My Friends

Click the names below to direct to my friends

Clement， Clive， Crystal， Helen， Hooda，
Jacky Chan， Jacky Ying， Jasper， Jeffrey，
Senate， Shirley， Vicky， Viki

Clement: e-mail

Written on or before Y2k :
 我由小學四年級開始認識Clement，認識佢係因為當年大家同班。而大家又乘坐同一輛校車又在同一區居住所以令我們開始熟絡。中學大家獲派唔同既學校所以分道揚鑣。〈佢讀書好叻，獲派到一間名校〉。基本上我既小學同中學都有佢同我度過。而家大家都各有各忙。見面既機會真係少之又少。不過大家聚埋一齊時又真係好開心。
 Written on 8th of August, 2k2 :
 不經不覺，我們都畢業了。你已找到一份工作，而我就選擇了繼續升學。人真的很奇怪，人越老，經驗越多。對人對朋友的態度都有所不同，升上了大學的你，彼此開始有點距離，此等距離不是大家不能再做朋友 ，而是我們雙方對大家都愈來愈客氣，失去了大家最初的感覺。〈坦白講 ，所謂最初的感覺，有時不是太好受〉 。到了現在，大家也很少再有閒聊的機會。希望大家在未來能夠找到自己應走既路啦。
PS: 〈 做事不要存在一種覺得有得undo既心態，記得有一次我有提醒你考慮清楚先好決定，你作了決定後數天，才覺得想undo。唔係任何事都有機會俾你undo。希望你明白吧。〉

Clive: e-mail

Written on or before Y2k :
我由六年級認識Clive，佢係一個沉默寡言既人〈佢讀書又係好鬼死叻架〉。佢唔會主動打電話俾我，通常只有我或者Clement搵佢去街。佢個人又成日都無乜所謂咁喎。問佢想去邊或者想食乜野，佢都會答“是但你啦”。所以同佢做friend都好好，at least 唔會有意見分歧而鬧交啦。不過其實成日都無意見就唔係咁好，變左我地好似識左咁耐都唔係好了解你。希望你可以俾我同Clement知多Ｄ你心裏面係點諗。

Crystal: e-mail

Written on or before Y2k :
有睇過我個Homepage既人都應該對Crystal呢個名有少少印象，佢係我由ＢＢ果陣時已經認識既人。佢係我媽咪既好朋友既女兒。佢好靚架。唔信自己去“My Photos”睇下啦。佢又係一個讀書好勁既人。〈我識親Ｄ人讀書都好勁，我就一Ｄ都感染唔到，真失敗…〉佢俾我既感覺係佢乜都好掂。佢既前途絕對係一片光明同成功。
 Written on 13th of August, 2k2 :
 我身邊的朋友，好多都在今年完成左大專課程。有的繼續升學，有的嘗試找找工作做 。而Crystal選了後者，大家都記得我講過甚麼嗎？〈想唔起便看看上面吧，大笨蛋！！ ^_^〉Crystal在找工作方面，真的如我之前所說，蠻順利的 。甚至到現在，她已經找到另一份較適合她的工作添 。〈真係羨慕死人…〉近排，我都多左同Crystal傾icq。我亦係佢提醒之下睇返佢寫既 OpenDiary。〈Sorry呀， 你同我講果陣真係太忙，跟住就唔記得左 。 haha..〉睇完之後，知多左你好多野，亦都同你傾多左好多野，先發覺大家對未來伴侶既諗法都差唔多。其實，我地既諗法都係頗現實和理性的，不過有時，我其實都想找些空間給自己麻木或模糊一番，但始終都做唔到。希望真係可以有「難得糊塗」便好了。哈哈~~

Helen: e-mail

Written on 8th of August, 2k2 :
 Helen姐姐係我以前係SmarTone做summer job時既同事〈希望唔好介意我叫你做姐姐，因為我真係當你係我姐姐，haha...〉，佢係教我做野既人，基本上我天天都會見到佢，但係我只係同佢共事左13日咁大把，就要say goodbye啦。原因係我要接手做佢既工作，而佢就遠走高飛…〈到加拿大留學〉。不過唔知點解，13日咁短既日子又可以令我地熟落做到好朋友，甚是難得。其實我地熟落都係因為有icq，大家得閒就聊聊天，傾傾下就發覺原來大家都頗喜歡movie and songs。就係咁樣，往後既日子佢就係咁DL。 haha.. 其實我真係要多謝Helen，當我感到無助的時候，你給我的意見及鼓勵，絕對係我精神生活之中既明燈。使我知道我應該點做。Thanks so much!!

