有o野睇~~
落到車，就同友人們去o左杏花新城周圍影，而影得最多反而係百佳d生果，呵呵~ 出o左商場去返杏花村出面個公園．呢到曾幾何時係我成日去o既地方之一，舊地重遊感覺有d難忘，有d失措，有d不安... 不過見到有個得意BB仔o係到踢波，重成日踢個波過o黎我到(都唔知係咪想踢跌我支腳架~.~)，心情都好返d~ 事實上戀算了o左件心事~
為o左走到沿岸海邊位，我地一行人又不停咁行，途中經過兩間巴士廠，但最後發現我地要去o既地方竟然相隔一條河... 唯有放棄，割行加上我誤當緣色牌就係小巴站，搞到大家唔知去到邊到，經過o左一個好細o既公園後終於都到魚灣村．呃o左鳳凰請大家食雪條後就繼續前行，但最後我地竟然o係小西灣附近先搭小巴入去... 而短短分零鍾o既車籮就咁車o左我地入去~.~ 去到藍灣出面o既海邊影相，雖然見到好大o既海，成270'度海景，但感覺個景好模糊．大家一伙人景完相之後就上去睇樓，第一次睇藍灣感覺唔錯，可能我今次係睇大單位，加上高層靚則兼望海，好正！最正都係我無喇喇被人叫張生．(而我重未講過我姓乜名乜o架~)
PS：是日靚相將於不日出現~
發現o左一樣o野，同康爺佢地一齊睇樓，佢地係十分興奮雀躍．就好似小朋友去參觀博物館咁... 左走右搞，完全唔似係睇樓~ 不過見到佢地咁開心都好d，因為起初驚悶死康爺喇，即使今次唔係我主張睇樓．夜晚重有自稱小妹的叫我下次有睇樓活動記住帶埋去... 哈哈，原來都有好多人鍾意睇樓呢！
是日見到鳳凰影親相都話手震，於是就教o下佢點影相．如此一來就換來師傅o既名號．(呵呵)不過佢部機個CCD芒真係有d恐怖... ~.~"
今日出街竟然被我搵到個有著同樣諗法o架人，好得意... 唔知大家玩o既諗o既又係咪咁一樣呢？^o^
Sorry呀！今日最後都搵唔到以下朋友：Felix哥哥，納爺，趙大爺，阿楷&佑哥哥~

七月十二日　星期六　　　　

今日又係一個極為充實o既日子．一早八點幾就去到牛頭角，之後就搭車去堅樂小學，準備今日活動o既所有用品．等到九時許先正式開始今日o既活動--行山．首先，要班已分o左組o既小學仔去搵搭車路線，o係我地o既陪同之下由觀塘前往馬鞍山．(我覺得呢個好好！因為十年前係冇呢類活動咁大膽．而且咁樣可以訓練班細路d應變能力like突發事情如無零錢~)
陪班細路淋o左一場雨後，終於都上到車去馬鞍山喇．到達已經成十二點，(咁就用o左一個上午喇~)大家就即係到大家樂食午飯，之後就上馬鞍山郊野公園．由於今次係同婆仔一組，而佢又負責殿後喎，所以大家都'阿婆，阿婆'咁叫佢，呵呵~ (Sorry呀，將所有o既walki-talki都俾晒妳拎，辛苦晒喇~~)
行行重行行，終於被我地行到去西貢喇．途中雖然唔係我地行得最快，不過以團體性我地就肯定贏硬喇... 都好，見到班咁團結o既小朋友我都好開心！
回程時大家都話好tired．活動完結後就到大象屋企休息一o下．難得佢唔介意全身流汗o既我去打搞，咁當然就上去抖o下喇... 話時話，o係佢屋企涼住冷氣睇星矢，超級舒服．加上某一個坐姿，差點兒令我完全進入夢境呢...=P
夜晚又返中心開會，點知臨時係有一個乜乜認識會．玩o左同笑o左一輪，發現原來大象比我呢個o黎o左成年多o既人重要熟，感覺有點失敗．開會開到成十點，大家開完又即刻到附近餐廳去食飯，心諗今次成十一個人入去，點計都會打破呢個"食飯必九"呢個咒喇．點知，到點菜時又走多兩件，始終都係得返九個人食飯...=( 食飯期間納爺殺到，話帶我去打破另一個咒(宿命)，點知最後亦都係改變唔到... 算喇算喇，我認命喇~~我只係話"食飯必九"咋喎~ 宿命我一定要打破o架，heheee~~
失敗！連續第三個星期洗到冇晒錢o係身... T_T 其實無喇喇要交camp錢，加上八達通又要增值，咁就做晒我身上錢喇~

