Naging successful ang 'Flames, the Movie', na kung saan kasama sa tagumpay si Bojo, sa tingin niya puwede na rin siyang ihanay kina Rico Yan, Diether Ocampo, Marvin Agustin at Patrick Garcia?
"Hindi pa puwede, dahil malayo pa rin ang agwat nila sa akin. Kasi everytime naman na hahabol ako, aangat din sila in a certain degree. Siguro kapag naabot na nila 'yung plateau, 'yun siguro ang time na makakahabol na ako.
"Seniority wise and batch wise talagang mas nauna sila sa akin, it's a given fact. So I have to prove myself more, bago maabot ang narating nila, kahit na sabihin nilang medyo kilala na ako ngayon.
"Sa ngayon masaya na ako dahil nararamdaman ko ang pagiging recognize ko na bilang artista, tapos ang self-confidence ko lalong tumataas pa.
"At least, ngayon nako-coordinate na ng marami ang mukha at pangalan ko, kumbaga kilala na nila si Bojo Molina na may sariling mukha."