taDap uThooN

Album: paighaam
Poet : Ahmed Faraz
Music: Hariharan



taDap uThooN bhee to zaalim teree duhaaee na dooN
maiN zaKHm zaKHm hooN, phir bhee tujhe dikhaaee na dooN

tere badan meiN dhaDakne laga hooN dil ki tarah
ye aur baat ke ab bhee tujhe sunaaee na dooN

khud apne aapko parkha to ye nadaamat hai
ke ab kabhee use ilzaam-e-bevafaaee na dooN

mujhe bhee DhoonD kabhee mehv-e-aaina-daari
maiN tera aqs hooN lekin tujhe dikhaaee na dooN



Glossary

paiGHaam = message
zaalim = cruel
zaKHm = wound
duhaaee = cry for mercy
parkha = examined
nadaamat = regret
ilzaam-e-bevafaaee = accusation of betrayal
mehv =  wrapt/distracted
aaina-daari = one holding the mirror
aqs = reflection




Contributed by: Nalini