七月十一日　星期五　　　　

凌晨兩三點，當屋企o既人同燈都熄晒，只剩低自己同客廳o既燈，加上聽住凄美o既音樂，諗o野係特別好o架！特別有靈感...=) 好睇動畫OVA
雖然己過o左廿歲，身邊所識o既朋友都年紀相若，但估唔到原來成廿歲人都會有宵禁同早訓．可能係女仔o既關係喇；亦可能係我自初中起就已經過住d'夜生活'模式過活喇．所以人地正常o既生活習慣o係我眼中係唔正常... 我明白女仔夜晚出街係有一定o既危險，不過都唔洗早得太誇喇，感覺上始終有點先那個... 戥佢地慘~
"有很多重要的東西是一件很糟的事，因為當想要某些東西時，就得放棄另一些東西．"-- 通靈王#19
下午陪友人買DC，已經係呢個星期o既第二次喇~ 感覺上買幾千蚊機係得唔到人地o既尊重．嘩... 大喇喇幾K呀！而家出面打工仔d人工都係幾叉咋！重要張ram卡又貴o左喎，(噚日先問完) 真係有d唔想o係o個到買，不過為o左平，冇法~ 不過就係咁，我就換來一句professional，呵呵~~ (俾阿牛Felix佢地見到實笑死~)
買完走到大快活研究部機o既時間，BB女突然打o黎，搞到一時間唔知可以講d咩o野去安慰佢．最搞o野係友人o係到指手劃腳咁，搞到我更加諗(講)唔到o野...>.<
一路行返屋企一路搵相機袋，點知原來友人都有好多值得我研究o既o野... 哈哈~ 原來佢又係我有興趣研究o既人呢~^o^~
夜晚收到同學o既url，竟然係Go Gopeping！ [勸唔夠十八歲唔好去睇喇~]
夜晚無事做睇mp3，終於都俾我搵到我想要o既歌喇！首歌名叫"密友"，係張茵主唱o架．講真，好唔好聽就見人見智，不過好鍾意呢d另類唱腔．一般女仔唱o既都係斯斯文文雞仔聲，佢反而用雄壯得o黎又唔粗廣o既聲音唱呢首歌，chrous重有一個高音位．第一次聽就鍾意呢隻歌~(寫呢段o野之前先o岩o岩聽完第二次)

七月十日　星期四　　　　

長洲一日遊花絮 (請留意background d雲，係無用過任何軟件改過o架~~)
諗諗o下，其實我自己係為做(玩)而做(玩)o既人，而唔係屬於為比賽/名譽而做(玩)o既人．雖則我都曾嘗試過'追名逐利'，不過發現係唔得o架，因為總俾我搵到做得好過我o既人，佢地總會o係我身邊出現．所以我好清楚自己，係廣而唔係專... 衰d講句，即係周身刀但無張利．~.~
下午搵細路女，佢話下星期先派成績表，所以而家重未知道分數~希望佢今次考得好好地喇~
下午做'導遊'，陪友人o既友人去睇數碼相機．起初只係想令佢知道自己真正想要o既係咩o野，竟然換o黎一句"你鬧我！" ~~無奈~~ 之後行行睇睇數間鋪頭後，見其猶豫不決的樣子確實令我有d 興趣，呵呵~~(硬係要將自己o既享樂建築o係別人o既痛苦身上...XDXD) 不過經過我一番訓練，好快就可以令到佢由猶豫變得堅定，咁先係o架嘛~~希望佢買到自己心目中想要o既相機喇~~ PS：若然阿魚都係呢個星期買DC，咁就可以一星期內見到三個朋友買DC喇~~
夜晚同康爺,趙爺楷哥哥同佑哥哥一齊去試o左一間新鋪食飯，間鋪係專門整焗飯o架．不過我同趙爺就鋸扒~~(食o左個10oz美國肉眼扒帶子，伴鮮茵紅酒汁+酥皮什菜湯) 好好味，樣樣都好好...=) 開心~又搵到新地方食o野~~ 不過叫焗麵o既佑哥哥就慘喇，佢地o個個似'窩蛋火腿河濕炒'多個芝士煙雞肉波菜麵喇... ~.~

七月九日　星期三　　　　長洲一日遊

Simple Life
日本扮o野大賽之Matrix 打乒乓波
今日一早起身，跟康爺同佢d朋友一齊入長洲玩o左成大半日~ 今次就係我想像中o既完美活動，完美意思唔係活動o既安排．(因為事實上係無'主辦單位'或有人不停咁卸膊...=P) 完美其實係指雖然今日行程我只識得康爺，但係只係一日之間，大家都變得熟絡了，而且大家都玩得好開心~~ 重記得"鳳凰"拎去曬完變火鳳凰，之後再拎去冰鎮就變成--白雲鳳爪...XDXD
<~~ 係咪好清呢...=P
夜晚同Felix哥哥去o左灣仔影相... 今次係第一次o係香港區影返九龍TST，都唔錯o架！最搞o野係有意外收獲．竟然被我地影到... =P