Hooda: e-mail

Written on or before Y2k :
我認識Hooda係因為佢同我讀埋同一間學校，我舊年讀緊 intensive course 時因一個講都無乜人會信既原因而同佢被調埋同一班。我好記得我第一次聽到佢同人講佢叫咩名佢話我叫“Honda”。〈嘩… 我心諗，咁都得！？佢竟然當自己係 E•Honda？唔係卦！？ 〝PS：佢真係好大隻架〞〉後來熟絡後先知道佢叫Hooda。原來我自己意會錯左。讀完intensive course後我地編唔到同一班。不過我地都仲可以keep住幾friend下架。到今年開學我地幸運地編埋同一班。心裏面緊係覺得高興喇。不過見得多就緊係會多Ｄ是非架喇。我每日都要「指」同「點」佢。〈唔好聽Ｄ講句係串佢〉不過佢有一樣野真係好好架，就係佢超級大方，一Ｄ都唔會小器。我真係要 慢慢跟佢學野。
 Written on 9th of August, 2k2 :
 我地都識左差不多整整4年喇，大家都共過下患難，富貴就... 哈哈... 你有我無喇。呢幾年如果唔係有你，真係唔知點算，你知我個人一向無乜主見，而你正好將我立入正軌，等我唔洗成日係度遊魂。說實在，我真的頗羨慕你的，你在每一方面都比我好得多，我卻未能在你身上沾上一點點，我真是何等失敗... 我得著你這個朋友，實是三生有幸。而你得著我這個朋友，你依然沒有捨棄我，實是我的福氣 。只能說這一句，有你終身美麗。〈好可惜我不是女兒身而我又不是gay既，如果唔係你實在係太好喇... P.S. Viki好好珍惜哦!!〉最後，你真係要壓抑一下你的脾氣呀，因為你不只是你自己架，還有很多人要你take care。雖然男仔少不免都有Ｄ脾氣，我既脾氣亦不見得比你少，不過忍到的，真係要忍，忍唔到的，都要忍。同埋記住我同你講過果個例子，再想想後果，你便會明白架喇。

Jacky Chan: e-mail

Written on or before Y2k :
Jacky Chan係我中學Form 2既同班同學。不過Form 2果陣都同佢唔係好熟。我諗我係Form 3先開始同佢熟。因為我Form 3先開始有電腦。咁先令我地有Ｄ共同既話題。我諗佢都算乜都同我講果Ｄ人。所以佢成日話我唔講我果Ｄ俾佢知。〈哈哈… 唔係乜都可以同人講架嗎〉。我同佢都有一樣野係幾相似。大家都係果Ｄ見到鐘意既野就會立刻儲錢買既人。所以大家都算幾岩key。

Jacky Ying: e-mail

Written on or before Y2k :
Jacky Ying係我中學Form 1既同班同學。Form 1 至 Form 3 都唔係好熟。Form 4開始熟絡因為佢同Jacky Chan同班。無形令我地接觸既機會多左好多。中學時我覺得佢有少少非我族類。而家想翻起其實係佢當時已經比較我同我身邊既人成熟。我同佢熟係因為大家都有共同嗜好，就係鐘意聽日本歌。而家佢身在美國留學。大家閒時只能透過ICQ聯絡。不過佢回來香港時都同佢meet左幾次。咁耐無見，大家見到都無生疏既感覺，真難得。

