ghar CHoD ke
Album: Sukoon
Poet: Mumtaz Rashid
Music: Hariharan

ghar CHoD ke bhee zindagee hairaaniyoN meiN hai
sheheroN ka shor dasht kee veeraaniyoN meiN hai

kitna kaha tha us se ke daaman sameT le
ab vo bhee mere saath pareshaaniyoN meiN hai

leheroN meiN DHooNDta hooN maiN khoye hue nageen
cheheroN ka aks behte hue paaniyoN meiN hai 

Darta hooN ye bhee vaqt ke haathoN se miT na jaaye
halkee see jo chamak abhee peshaaniyoN meiN hai



Glossary
sukoon = peace
hairaaniyoN = perplexities
dasht = wilderness
veeraaniyoN = ruins
daaman sameT = disassociate/withdraw
pareshaaniyoN = distress
leheroN = waves
aks = reflection
chamak = glitter
peshaaniyoN = fate (as traceable in the lines of the forehead)
m


Contributed by: Nalini