|
中學就係石圍角的保良局姚連生中學就讀, 當年由小學一齊到中學同一學校而識的朋友只得二人, 加埋我三個都無無聊聊入左姚記....... 中一第一年都無乜事, 依然是一個傻下傻下的傻佬, 當年試過全班考第二, 都仲係五名內. 但一到中二中三, 連包尾都試過, 幸好依然上到中四. 記得中二中三這兩年, 亦是最唔開心的最衰仔的時期, 外婆有事, 自己又反叛, 又俾同學玩, 最唔甘心係被一個自己認為朋友的所謂同學玩埋一份, 都幾hurt~~!! 中三當年, 第一次喜歡同班女同學, 但都只係玩暗戀, 為何唔主動講...... 唔知點解囉. 中四讀了理科, 偏偏唔鍾意讀電腦而唔揀作會考. 但偏偏過了中五, 讀大專的時候又揀左電腦讀.
大專於荃灣珠海書院就讀, 一讀讀左兩三年, 就係這一段時間愛上了電影, 太愛了, 點解咁愛? 無他的, 太愛是沒有得解釋的. 1999年, 就到了澳洲的University of Wollongong讀大學了. 以一個中學成績甚差, 可以到澳洲讀大學, 仲要讀埋Master回來, 真的不可以不講一句..... 估唔到!! 而家係一家建築公司做緊marketing及電腦有關的東西, 開心麼? 開心!
阿歷士嗜好日日新鮮日日新, 但依然最愛的係電影, 第一部入戲院睇的電影, 要數到細細個的時候, 去荃灣好景戲院睇<孫中山>, 都唔記得幾多年囉...... 第一部入場睇的三級片係王家衛的<春光乍洩>, 最愛電影係日本電影<涉谷二十四小時>, 唔喜歡的電影有排數...... 今日很開心很多朋友一同睇電影, 無他的, 要找到很夾的朋友, 今日真的很難了.
|
