Si Dayuhan wan Si Gantingan

Dikisahkan semula : Mohammad Azlan Ali Bashah

Bahari  di banua Banjar, di pingar hutan jauh wan rumah urang, diam baampat
baranak, si uma wan tiga anaknya. Dua ikung anak babini pantar daraan, nang
kaka  ngarannya  si  Gantingan  nang ading si Dayuhan. Anak nang pahalusnya
lalaki,  umur  tiga  bulan  rahat pandai ba
?uku. Nang ayah tulak madam kada
tahu ka mana, parak satahun kada sing mantukan/bulik.

Jadi  nang  Uma  ni  pang  bagawi ka bandang, malunta bacari iwak, ka hutan
mancari  lalapan  cagar  ditaruk. Si Gantingan ni lantih urangnya  baimpuan
ading nang halus tadi, mamasak, tatapas wan basasimpun di rumah. Si Dayuhan
ni  pulang  wangal,  tagak  budu-buduan,  kada  hingkat  disuruh, lain nang
dipadahkan lain nang diulah.

Katuhukan  begawi  nang  Uma  ni  tadi  limbah am garing. Kamarian nang Uma
baucap.  ?Gantingan,  awak  ku ni uyoh bangat, kapala minek, handak bangkit
gin  aku kada hingkat. Padi di bandang tu masak, bisa ai hungku ripo sudah,
amun kada dikatam ya am raput inya?.

Si  Gantingan  bamandak  marista  nireng nang uma lalu bailun. ?Mara ai uma
barihat,  hari  ini  tahan  kada uma ka bandang, bisa ai kina ulun mangatam
padi. Tangah hari ulun bulik ai pulang memasak di rumah?.

Sabalum  tulak  ka  bandang  si Gantingan nyaru si Dayuhan. ?Oo Dayuhan aku
handak  ka  bandang  mangatam, ikam diam ai di rumah menjaga uma wan ading.
Kina  tanggar  banyu  hangat,  amun  sudah  mangalagak,  kambuhi  wan banyu
dinginkan...ikam  japai hulu, bia-bia ladar mandii ai uma. Kaluku mau sigar
awak limbah mandi lakas ampih  garingnya?.

?Inggih  ai  ? ujar Dayuhan, baparagah maharati, tangan kiwa mahahar kuring
di  kapala,  kajadian  kabanyakan  bakutu,  rambut  kusut malarak kada suah
disuroi.

?Sabuting  lagi,  didik  nanang  halus  sudah ku silihi lampinnya, sudah ku
peringkani jua, kina ikam pukung, guringkan inya. Amun inya manangis, japai
bumbungannya, amun balibak, ngintu tandanya inya sakit parut. Ambil  minyak
agas  kacaki wan bawang saikit, kasai di parutnya. Amun ading sudah guring,
andaki  tambakau  di bumbungannya pina tugul kina inya guring?. Maharatikah
kau?.  ujar  Gantingan maiitihi. ?Maharati ai ?. Jawab Dayuhan, takarinyum,
tampayan ai gigi di hadap nang rungkang.

Gantingan mambujurakan kutung wan tanggui nang dipakainya sambil tu bapasan
pulang.  ?Patang kina aku handak maulah wadai balungan hayam, baras lakatan
(pulut)  sudah  ai  ku  randam.  Kina bila matahari naik higa banturan ikam
tumbuk  tapung  pulut  tu  lah?.  ?Hiih  ? ujar Dayuhan, sambil kiruh-kiruh
bagaru kagatalan kurap di tampaha.

Aku  handak  tulak  dah  ni,  kau ingatakan panya nang aku madahi tadi ujar
Gantingan   mamasani  sakali  lagi.  Tapih  disingsing  tinggi,  hancap  si
Gantingan bajalan sambil nginting kampil nang baisi sanguan wadai wan banyu
taharian ka bandang.

