感閣 ~ The Second Time

個一晚係我地第二次見面，天氣唔單只好凍仲落緊毛毛雨。

我好刻意甘去裝扮自己，我特登著得比較似OL，點解？

因為我知道你鍾意OL型既女仔，但係唔知點解我覺得就算我點扮都係唔似。

個晚我地約左十一點係旺角地鐵站恆生等。

能夠再一次見到你我真係好開心，因為經過第一次見面後我稔我地根本唔會再見面。

我地由旺角行到去尖沙咀，但係好奇怪我一的都唔覺得累。

雖然我日頭做sales成日要企，但係可能因為係同你一齊，

所以我只係感覺到同你一齊既快樂。

其實我地原本係想行海傍，因為係我未返香港之前，

我同你講過海傍對我黎講係有一份特別既意義。

所以你話當我返香港既時候你會帶我去行海傍。

但係個一晚真係好凍，所以最後我地唯有留係HMV隔離既麥當奴裡面。

我一直甘挨住你，因為我唔想浪費每一分每一秒。

唔知點解個一晚周圍既人同事都好奇怪，或者對我黎講其實係一件好事，

因為至少唔會令我好容易甘就忘記左你。

時間過得真係快，唔經唔覺原來已經到左深夜淩晨時份。

而係我心裡面其實仲好想同你去行海傍，所以我唯有扮話去星光行個一間麥當奴。

去到個度原來麥當奴一早就收左，所以我地唯有去7-eleven買左份報紙，一Tin咖啡同埋一樽KGB。

但係我地真係傻，因為個度根本光線都唔充足，甘我地又點睇到報紙呢。

反而係個一種氣紛之下，我好想攬住你，因為我同你都好凍。

或者當時係其他人既眼裡面，係會覺得我地兩個好似傻佬傻婆一樣。

因為天氣甘凍又落緊雨，我地居然仲企係海傍。

但係旁人又點會知道，係個一刻我心裡面既感覺係有幾甘好，

幾甘值得我一而再，再而三甘去回味。。。。。。

For any comment please send email to: ilcky@oocities.com