Orang bahari barumah kayu,
     Orang wayahini barumah batu.

     Orang bahari bajalan batis,
     Orang wayahini makai mercedes.

     Orang bahari manabang hutan,
     Orang wayahini manimbun hutang.

     Orang bahari dagang merempat,
     Orang wayahini ahli korporat.

     Orang bahari makan wadi,
     Orang wayahini makan KFC.

     Orang bahari tuntung Al-Quran,
     Orang wayahini hafal lagu hindustan.

     Orang bahari banyu di sumur,
     Orang wayahini paip balumpur.
 
 

Bini banjar, laki Inggeris
Mata bilar, parut buris

Laki banjar, bini Malayu
Laki lanjar, bini maraju.

Bini banjar, laki banggali 

Orang bujang bagawi siang,
orang kawin bagawi siang malam

Orang bujang basaung hayam,
orang kawin basaung malam

Orang bujang guring surangan,
orang kawin guring bagampir

Orang bujang mangimimg hintalu,
orang kawin mangiming bintalu

Orang bujang hidup manumpang,
orang kawin hidup batumpang.

Lagi anum lumba haram.
sudah tuha maulah anak haram

Lagi anum kada balajar,
sudah tuha kurang ajar
 

Orang anum balumba haram,
Orang tuha yang rasa seram

Orang anum kada tahu malu
Orang tuha kapalu ngalu

Orang anum tulak balalah,
Orang tuha ngaleh manggalah

Orang anum nampaianakan pusat,
orang tuha mata tabalalak

Orang tuha tuhuk mamadahi,
orang anum kada paduli.

Orang tuha aur manata,
orang anum kada bamata.
 

     Malompat-lompat mbawa ragi,
     mun 2/3/4 kadapa lagi,
     Ni,,,Handak pulang babini lagi.

Sudah kawin ngako bujang
Bini dua ngako duda
Rambut bahuban disapu kasumba
 

Sudah janda tapi kaya anak dara
Baju handap manampai dada
Orang maniring tabalak mata

Balum dapatan lagi,
luntak hudak kuyak
     bukan kadak bungas lagi, 
tapi sudak muyak..

     Bukan kad bungas lagi
     Tapi sudah muyak banarai
     Ikut nafsu handak ai lagi
     Sudah difikir, maulah pusang banarai.

     bungas kada, harat gan kada,
     dicarminanya, baulah muha,
     yang lawas harat, bukan kada,
     sebujurnya tuha, taga hati muda.
 
 

     Aman damai kada bakalahi
     makanan nyaman lauk sotong
     padahkan haja handak nambahi
     hagan nolongi kakak saikong
 
 
 

     Handayang cagar diulah galagar
     lapas makanan tarus mariga
     adaai duit rasa sigar
     awak bujangan lagi tiga
 
 

     Ramenya mainan buah bul 
     tatinggal solat kana kado
     Kaijinan sabujurnya kada timbul
     urang babini sapatutnya redo