Limbah  Gantingan  tulak  ka bandang, si Dayuhan gin mahidupi api di atang,
mananggar  kuantan  ganal,  menjarang banyu hanyat gasan mamandii nang uma.
Bila  banyu  sudah  mangalagak,  Dayuhan manggarak umanya. ?Oo ma, bangkit,
ambil  talasan  nih,  basilih.  Duduk  di  lantai  jarang  tu,  ulun handak
mangubuyi  banyu  hangat.  Ujar Gantingan tadi lakas  sigar awak amun mandi
banyu  hangat?. Nang uma gin basilih makai talasan lalu badangkak di lantai
jarang mahadangi si Dayuhan mamandii.

Si Dayuhan mamajahi api, maangkat kuantan baiisi banyu hangat, lalu diandak
higa nang uma. Kajadian palui banar si Dayuhan inya kalupanan akan pasan si
Gantingan.  Banyu hangat tadi kada dikambuhinya  wan banyu dingin. Inya gin
tarus  haja mangubuyi banyu sahangatan ka awak nang uma. Napa bakuciak pang
nang  uma  kada  bisa  madahkan lagi kahangatan, luyut awak saikungan. Taga
dasar  budunya(palui)  si Dayuhan, makin umanya bakuciak makin bahimat inya
mangubuyi  banyu.  Umanya  kasakitan  dipadahakannya kaaraian. Talah mandi,
habis  takuyak  kelibir  umanya,  mata  tabulaning,  muntung tanganga, ilat
tajulur.  Siksa  banar nang uma mati ilah Masitah nang dicaburkan Firaun ka
banyu   hangat.  Asaan  Dayuhan  umanya  kasadapan  mandi,  lalu  taguring.
Disilihinya pakaian umanya lalu diangkat ka kasur.

Limbah itu, Dayuhan mamukung pulang adingnya diayunan handak manguringakan.
Dayuhan  taganangan pasanan  si Gantingan lalu menjapai bumbungan adingnya.
?Wah  sakit  parut kanak ngini, balibak bumbungannya? ujar Dayuhan. Dayuhan
gin  maambil  panjar  (baji)  lalu  dicucukakannya  ka  bumbungan adingnya,
napa.........mancurat  ai  darah  kaluar,   kapati  pang  adingnya manangis
maarit  kasakitan  langsung  ranai  kada sing bagarakan lagi. Takuriheng si
Dayuhan  lalu  baucap,  ?Han  napa  bujur  jua ujar si Gantingan tadi, amun
diandaki  panjar  dibumbungan   janak  banar ading guring, ilun bahinak gin
kada  kadangaran  lagi. Amun si Gantingan bulik kaina tantu inya mamuji aku
pasal bisa babanar manjaga uma wan baimpuan mangguringakan ading?.

Si  Dayuhan  nyanguk di lalungkang, takarumus muhanya  nireng matahari nang
sudah  di  atas  bumbungan.  Badadas  inya  maangkat   lasung wan halu lalu
dinaikakan    ka    atas    banturan.    Dayuhan    gin    mulai   manumbuk
tapung....dabuk..dabuk. Balum sawat sapuluh kali manumbuk....bummmmmmmmmmmm
limbaham runtuh bumbungan. Lasung tabalik, halu takalapasan  takipai, baras
wan  tapung  tahamburan. Dayuhan tabalik pungkang, mandabuk gugur ka lantai
langsung tambus ka tanah.....siuppppppp.

Tangah  hari  (siang)  hangat  mangingeng,  Gantingan bulik ka rumah handak
memasak,  awak  limbui  bapaluh,  hingal-hingal behinak kauyuhan bagawi wan
jauh  bajalan.  Di  atas  kapala  bajujungan  bakul seganalan, hibak  panuh
bajubung  wan  gamai  padi  nang  dikatam.  Jadi Gantingan kada kawa handak
batunga atawa mengilar ka higa kiwa wan kanan. Sapai haja di muhara lawang,
umbai  ai  inya  bahalulung,   basasaru  minta ganii manurunakan bakul nang
dijujung.   ?Ooo   Dayuhan!!!   lakasi   ganiii   aku   nih?.   Tuhuk   jua
....upal....basasaru  hanyar  si  Dayuhan ilan dari siup tarus  manyingaiyi
wan mangganii manurunakan bakul.