Jasper: e-mail

Written on or before Y2k :
我好間接先認識到Jasper。佢係我個friend既friend。係某種原因令我地多左聯絡。而家同佢聯絡就當然係因為佢已經係我既friend而唔係我個friend既friend所以先有所聯絡啦。〈我講緊乜呀！？咁鬼複雜既？希望有人明啦。at least Jasper明啦〉我覺得佢係一個視朋友如命既人。你問佢自己同朋友邊個重要Ｄ，佢一定答“朋友”。朋友對佢來講係一切。做佢朋友自然好啦。但呢個亦都係佢自己既致命傷，如果佢既朋友對佢唔好佢就會非常唔開心喇。

Jeffrey: e-mail

Written on or before Y2k :
Jeffrey係我舊年既同班同學，佢份人無乜野好，唯一好就係〝好好玩〞。佢又真係好鬼死似一個日本明星喎。佢似邊個！？咪就係萬人迷〝反町隆史〞囉。〈唉…講完自己都有少少想嘔！！哈哈！！〉佢好專一架，淨係鐘意打機。如果無飯俾佢食都唔緊要，無機俾佢打就一定必死無疑。Jeffrey又係果Ｄ會講好多佢既野俾我知既人。〈好似咁多人講野俾我聽既？我真係咁好傾？或者我守得秘密卦。〉其實通常我Ｄ朋友同我傾自己野或者心事，我都會好耐心咁去聽同講少少我對果件事既睇法。希望我Ｄfriend唔mind我既愚見喇。

Senate: e-mail

Written on or before Y2k :
Senate係我舊年(1998年)讀緊intensive course時既同班同學所以認識。〈其實我地只係同班兩日，仲要第一日都無乜野講，第二日先開始熟絡，點知第三日就俾人調左班…〉佢而家都已經唔係我果間學校讀書，仲出埋呢做野添。我地雖然只係同過班兩日咁少，但我地又可以好friend喎。真係估唔到可以咁都得。佢係第一個friend同我分析翻我自己既性格既人，都幾準架。佢舊年仲係我果間學校讀書時，同我同Vicky最friend，大家都係呢一年互相鼓勵下大家同幫下大家，呢段日子真係令人回味。

Shirley: e-mail

Written on 20 of March, 2k2 :
 Shirley係我媽咪既朋友既女兒﹝你明我講乜嗎？﹞ 基本上，大家識左好多年，﹝不過識唔代表熟﹞，而大家都係近一兩年既先比較熟落。之前中學返學搭bus，耐唔耐就係bus見到Shirley，不過大家都只係點下頭，無講野乜滯。直至我讀緊 H.D. Year 1，係巧合既放學時間，又係bus度撞到Shirley，不過大家都係傾左一陣無聊野，咁就落車ByeBye。到近一兩年，大家交換左ICQ，多左係網上chat，所以咪熟囉。Shirley係屬於一Ｄ好straight既人，好單純，絕對係乖女中既乖女。﹝我諗係絕左種 and 兼受保護果種 :) 哈哈…﹞

Vicky: e-mail

Written on or before Y2k :
我在我而家仲讀緊既學校認識Vicky。佢係我Year 1既同班同學。因為佢住地鐵沿線，而我地 返學又要搭地鐵喎，好自然就會約埋一齊 返學喇。佢既性格同我都好相似架。一樣都係唔肯認輸。覺得自己正確就會堅持到底。就係因為我地兩個都唔肯認輸，導致我同佢有時會有少少爭執。我地拗果陣時真係火紅火綠，拗完又真係可以乜事都無。俾我選擇我都寧願拗好過屈係心裏面。我比較鐘意三口六面講清楚都好過乜都唔同人講屈係心裏面。

Viki: e-mail

Written on 20 of March, 2k2 :
Viki 係 Hooda 個女朋友仔。記得早排戲院開始有得做「我的野蠻女友」，Hooda話，唔洗去睇喇… 跟住就會有人俾人打… ﹝我對有人俾人打事件見怪不怪~~﹞我點解會識Viki，好簡單，因為佢係Hooda個gf囉。記得岩岩識Viki，同佢好似唔係咁熟咁，不過到而家就當然係好熟喇，點解？哈哈… 因為我成日都同佢地一齊囉。﹝死… 我成日都做人地 light bulb 添﹞有時，我都驚真係會阻住 or 影響人地，所以如果有乜野唔開心，記住講出來呀。

Back to top

Back to Content!