今日我終於去睇了康怡花園的單位了... 現在只有康山花園我未去過咋,其餘QuarryBay所有大廈我都差唔多去晒喇...開心~ BTW, 今日下午要去第二間分行借鎖匙,見到一d新同事,同埋我重可以負責開匙入屋添...XDXD
六月廿八日 星期五:
今日又去o左中環上堂,第二次搭905,已經開始記得同認得d路,同埋識得搵捷徑返公司呢,hehee~由於上次落堂後去搭'丁丁'而好遲先返到公司,今次我地被叫去搭地鐵,點知我地又係咁遲先返到公司,因為又再一次遲落堂...重要我用成$6搭地鐵喇...>.<
YEAH!!終於都有假期喇,我可以揀定下個月o既假喇,好開心呀~~不過我又因唔知揀邊人夜假而煩惱中...~.~
六月廿七日 星期四:
今日已經係第三日返工喇,不過仍然覺得好熱,好辛苦...不過我又睇了很多很多不同的單位(共18個由474"至1001"的單位),遲些我還可以自己去睇康怡花園呢!我有親戚以前住過康怡o架!現在可以去'舊地重遊',真係有d開心呢~~^^ 講返今日喇,我臨放工前跟了同事去睇幾個單位...真係莫說話個客鍾意,我自己睇完最後幾個都好鍾意...(有d賣花贊花香添...=P)不過,我利到返公司時我覺得有少少頭痛,同事話係中暑先兆喎...有d驚添~.~
夜晚約了朋友食飯.(聚會) 我本來預算好在食飯前去探探我一個尖咀o既朋友,誰不知佢原來o係星光行返工(又話麵藏附近, 而且有'game ron'!呃人!!)最後重要係我幫妳開數o架,敏姐姐,妳要記住我幫過妳o架,哈哈... PS: o係TST 金星撞到Ellen,又o係星光行被我撞到以前d同學仔...哈哈,真係'橋'呢...=P
六月廿六日 星期三:
今日一早去了永安集團大廈上課.(學如何考地產牌)幸好我臨出門口再看多一遍地址,否則今日我就去了永安中心而遲到...不過我搭905去到上/中環都仍然不太懂路,然而有好心人教我怎樣前往培訓中心...=) 唔知係咪好耐冇上過堂呢?我竟然覺得好眼訓...勁辛苦,一路上一路打瞌睡...好彩冇miss the important motes喇!
六月廿五日 星期二:
YEAH~~第一日返工~~有什麼感受??感覺就是--很熱很熱... 因為今天我已看了十六個單位,(當中有十三個是我自己一個人去睇o架!)加上大多褲都是吉屋,所以好焗,好熱...也可能我天生就是這麼怕熱哩!BTW, d 同事真係好nice, 縱然全部都年紀比我長,不過都真係好好,又肯教我...~^^~
工作了一整天,在放工回家途中我竟然睡不了,幸好晚上我很快便睡著了...=)
六月廿四日 星期一:決定性的一天
我天對我來說可是人生其中一個'決定性的一天',因為今天將會決定我第一份真真正正的工作,不是臨時工,而是長工呢!哈∼哈∼(寫此段文字時是零晨工點半!)
大家想唔想知自己將來將會迷到幾多位異性呢?想知就進去看看喇!我剛剛玩完了...嘻嘻~猜猜我的結果是怎樣...=P
PS: 裡面還有很多不同的心至測驗哩!!~EnJoY~
得o左!終於成功了,從明天起,我就去上班了...(縱然今日呢個最緊張時刻我的手提電話竟然冇電,差點令我丟掉了工作!)哈哈~其實我是否應該高與呢?以後也不能出街玩樂了... 連聚會也可能去不得呢!不過怎樣也好,有錢賺就已經足夠!!
好CHEAP呀,好CHEAP呀!今日去換領一部Canon printer, 點知佢竟然冇隨機USB cable,搞到我又要走返出旺角買... 如是者,今趟已是我第三次去旺角了...>.<
六月廿三日 星期日:
太好了,實在太好了...太開心了,前幾天我所期望的事終於都發生了!!因為我今日已去了另一間公司的面試...現在真的有兩間公司實牙實齒的說聘請我了,更有可能於同一日(我想旦後日罷)找我訌班呢.都係呢句~開心~但是,煩惱亦來了,兩間公司的條件相約,(各有各好)現在的我有點迷茫,不知道應怎樣選擇才好,最大的問題是我不知怎樣捥拒另一間的好意呢...