Takipek  banar  si  Gantingan  manireng  rumah  runtuh,  tarus  manakuni si
Dayuhan. ?Dayuhan! Panya ulah ikam pina runtuh rakai sasakali rumah kita?

Gelidikan awak Dayuhan mengatar lalu bagamat menjawab. ? ikam nang manyuruh
aku  manumbuk  tapung  di atas banturan pagi tadi. Aku turuti ai, sakalinya
runtuh?.
?Budu  banar  ikam  ni  Dayuhan ai, ujar ku matahari tinggi parak banturan,
kedada  aku  manyuruh ikam manumbuk tapung di atas banturan, suah kah urang
manumbuk  tapung  di atas banturan atawa bumbungan ?? si Gantingan membihau
garingitan.

?Mana uma wan ading?? Gantingan manakuni pulang....

?Ada  ai di atas, uma taguring limbah kaaraian aku mandii wan banyu hangat.
Ading  pulang  kada  sing ilanan  limbah aku panjar bumbungannya kaya  nang
disuruh  oleh  ikam?.  Jawab  si  Dayuhan ungah pasal pintar banar mambisai
ading wan umanya.

?Bila  aku  nyuruh  ikam  mamanjar  kapala  ading? Ujarku diandaki tambakau
bumbungannya.  Uma  ku  suruh ikan mandii wan banyu ladar kada banyu hangat
kada?  Gantingan  takajut,   badadas bukah naik ka rumah malihati ading wan
umanya.

Manireng adingnya badarahan, umanya karas  kajung, mati kaduanya,  bakuciak
pang  Gantingan  ?  ikam mamatii uma wan ading Dayuhan ai?. Uma kita kedada
lagi ading gin mati jua?.

Mandangar  si Gantingan bakiciak wan manangis garung-garung, hanyar Dayuhan
tahu  nang  umanya  wan  adingnya  mati. Napa Dayuhan umpat ai jua manangis
bahimat, bapangsar sambil bahantak batis.

Gantingan  manyasal  babanar  manyuruh si Dayuhan manjaga ading wan umanya.
Inya tulak bahabar minta urang mauruskan jenazah uma wan adingnya.

Ada lagi sambungannya...................

Sudah  parak  samusim Uma Dayuhan wan Gantingan mati. Si Gantingan magun ai
mahinam.
?Oo  Dayuhan,  aku  kaganangan banar lawan aruah Uma. Malam esuk aku handak
aruh  ma?aruwahi Uma. Lauk wan segala lalapan sudah ku sadiaakan. Pagi Esuk
ikam  tulak  ai  basaruan manyuruh urang datangan. Kada kira sipa haja nang
ikam tahaga di pajalanan saruani ai barataan.

Esoknya,  pagi-pagi  sudah  ai  Dayuhan  bangkit  lalu  tulak  basaruan. Si
Gantingan  di  rumah  basasimpun  wan bamasak. Nasi sagaringsing, ampal dua
macam, humbut nyiur dimasak gangan putih.

Si  Dayuhan  gin  tulak  basaruan. Di tangah jalan tahaga wan burung Pipit,
lalu  si  Dayuhan  baparagah  ka  Pipit  pasal  handak aruh ganal. Kaya ini
ujarnya....!

 ? O........ Pipit, O..... Pipit,
?kami handak ba?aruhan?
?Saruanan lah barataan?
?Lalakian wan babinian?
?kada kira tuha atawa kakanakan?
?Bahajat mangumpulakan?
?Sunyaan bubuhan wan kakawalan?
?Matan hilir datang ka pahuluan?
?bilang  sa?ikung kada kaliyungan?
?Malainkan tamasuk dalam hitungan?

