Sa new crop ng male young stars of today, isa si Marvin Agustin sa masasabing malayo na nga ang narating. Hindi na puwedeng kuwestiyunin ang kanyang kasikatan dahil kitang-kita namang sa hanay nilang mga male young stars, nasa dalawa o pangatlong puwesto siya sa survey ng pinkasikat. Malayo na nga ang narating ng dating simpleng bata na lumaki at nagkaisip sa JPA Subdivision sa Alabang, Muntinlupa.
Ipinanganak si Marvin sa Penafrancia, Paco at nagkaisip sa Alabang. Siya'y iniluwal ni Mommy Teresa Cuyugan sa petsang January 29, 1979. sumaki at nagkaisip si Marvin sa piling ng kanyang ina at amang si Danilo Cuyugan. MARVIN JAY MARQUEZ CUYUGAN ang tunay niyang pangalan. "Jenggay" ang unang naging tawag sa kanya. Sa Cajulies Compound sa Ilaya Alabang siya lumaki at nagkaisip. Hindi niya inisip na darating ang pagkakataong masisira pala ang masayang pamilya na kinalakihan niya. Hindi naman kaila sa publiko ang kinasapitan ng pamilya ni Marvin. Bukas na aklat naman ito kaya simula ng magkaroon ng problem ang pamilya niya, maaga siyang nasabak sa trabaho. Cute ngang masasabi na sa edad ng sampu ay nagtitinda na siya ng tocino at longanisa sa kanilang subdivision. Iniikot niya ang kanilang lugar para magbenta ng mga produktong gawa ng kanyang mommy para makatulong ito sa kanilang pang-araw-araw na kabuhayan. Business minded ang mommy ni Marvin kaya rito niya namana ang galing sa pagbebenta ng kung anu-ano.
Dalawa ang kapatid na babae ni Marvin. sina Shierley May at asi Shierley Joy. Nag-iisang lalake at bunso pa si Marvin. Hindi naman siya pinalaking spoiled dahil naibibigay ng mga magulang niya ang gusto nilang magkakapatid at hindi ito sumusobra. Masaya nga ang pamilya nina marvin kaya ni sa panaginip ay hindi niya inisip na mangyayari sa ama nila ang makulong sa Muntinlupa. Dahil business-minded si Marvin ay pinasok din niya ang pagbebenta ng paputok tuwing New Year pati na torotot ay ibinebenta rin niya. Mapagmahal na anak si Marvin at walang iniisip kundi 'yung makatulong sa pamilya kahit bata pa lang siya.
Nag-aral at natuto si Marvin sa St. Rita College sa Paranaque. Marami siyang experiences na hindi niya malilimutan. Katulad ng ibang kabataan ay marami ring kalokohan itong si Marvin. Naaalala pa niya nang mahuli siyang naglalaro ng "pusoy" at bilang parusa ay pinalakad siya at pinaikot sa buong school na may hawak na placard na ang nakasulat ay "Mga Batang Nagpupusoy". Tawa nang tawa si Marvin kapag naaalala niya 'yung karanasang iyon. Bilang estudyante, masasabing hindi naman daw ganu'n karunong si Marvin. Tipikal na estudyante lang daw siya kaya tama na sa kanya 'yung maipasa ang kanyang mga subjects at mabigyan pa niya ng pansin ang pagtratrabaho para masuportahan ang kanyang pag-aaral. Would you believe, naka-graduate ng high school si Marvin na napakaraming absences. Pero naiintindihan naman daw siya ng kanyang mga teachers dahil maaga siyang nasabak sa pagtatrabaho.
Bago pa nag-graduate si Marvin ay nagtrabaho siya sa ACA Video bilang Marketing Representative. Aral-trabaho ang ginawa niya para hindi siya maging pabigat sa magulang niya. Talagang galawgaw itong si Marvin sa tunay na buhay dahil ayon nga sa kanya ay dala-dala pa rin niya ang ugaling ito hanggang ngayon. 'Yung pagiging maharot niya ang naging puhunan para lalo siyang umasenso sa buhay. Naalala nga rin niya nu'ng nagtatragaho pa siya sa ACA Video ay laging pinatutugtog ang mga musical laser discs ng ACA at doon mismo sa loob ng counter siya nagsasayaw.