Trabaho ang dahilan kung bakit biglang napadpad si Jolina Magdangal sa bansang Amerika. Together with her favorite leading man, MARVIN AGUSTIN, lumipad ang popular young actress to US mainland last June 11 in time for the centennial celebration ng ating mga kababayan doon sa San Francisco, California. MAJ were joined by Diether Ocampo who was on US vacation that time. Naging memorable nga ang pagkikita-kita ng tatlo na pawang first timer sa bansang dolyar. Dalawang malaking show ang ginawa nina MAJ. Nakasama naman si Diet sa unang pagtatanghal ng grupo because he was already scheduled to fly back to Manila sa second day ng palabas.
Jols stayed in America for one week. Limang araw ang inilaan niya sa paglalakwatsa, shopping at pag-ikut-ikot sa iba't ibang lugar doon Naisingit din nila 'yung MTV na nakatakdang ipalabas sa isang sunday show ng isang malaking TV network at kinunan ang kabuuan nito sa Golden Gate Bridge, Union Square, Planet Hollywood at marami pang iba. Very successful nga ang pagtatanghal nina MAJ at Diether sa civic Center kung saan dinumog ito ng maraming kababayan natin. Nakiusyoso rin daw nga ang ilang mga puti roon. Nag-iba rin daw nga 'yung steel railing dahil sa tulakan at balyahan ng mga manonood.
"I was surprised na ganoon karami 'yung mga manonood namin. Hindi ko akalain na dudumugin kami ng maraming kababayan natin. Obviously, dahil talagang sabik na sabik silang makakita ng kapwa nila Pinoy. Ang sarap ng feeling na kahit paano ay nakapagbigay kami nang konting kasiyahan sa kanila," sabi ng aktres ng Okay Ka Lang.
Napag-alaman namin kay Daddy Jun Magdangal na bago pa sila bumalik ng Maynila, kinontrata na sina Jolina at Marvin para sa isang malaking show na gagawin sometime in September. At dito rin napatunayan nina MAJ na marami pala silang mga tagahangang naninirahan na sa San Francisco. After every show, tumatagal sila sa lugar dahil sa photo session at autograph signing na hindi naman ipinagkait ng dalawa. Hindi lang sa Pinas sikat sina MAj. Maging sa Amerika ay pinagkakaguluhan din sila! At marami rin ang gumagaya sa pinauusong fashion ni Jolina. Basta't nag-enjoy nang husto si Jolina sa kanyang first US trip!