 Purrrrrr ......malibur si Pipit tarabang sambil bailun,
?pit.........pit........pit...............?.
Sarik banar Dayuhan mandangar Pipit manyambati rumahnya kipit.
?Rumah kami kada kipit kada Pipit  ai?, ujar si Dayuhan.
Purrrrrrrrr ......malibur pipit tarabang.
Rigas-rigas  Si  Dayuhan  bukah  mangapung  ma?iringakan  burung Pipit lalu
manakuni si Pipit.

"Oooo Pipit....Oooo Pipit" !
"Iakam manginang kah"
"Manginang ai ujar Pipit".
"Oooo Pipit....Oooo Pipit" !
"napanya gasan sireh mu"?
"sireh ku sireh mangkarung", ujar Pipit.
"Oooo Pipit....Oooo Pipit !
"Napanya gasan kapur mu"?
"Kapur ku tahi burung", ujar Pipit.
"Oooo Pipit....Oooo Pipit !
"Napanya gasan pinang mu" ??
"pinang ku nyiur rahat karungkung", ujar Pipit.
"Oooo Pipit....Oooo Pipit !
"Napanya gasan gambirmu"
"gambir ku tahi hayam mantong", ujar Pipit.
Oooo Pipit....Oooo Pipit !
"Napanya gasan tambakau ruku mu"?
"Tambakau ruku ku sasingut jagong".
Oooo Pipit....Oooo Pipit !
"Di mana gerang rumah mu"
"Rumah ku di halapat puhon buluh walatong"

Talalu  kajauhan  ma?iringakan Pipit tarabang limbah am sasat Si Dayuhan ka
dalam  hutan.  Si  Dayuhan  gin  babulik  handak  bapatah  balik  ka rumah.
Sakalinya  tahaga  wan  rumah  nang  kada  bisa  lagi  madahakan  ganal wan
tinggi-tingginya.

?Rumah  sipa  pang  gerang  nang  ganal  banar  ini?,  ujar Dayuhan basurah
surangan. Sampai di muhara tangga lalu si Dayuhan basasaru.
?Oooo urangnya! Adakah sampian di rumah ??.
Dua talu kali basasaru ba?ilun ai tumatan surambi.

"Garabak garagoi"?
"Talapak kaya tanggoi"
"Burit kaya bakul"

Sakalinya  mancungkung  ai  di  muhara  lawang  sing ganalan hantu Raksasa,
sambil ba?ilun pulang.

"Garabak garagoi"?
"Talapak kaya tanggoi"
"Burit kaya bakul"?

?Napa hajat ikam ka mari ??ujar hantu Raksasa manakuni si Dayuhan.
?Kedada  papa, cuma manyaruwani sampian ka rumah, kami handak bahawul malam
kaina?,   ujar Dayuhan,
?Oooo  kaya itulah, bulik ai ikam dahulu, malam kaina bisa ai aku manunta,i
, ujar hantu Raksasa.

Si  Dayuhan gin bulik. Sampai di rumah si Gantingan gin manakuni. ?Sudahkah
ikam basaruan?
?Sudah ai, malam kaina datangan ai urangnya?, ujar si Dayuhan.

Bila  ari  patang  sibuk ai si Gantingan wan si Dayuhan bakakawut, ba?idang
hagan   manyurungi  urang  makan  malam  kaina.  Bila  parak  sanja,  talah
bakakawut, sakalinya tadangar ai tumatan jauh ba?ilun.

"Garabak garagoi"?
"Talapak kaya tanggoi"
"Burit kaya bakul"

Napaa...............takipek ai si Gantingan. ?Sipa nang ikam saruani, hantu
Raksasa lah ? Maram ikam amun  inya kada cukup kanyang ikam pang ditaguknya
pulang.? mangatar ai si Gantingan dua ba?ading, kada hingkat baulah apa-apa
lagi.

