Kung sa bakuran ng Channel 2, maikokonsider na rin siyang one of the important young actors doon. Sinisimulan na ngang gawan ng anggulo ng competisyon sa pagitan nilang tatlo nina Diether Ocampo at Marvin Agustin?
"Ah...hindi. Hindi naman mangyayari 'yun dahil unang-una, malaking-malaki na ang lamang sa akin ng dalawa. In terms of seniority, mas senior sila sa akin. In terms of popularity, alam ko na malayong-malayo pa ang agwat naming tatlo.
"Naniniwala ako sa competition as long as healthy competition naman. With regards to Diether and Marvin, magkakibigan kaming tatlo. Kung nasaan sila ngayon, nandito na sila, ako, nandoon pa lang," sabay muwestra nga nito sa kanyang kamay.
"At pare-pareho rin naman kaming inaalagaan, so, for sure, kung aangat man ako, aangat din sila, kaya walang point para magkasabay. Pero happy ako dahil pare-pareho naman naming nararating kung ano 'yung ine-aim namin kahit sabihin pang paunti-unti pa lang 'yan," pa-humble ngang tugon ni Bojo.
Naging successful ang "Flames, The Movie". tinanggap din ng mga manonood ang triangle nilang tatlo nina Jolina at Marvin.
Tanggap din ng tao ang team-up nila ni Mylene Dizon. Kung siya ang masusunod, sino sa dalawang ka-partner niya ang mas gusto niyang ma-push nang husto?
"Pareho lang...not that I'm playing safe. Magkaiba kasi silang dalawa ng personality. Si Jolina may pagka-jolly, kikay ang dating. Kumbaga, light ang papasukan namin.
"Pero nandiyan ang team-up nilang dalawa ni Marvin at maganda ang nangyayari sa loveteam nila. Para sa akin, mas okey kung hahayaan nila. Para sa akin, mas okey kung hahayaan muna natin silang dalawa.
"But since okey rin naman 'yung feedback sa aming tatlo, once-in-a-while, okey lang din na magkakasama kami or sometimes, kaming dalawa ni Joleng." palayaw pa niya kay Jolina.