六月廿二日 星期六:
嘩嘩...好辛苦呀!本想幾天後可能要開始工作(返工),所以才想著這一,兩天玩晚些,盡慶一點...誰不知昨晚我只玩到三點而且,然而我竟然感到身體內臟不適,好不辛苦,最慘的是我從上床的一刻(03:30),到近五點的時候仍然睡不著...無論我從床上,或走到大廳的梳化上,我也是睡不到... 若果他朝我返工也是這樣睡不好的話,工作時一定不能集中,那我一定被辭退呢!
今日同Ian去聯合玩,發現o左BM 6th Style只係$3 for battle play, 在此等誘惑下,我終於同Ian玩o左一鋪... 由於我唔想first stage死,(好羞o架嘛!) 於是我便教了easy mode, 再加上light7 keys, 不過之後我玩幾難o既歌都過到關,even though I chose 'V'for my final stage~~^^
六月廿一日 星期五:
YEAH,今日去o左大象屋企睇世界盃,巴西VS英國蘭,可以即時睇到呢場比賽實狂太開心喇...更開心的是賽果竟然被我說中是巴西贏2:1(唔係馬後炮,我可有人証呢!)
夜晚去開BOB meeting,竟然只得六個人(連的在內)出席,幸好都把所有問題/活動準備好...=)
最近幾晚都有傾電話的'活動',一傾就傾了近三個小時,搞到我更夜先訓...最重要係搞到我被阿媽鬧...=(
六月廿日 星期四:
妳好呀妳... '阿Kel'!!妳同康康一聲我就幾夜都走出o黎,妳竟然出到o黎就打我一鎚?!我唔理呀,連利息共欠我兩大拳呀(or爪...=P),我亦唔會同妳講我幾時要妳還架...XDXD
--> 昨晚竟然有人打來叫我今天去second interview,真係意想不到呢!今日一早去完海怡半島見工後,下午竟然收到另一間公司又叫我去second interview, 呢刻我o既心情真係好開心到唔知點形容...以前就話工揀人,今時呢刻咁o既環境o下,竟然可以俾我感受到人揀工
o既滋味,真係夫復何求呢!
六月十九日 星期三:
今天上新聞群看到了一個男仔係...& ...女仔係幾幽默呢, hehee~^^~
下午去了太古見工,好不辛苦呢... 我說的辛苦並不是路途遙遠,而是我到了後,呆等苦候了整整兩個小時!!我最討厭就是這樣呆坐等候...>.<
喂喂喂... 各位成年人朋友仔,明晚銅鑼灣利舞壹有免費戲睇喇,免費戲係當今紅透樂壇女子組合--TWINS主演的<這個夏天有異性>,想睇就明晚七時正去排隊~.~
六月十八日 星期二:
是不是前幾天我說閒著沒事幹,這星期我將會有好多節目呢...例如見工,見工,見工同開會... 昨晚給我在recruit到看到很多招聘日呢,好讓我去試一試,希望我可以見工成功喇~Pray for me~~
'在家靠家人,在外靠朋友'這話倒也是真的呢...話說昨天我去見工,佐我竟然忘記了我去申請的職位是什麼... (真的該死!!)幸好在危急關頭找到朋友幫我...特此謝過尤雅姐姐與袁大人~~^o^
今日係老爸壽辰,晚間去了北京樓食飯...好耐都冇去過呢到喇!原本決定了食法國菜的,但食中菜也不錯...唯獨我覺得個甜品差了少許.