七月八日　星期二　　　　豪買~！

今日約o左阿魚食飯，臨出門口Felix又加入埋食飯．食飽飽就開始今日o既豪買，o係我同魚魚加埋康爺o既見証下，Felix哥哥終於換機喇~~ 講時講，買細機真係冇乜人理你，反而一買大機就有成班人圍住，好似有o野睇咁... 見到佢可以換機真係有d羨慕~~
買完再陪阿魚睇細機，不過佢o既要求又真係有d怪，既要細小，又要墜手，又真係幾難搞... 睇怕你都係要買Canon IXUS400 o架喇！(PS: 原來IXUS 同IXY o既分別係前者係行貨，而後者係水貨~)
無o野做去標準抖o下，竟然見到有人被人圍住．原來係有人玩得好勁，而玩o既係一隻舊game -- 泡泡龍．(記得以前我細我第一隻玩o既電腦game就係佢，不過我始終都爆唔到機~)今日有幸見到有人打爆機都唔錯~足足一百關o架！~ 不過個爆機畫面就廢o左d... 話乜o野自己一個玩唔好，要同埋d 朋友一齊玩先好．(<~~好明顯係呃人再入錢玩喇！)　　重有一樣o野，勢估唔到原來阿魚玩槍game係準過康爺o架喎~
行開旺角，大家都好似被周圍o既物品所吸引，我就忽然間對DV有興趣；而阿魚就想買電視機；康康就想買多對皮鞋．嘩... 都係唔好出咁多街喇，唔係就真係會拎晒我地副身家去振興香港呢...=P 不過最後都係同阿魚去o左石磨坊食o左刨冰，總算促進o左香港經濟喇~^o^~
臨食飯被趙大爺"邀請"出去，第一次玩自護軍路線，又第一次用雙高達，可惜我o係第六關一開始又跌o左'死亡之穴'(其實係後step唔到)，冇o野講 ~.~

七月七日　星期一　　　　炭燒河馬

今日又去o左游水，又係冇用到仕何防曬用品．所以都預o左又會再曬黑d... 點知，今次竟然曬到勁黑，感覺有d炭燒feel... 而家好黑呀~~膚色~~ 不過今日首次感受到自己游水o既爆炸力... 可能係因為見到有人d爆炸力太誇喇...=P
游完水竟然食返麥記食物，真係唔知游o黎做乜咁~哈哈~ 不過真係要多謝Fori特登幫我走去買返o黎，重多o左個蘋果批呢~！今日終於影到我想影o既o野~ 不過其實係咪真係咁重要呢？我唔知道，亦唔想知．反正我有帶相機，咪順道影埋喇~~ 食飽飽我地竟然o係梳化到睇雜誌．剎那間感覺就好似一家人咁，因為o個一刻感覺太舒服喇，又有講有笑喎... 可惜康爺又話要出去喎~ 不過可能時間短暫先有呢個"完美感覺"... =)
<~~知唔知係乜o野呢... (CLICK 入去就知~~^o*)
↓ Ronald @ 加勒比海？！↓
↑ Ronald @ 尖咀先真...XDXD↑
下午同康爺去o左TST，又行加連威老道，不過今次有d收獲喇~ 再唔係康爺一個人買喇~^^~ 行行o下收到楷哥哥電話，勁驚．重以為佢又o係呢頭附近經過，及後先知原來係搵我去游水，可惜我今日一早已經游(炭燒)完喇．Sorry，下次再游過喇~~ 之後又行去海港城，發我發現到上面呢個咁靚o既地方．雖然而家香港係好熱，不過"露天雅座"呢個擺設唔錯呀~~ 又可以順便玩o下'旋轉門'，我重記得以前細過我成日玩旋轉門呢~

