Pagkatapos niyang magbida sa ilang niyang pelikula ay balik support na naman siya sa pelikulang Magandang Hatinggabi. Hindi pa rin ba siya conscious pagdating sa ganitong bagay?
"Okay lang naman sa akin ang sumuporta dahil hindi ko naman iniisip na talagang pambida na ako. Paminsan-minsan ay kailangan ko rin naman ng ganito saka Star Cinema pa rin naman ang nag-produce nito, kasama pa rin sa kontratang pinirmahan ko sa kanila kaya okay lang. Sina Rica, Bojo, Mylene ang makakasama ko rito kaya masaya, di ba? Para maiba naman tulad na lang nu'ng ginawa ko 'yung Ipaglaban Mo," mula pa rin sa magaling na aktor.