?"Garabak garagoi"?
"Talapak kaya tanggoi"
"Burit kaya bakul"

Datang  ai  hantu  Raksasa  dua  laki  bini.  Si  Dayuhan  wan si Gantingan
manyunduk lawang piset-piset sambil ma?indap di lungkang manirengakan hantu
Raksasa  nang lingas-lingas makan. Sakali hadap jua talah nasi sagaringsing
wan  lauk-lauknya  sakali. Rupanya magun jua kada mayo, cirat-cirat matanya
mancari?i si Dayuhan wan si Gantingan sambil bahalulung.

?Oooo..............urangnya  di  mana  ikam  bapatak  ? Adakah lagi nasi ??
Sambil  kulilik-kulilik  mamusingi  rumah mancari?i kaluku ada makanan nang
laen lagi. Lalu ba?ilun :

"Ting! Ting....ngiwit..... paaa..................ti..kok"?
"Aku ginting di burit,  lalu............... ku tagok"?

?Ikam  ai pulang ku tagok, ujar hantu Raksasa, lalu naik ka rumah mancari?i
si Gantingan wan si Dayuhan.

Bilang  kada  bisa madahakan lagi takunannya si Dayuhan. ?Oooooo Gantingan!
Napa kita ?? Ujar Dayuhan gelidikan awak mangatar saikungan.

?Kita  babuwut dalam ?belanai? bapatak, (belanai=guri ganal wadah pabarasan
batudung  tambaga)  taga  ikam daham bariuh lah, amun ikan bariuh tahuannya
hantu Raksasa, mara matian kita dimakan inya kaina? ujar Gantingan.

?"Garabak garagoi"?
"Talapak kaya tanggoi"
"Burit kaya bakul"

"Ting ! Ting....ngiwit..... paaa.............ti..kok !!!!!!!!!!?"
"Aku ginting di burit, lalu............... ku tagok !!!!!!!!!!"

Tuhuk  hantu Raksasa mancari?i si Gantingan wan si Dayuhan kada jua tahaga.
Sakalinya  ? boooooooooooooot.........? malibut si Dayuhan bakantut, limbah
am  pacah  belanai.  Badadas ai si Dayuhan wan si Gantingan tajun ka tanah,
bukah  di  kapung pulang oleh hantu Raksasa. Bukah punya bukah tahaga puhon
pinang, hancap ai si Dayuhan wan si Gantingan mamanjati puhon pinang datang
ka pucuknya. Kada kawa pulang hantu Raksasa handak manangkap.

Ba?ucap hantu Raksasa. ?Kaya apa ikam naik ka puhon pinang? ?
?Amun  handak  lakas  sampai  ka  pucuk  panjat  ai burit ka atas?, ujar si
Dayuhan.

Hantu  Raksasa  gin  manuruti basa si Dayuhan, banaik puhon pinang burit ka
atas.  Napa  tapayan  ai  lubang  kalimut  hantu Raksasa sing ganalan, lalu
kalapauwan ai si Dayuhan wan si Gantingan manukuni wan buah pinang masuk ka
kalimut hantu Raksasa.

Kada   bisa   madahakan  lagi,  bilang  kalapak-kalapak  ai  hantu  Raksasa
kasakitan, panuh parut wan buah pinang lalu mati. Arai ai si Dayuhan wan si
Gantingan  pasal  sudah  salamatan, turun dari puhon pinang lalu bulikan ka
rumah saurang.

Kada mada si Dayuhan, bungul-bungul inya kawa jua mamati'i hantu Raksasa.
 