七月六日　星期日　　　　

發覺近幾日冇去游水，塊面d暗瘡明顯出返晒o黎~.~ 我要游水呀~~！
剛剛睇完六樓後座，可能冇戲院o既強勁音響同氣氛下，同埋睇唔到Leo(周永恆)&Karena(林嘉欣)玩Truth & Dare o個段，感覺有點失色...=P 套戲係以一班朋友住埋一齊，再以兩至三個感情故事互相連在一起而成．成套戲整體都算唔錯，我覺得絕對值得入戲院睇(可惜我始終都"唔可以"咁做)．戲中有一句幾對白幾有意義："Jean：如果$88買到一個鍾頭快樂，咁算唔算貴呀？" Sexy Susie："貴，當然貴喇！快樂都要用錢買o架咩？" 講得好，其實最完美最真o既快樂係唔需要用錢o黎製造o架！只可惜現今好多o既快樂都係用錢(填)鋪出o黎，可悲~
本來今日諗住去位於維園o既香港新宿FARM，點知BB女又臨時唔去得... (成日都係咁！>.<) 加上康爺今日要留守家中，其他友人又有事忙．一於順應老媽的要求，收拾一o下家裏的書本... 咁又搞o左我一個下午喇．不過今次整到我張table好乾淨，個廳又整齊o左~^o^~
整理書本後，帶o左幾幅掛畫出去賣．其實都冇諗過去邊到賣o架，不過記得有一兩個地方可能有機會要我呢d貨，於是就去o左喇... 一開始大家都係好行咁拉鋸，後來開始砍價喇，最後我都係諗住到價就走．(不過一開始我已經過晒我心目中o既價喇~呵呵~) 另想賣另一本書，好新淨o架！我重諗定o左一個好好o既藉口去賣，點知頭兩間鋪一見到就唔要... 後來先知道原來呢本書剛剛出o左新版，唔怪之得賣唔到喇．因為我諗住o既"完美藉口"一開始已經出o左呢個舊版破綻... 唉，傻仔~.~
有趣我加數遊戲，好好玩~ 多謝楷哥哥~

七月五日　星期六　　　　無事做的週末節目

噚晚因機器故障而miss o左一個已接了的電話，希望唔係剛從外國回來o既朋友打o黎喇~.~
噚晚去睇友人o既日記，發現所有geocities o既網頁都開唔到，(包括我個網頁在內) 勁驚！因為前排我有朋友就係因為咁而變得一無所有... 諗諗o下都係整返個back-up先~ 費事我他日想回味我以往日子o既計劃冇o左~
好耐都無發過咁清晰o既夢，夢見自己去返舊公司開會，區經(區域經理)同其他同事將要開會．而我又無喇喇被區經有入去，之後又等o左一陣, 聽o左一陣, 驚o左一陣... 最後到交換卡片o既時候就俾電話嘈醒...
今日又幫人搵o野，其實我一向都唔介意幫人，因為幫人可以維繫友誼，而且又可以睇o下有幾多"真正朋友"．不過今次又係搵到一半又話唔洗... ~.~ 點都好，多謝各方好友o既幫忙，尤其你TaTa，搞o左妳咁耐真係唔好意思．
前幾日就聽到有人話節日因無事做而出街遊行．今日我就真係無聊得滯，用o左成四個鍾去o左新元朗中心睇YOHO show flat．其實係我同老媽都心思思想睇，於是就趁無街去陪老媽子~~ 於是就上新世紀中心搭車，等車期間又見到有人因排隊問題而當街吵架，呢排真係多呢d o野~.~ 搭免費旅遊巴入去，之後就開始要企住等喇，因為實在太多人睇樓喇，足足要排成兩層．等o左成45分鍾，期間重有好多經紀走o黎兜搭．而睇住我教老媽講一句"行家"o既表情好得意，而前來兜搭o既經紀亦迅速尷尬走開...XDXD

最後都有得入去喇，不過唔係一入就睇show flat，新鴻基果然有d o野~~ 佢地今次要過三關，第一關係一間好黑o既房，入面有投射介紹YOHO．第二關就係白房，o係第一間黑房下形成強烈對比，光得有點兒刺眼．過o左兩道好有Cyber feel o既門，終於轉右入去睇示範單位．四個單位，只有一個550"o既間格較為'肆正'，吸引到我，不過可惜而家重未賣到o個幾間，再講我都冇錢同唔會住咁遠...=P 邊睇邊行中，同老媽不停拎其他新樓盤互比，其他經紀一聽到又照版煮焥跟住講o黎sel客，一笑~~拎住個營光袋睇完樓，諗住走喇，點知又有酒店到會以招乎睇樓o既人，可能補償返我地睇樓之前要企好耐o既原因喇，呵~<@>~~呵~ 星期六，去邊都要洗錢喇，偏偏今日出街幾乎一蚊都唔洗用，重可以飲飽食醉，又食又拎喎，多好呢！(PS: 原來新元朗中心英文係Sun Yuen Long Centre，而唔係New Yuen Long Centre．我諗大家都估唔到喇掛~)

撞磚~成人版~ 嘩，好勁呀，有易分身同多連hit...XDXD 勸唔夠秤唔好玩喇~

七月四日　星期五　　　　全蛋宴

話說今日婆婆買o左蝦，但我又唔太鍾意齋食蝦，於是就改為蝦仁炒蛋．但係到午飯o既時候，除o左蝦仁炒蛋外，重有肉碎炒蛋，兼且菜湯加蛋及魚蛋... 真係好一餐全蛋宴呢~.~