'阿Kel'要做一日淑女?!哈哈... 康康已贏了九成,我地o個晚將會有一餐免費呢...呵呵~~
六月十七日 星期一:
小心小心!!彌敦道始創中心近弼街一帶出現一名中國藉女士,她經常在晚間十一時後出現,在那�婺g過的人多數給她阻攔,跟著她便向你討錢...事發上星期某晚,當我經過這�堮氶A那女的突然把我的T-shirt扯住,還久久不放手(這是Eric送給我的Tee呢!)... 今晚我又再次看到她,當然我沒有被她再扯住件衫喇,再被佢扯住的話,我的衫一定會爛掉呢!
夜晚與朋友去看世界盃賽事(巴西對比利時),好一場比賽...縱然上半場雙方打成0-0平手,下半場的確令人興奮,尤其是利華度射入的一球,簡直係世界波喇!!
六月十六日 星期日: ~祝天下父親父親節快樂~
哈哈~近兩三天我已下載了很多新歌,只不過全部都是廣東歌... 而英文歌就一首也沒有,有沒有人可以介紹/send一兩首歌俾我喇?^^
六月十五日 星期六:
今天在地鐵站看到電影<烈血追風(Windtalkers)>的海報,非常開心,因為尼古拉斯基治是我最喜愛的演員之一呢!希望這套電影能快些上映...=)
六月十四日 星期五:
太好了!昨日去了蓋灣半島見工,(藍灣半島在那?近杏花村,在小西灣�堙D)雖然是遠了一點點,但勝在底薪較高,而且我覺得我將會得到這份工呢...嘻嘻~~
有些人太可惡了,當我把見工成功的事告訴了仔後,第一個反應竟然是'請食飯'!這些行為真是要不得呢,魚文...=P
太可愛喇!我今日出街撞到鄰居,見到人地手裡抱著一個嬰兒,於是乎我便走前與BB玩.竟然可以同BB玩,實在太開心喇!!BB細細過,手,腳,頭及身體各部份都比成年人細了許多... 皮膚又比其他人幼嫩及滑溜,簡直可以說是令我愛不釋手呢!橫掂找不到工作,每天陪著BB玩倒也不鉑呢!!(是否覺得我有點兒變態呢...=P)
話說今日下午又約了Ian去'聯合',誰不知他入了一元後,撞到了'阿文',所以他就去了陪'阿文'玩Power Stone2.當然,我就拿了另一個一元(都是Ian的...=P)玩KOF2001.大家不妨猜猜我玩了多久?答案是不到兩分鍾,一關也過不了!因我犯了兩大錯誤,其一是的不懂'超必殺技'(基本上我連普通技也不懂,呵呵~),二來我在第三回合在優勢的情況下輕敵,以至反勝為敗!哈哈...不過綜合來說,我也未免太遜了~~PS:但我用'K9999'可算不錯呢~~
六月十三日 星期四:
是否有點驚訝呢?一大早便有今天的日記.這是因為我是在零晨時分寫的!
昨天已只睡得買小時,本應身心疲倦...但可能是捱了太久的關係,已過了我所能支持的臨界點,現在的我還是金睛火眼呢!
話說回來,我本應在這段’無人時分’在part-time.com和勞工處尋找工作的.正當我在勞工處完成我的履歷表時,它們的server竟然'當'了... 反覆試了多次也無反應,因此放棄才走到這��... 明天一定要九時正起床,因為明天早上極可能是美國籃球總決賽(NBA Finals)的最後一場呢!(現時比數是湖人領先3:0) 哎呀,計計先,那麼我豈不是又只得幾小時的睡眠時間呢...
可惡,我竟然起不了床,錯過了半場NBA總決賽呢!
近日與朋友閒談及看了幾個朋友仔的網頁,大都提及煩惱的.有的因感情煩惱;有的因前途問題,覺得前路汒汒而煩惱;也有的與家人吵架...會否是這個年代,再加經濟不景氣的情況下,煩惱總是特別多?我看倒不是,是不是煩惱一直存在,只是我們隨著日子長大,看到的也逐漸多了,所以知道與感受到的煩惱也多了...希望大家能早日告別煩惱,開開心心的過日子~網主共勉之~
六月十二日 星期三:
今日一清早便被吵醒,原來今天要陪姨婆去看醫生.那麼一看,便花了一個早上.計計看,我(昨晚至)今天原來只睡了不足四小時,真要命呢!今晚還要去開會呢... 希望下午可以小睡一會喇~
嘩嘩嘩... 今日下載了蘇永康隻
是晚去了牛頭角開會,討論下次義(社)工服務的形式和流程,也給我正正真真的看清楚我們BOB中有什麼成員.雖則有些成員是頭一次先面,(其他的也只不過是第二次先面罷了)但我想他們會是一群'玩得之人',希望我和'康康'加入後會(為大家)帶來更多樂趣呢!
