husn ko chaaNd


Album: Sukoon
Poet: Qateel Shifai
Music: Hariharan



husn ko chaaNd javaanee ko kaNval kehte haiN
unkee soorat nazar aaye to GHazal kehte haiN

uf! vo marmar se taraasha hua shafaaf badan
dekhne vaale use taaj mahal kehte haiN

paD gayee paaoN meiN taqdeer kee zanjeer to kya
ham to usko bhee teree zulf ka bal kehte haiN

mujhko maaloom nahee iske siva kuch bhee katee
jo sadee vasl meiN guzre use pal kehte haiN





Glossary

sukoon = peace
kaNval = lotus
marmar = marble
taraasha = sculptured
shafaaf = clear/transparent
taqdeer = fate
zanjeer = chain
zulf = tress
sadee = century
vasl = union
pal = a moment




Contributed by: Nalini