aavaara
Album: Dil Nasheen/Saptarishi
Poet: Mumtaz Rashid
Music: Hariharan

aaj bhee hai mere kadmoN ke nishaaN aavaara
teree galiyoN meiN bhaTakte the jahaaN aavaara

tujhse kya bichDe to ye ho gayee apnee haalat
jaise ho jaaye havaaoN mein dhuaaN aavaara
                                            
mere sheroN ki thee pehchaan usee ke dam se
usko kho kar hue be-naam-o-nishaaN aavaara

jisko bhee chaaha use toot ke chaaha Rashid
kam milenge tumhe ham jaise yahaaN aavaara



Glossary

aavaara = vagrant/drifter
dhuaaN = smoke
dam = breath/vigour
be-naam-o-nishaaN = without a trace




Contributed by: Nalini