六月十一日 星期二:
第二次... 已經係第二次喇!今日又搞唔成聚會喇,由於今日下雨連連,把懷著興奮心情的我掉進深淵,逼使我取消今晚的BBQ. 一個月內連續兩次都搞唔成聚會,實在有些心傷呢!~
sob~
幸好上天都對我不薄,被我找到了一個'食宵夜o既對象',今後真的可以去食宵夜了~~~^^
(PS: 點解一個人唔去得去食?因為夜晚一個人出街有危險,而且好悶.)
六月十日 星期一:
昨晚收聽收音機的時候,聽到主持所說的一段話:
lunch hour 係同同事一齊食的;
happy hour 係同朋友一齊玩的;
dinner hour 係同情人一齊用的.
若一,兩年前,我個人都好認同呢段說話.(當然,晚餐不是和情人,而是家人)但現在,我一日早午晚三餐都和家人一起呢~
終於都趕得切在今日前完成<最終兵器少(彼)女>這七本書,不過這是我看得最辛苦的漫畫之一呢!我縱然以走馬看花的方式看畢這餘下的四本,但這也要我花了一個早上的時間才能看畢.(為何要用走馬看花的方式看? 因為今天是還書的日子呢!)
六月九日 星期日:
昨晚再一次和Ian去玩Guilty Gear XX, 都重係好易打, 而且我地終於懂得'一繫必殺'的絕招了. 只可惜, 到了最後一關, 原來Ian唔係好知道造關的祕訣. 縱然我知道這祕訣, 不過我又不懂得隨心所欲地出招式... 想深一層, 我自己本身可能就是這樣; 在日常生活上, 我是懂得很多應變/ 解決問題的方法, 但礙於我能力有限, 往往出現力不從心的結果. 唉... 所以最終都只能從我口中說出解決問題的方法, 而另找他人代我實行... ~苦笑中~
真神奇, 估不到HTML竟然可以教我製作'網上問題'! 過不兩, 三天, 待我看畢這書就製作一個簡單問題來玩玩~~
六月八日 星期六: 不知各位有否看過<最終兵器少女>這書, 這本書曾一度被譽為最賺人熱淚的漫畫之一. 我已經看到第三期了, 不過覺得只是一般, 可能這類情節不太適合本人呢!
以往曾對朋友說我有一個網頁,(即這個) 大家數朋友聽了都說我了不起, 因為要寫一個網頁旦要懂得javascript. 若不懂javascript, 最少要要懂得HTML. 但我心想, 我懂我寫這個網頁是因為我不停的'參考'本人的網頁, 即不停的抄襲, 抄襲... 心�媮`不太好受. 可是, 現在可不同了, 因為我趁著考完試的這個多月, 我借了一些電腦的應用書籍. 所以我現在可說慢慢的學懂了HTML, 遲些我還想學Java, Visal c++, Flash... 希望可以學多些, 自我增值呀嘛~~^^
六月七日 星期五: 今日去了'侯佬'家�嵃誑@界盃, 基本上可說看畢三場賽事, 但事實上只看了兩場. 因為大家都認為第二場過於沉悶, 誰不知這場比賽是最多入球的一場呢!
六月六日 星期四: 前幾天看新聞群的時候, 被我看到一個叫水瓶座的男人, 作為男孩子的我是甚少看這些的, 因為大多是一些胡說的文章, 所以我是抱著半信半疑的態度去看... 但今次可說是一次例外, 因這次'例外'卻令我對這些星座的睇法有些改變, 因為這遍文章內的性格分析與我的十分接近, 尤其是首三段!
今日第一次試玩Guilty Gear XX, 竟然第一次都可以好易咁打贏, 重唔係贏一鋪喎~真係估唔到呢隻game原來咁易玩.