 

Mahiut Butul
Oleh: Angah da`Sugih

Angah ni baisi kawan bisa bacarita.Kawannya tu wangal awan macal.Umanya nyuruh nukar minyak agas wan minyak lamak. Butul   2 buting sama bantuk awan warna. Dikadai,mamak tu manakuni mana butul  hagan minyak Agas,mana butul hagan minyak Lamak.
"Mamak hiut sandiri la".Mamak ni maharatila sikit banjar ni.  Ianya gin
 mahiut 2,2 muhara butul tu.Muha mamak takurisit.
"Dey!Tambi!Apa pasal ini bottle ada kuntut punya bau?"
"Yala! Aku dah ngantuti muhara butul tu la mamak!"Ia tajihing
"Awak banyak jahat, tunggu aa.."Mamak tu manyasahi awan kayu panyapu.Ia
 gin mancicing bukah tasipak tunggul tarus mati.    Mati akal hajaah.
 

Maling mati di higa rumah
Oleh: Suryadi
 

    Ada tiga ikung maling handak mencuntan di rumah urang. Inya mahimtip
sudah bajam-jam balukup kanyamukan di balakang rumah, manunggui urangnya guringan, tapi urang
nang ditungguinya ini  kada mau guring-guring, cakikikan haja tatawaan mulai hintadi, "Hanyar
bakakawinan kalu" ?, ujar maling nang dibalakang, babisik.
"Kita musti cari akal, manggawi urang rumah ini", ujar nang di tangah.
"Kaya apa akal ikam ?" nang di muka batakun.
" Ikam badua cari bigi "Timbatu Hanau" nang  masih anum diparak sini. Bigi Timbatu Hanau itu, ikam ramdam kaina dipabanyuan dapur itu, Inya nang di rumah itu pasti pang kaina babasuh lawan banyu nang ta campur gatah timbatu itu, biar inya  marasakan kegatalan amun kana." Ujar maling ditangah nang pinamaharati, manggurui.
Kada lawas rancana itu dilaksanakannya. Dasar babanaran, kaduanya pangatin hanyar itu babasuh  kacipuk-kacipuk di pabanyuan itu. "Nah tunggui satumat lagi" ujar maling nang hanyar ma-andaki    timbatu tadi.
    Babaya masuk, si urang rumah ini mulai marasa kagatalan. "Umai gatalnya, kana alirgi apa aku ini" ujar nang bini sambil manggaru-garu tampahanya. "Sama lawan diaku, kalu kaya itu, aku gin kagatalan jua ini, maka liwar gatalnya" ujar nang laki kada kalah sangitnya manggaru rudalnya sampai bahabang-habang. Muyak nang bini manggaru. Pa-ampihannya diambilnya
babat pinggang dilamari, dikarutnya hujung babat sabalah diturus tawing kanan, sabalahnya lagi
diturus tawing kiwa, pas nang   kaya tali kakanankan main tali itu, lalu dilingkangi nang bini tali
itu, lalu sruuut ... kamuka, sruuut  ....ke belakang ... sruut kamuka .. sruut ke belakang, terus saja kaya itu pina kada tahu-tahu. Si maling nang batiga tadi, mahimtim dilubang tawing sambali babanyuan mata manahan tawanya. malah  nang badua kada katahanan lagi lalu lari maninggalakan, nang saikung tatinggal kada kawa lari,  sakalinya mati saurangan, manahani tawanya.
 

CENDAWAN
Oleh: Anonymous
 
 

    rami banar kisah Julaknya inilah.....

    baisukan amun limbah hujan rajin ada cendawan/kulat malatik, amun di
wadah unda disambat urang cendawan
    busut (mahirip anu nya lalaki) taga ngaman amun disup.

    kana musim cendawan banyak, banyak ai galuh umpat mamilihi candawan,
ada saikung urang tuha kamatian bini
    katuju banar maindap galuh bacarian cendawan.....inya gin
baidabul...amun akun batanam dalam tanah dicangulkan
    anu ku rami hungku galuh barabut mancabut candawan ampun ku. sidin gin
batanam awak dalam tanah lalu
    dicangulkan.....

