Dahil sa US TRIP nina MAJ, for real na nga ang relasyon ng dalawa on and off the cam. ayon sa aming "spy" na kasama nila sa trip na 'yon, hindi na for reel kundi for 'real' na nga ang relasyong Marvin at Jolina. 'Yung sweetness at pagki-care ng isa't isa ang naging basehan para sabihin ng aming spy na sila na nga at hindi na nila puwedeng i-deny na close talaga sila. Kapansin-pansin kasi ang kakaiba nilang kilos sa karamihan. Andu'n 'yung pag-aalala kapag wala ang isa, at hindi mapakali ang isa kuang wala naman ang isa. At sa puntong 'yon, nasabi nga nilang sina MAJ na talaga. Sa isang panayan na ginawa namin kay Marvin ay pilit naming paaminin ang binata kung ano ba talaga sa kanila?
"Hindi ba't sinabi ko naman sa iyo na kung kami na ni Jolina ay ikaw ang unang makakaalam. Pero wala naman akong isasagot sa iyo na kami na dahil hindi ko nga alam kung kami na. Hindi naman namin kasi pinag-uusapan 'yon dahil parang kami na rin eh," magulong sagot pa ni Marvin.
"Kasi naman, 'yung relationship namin ngayon ay parang relasyo na rin ng magsyota. We talked a lot about our career, our plans and we go out together, nagdi-date kami at pinapayagan na siyang lumabas ng parents niya na ako lang ang kasama. Kaya parang meron na kaming relasyon. Sometimes nga ay may mga selos-selos tulad kapag napapatingin ako sa ibang babae. Nakikita ko 'yung reaction ni Jolina. Flattered ako at feeling ko ay mahal niya ako kaya naman ganu'n na lang ang reaction niya. Pero 'yung formal na pagiging mag-on, hindi pa namin napag-uusapan. Action speaks louder than words na lang siguro. Iyon ang drama namin kaya feeling nu'ng spy mo ay kami na talaga!" paliwanag na palusot ni Marvin.
Kahit naman kami ay may feeling na sila na talaga. 'Yung mga ka-sweet-an at kaek-ekan nila sa Baguio ay pagpapatunay lang na may namamagitan na sa kanila. Na-witness namin 'yung paglalambingang ginagawa lang ng magsyota at hindi lang talaga closeness 'yon. Hindi lang nila maamin dahil baka nga ang isunod doon ay paghiwalayin naman sila ng intriga!
"Hindi ako naniniwala riyan. Kung talagang malaki ang trust n'yo sa isa't isa, hindi kayo kayang paghiwalayin ng intriga lalo pa't araw-araw naman kaming magkasama. At this point, hindi ako takot doon at hindi rin naman namin tinatago ni Jolina 'yung tunay naming relasyon. We all know namahal na mahal namin ang isa't isa at siguro sapat na 'yon para kiligin 'yung mga fans namin. Hindi namin ito ginagawa para lang kiligin ang mga fans namin. Nagkataong tinamaan talaga kami sa isa't isa. Siguro naman ay okay na 'yon at hindi na nila kailangan pang marinig mula sa bibig namin ni Jolina na kami na!" palusot pang muli ni Marvin.
Hindi kami naniniwalang hindi sila mag-on. Itago man nilang sila na talaga, malalaman at malalaman din namin 'yon. Ang totoo raw, iyan ang magiging gift nila sa mga fans para sa nalalapit na showing ng movie nilang OKAY KA LANG.
"Ba't naman namin magigigng gift iyon eh di lalo kaming sasabihan na gumigimik lang para sa pelikula at sa pagkakataong 'yon ay hindi naman siguro kami papayag na gamitin 'yung feelings namin para sa movie. Lalo na ako, hindi ko papayagang pati itong pagmamahal ko kay Jolina ay gamit-gamiting promotions ng pelikula, hindi naman ako papayag sa ganu'n."
Magmula raw ng maging seryoso siya kay Jolina, tumino na siya unlike noong talagang totoong babaero siya? Kaliwa't kanan 'yung dine-date niya na patago?
"Totoo ko riyan. Talagang no time na ako sa ibang girls. Dati ay aminado ako na marami talaga akong idini-date na girls, lalo na nu'ng nagsisimula pa lang ako. Pero ngayon, nag-iisa na lang siya sa buhay ko at talagang sa kanya na lang umiikot ang mundo ko. Bantay sarado nga ako niyan!" pagbibiro pa ni Marvin.