十分對不起, 因為我在新聞群看到的只有水瓶座的男人與女人. 而我只儲存了<水瓶座的男人>這遍... 但以我的記憶, 我都有好幾位水瓶座的朋友呢, 如若你們看到這��, 不妨進去看看, 看看文章內的分析與你是否一樣...=)
六月五日 星期三: 又係開心o既一日!! 因為我又出o左成日街. 仔細d講, 今日Ian忽然間玩我好想睇o既Guity Gear XX, 佢真係有d o野喎, 第一次打就去到尾二o個關, 真係佩服佩服~
第二樣o野就係我終於都去o左睇<絕代雙嬌>喇~ 足足睇o左成半個下晝, 決定以後都係去睇, 唔租呢套喇~.~
第三樣開心就係, 今日去o左唱K, 再唔係全男班喇, 可以唱合唱歌之餘, 重可以真真正正咁聽到真o既女仔聲! 實在太好喇~~ 雖則唔可以一男一女咁唱合唱歌...
第四件開心事... 其實都唔知係咪應該開心呢! 本來我係好想多d出街o架, 不過自從呢兩日出o左街之後, 忽然間好似多o左好多活動, 好似星期五去侯佬屋企睇波; 下星期去鄧生屋企玩+BBQ... 重有d借&還書等等呢d小事... 如果個個禮拜都係咁就好喇! 不過唔知我個荷包受唔受得住呢...=P
六月四日: 睇o左喇, 睇o左喇... 終於我都睇o左戲喇!! 好開心~~ 好耐都冇睇戲lu... i mean 去戲院睇,今日睇o左套'狙魔特攻', 雖然套戲就俾我想像中冇咁好... 不過我都好滿足o架喇.^o^
因禍得福!! 話說昨晚我幫個朋友仔做essay, 做到夜一夜爬做完, 跟住我咪send去佢o個acc., 兼且delete埋個document喇... 點知, 朋友仔今日同我講話收唔到, 我唯有好無奈咁做多一次喇, (雖則我已經唔係好記得昨晚寫o左d咩喇) 但係我竟然意外地換來今晚呢餐飯飯~~ coz' 朋友仔話'答謝'我喎...hehee~
六月三日: 一早有收到個朋友仔o既url, 又係心理測驗, 雖然我以前已經玩過呢個quiz, 不過都唔錯架, o個quiz叫你的潛在性格
第二個心理測驗: 完全自我心理測驗
自從開始寫返日記開始, 我就成日問自己, 應唔應該upload返d歌上去呢... 不過我呢個homepage已經冇晒位, 本應我重諗過delete埋以前d歌架...不過唔好喇, 話晒我以前用56K, upload得好辛苦架! o係唔夠位o既情況下, 我最後作出o左呢個決定, 以後都唔upload 歌喇... (或可能delete添!) 呢個hompage只會寫我o既日記, or somehow, 拎d新相上o黎喇~.~
嘩嘩... 唔知大家有冇聽過'黑加倫提(子)'呢? 好好味架... 我以前就鍾意食青提子, 而家我鍾意食黑加倫提喇!! 最正o既食法都係雪凍佢o黎食, 提醒你地買呢隻提子o既時候, 記住買愈黑愈好呀, coz' d汁係愈甜架^^
六月二日: 今日同媽咪去o左樂富吉之島, 好耐都行過呢個地方喇, 唔知係咪星期日呢, 我見到有好多人不過咁搶衫, 買褲... 收銀處大排長龍, 真係唔明白點講d人話冇人o係香港消費... 不過講真, 呢個大家搶住o黎買o野o既景況, 真係好冇都冇見過喇!
六月一日: 今日食晚飯o既時候, 我叫o左獲仔牛柳, 咁個侍應問我要幾多黑椒汁. 而我竟然傻o左咁話我想要蒜溶汁, 點知一食先知原來我係唔鍾意食蒜溶o羅... 愍, 我應該話我唔鍾意食太多蒜溶o羅... 應該都係跟侍應姐姐, 食返黑椒汁!
<---back 我的資料 簽個大名啦 !