    kada lama datang ai galuh mancari cendawan, lalu manjapai, takajut pang
 galuh ...tadi halui ...digatuk haja susaini
    baganal, galuh gin marunggut ai kada mau tacabut jua....nang si tuha
kada bisa madahakan lagi tuhuk pang
    kagalianan...bilang arai babanar....

    si galuh gin hiran...lalu manyaru kakawalannya...liat babanar candawan
nang ini, lalu maambil pisau manyayat
    ....napa mancurat ai darah kaluar...nang si tuha baamuk
kasakitan....habias sunyaan galuh tumbar bukahan...

    kasian si tuha.....pagat candawannya.....
 

Pangantin Hanyar
Oleh: Anonymous
 

     Ada sepasang pengantin pada malam pertama perkahwinan, urang hanyar limbah
     baaruhan, jadi di rumah itu masih ramai urang, dangsanak, mamarina wan kula nang
     parak masih balum bulikan, mangganii tuan rumah basasimpun pang.

     Pangantin ini sudah masuk ka kamar guring, kaum kaluarga magun haja bapandiran di
     ruang tamu/anjung surung sambil menonton tipi (TV).

     Pengantin nang lalaki barabah di ranjang, nang bini masih ai di lamari soleh bapupur.
     Imbah bapupur barabah ai jua di higa nang laki.

     dihandapakan kisah, kaya urang laki bini baragap dll....hanyar mulai pang..taga tapih
     segala baju habis ai sudah dipacul. Hanyar handak mamulai ..... ring!ring!ring! bailun
     handphone ampun nang laki, di luar kamar pulang andakannya.

     ujar nang bini, bang...tu handphone ikam bailun, lakasi dijawab. Bingkas ai nang laki
     bangun kaluar mambil handphone lalu bapandir manjawab telefon.

     Rahat bapandir....inya maliat kaum kaluarga nang bapandir di anjung surung sunyaan
     malihat ka arah inya. Inya gin maliat ai ka awak saurang, uma ai supan banar
     .....sakalinya inya kalumpanan mamuruk tapih, batalanjang saikungan

     habis gigir urang sarumahan.....esoknya tumbar sakampungan kisah pangantin hanyar
     kaluar kamar balanjag bulat.Setiap kali urang bapangantinan kisah ini jua jadi pandiran
     bubuhan.
 

Salah Bawa
Oleh: Suryadi
 

     Wayah ini kalu urang handak masuk jadi pagawai, bapariksa kasihatan dahulu,
     tamasuk laki si Galuh,
     nang hanyar ditarima bagawi di kantur camat itu.
     Baisukan itu Galuh malihat lakinya ma-isi-i butul halus lawan banyu kamihnya, si Galuh
     bapikir-pikir
     dalam hati. "Ada hajat apa abahnya ini". Baiknya aku umpat jua ma-andak sabutul ah.
     Jadi kalu
     abahnya kaina dapat untung, aku dapat jua. Di-isi-i nya-ai butul nang sama. lalu
     diandaknya batatai
     lawan butul lakinya tadi.
     Kada lawas, lakinya handak tulak bapariksa kasihatan. Pamulaan bingun jua, nang
     mana butulnya
     tadi. Handak batakun lawan bininya, bininya lagi kaluar rumah manukar ganganan,
     dibawanya-ai
     sabuting butul nang tibat kadalam. Sampai dirumah sakit, pariksa, pariksa, pariksa,
     tuntung. Datang-ai
     duktir mamadahakan hasilnya : "Pian ini pusitif pa ai" !!!; ...?..?..?..?..."Nang bujur haja
     duk ?". "Ini
     gara-gara mamanya itu pang, minta diatas tarus". Kada bapikir panjang lagi, bulik inya
     saling lajuan,
     sampai dirumah langsung manyanyarik lawan si Galuh " PUKUKNYA ...,
     PUKUKNYA, MULAI
     ISUK IKAM KADA BULIH DI ATAS LAGI".