Tungkol kay Jolina, may reaction ba siya, sa nabubuo na namang intriga dahil sa pagkakapasok ni RICA PERALEJO sa Gimik? May masasabi ba siya in favor of Jolina?
"Hindi ko alam 'yung totoong dahilan ni Jolina sa pag-alis niya sa show. Ang alam ko lang ay naka-schedule na talaga ang pag-alis niya sa gimik. Nauna lang kami pero sa pagkakaalam ko ay susunod talaga siya. Tungkol naman kay Rica, wla sigurong masama kung pumasok man siya roon. Desisyon naman ng management at nu'ng humahawak sa kanya iyon. hindi dapat pang bigyan ng intriga 'yon. Sana lang ay huwag ng palakihin. sa pagkakaalam ko ay walang kinalaman si Rica sa desisyon ni Jolina na umalis sa Gimik," ang pakiusap pa ni Marvin.
Ngayong naiipit sa alanganin si Jolina ay anong suporta ang maibibigay niya rito?
"Lahat ng puwede kong isuporta sa kanya, walang tuldok. Kung paano niya ibinigay sa akin 'yung todo niyang suporta mula pa nu'ng bago pa lang ako ay ganu'n din ang ibibigay ko. Higit sa lahat ay ako ang dapat dumamay sa kanya. Ibibigay ko ang lahat ng suportang kakailanganin ni Jolina dahil ako ang higit niyang maaasahan kaninuman," say pa uli ni Marvin.
Ibig bang sabihin ay wala ng chance 'yung mga taong gumagawa ng paraan para sirain ang love team nila?
"Wala talaga silang chance na sirain kami ni Jolina dahil masmatibay ngayon ang samahan namin. Kailangan muna nilang gibain ang matibay na pundasyon namin para tuluyan nilang magawa ang gusto nila. Pero sa tingin ko, kung ngayon nila gagawin 'yon ay imposible dahil sa tindi ng samahan namin ni Jolina at ng pami-pamilya namin kaya mahihirapan sila."
Ano ang kumpiyansang hindi talaga sila puwedeng buwagin ni Jolina?
"May pelikula kaming ginagawa ngayon at uumpisahan na rin namin 'yung launching movie naming kukunan sa Baguio. Isang buwan na walang babaan 'yon, tapos kami pa ang nag-dub ng Ibong Adarna. Sa dami ng projects na ginagawa namin ni Jolina ay paano pa nila kami bubuwagin," huling sagot pa ni Marvin sa amin.